影片
更多
2019-09-22
45 浏览
見到金巴利道開左間新嘅日本餐廳，星期五同同事Lunch諗住食好啲，一於嚟到試下。食中午十二點半，可能係新開張，未見太多人，唔洗等位直接入座。鋪頭係日式居酒屋格局，有分普通坐凳同tatami，我同同事比較喜歡坐凳。我地身型唔算大份，覺得地方闊落，坐得都幾舒服。一嚟到先嗌左杯生啤，我就點左個魚生刺身便當，朋友點左個燒牛肉便當。餐廳知我地打工仔放飯時間有限，先上左個前菜、沙律同湯畀我地食住先。過左五分鐘，再上埋主菜同白飯。我個份魚生刺身厚切，有兩隻櫻花蝦，兩片吞拿魚，油甘魚，三文魚，海膽同魷魚。相比起市面其他同價位同類型日本餐廳，算係非常唔錯，食得出食材好新鮮同好足料，特別係海膽，來貨同保存保得好唔好係一定呃唔到人。而同事個牛肉便當係成塊燒肉眼扒切件放係飯上面，同事話入口肉身非常軟林，油脂肉香十足，水準絕對對得住個價。食到咁上下，主廚出嚟同我地打招呼，問下我地感覺如何，同時向我地介紹番鋪頭嘅裝修同擺設。原來牆上嘅浮世繪壁畫係鋪頭專誠請人嘅畫，而店內傢付俬擺設同清酒杯係日本搜羅番嚟，䀆力為客人帶來日式浜燒店嘅氣氛，睇到鋪頭係想滿足客人上面落過心思。我同同事本身都飽左八成，但難得老闆推介，話一定
一嚟到先嗌左杯生啤，我就點左個魚生刺身便當，朋友點左個燒牛肉便當。
餐廳知我地打工仔放飯時間有限，先上左個前菜、沙律同湯畀我地食住先。
過左五分鐘，再上埋主菜同白飯。
我個份魚生刺身厚切，有兩隻櫻花蝦，兩片吞拿魚，油甘魚，三文魚，海膽同魷魚。相比起市面其他同價位同類型日本餐廳，算係非常唔錯，食得出食材好新鮮同好足料，特別係海膽，來貨同保存保得好唔好係一定呃唔到人。
而同事個牛肉便當係成塊燒肉眼扒切件放係飯上面，同事話入口肉身非常軟林，油脂肉香十足，水準絕對對得住個價。
食到咁上下，主廚出嚟同我地打招呼，問下我地感覺如何，同時向我地介紹番鋪頭嘅裝修同擺設。原來牆上嘅浮世繪壁畫係鋪頭專誠請人嘅畫，而店內傢付俬擺設同清酒杯係日本搜羅番嚟，䀆力為客人帶來日式浜燒店嘅氣氛，睇到鋪頭係想滿足客人上面落過心思。
我同同事本身都飽左八成，但難得老闆推介，話一定要試下佢地主打嘅浜燒海鮮同牛舌，我同朋友就點多左一碟燒牛舌、鮑魚，扇貝同蟹蓋。
呢度有樣野非常唔錯，就係海鮮唔洗自己燒，一點左餸就自動有人serve 你幫你燒埋，值得一讚。
好彩留左些少飯未食送個蟹蓋，個蟹蓋係十級推介，果然無介紹錯，啖啖蟹肉，攞嚟拌飯個種滋味係非常印象深刻同幸福。
扇貝都好彈牙同新鮮，唔會一咬就散晒，而個鮑魚係燒到岩岩好，非常爽甜彈牙。
最後埋單全單加埋唔過五舊，人均都係二百幾蚊，可以話係非常抵食。
寫呢篇文嘅同時，筆者已經諗緊下星期再同更多同事介紹一齊嚟開餐。
张贴
