影片
更多
2019-09-23
557 浏览
今晚收工去尖沙咀食晚餐，之前網上見到呢間新開既浜燒餐廳，好吸引，就約朋友黎食。黎到就被安排坐卡位，呢度卡位超闊落，而且要除鞋著呢度拖鞋先坐入去，個地下係榻榻米，好軟好舒服，呢度都好多日本裝飾物，又播住日文歌，超有日本感覺！<蟹盛冷豆腐>($68)呢個冷豆腐有蟹膏同蟹肉係面，味道夠曬濃郁，配埋啲沙律，夠曬開胃。<漁樂牛油果> ($88/隻)擺得超靚唔捨得食，面頭係蔥拖羅蓉仲有三文魚籽加海膽！牛油果成熟度剛好，口感creamy，配同樣creamy既海膽仲有拖羅口感好夾。<刺身>分別係北海道海膽刺身（$138）、原隻赤貝刺身（$98）、原隻帆立貝刺身（$68）。海膽係原版海膽，味道鮮甜唔腥。赤貝爽口，同啲珊瑚草一齊食口感不得了。帆立貝好厚肉，加啲青檸汁就帶出曬啲鮮味。<海皇卷> ($98)又係擺得好靚！上面有三文魚、油甘魚、赤身粒，入面係卷住青瓜絲，呢個真係又飽肚又有魚生既鮮味，正！<漁道樂.活貝盛合> ($388)呢個盛合包括活蜆、鮑魚、帆立貝、帆牡蠣、日本赤魷。全部新鮮由侍應幫手燒，唔會落過多調味料，食到原汁
黎到就被安排坐卡位，呢度卡位超闊落，而且要除鞋著呢度拖鞋先坐入去，個地下係榻榻米，好軟好舒服，呢度都好多日本裝飾物，又播住日文歌，超有日本感覺！
<蟹盛冷豆腐>($68)
呢個冷豆腐有蟹膏同蟹肉係面，味道夠曬濃郁，配埋啲沙律，夠曬開胃。
<漁樂牛油果> ($88/隻)
擺得超靚唔捨得食，面頭係蔥拖羅蓉仲有三文魚籽加海膽！牛油果成熟度剛好，口感creamy，配同樣creamy既海膽仲有拖羅口感好夾。
<刺身>
分別係北海道海膽刺身（$138）、原隻赤貝刺身（$98）、原隻帆立貝刺身（$68）。海膽係原版海膽，味道鮮甜唔腥。赤貝爽口，同啲珊瑚草一齊食口感不得了。帆立貝好厚肉，加啲青檸汁就帶出曬啲鮮味。
<海皇卷> ($98)
又係擺得好靚！上面有三文魚、油甘魚、赤身粒，入面係卷住青瓜絲，呢個真係又飽肚又有魚生既鮮味，正！
<漁道樂.活貝盛合> ($388)
呢個盛合包括活蜆、鮑魚、帆立貝、帆牡蠣、日本赤魷。
全部新鮮由侍應幫手燒，唔會落過多調味料，食到原汁原味。
貝殼類侍應會幫手剪走內臟部分，又會切細方便燒又方便食。
<飲品>
分別揀左巨峰啤酒($68)、青檸菠蘿燒酎($65)。味道唔死甜，一路享受美食一路飲少少酒簡直完美。
张贴
