漁道樂 (已結業)

好耐都冇食日本浜燒喇~~經過TST, 見到新開左間餐廳, 所以同表妹試下啦~~見黎個刺身拼盤, 有三文魚、吞拿魚、油甘魚、甜蝦、三文魚子、海膽等…每一款都好新鮮，特別係油甘魚, 味道幾甘香，入口即化; 海膽都好新鮮. 之後黎個軟殼蟹沙律, 啖啖肉, 個殼炸得好香脆~然後叫左碟海膽蟹肉卷, 好新鮮, 而且都幾抵食.仲有個玉子蟹肉甲羅燒, 入面個蛋好滑, 重蛋味, 蟹肉都鮮甜.最後黎個海鮮盛合, 入面有多款海鮮，包括蠔、鮑魚、松葉蟹、大蝦; 職員會幫我地燒海鮮，唔駛自己攪。蠔大隻又唔腥~ 松葉蟹仲有淡淡海水味, 仲啖啖肉.大蝦爽口又彈牙, 鮑魚大隻又爽口. OVERALL 坐得舒服, 食得又開心, 下次可以帶屋企人黎.

如果你約咗舊朋友食飯，你會選擇咩類型嘅餐廳？我就一定選擇居酒屋。今日同朋友去咗位於尖沙咀新開嘅漁道樂。餐廳牆身掛上具濃厚風瀛氣息既油畫，天花上亦有燈籠。卡位全部係榻榻米，特別舒服。嚟到日本居酒屋當然要啤一啤佢，我哋各叫一杯柚子啤酒同巨峰啤酒，加左柚子或提子肉後更易入口。活貝盛合有多款海鮮，包括蠔、鮑魚、帆立貝，蜆同魷魚。職員會幫客人燒海鮮，唔駛自己出手。避免自己燒海鮮導致過熟既情況出現。魷魚好大份，可以分到兩大碟。肉質彈牙，有咬口但唔係咬極唔爛，另外帶有陣陣焦香。職員同一時間燒帆立貝同蠔，帆立貝鮮甜多汁，蠔幾大隻，味道不過不失。蜆幾爽口，不過味道偏鹹。鮑魚最原汁原味，職員事先將殼同鮑魚肉分離，啱曬我呢啲大懶鬼。牡蠣和牛壽司特別之處在於無壽司飯，牡蠣同和牛本身都係極品，兩者一齊食真係頂級享受。和牛上面放左芥末醬，令整體感覺無咁膩。刺身拼盤有海膽，三文魚，吞拿魚，油甘魚。每一款刺身都算鮮，其中以海膽最印象深刻，味道幾甘甜，入口即化。漁道樂既軍艦用青瓜代替紫菜，充滿驚喜。口感爽口，感覺更健康，壽司飯上面既材料都好足，份量多到就快倒瀉咁。我同朋友足足傾左兩小時，真係非常盡興，下次相約漁道樂再促

海鮮魚缸喺中式酒樓就見得多啦喺日式餐廳就真係比較少見完全符合漁道樂專食浜燒的形象餐廳佈置充滿日本情懷亦有大量日式佈置指定動作先嚟啤酒🍻今次除左點了一般的啤酒以外還選了一款巨峰提子的特色啤酒 ($68)味道比較接近巨峰提子汁但唔太甜有淡淡的啤酒味完全專為女士而設佐酒小食前菜有柚子醋海草沙律 ($48)沙律是很多種不同的海草混合在一起配柚子醋酸酸咪咪很開胃🥗明太子燒玉子($68)香氣撲鼻漁樂牛油果($98)做法很特別切粒的牛油果肉上放滿了海膽、吞拿魚和三文魚籽 用牛油果殼盛載牛油果一向與壽司刺身很配搭所以這款漁樂牛油果與我期望的一樣好吃刺身新鮮不用說厚切油甘魚 ($98)鮮甜原隻帆立貝($68)OISHII而家有請我們的主角浜燒出場我係貝殼怪當然要吃活貝盛合($388)大大隻帆立貝，生蠔和蜆生生猛猛還在移動的鮑魚店員細心地為我們燒烤純熟地淋上清酒和海鮮汁更能帶出海鮮的鮮甜個人認為之後不用加任何調味料最能吃出原汁原味最後吃了和牛蒜片炒飯($128)作飽肚之選

午飯時間試這間新餐廳，lunch set價錢只是大概只是100元左右，前菜是沙律、麵豉湯，上菜速度挺快。牛是薄燒牛排，味道很棒！下次一定要再食。朋友叫了刺身，價錢只是128，卻有拖羅、帶子、三文魚、魚子、海膽、尤魚，勁抵玩。環境好靚，有其他食客影相。

朋友生日唔知去邊度食至好，公司附近開咗間主打日本海鮮浜燒，日本野係女仔嘅至愛當然要試吓啦。入到鋪頭，眼前一亮，大漁旗，日本風鈴，大酒桶，佈置好有日本居酒屋嘅style，即刻俾個like佢，我哋幾個女仔安排坐係榻榻米位置，位置寬敞舒適。至於嘢食方面，當然唔少得刺身，我們點了漁七款，七款刺身，海膽鮮味，吞拿魚油脂分佈平均，入口即溶，魚香四溢，油甘魚新鮮有彈性，三文魚帶子鮮味無窮，性價比高。餐廳有個活魚魚魚缸，食材即叫即整，我們點了一客象拔蚌刺身，肉質爽脆，極度鮮甜。還有店長推介牡蠣和牛壽司，呢款壽司係冇飯架，啱晒我哋keep fit 既女仔，上層和牛少焦香夾上鮮嫩嘅蠔再配淡淡醬油香味，出奇地夾，令人回味！還有主打嘅浜燒海鮮長腳蟹腳，鮑魚，蜆店員細心逐一為海鮮配以不同醬汁把海鮮燒熟，時間配合得恰到好處，值得一讚。食材新鮮，環境舒服，開開心心，嘻嘻哈哈，笑足一晚！

尖沙咀新日式浜燒店，終於有機會試一試，門口已經見到餐廳的裝修充滿日式風格，一入去彷彿置身日本，大廳座位寬敞，有榻榻米包箱，適合朋友聚會。牆上掛上色彩繽紛的旗幟和燈籠，那幅色彩鮮艷的油畫尤其吸引。 甲羅燒蟹殼盛著蟹肉和蟹膏，店員會幫忙燒，一邊將鵪鶉蛋拌勻，啖啖蟹肉伴濃郁蟹膏香味。 牡蠣和牛難以形容，有鮮甜，加上和牛肉香，海陸的碰撞個人最愛 推介推介！七點刺身海膽、三文魚、拖羅、帶子、赤身、yellowtail、（唔記得咩）貝新鮮無得輸，特別一提赤身吞拿魚都好靚，唔同平時出面食到赤身 燒魷魚 大隻彈牙。整體來說好滿足，新鮮度我給滿分，海鮮燒得岩岩好，店員亦細心服務態度好好，相對要去日本才能感受得到的氣氛，價錢雖然偏貴亦可以接受。見到有魚缸入面有好大隻長腳蟹同生猛海鮮，下次可以約朋友一起試更多。

同事4個食lunch, 本身去木八。見隔離開左間日本野。同事話想試。氣氛唔錯，夠大，d歌list係我至愛。野食非常ok, 抵食。我本人叫咗份刺身套餐，有三文魚，海膽，三文魚子，真心講，量多，鮮甜，我一個麻甩佬一份夠晒飽。有湯，沙律，性價比好高。幾個同事叫咗唔同嘢食，樣樣都試吓，味道非常唔錯。跟手叫咗杯巨峰梳打，甜度適中，女同事覺得要再甜啲。我反而覺得啱啱好。最驚啲太甜嘅飲品。以後Lunch可以多個選擇。

作為浜燒愛好者，之前返工行過見到裝修緊，知道就快開，見啲裝修幾靚，本身諗住搵日試吓。咁啱尋日幾個同事放工，七點幾約左諾士佛台飲，撞正店長係門口，話裝修完，好熱情咁叫我地試吓。冇壞，試吓就試吓，俾次機會你入到去，有少少嚇親+surprised同食開嘅浜燒店唔同，地方出奇地寛敞。個店長話，全部野都係日本返，連場上幅畫都係手工畫，好似札幌啲浜燒店咁。feel 唔錯，6個人佢俾左間房+榻榻米枱，舒服。地方大到可以打橫瞓。準備叫菜，突然有人走過嚟，問我地洗唔洗掛西裝褸。哦，唔錯，加分。（其實呢樣野，大家都明，燒完通常件衫都一陣味，算你細心）跟手店長幫我地叫左幾味招牌菜+浜燒。無開酒，因為之後仲要想去飲。一嚟上咗牡蠣和牛。擺盤幾靚，一啖食落去，非常juicy及 開胃。唔錯，4.5分。再嚟係牛油果軟殼蟹沙律。喺札幌食過，年尾先諗住再去過，估唔到喺度食到。用匙羹食，味道好豐富。比札幌食過嘅唔同，牛油果切粒令到個味更濃。正，5分滿分。跟住嚟咗鮮菌和牛燒。幾好味，4.5分。另外叫咗條一夜干，估唔到連呢度都有！超級好味，4.5分。到真正嘅主角浜燒啦。鮑魚，象拔蚌，夜光貝，花咲蟹，全部新鮮，我哋自己揀，再直接