漁道樂 (已結業)

見佢裝修左好耐，前幾日見餐廳開左。諗住同同事試下。點知去到要排隊，等左5分鐘入左去。（一定要睇到最後）門口已經好靚，最啱我地呢d中意打卡嘅。入到去，連埋d歌成個感覺好似去左日本咁。氣氛唔錯，幾舒服。如果想趁lunch 放鬆下又唔想逼。值得一試。開餐！叫左個和牛定食，唔錯。好肯定d牛係靚貨，不過得四塊，可能係成本原因。d米無得輸有湯，前菜。好味特別前菜，波菜券，好開胃。以為完，點知仲有四件壽司，有海膽！！！一百元超級抵食！打工仔嚟講，一個星期我只可以豪少少一兩次，平時都係茶餐廳就一餐。尖沙咀一百左右，好嘅選擇唔多，呢間絕對抵食。我一定會再嚟。最後讚下個戴眼鏡經理，好好好細心，見我著返件外套，特登走嚟問我係咪凍，可以校細d冷氣同換過d茶。雖然唔係凍，只係想去廁所。但真係好細心，依家香港服務業好少用心。咁忙都問一句，因為你，我寫呢編Open Rice! 你如果見到，應該知道我是誰，哈哈希望你哋生意興隆。好野食，好環境，好服務，下次再嚟支持！

朋友同我都好鍾意食浜燒，夾左時間一齊黎漁樂道食!燒甲羅蟹肉非常多，一絲絲蟹肉入味好鮮甜，蟹膏味微微，唔係好夠喉燒飽魚新鮮飽魚! 燒個陣仲郁下郁下，入口夠爽口彈牙，新鮮野係唔同啲👍燒蠔蠔味十足，而且比較厚身，燒完出黎唔會大縮水特選壽司盛合唔個食咩好揀左壽司盛，有唔同款式既壽司。其中最鍾意海膽軍艦，海膽味非常濃郁，而且夠甜。另外就係帶子壽司，帶子個種鮮甜真係無野比得上甜蝦刺身甜蝦夠大隻，食落夠甜。最正係佢蝦頭既膏! 鮮味十足。加拿大海膽(一板)海膽味超濃，入口creamy又唔腥，加紫菜一齊食更香口😍金鎗魚刺身紅肉深海魚，味道同質感好似吞拿魚，但肉質較為紮實。鍾意魚味濃既必點!

對磯燒既熱愛有增無減，特別係近年磯燒店越開越多~ 知道公司附近新開左日本磯燒店，又可以試新野啦!漁屋木系裝修、玻璃風鈴、手繪畫，充滿和風氣息~先點杯烏龍燒酎~烏龍茶味濃，唔覺唔覺飲多2啖，但其實酒精成份都幾多~巨峰乳酸，冰凍乳酸配上果香都幾開胃~令人心動既活貝盛合出場啦~真蠔 、鮑魚、活蜆、帆立貝、日本赤魷燒海鮮既過程，我地都不用動手，唔洗驚唔夠熟或者燒乾~ 鮑魚大大隻，好新鮮，煙煙韌韌。睇住店員純熟地燒，鮮味隨之而來~肥美既蠔，蠔身肉厚飽滿，入口浸透住海水味，保持到濕潤度，肉質亦未有變韌~ 燒原隻帆立貝，裙邊燒得剛好唔會韌，仲幾彈牙~貝柱部份更鮮甜美味。燒蛤蜊依然脹卜卜，下面一口蜆湯亦非常鮮甜。睇住赤魷魚慢慢收水，店員掃上燒汁，那誘人既惹味香氣實在吸引，肉質細緻幼嫩。芝士魚餅，魚片中間夾住芝士，隨著熱力令芝士溶化，魚片入口香軟~樂。五點刺身有油甘魚、三文魚、甜蝦、海膽魷魚、赤身，每款2件，新鮮肥美，不遜色~ 邪惡既炸雞軟骨，入口外脆，內裡既軟骨帶雞油既香味。點了鐵火卷，用紫菜包住吞拿魚、飯，係簡單又鮮味既食法~ 最後來一客什錦天婦羅天婦羅炸漿薄薄的，香口酥脆。　包括海老、魚、冬菇、南

好久沒吃日菜啦， 今天就拉著男友去吃餐好的！尖沙咀的漁道樂開業不久， 門面裝潢充滿日式居酒屋特色， 還有塌塌米座位，甚有風味。 也附設VIP房， 能容納多人聚會。看著久違的日本料理真是滿心歡喜~ 擺盤精美的刺身五點， 滑溜軟糯的大蝦、 甘甜海膽配卜卜脆魚籽、 件件厚切的三文魚、油甘魚、吞拿魚， 啖啖肉大滿足。 食材新鮮基本上不用沾芥茉醬油， 直接吃品其原味更好。牡蠣和牛賣相有如酒吧小菜別具特色， 和牛微微炙熟軟滑彈牙， 牡蠣飽滿肥美， 以醬油提味充滿甘香。軍艦壽司以青瓜代替紫菜更添一分清新， 特別適合炎炎夏日， 滿瀉的食材在叫我別猶疑了快一口吞下， 青瓜口感爽脆，跟壽司意外地配合。令人期待的浜燒上場， 大蜆、生蠔、鮑魚、帆立貝、魷魚非常新鮮， 炙燒時以白酒簡單調味即可， 入口鮮甜！浜燒由店員專門處理火候恰到好處， 生蠔半熟既滑又甘香， 大蜆甜中帶點海水鮮味， 大大隻帆立貝肉質保持嫩滑， 要是讓我來燒的話一定會失色不少XD巨形魷魚入口彈牙，有嚼勁又不會燒得過火， 刷上醬油特別甘香，正宗日本風味！邊吃浜燒邊喝巨峰提子梳打， 特別消暑解渴

路過見到一間新開既日式水產店，係門口睇緊餐牌既時候，有一位職員出黎介紹下間店。佢話佢地既師傅係一位由日本回流既香港人，係日本既餐廳入面做左廿年，所以有返咁上下實力！聽佢介紹完感覺唔錯，就去試下！入到去，第一個感覺係好似去左日本磯丸水產，好有回憶。樂•五點刺身 （$368）三文魚籽、海膽、魷魚 - 海膽好鮮甜，三文魚籽既爆汁加埋彈牙魷魚，只會得出一個結論「點解得咁少，唔夠喉丫」吞拿魚 - 雖然唔係拖羅，但絕對無一陣血腥味，亦唔會好似刷子膠咁韌甜蝦 - 比起正常甜蝦大隻，爽口，彈牙油甘魚 - 肉厚肥嫩，咬落去感覺到d油射入果口咁三文魚 - 一睇d紋就知靚野，油脂均勻，AA+浜燒蟹甲羅 （$68@）黎到呢個地方，點可以唔叫個浜燒蟹甲羅食下！職員會首先俾你睇下，蟹膏，蟹籽同蟹肉未煮之前既樣。跟住，佢就會即席係你面前烹調，佢一路煮，d蟹膏既香氣就一路飄埋黎。真係無得頂！除左香氣之外，食落口都係啖蟹肉伴着蟹膏同蟹籽鮮甜味！浜燒鮑魚（$68@）試完浜燒蟹甲羅之後，實在覺得太正，所以決定試多個鮑魚，睇下佢係咪都咁堅。鮑魚上枱果陣仲係非常新鮮，會不停搖擺。同蟹甲羅一樣，職員都會即場係你面前燒，你會見到職

呢排太忙喇，要好好善待自己，所以同朋友去尖沙咀食好野。最鍾意係一入門口呢個位，好靚~睇完個menu咩都想試下，唔覺唔覺點咗好多野，有刺身又有燒物🤭呢個漁道樂軍艦係自己最鍾意既，佢將青瓜切成薄片，取代咗平時成日見既紫菜，食落好清新！朋友係牛油果控，加上軟殼蟹味道亦唔錯，所以對牛油果軟殼沙律讚不絕口。至於生蠔、油甘魚同三文魚三種刺身都好新鮮，冇腥味得嚟又保留到海鮮既原始風味~職員會幫手燒大蝦同蟹腳，可以毫無後顧之憂咁食食食😆蒜燒牛舌好惹味~天婦羅亦唔錯白桃梳打同蘋果乳酸都好fresh好好飲

今晚收工去尖沙咀食晚餐，之前網上見到呢間新開既浜燒餐廳，好吸引，就約朋友黎食。黎到就被安排坐卡位，呢度卡位超闊落，而且要除鞋著呢度拖鞋先坐入去，個地下係榻榻米，好軟好舒服，呢度都好多日本裝飾物，又播住日文歌，超有日本感覺！<蟹盛冷豆腐>($68)呢個冷豆腐有蟹膏同蟹肉係面，味道夠曬濃郁，配埋啲沙律，夠曬開胃。<漁樂牛油果> ($88/隻)擺得超靚唔捨得食，面頭係蔥拖羅蓉仲有三文魚籽加海膽！牛油果成熟度剛好，口感creamy，配同樣creamy既海膽仲有拖羅口感好夾。<刺身>分別係北海道海膽刺身（$138）、原隻赤貝刺身（$98）、原隻帆立貝刺身（$68）。海膽係原版海膽，味道鮮甜唔腥。赤貝爽口，同啲珊瑚草一齊食口感不得了。帆立貝好厚肉，加啲青檸汁就帶出曬啲鮮味。<海皇卷> ($98)又係擺得好靚！上面有三文魚、油甘魚、赤身粒，入面係卷住青瓜絲，呢個真係又飽肚又有魚生既鮮味，正！<漁道樂.活貝盛合> ($388)呢個盛合包括活蜆、鮑魚、帆立貝、帆牡蠣、日本赤魷。全部新鮮由侍應幫手燒，唔會落過多調味料，食到原汁

尖沙咀新開嘅居酒屋 好闊落 環境好舒服有塌塌米 仲有VIP房一黎到就咪左杯巨峰啤酒有驚喜 估唔到幾夾 甜甜地好易入口刺身好新鮮 上枱仲會有冰冰住全部刺身都係厚切 咬落去唔會有筋再黎多個海鮮浜燒個蜆好鮮甜 燒到佢打開 仲有啖海水係入面 正個魷魚一邊燒 一邊加燒汁再燒 咬落去有啲爽脆 唔會好韌蝦都大大隻用青瓜代替紫菜包住舊飯 食落冇甘漏 啲魚生角切放滿晒海膽好甘口👍🏽👍🏽👍🏽👍🏽仲有個大大粒嘅魚子素菜天婦羅有茄子 南瓜 雞脾菇 蕃薯青青地 差左少少咸味如果用芋頭取代菇會比較好因為菇會出水

見到金巴利道開左間新嘅日本餐廳，星期五同同事Lunch諗住食好啲，一於嚟到試下。食中午十二點半，可能係新開張，未見太多人，唔洗等位直接入座。鋪頭係日式居酒屋格局，有分普通坐凳同tatami，我同同事比較喜歡坐凳。我地身型唔算大份，覺得地方闊落，坐得都幾舒服。一嚟到先嗌左杯生啤，我就點左個魚生刺身便當，朋友點左個燒牛肉便當。餐廳知我地打工仔放飯時間有限，先上左個前菜、沙律同湯畀我地食住先。過左五分鐘，再上埋主菜同白飯。我個份魚生刺身厚切，有兩隻櫻花蝦，兩片吞拿魚，油甘魚，三文魚，海膽同魷魚。相比起市面其他同價位同類型日本餐廳，算係非常唔錯，食得出食材好新鮮同好足料，特別係海膽，來貨同保存保得好唔好係一定呃唔到人。而同事個牛肉便當係成塊燒肉眼扒切件放係飯上面，同事話入口肉身非常軟林，油脂肉香十足，水準絕對對得住個價。食到咁上下，主廚出嚟同我地打招呼，問下我地感覺如何，同時向我地介紹番鋪頭嘅裝修同擺設。原來牆上嘅浮世繪壁畫係鋪頭專誠請人嘅畫，而店內傢付俬擺設同清酒杯係日本搜羅番嚟，䀆力為客人帶來日式浜燒店嘅氣氛，睇到鋪頭係想滿足客人上面落過心思。我同同事本身都飽左八成，但難得老闆推介，話一定

放工想去四季文昌食十下十下點知執左變左間日本野 - 漁道樂 見門面幾光猛又新就膽粗粗同男朋友行入去 (因為太累吳想諗) 先講服務一入黎d伙計又日文歡迎”也些媽些!” 又問西裝駛吳駛拎去store 再望下周圍 原來我地入左間浜燒嘅日本野(連自己食乜都吳知)嗱嗱嗱 裝修港女mode 咩都吳駛講 先黎個打卡👽 兩大幅壁畫又日本風鈴又燈籠 可惜放工個樣太殘 無留下羨影...(下次下次)重點講食物👨🏻‍🍳一口氣叫左8樣 但2個人食1. 刺身 鮑魚 象but蚌 Fat吞拿魚 貝類2. 和牛生蠔壽司 (生蠔代替飯 幾鬼豪） 3. 冷盤波菜 麻醬豆腐（正！）4. 熱石和牛 （大大啖） 5. 漁道樂軍艦 （全部用一片薄青瓜皮代替紫菜 上面又海膽 Tuna 蟹肉 蟹籽 Omg 好夾果味道) 6. 浜燒蟹肉殼 (係你面前慢慢燒 好有❤️) 7. 柚子啤 (真係要啤啤佢 番工火🔥重) 就係咁 棒住個肚出門口 整體真心回頭高下次成班人去 會可以試更多菜式 推推推

襯老公外地工作回來咁辛苦，比我揾到間尖沙咀新開嘅日本餐廳，入口已經好吸引好有日本風味，主打浜燒海鮮，刺身，壽司，天婦羅……實在興奮，唔知是否最近潮流興起，最緊要食材新鮮，所謂不時不食，坐低四圍見到牆上 menu 推介都好多，如長腳蟹，象拔蚌原條刺身，日本毛蟹等，可以說豐儉由人，入口已經好有 Heart營造到日本的感覺。店內還有可坐榻榻米的卡位，好特別因為要除鞋入坐有拖鞋供應。Menu同煮食器材都超新淨，老闆親自招呼介紹，原來只是開左兩星期到，老公話聞到裝修餘味，新木枱同櫈。我同老公就揀左燒帆立貝同甲鑼燒兩款最愛。還有專人為我地煮理，非常爽呀。睇住燒好後就安排比客戶們享用。order左三款刺身，三文魚，油甘魚同牡丹蝦，切得厚身又新鮮，牡丹蝦都張口鮮甜。蟹盛冷豆腐 有驚喜整個冷豆腐面滿滿蟹肉蟹膏蟹籽，軟滑帶蟹鮮甜，個冷豆腐汁也帶配襯。雜錦天婦羅 有炸魚，虾，同幾款茄子，冬菇，蕃薯片，熱辣辣酥脆夠薄嘅天婦羅粉漿，剛好包著食物表面。還有提供日本 suntory生 beer同我個日喜愛的 soda (桃味) 不太甜又微微桃香。

見門口整到好靚，又想食日本野，入去試下。裡面寬敞舒適，不會放置大量座位，臺與臺之間距離大；更值得提係佢個日式裝潢華麗得讓人驚嘆，別樹一格。叫了一夜魚干、帶子刺身、凍豆腐、西京燒、浜燒硯、軟殼蟹天婦羅。必須要說個一夜魚干整得好優秀好惹味，外脆內軟、肉質好鮮嫩，下次黎一定要再食。浜燒蜆，店員幫手燒埋，香味四溢，蜆肉大大舊，海水味重，可惜當晚有些海鮮售罄，不然試埋其他浜燒海鮮。西京燒水準很高，魚肉很嫩滑，味增醃得很入味。這裡的帶子刺身是我試過的餐廳當中比較上盛的，鮮甜大份。其實我唔食豆腐，但佢個汁撈埋面頭蟹肉，非常美味可口，夏天吃可謂至高無上的享受。

第一次寫OpenRice, 俾左漁道樂。呢間日本餐廳，由門口開始，已經吸引到我。好靚嘅日本漁旗，日本燈籠，捕漁球，捕漁網，風箏，風鈴⋯太多。入到去，裡邊嘅裝潢設計，非常道地，每樣野都好仔細。最開心，係佢咁啱播緊火影主題曲青鳥。作為動漫迷，超like 佢哋個playlist。服務人員笑容好足好親切。一路行一路介紹餐廳。佢地試緊業，客人唔太多，經理好好人，任我打卡。午餐時間，睇下有咩食，套餐有沙律，湯，主食。有啲一百蚊有找，尖沙咀嚟講，非常抵食。已經算係我食過嘅同類型餐廳，非常非常照顧打工仔嘅一間。平雖然平，嘢食質素一樣重要。唔講太多，自己有機會試吓。全部由擺盆，食材，調味，我都敢話係無可挑剔。個鰻魚飯餐，以$100計，超值。不過唔夠喉，因為未能夠嘗試到佢哋啲燒海鮮。坐咗一個鐘，榻榻米太舒服，唔想走，但奈何要返工。拎左張卡片就走。下星期夜晩朋友生日再嚟過，食燒海鮮。經理話，正式開業後，會有跳舞同藝妓等表演。希望可以夾到期。

今日係同男友既小小記念日 我地決定食好少少黎到位於尖沙咀既”漁道樂”食日本野燒帆立貝🐚 好大隻又鮮甜 仲燒到好多汁!燒大蝦🦐肉質彈牙!職員好細心聽到我地想落少少調味🧂去燒 ,都主動問一問, 仲會主動幫你換埋碟, 服務態度好好👍🏻燒醬甲羅🦀- 蟹籽混蟹肉 我地嗌左3種壽司🍣金鎗魚蓉壽司, 帆立貝壽司, 牡丹蝦壽司🦐(1件)清酒🍶煮蜆蜆肉好鮮甜🤩什錦天婦羅🍤有炸南瓜 炸苦瓜絲 炸茄子🍆鮮菌和牛燒🐂濃濃既牛味 燒到d油脂出哂黎!檸檬🍋燒酎🍶巨峰🍇梳打🍹

日本放題就食得多，真正的日本菜本人就未食過了，今天有朋友請客，終於有機會一試日本菜了，朋友帶了我去一間名叫漁道樂的日本餐廳，一進去空間感好夠，我們坐的位置是傳統的榻榻米，前面有張矮枱咁的，原來要除鞋的，咁當然入鄉隨俗啦，坐好後，侍應就奉上了熱茶和餐牌，因只得我們兩個人，所以試的菜式不太多，但都足夠我們享用了，每人叫了一杯酒和點好餐後，不一會美味食物已經上到枱了，先是一個沙律，酸酸甜甜都幾開胃的，食慾也湧上來了，之後是一個刺身拼盤，三文魚好肥美，甜蝦好鮮甜，其他都不過不失咁啦，再來是燒魷魚和活鮮貝，這個有專人在我們面前燒埋俾我們吃的，燒時真的是香氣撲鼻，這個燒得很好，很爽脆，活貝大大隻很甜，之後就到吉列黑毛豬，外表好像炸得過火，但切開後，居然還有肉汁，吃落還很嫩滑呢，急不及待又到壽司出場，個人覺得壽司無咩特別，無剌身咁新鮮，壽司肉也較薄，只是不過不失吧，唯一要提的是個海膽壽司，真是很好味，一點苦味也沒有，好新鮮，應是即開的，最後一道菜就是和牛炒飯了，2人分了吃，和牛很嫩，分量也不算少，個飯炒得好香，好好味，只是覺得過油了一點囉，總括來說，都是值得再吃的餐廳，和情侶共餐的好去處呢。