漁道樂 (已結業)

最近越開越多有得食浜燒海鮮嘅日式居酒屋，呢間漁道樂喺正美麗華隔離，約人食飯唔駛驚唔識去。牛油果軟殼蟹沙律 $88 滿滿嘅軟熟牛油果加上大大隻酥脆嘅軟殼蟹，永遠都係perfect match，好食。漁 · 七點刺身 $468 有帆立貝、赤貝、三文魚、油甘魚、吞拿魚赤身、牡丹蝦、海膽，三文魚色澤嘛嘛，油甘魚、赤貝、赤身好新鮮，正。漁道樂軍艦 $168 呢款軍艦用青瓜代替紫菜，多一份清新爽口，其中三文魚子軍艦食到我超滿足，份量多到滿瀉，咬開爆破出滿口鹹香，同青瓜好夾。蒲燒鰻魚 $108 燒得好香，醬汁濃稠好夠味。蒜燒牛舌 $68 輕輕調過味，蒜味唔會太搶，牛舌薄切，肉質爽口。明太子燒玉子 $68 形狀同平時食開嘅玉子燒唔同，呢個有啲似炒蛋feel，玉子有啲易散開，但味道就滿意嘅，食得出蛋好嫩滑漁道樂 · 活貝盛合 $388 有蜆、魷魚、鮑魚、蠔、帆立貝，其中帆立貝燒得又鮮甜又香，而魷魚應該落咗醬汁燒，汁燒完好惹味。蟹甲羅 $68/隻 望落好似無蟹膏，取而代之係加碼嘅蟹肉，不過燒完出嚟都ok，一絲絲蟹肉混埋蟹子，鮮甜再加上鹹香。雜錦天婦羅 $128 呢個價錢嚟講cp值唔算太高，份量有點少。漁樂

約左舊同事食飯，係尖沙咀返工嘅佢提議去食日本菜，話早前經過呢間餐廳覺得幾好。餐廳由門面至入面嘅裝修都係用左日本傳統和風設計，好似真係去左日本嘅餐廳咁😃店員仲同我地介紹牆上面嘅壁畫，原來係人手一筆一筆咁畫上去，好有心思！呢間餐廳主推浜燒，所以係每張枱都會放置左一個爐，最好嘅地方係當你揀好想食啲咩海鮮，海鮮上枱嘅時候就會有店員幫手燒，只需係旁邊等食就得，咁就唔洗擔心自己會燒得唔熟/過熟啦！而且係旁邊睇住海鮮慢慢變熟嘅過程真係好治療好滿足，唔洗自己動手，食都食得開心啲我地揀左四樣浜燒食物，分別係：蟹甲羅($136)、大蝦($136)、帆立貝($136)同活蜆($48)。四種海鮮都十分新鮮，所以就咁燒熟無咩落調味料都已經好鮮甜。當中我最鍾意就係蟹甲羅，鵪鶉蛋撈埋蟹肉嘅配搭真係好好食，而且蟹肉份量好多，啖啖蟹肉好有口感，口感豐富到好似食緊飯咁另外，我地都叫左啲刺身、壽司、小食，整體質素都幾好.海鮮青芥沙律 ($68)沙律菜無咩特別，不過三文魚、甘油魚刺身同蟹籽都幾新鮮，所以食落幾fresh，當頭盤唔錯。樂•五點刺身($368)沙律上面個幾塊刺身又點滿足到我地，所以我地再叫左呢一盤刺身，我地叫左三

今晚跟朋友在尖沙咀聚舊，想找一間日本餐廳，在尖沙咀美麗華附近見到這間漁道樂，在日本有很多間這類型的爐端燒居酒屋，在香港確實非常少有，就決定和朋友試試，餐廳應該開業不久，所有裝修設備都相當新，可能時間尚早，餐廳不是太多人，環境和燈光等裝潢令人感覺正在日本一樣。餐牌款式種類很多，有鍋物、燒物、炸物、沙律、壽司、海鮮等一應俱全，還有大量不同款的清酒、梅酒、燒酌等。我們點了樂-五點刺身$368、燒蟹甲羅$136、炸雞軟骨$48、什錦天婦羅$128、蒜燒牛舌$68、燒帆立貝$136、燒芝士魚餅$48、白桃梳打$68、巨峰乳酸$68。樂-五點刺身 – 有甜蝦、吞拿魚、三文魚、海膽魷魚等，三文魚厚切，鮮味十足，口感較厚實，不會太淋，甜蝦相當大隻，海膽魷魚魷魚入口爽滑彈牙，極富口感，每一口都是海膽的甘香。燒蟹甲羅 – 蟹肉加上蟹子味道非常夾，蟹肉的鮮味相當突出。燒帆立貝 – 侍應會幫忙燒，湯汁非常鮮味，帶子厚肉，口感一流。燒芝士魚餅 – 芝士夾在中間彈牙美味。炸雞軟骨 – 份量很多，跟朋友傾計談心必點的食物，沾上沙律醬更加惹味。什錦天婦羅 – 金黃香脆，平日比較少吃炸物的我也忍不住口。蒜燒牛舌 – 細

餐廳喺尖沙咀金巴利道，開業不久。好鍾意呢度嘅裝修，門口一排靚靚日式玻璃風鈴，打開趟門就聽到清脆風鈴聲，加上色彩繽紛嘅壁畫、酒樽、木造嘅棟樑、天花板嘅捕魚網仲有貝殼，好有海濱feel。最大特色係卡位係Tatami位嚟，坐上去要換拖鞋。踩住軟綿綿嘅tatami，好relax，疲勞盡消。【巨峰乳酸$68】【白桃梳打$68】兩杯嘅生果味道都好突出，又大杯，炎炎夏日飲簡直一流。【蟹肉青瓜沙律$58】蟹肉同蟹籽都幾多，加上新鮮沙律菜同沙律醬，味道幾多樣化，鮮爽開胃。【樂．五點刺身$368】五款刺身係三文魚、吞拿魚、油甘魚、蝦、海膽。刺身好厚切，成塊食好滿足。海膽刺身仲有魷魚同三文魚籽。幾種唔同鮮味撈埋一齊食又幾正。【漁道樂軍艦$168】最大特色係用新鮮青瓜代替紫菜包住，保持爽口而味道更清新。六款壽司有海膽、蟹籽、三文魚籽、吞拿魚蓉、蟹肉同雜錦。用料都幾多，堆滿晒成件軍艦㗎。【浜燒】終於到我最期待嘅浜燒。浜燒由店員幫手燒，我哋就等食。每次浜燒必食【燒蟹甲羅$68】，滿滿嘅蟹肉再加蟹籽香蔥，不過我就鍾意蟹膏多嘅甲羅燒。【燒大蝦$68】大蝦燒完仲保持鮮甜，仲爽口惹味。【燒活規$48】蜆肉算大隻、水潤，淡

樂。五點刺身 💰368 8⃣呢五點刺身分別係油甘魚、三文魚、甜蝦、海膽魷魚、赤身。首先要講就係佢哋嘅擺盤好精緻，未食齋睇落去已經好得體。油甘魚、三文魚、赤身睇相就知道相當厚切，油甘魚肉質帶點爽，食落去充滿魚香。三文魚無任何筋，肥美又鮮甜。海膽無任何苦味超級甜，魷魚完全唔腥又彈牙。-燒鮑魚 / 燒杜蠣 💰136 respectively 7⃣小編真心覺得呢個間舖好用心去經營，點解咁講因為佢哋安排人，專門去你張檯幫你燒海鮮，因為認認真真有幾多個人識控制個火候wor。燒鮑魚依然保持其鮮甜，而且特別爽口仲帶有一絲燒烤味。燒杜蠣唔會令到佢好乾，相反仲相當水潤添。-蒲燒鰻魚 💰108 8⃣呢個同市面上好軟身嘅鰻魚唔一樣，因為佢係比較彈牙同埋爽口，調配鰻魚汁啱啱甜度適中。-自家玉子燒壽司 💰28 蟹肉蟹膏壽司 💰68 8⃣玉子燒十分嫩口同爭鮮冰凍玉子，真係差十萬九千里。蟹肉壽司食得多，加埋蟹膏成個level係grade咗，層次更加特別。-唐揚炸雞 💰68 7⃣炸雞出面層炸漿唔會好似小編面皮咁厚，而且雞超級多汁同日本食到差唔多。-蟹盛冷豆腐 💰68 7⃣味道好清新，簡單啲嚟講就係將蟹肉鮮甜transfer到豆腐，

好友剛從外地回港，相約我見面，說要把她早前到各地旅行的手信集合一次過送給我，實在非常有心！既然這樣，挑選飯聚的地點就一於交由我負責吧！記得早幾日去尖沙咀 Shopping 時，發現金巴利道新開咗間日本料理。瀏覽過網上資料，原來餐廳除了主打浜燒外，還有刺身、壽司、天婦羅等供應，而且店內的海產，均由日本直送，新鮮度爆燈， 反正我和友人兩個都愛吃日本菜，一於試下。餐廳位於金巴利中心地下，店內地方頗大，佔地甚廣，環境寬敞舒適，場內放了一個三層魚缸，用來放養活海鮮，魚缸設有獨立水泵，以確保海鮮的新鮮度，再配以室內懸掛的日式旗布、紅白藍三色燈籠、玻璃風鈴等，裝潢充滿日式感覺，一不小心還以為自己置身異地呢！店子另設有兩間 VIP 房，適合和朋友來聚餐。友人對食一向好講究，所以今次點菜任務就一於交由她發辦。先來兩款刺身，點了油甘魚 ($98) 同三文魚 ($68)，刺身擺盆很精美，以菊花作點綴，賣相高貴得體。油甘肉質油潤帶微爽、食落充滿魚香；三文魚鮮甜肥美，新鮮度十足，加上厚切無筋，每一口都非常美味，令人吃得很滿意。接著輪到吃浜燒，點了燒蟹甲羅 ($138)，每張桌上都設有一個網燒烤爐，起初還以為要自

突然好掛住之前喺大阪食嘅燒海鮮，咁就搵吓尖沙咀附近有冇呢啲嘅鋪頭啦，跟住就發現公司附近就有一間喎，所以收工之後就過去食啦。見到入邊嘅裝修都好有日本風格，而且好新淨，座位亦都好闊落。咁啱後邊嗰台仲係日本人添。一嚟就每人夾杯飲品先啦，叫咗一杯乳酸梳打同埋巨峰啤酒。食物方便首先帶咗一碟刺身，刺身都算幾新鮮，而且份量每人一件啱啱好。之後店員就開始拎啲海鮮上嚟燒，店員係會幫我地燒埋嘅，啱晒我呢啲懶人，而且如果我自己燒嘅話我怕處理得唔好仲曬咗啲食材所以店員燒就最好啦。我哋叫咗每人一隻鮑魚、大蝦、蟹蓋。估唔到個鮑魚都好大隻喎，燒完都完全冇縮水，咬落啖啖肉。至於蟹蓋呢入邊呢有啲蟹肉之外仲有啲蟹子嘅，咁樣增加咗個口感。就咁食海鮮邊夠飽啊，另外再叫左兩串燒鰻魚，個鰻魚都燒得好出色。另外仲有一碟壽司。最近去唔到旅行，留係香港都可以滿足下食日本燒海鮮嘅慾望都唔錯呀。

收咗工本身諗住去諾士佛臺happy hour行過見到呢間應該開咗冇耐嘅魚道樂門面裝修好吸引好靚於是決定入去試下呢間新嘢餐廳用咗和式裝修有正常嘅座位同埋塌塌米呢度嘅裝修好用心有好多日式嘅擺設牆上面仲有兩幅畫原來係人手畫㗎仲要唔係畫完掛上去係直接喺牆度畫呢度除咗有一啲日式嘅刺身壽司小食仲有埋浜燒海鮮魚道樂·活貝盛盒 $388邊個盛盒真係好豐富呀有元貝 蠔 鮑魚 蜆同埋魷魚職員仲會幫我哋燒埋 咁就燒得啱啱好唔會驚太生或者太熟喇元貝真係好大隻好新鮮食落仲好鮮甜生蠔都好大隻燒完海水味比較淡鮑魚真係好新鮮仲郁緊夠曬厚肉 咬落好軟腍職員燒完蜆仲會幫我哋剪埋個殼真係啱曬我呢啲懶人魷魚都好大隻燒嗰陣會淋上醬汁 好有日本風味仲可以砌返出嚟特選壽司盛盒 $298呢個壽司盛盒都好吸引師傅仲會介埋一格格壽司全部都又新鮮切得厚肉飯團又唔會太大北海道甜蝦刺身 $68甜蝦都唔錯一碟有五隻好鮮甜雞皮餃子 $98第一次食雞皮餃子原來係外皮用雞皮包住再炸嘅真係食到雞皮味道 好特別清酒煮蜆 $88呢個蜆真係好大隻呀清酒味唔會太濃郁啱啱好 明太子燒玉子 $68玉子燒得啱啱好唔會太熟配埋明太子一齊食好滿足柚子梳打 $68巨峰啤酒

行完美麗華同DONKI之後,諗住行去呢條食街食晚飯,見到呢間新既磯燒店,比佢裝潢吸引,因為老公一句:『不如試下羅』,我地就行左入去。磯燒我就唔係第一次食啦,好多時候都會三五知己一齊去食。今晚至知老公第一次食磯燒,經過今晚呢一餐,令佢對磯燒留下好好既印像呢~一踏入店,店員好熱情,幫我地安排左一張欣賞到店內牆壁手繪畫既檯。店員表示只係個手繪畫都用左兩個半月時間。店內既日文歌好愉快,令到整個用膳氣氛好開心亦充滿和風氣息。店內重有塌塌米座位嫁,環境大而舒服岩晒同朋友聚會。題外話(店內都幾多打卡位,唔止我係咁嫁,我見其他檯既女仔都係咁XD)前菜: 蟹肉青瓜沙律。蟹肉份量超多,配埋青瓜同蟹籽口感清新,食完正式打開個胃,為之後既美食做準備...今晚既然係食日本菜,又點可能唔食刺身呢,我地點左一份『樂。五點刺身』(超讚)。出面曾經唔止一次食到亳無魚鮮味既刺身,但呢到,絕不讓我失望,亦對得住個價錢($368),分別包括海膽魷魚﹑吞拿魚﹑油甘魚、三文魚、甜蝦,每一樣都非常帶鮮,唔會雪得過份冰冷,而且無筋,每片都好厚一塊。鮮不鮮真係一食就知道~-磯燒方面,分別有帆立貝,非常鮮甜,而熟度剛好,又有店員幫手燒,

以前舊公司樓下，好多店鋪已經轉變了，今晚與舊同事吃飯，他說樓下有間新開無耐日本菜，以前的中菜酒家已經沒有了很久(原來我離了職很久呢！) ，平時已經好多工作，不想再為吃甚麼而煩惱，就樓下吧！我因喉嚨痛，暫少煎炸燒，由他發辦點吃！ 海鮮青芥沙律沙律菜新鮮，菜爽脆，魚生新鮮，加埋鮮味蟹子，吃落卜卜脆，沙律汁少酸帶鹹。北海道甜蝦刺身蝦好鮮甜，有蝦鮮味，這個價錢有五隻，抵吃。生蠔刺身舊同事超愛吃蠔，反正他高興最重要！生蠔頗大隻，肉肥嫩，好有海水味，好滑，不會有腥味。海皇卷三文魚也是他的至愛，雖我少吃，今晚就陪他，吞拿魚加三文魚粒，紫菜卷包在醋飯內，蘸點頗 "攻" 鼻的日式芥末，鼻水也流下了。西京燒帶甜味銀雪魚，肉地有質感，頗香，一點骨都沒有，好味。牡蠣和牛又是他的至愛！和牛加蠔，這裡竟有這二合一的食品，和牛只一面略煎，沒有根，很嫩腍，入口即溶，熟蠔肥美又滑，兩者夾著一起吃，有甘香的感覺，而且口中有富豐的層次感。清酒煮蜆蜆肉鮮甜，剛剛熟，帶有蔥香味，清酒已揮發掉，湯中祇剩鮮甜味。正！一口甜薯這種連皮吃的蕃薯，一向也很甜的，煮得又夠腍。

放工係尖沙咀搵食，係激安之殿堂行完街就去搵間食日本野既餐廳，最後係附近就搵到呢間餐廳。店內裝潢精緻，整個環境打造成一間海邊日式燒烤的小店，很有和式風味。頭盤先來個甲羅燒和大根磯煮鮑魚，甲羅燒用上了松葉蟹膏和加入了大量蟹肉這些新鮮食材，再釀在蟹蓋裡面，非常惹味，如果有得撈飯一定飯都食多幾碗！鮑魚亦非常新鮮入味，肉質咬口亦十分彈牙，不錯不錯。再來主食特選壽司盛和鮮菌和牛燒，特別一讚海膽非常新鮮沒有腥味，推介推介，和牛燒則不過不失。吃著日本菜再來杯巨峰提子啤酒，簡直是人生一大樂事。

朋友帶我去一間試業中既日本餐廳度食晚飯。我心諗，你帶我去，即係你請啦XD 多謝！如是者，去到餐廳我完全無睇餐牌亦無比意見，當然，佢亦無問我意見⋯⋯成餐飯懷著興奮期待既心情。一開始黎左兩隻虎蝦同鮑魚⋯我諗左一陣⋯唔係自己剝殼自己生食掛⋯？正當我準備開聲既時候，侍應姐姐問我地想食邊樣先，原來係燒黎食既！咁我話蝦先啦，大大隻既虎蝦，有侍應幫我地燒，燒完再上碟。然後就燒鮑魚，感覺好似有啲浪費，係咪應該要薑絲蒸呢？當然，無令我地失望，原來燒鮑魚，火候控制得好的話，鮑魚唔會韌，但係好有鮮味，仲幫我開埋一半，服務係加分既。跟住飲品就黎喇，我叫既巨峰啤酒，朋友叫既白桃梳打。巨峰+啤酒，啤酒味之餘有巨峰提子汁味道，係正既。白桃梳打就好正路，有顆粒唔知係唔係桃肉呢？芝士海膽燒蠔，睇就知係高級野啦，大家如果有係壽司舖食過海膽，一定要試呢個！軟綿綿既海膽大家應該食過，爽口有彈性既海膽你地食過未？生蠔亦無腥味，very good。樂。五點刺身，基本上刺身之中好味既魚都有，係少左常見既帆立貝XD 今次海膽無燒過，刺身咁食，一樣係彈牙。刺身切到厚一厚，好滿足。雜錦天婦羅，啲炸粉薄身，唔會入口食粉咁，同埋好過癮地，佢

諾士佛臺旁邊新開的漁道樂，面門極富日本色彩，吸引度暴燈，忍不住要推門內進，一試虛實。環境乾淨企理，小艇戶風格，每枱都有小爐一個，以作爐端燒之用。先來隨選二盛刺身，分別是原隻帆立貝刺身 $68 及金鎗魚刺身 $148。生磨山葵配上新鮮肥美的刺身，實在難以抗拒，完美組合。明太子玉子燒 $68，顏色艷美，簡蛋的炒蛋，在日式的包裝下，都變得美輪美奐，賞心悅目！漁樂牛油果 $98，全晚最愛這客，皆因全部用料都是小妹大愛。三文魚子成了活醬油，海膽加兩粒，吞拿蓉又兩粒，牛油果一樣都是兩粒，吊味提鮮佢最得！得左！💖💖💖特選壽司盛 $298，八款不同壽司，看得到的鮮，見得到的艷 💖💖軍艦壽司相對而言，更為吸引，無他的，只因大愛的吞拿魚蓉及海膽 🤣🤣🤣。磯燒鮑魚及生蠔，四件共 $272，爐燒過程中加入青酒及海鮮汁一起燒，吊出海鮮真味道，格外滋味。鮑魚火喉控制得好，剛熟無韌，值得加分。我倆都同選了巨峰乳酸 $68，巨峰提子始終都有叫座力，跟乳酸混合起來，又確實討好。離開前發現出口的小酒窖，滿滿日式風情，下回定要帶幾隻酒鬼來喝過夠 😁😁