漁道樂 (已結業)

真係好掛住好掛住日本，所以無時無刻都想食日本菜！呢度裡裡外外嘅裝修都超級日本風，幻想自己飛咗轉先啦！呢度雖然主打浜燒海鮮，但仲有壽司、刺身、天婦羅、燒物，鍋物等等，選擇非常多！今次我地樣樣都試啲，日本生蠔從來都唔會令我失望，大隻得黎又鮮甜滑溜，必食！明太子燒玉子，蛋燒得非常嫩滑，配埋滿滿嘅明太子，帶出微辛嘅味道，外軟內脆。刺身同壽司都不錯，推薦油甘魚刺身，入口甘香！另外我最鐘意呢度有職員幫手燒海鮮，可以一邊歎住美食一邊欣賞佢燒，因為我最怕自己會燒到過晒火！大推浜燒蟹甲羅，裡面放滿蟹膏及蟹肉，再放上蔥花、生鵪鶉蛋同埋蟹籽，食落係幸福嘅味道，加咗蟹籽咬落仲脆卜卜，成件事昇華咗，要多兩碗白飯，thx！活貝盛合都好正，鮑魚黎到嘅時候仲識郁，非常新鮮！燒貝殼類嘅時候會加埋清酒一齊燒，好味到連啲汁都飲晒！石燒和牛，牛肉脂肪比例均勻，非常軟腍！

疫情又過一年，很想去旅行，好想去日本呀。惟有食住日本野過下口癮先。裝修富有日本沖繩的特色，柔和的木板配以日式和風的裝修，特別令人想起日本了。小店食物選擇很多，除了一般的刺身之外，還有很特別的浜燒海燒。吉列黑豚炸得香脆，啖啖肉！配啤酒簡直魅力沒法擋！軟殼蟹牛油果沙律來一個健康又清新嘅牛油果沙律先，清新得來又飽肚，作為開胃小菜一流。石燒和牛店員亦會耐心幫你燒好和牛，所以不用擔心自己不用處理，剛剛燒熟的話配上燒汁、山椒鹽，份外惹味。海膽蟹肉飯卷蟹肉不用太多調味也感受到清新的味道，面頭的海膽為味道加添層次 。雖然來得居酒屋這些地方，又點可以唔試吓浜燒海鮮？我們叫了帆立貝、日本蠔以及味噌甲羅燒。店員耐心地幫你燒熟之後，基本上不用多加醬汁，已經嚐到海鮮的鮮味，帆立貝好彈牙，真的很又去了日本市場的感覺｡甲羅燒充滿淡淡蟹膏的風味，鹹香得來很特別。

好閨蜜呢排好迷睇吃播，成日都嗌住要食甲羅燒，即刻上OpenRice搵吓邊度有得食，帶佢去食啦❤️👭🏻最後咪搵咗呢一間位於尖沙咀嘅漁道樂😊一入到去，已經充滿咗好濃厚既日本風味，一問之下，原來好多裝飾品都係老細喺疫情之前喺日本買落嚟嘅👍🏼🇯🇵最後尾，安排咗我哋坐一個好有日本風味嘅卡位，好得意嘅一個點係真係唔可以着鞋入去坐嫁😆😆1. 樂.三點刺身（$188）分別有三文魚腩，吞拿魚，油甘魚。油甘魚同三文魚腩都好香油脂味😋👍🏼2. 特選壽司盛合（$298）海膽，帶子同甜蝦一定係冇得輸㗎啦，好鮮甜。🍣但係想讚一讚嘅係佢嘅魷魚壽司，魷魚同飯中間夾住左一塊紫蘇葉，十分之香同特別！❤️👍🏼3. 雜錦天婦羅（$148）睇相都睇得出，天婦羅嘅炸粉都係薄薄一層，好鬆脆，完全食得返食材原有嘅味道👍🏼4. 味噌蟹甲羅 （$78）最後當然唔少得閨蜜最鍾意食嘅甲羅燒啦！有專人去幫我哋燒，燒得啱啱好，好香好好味，閨蜜10分滿意呀！👭🏻👍🏼

今日係4月1號，又係一個新嘅月份開始，梗係要去食餐好嘢鼓勵下自己啦😆😆同老公喺尖沙咀行街，咁啱經過呢一間漁道樂，見到佢門口啲裝修都幾别緻，就入咗去試吓啦😍😍😍入到去又唔算好多，座位都好寬鬆，好有私隱度👍🏼👍🏼講到明要獎勵吓自己，當然係嗌到成枱都係嘢食啦😆😆😋😋首先登場嘅係石燒和牛（$348），出到嚟個實物啲雪花真係同張相一樣咁靚㗎！😍😍入口即溶，仲有好香嘅油香味😋😭跟住出場嘅係味增蟹甲羅（$78/pc），一路燒嗰陣時一路飄來好香嘅燒烤味😍😍流晒口水😋😋我同老公都不停向住對方點頭咁食完呢味餸😂😂👍🏼👍🏼👍🏼另外仲嗌左d刺身，道。五點刺身（$328），油甘魚刺身啲魚油香到不得了，忍唔住食晒兩舊😂😋😋！其餘嘅刺身都好鮮甜，好想再encore！😍😍😍😍最後嗌咗海膽蟹肉反卷（$238）收尾，果然係好好食！海膽同蟹肉都好鮮甜！！！❤️❤️❤️❤️❤️一定會再返黎呢間餐廳再食過😋❤️

1. 所有魚生都好乾，叫左個最貴嘅壽司大合盛，件件壽司都食唔到鮮味。 尤其係赤身周拖羅，居然要加黑松露呢啲垃圾吊味，食咁耐日本野真係好少見刺身上面加黑松露，通常都係件魚唔夠新鮮先加。 魚本身嘅鮮味完全食唔到，就算整走左啲黑松露都仲有殘餘係上面，完全是0分2. 另外燒既海鮮好鹹，同燒到好乾，條友好似冇心機燒咁樣，唔知係sell啲咩，食左佢個鱈場蟹，嘩燒到成條毛巾咁，乜蟹味都食唔出。 隻蠔又燒到燶晒咁，真心伏到加零一。

今日約會對象約我食飯，佢話有驚喜俾我，話我一定鍾意😏，佢果然估得冇錯，一到咗間餐廳，即刻已經瘋狂影相打卡😍✌🏻呢一間「漁道樂」，真係好有好有嘅日本既感覺，覺得佢同香港普遍嘅日本餐廳感覺都好唔一樣，感覺更用心。跟住見到有兩幅好特別嘅話，就問吓員工究竟係啲咩來頭，一問之下，原來呢兩幅畫係喺疫情之前，喺日本請日本師傅過嚟香港用咗兩個月嘅時間畫嘅，果然係十！分！用！心！既然佢餐廳裝修都咁用心，食物都一定唔會差得去邊，所以我哋好放膽咁樣嗌咗好多平時唔會嗌嘅嘢食。首先登場嘅係五點刺身，海膽同魷魚拼埋一齊，增加左兩者嘅甜味同埋鮮味👍🏼三文魚腩嘅油脂好豐富，食完一舊又一舊，冇留到俾約會對象食😂😂😂之後登場嘅係石燒和牛🐮，一上菜嗰陣時，就睇到佢啲油脂分佈好靚好均勻，入口即溶，真係好似喺日本食嘅和牛🐮❤️喺主角嚟之前，上場嘅係蒲燒鰻魚，好一段時間冇食過鰻魚，因為唔係好鍾意食細骨，但係呢間餐廳嘅鰻魚真係好好食，啲肉質好亂滑，燒得好香😍😍😍😭最後登場嘅主角係「漁道樂。活貝盛合」！！！想重點推介佢既南非鮑魚同活蜆，點解呢個世界上會有咁鮮甜既鮑魚😂😂同埋好香海水既活蜆，完全唔需要加任何調味，只需食食材原有既味道已經

朋友話食日本嘢，我大多數都無咩問題，因為佢揀得嘅都唔會差。我地飲完happy hour就去左呢間漁道樂。正正係諾士佛台斜路下醒隔幾個門口位，門面同內部裝修真係幾有heart，齋影相都以為去左日本咁。疫情咪食左當自己去左旅行囉。佢地啲員工都幾young同幾熱情，仲介紹二人set＄1580。我無影低個餐牌包乜，只記得個鍋物要長腳蟹的話呢…就加＄168。如果要睇，我相信其他人都有相睇嘅。我地一行3人，當然2人set係唔夠食啦～佢地都有sell加＄700就可以多一人份量。當然我地揀左加其他嘢試下。首先...佢地service上真係唔錯嘅，直情好黎形容，燒個蠔，帶子，蟹蓋同牛肉都會幫你燒埋。如果你同朋友係屬於要人服侍嘅...絕對可以話岩哂你地。但係呢…你俾得average每人700都想食物有返啲質素，係咪?佢地上菜快，收嘢都好_快，我有一刻懷疑究竟係咪去左茶餐廳，order落完無耐刺身同壽司轉頭就上啦，論色澤同份量都唔合乎我對食魚生嘅要求。刺身同壽司應該似法國菜，件件都細細件，岩哂減肥人仕，卡路里一定唔會多得去邊呀～再黎上鍋物，又係減肥之選，個湯一啲味都無，咁之前咪話揀長腳蟹咪加＄168。拿..

今日番工做足全日確係有點攰，飯局都想做懶人。去咗尖沙咀一間浜燒居酒屋，有專人浜燒，坐定定有得食，岩晒我。和風裝修幾有味道，餐牌有浜燒，壽司刺身，仲有好多其他選擇。生蠔 $96兵庫縣生蠔爽口肥美，蠔味澎湃喜歡食蠔就唔好錯過。清酒煮蜆 $88鮮甜的蜆在清酒煮熱後味道更加香濃，酒香撲鼻。在享受蜆之餘不妨享受埋清酒湯，分外暖身。蟹肉青瓜沙律 $88沙律有海量蟹子，配合蟹柳，沙律菜，口感豐富又輕怡。五點刺身 $368五款刺身除咗三文魚，吞拿魚，甜蝦等，最正係有埋海膽，配搭豐富。特選活貝盛合 $348最吸引一定係南非鮑魚，大大隻，非常生猛，而且咁大隻鮑魚磯燒過後口感竟然保持爽彈富鮮味。北海道帶子熟度剛剛好，不會燒得過火而變韌，鮮甜嫩口。瀨戶內海蠔燒蠔保持濃厚蠔香，肉質鮮甜。味噌蟹甲羅 $136蟹蓋上有大量蟹膏加上蟹子及鵪鶉蛋，突出濃郁蟹香，富咸鮮。青蘋果乳酸 $68巨峰梳打 $68雖然食浜燒習慣飲番兩杯，不過有時都會想抖下，呢度就有多款梳打同乳酸揀。

餐廳很有日本氛圍，很有旅行的感覺！ 我們先點了杯梅酒和青檸菠蘿燒酎。這裡的日本酒種類很多，很吸引！我們點了五點刺身和海皇卷。刺身很新鮮，三文魚和油甘魚厚切，海膽也很鮮甜Creamy，而牡丹蝦亦彈牙新鮮，吞拿魚赤身質素則一般。但海皇卷味道很好，份量很多，壽司卷鋪滿三文魚和吞拿魚碎，啖啖魚肉，加上蟹柳卷，很好食！接著便是期待已久的浜燒環節，店員全部幫我們燒海鮮，很方便！味增蟹甲羅真是必點，甲羅燒燒完十分香，蟹的鮮味突出，加上蟹膏和蟹籽不同口感，味道很好！而另外點的活貝盛合亦很高質！白貝十分鮮甜，燒時加上的清酒更突影海產的鮮味！而生蠔亦十分肥美大隻，燒完仍是脹卜卜，蠔肉很滑，十分新鮮好味！而鮑魚亦很大隻，新鮮還會活動。燒完的鮑魚邊很香脆，鮑魚肉則脆口彈牙，又鮮甜！帆立貝也很好吃，浜燒果然把海產的鮮甜大大保留！最後我們更點了石燒和牛，想不到也是全餐最有驚喜。店員在熱石上面幫我們燒和牛。牛肉燒至半生熟，所以食起來十分嫩滑，而且牛肉味很突出，加上油脂分佈均勻，牛油味甘香，肥美得很！整餐下來，食物質素很高，食材新鮮，而且服務很貼心，店員燒烤得很好！

看樓上食評以為幾好，入到去想坐卡位但說要低消$1000（包房咩）最後冇坐。點知坐下已不停sell 你吃二人套餐折後$1500， 我婉拒後即刻燶面，乜依家環境好好咩？！仲諗住劏客！叫了個「和牛壽喜鍋」D和牛只有3片，薄到可吹起，$298，個鍋得幾片菜、一隻冬菇、2件豆腐、幾條金菇及粉絲，超吾值！，「海膽蟹肉飯卷」6件，$168；應該叫「海膽蟹柳飯卷」，海膽則尚算ok「雜錦天婦羅」$128；「牛油果軟殼蟹沙律」$128，「蒜燒牛舌」$88，算正常「芝士海膽燒牡蠣」2隻，味道一般，$196超吾值！加埋呢D「白眼」、「割客」服務，點會有回頭客！

金巴利道有間很棒的日式居酒屋「漁道樂」，餐廳主打刺身，壽司及浜燒，大部份食材都是由日本每天新鮮直送。這次吃了多款美食，每款食材都是非常新鮮高水準！👍🏻先上五點刺身 (HKD368)，刺身包括三文魚、吞拿魚、油甘魚、甜蝦及魷魚，刺身都是超厚切。前菜有牛油果軟殻蟹沙律 (HKD128)，沙律清爽開胃，軟殻蟹飽滿有份量。接下來是我最愛的石燒和牛 (HKD298)，看到這麼美的油花就知道是高品級和牛，店員會在旁幫你烤，和牛入口軟綿軟綿的，完全在口中化開，好好吃喔！✨別錯過他們的浜燒，我點了一份特選活貝盛合 (HKD348)，海鮮會邊烤邊加酒，讓海鮮的甜味更突顯出來，👍🏻我都把留在蜆蓋和元貝蓋上的湯汁喝光了。🔥🤤最後以什錦天婦羅 (HKD128)作結尾，好美滿的一餐啊。最後提提大家，於OpenRice 訂座會有8折優惠呢！

一開波就講下草根妹妹最中意嘅浜燒日式海鮮🌊，日式料理之精髓浜焼き，係日本「浜焼き」指漁民將新鮮捕獲嘅海產即捕即燒🇯🇵，非常有風味！.浜燒系列Hamayaki 🔥蟹甲羅（$136/2）Kanimiso 蟹甲羅絕對係浜燒經典，幾乎次次都點嚟食😋。蟹甲羅=蟹蓋🦀，廚師係甲羅放蟹膏、蟹肉🦀、蟹籽、鵪鶉蛋🐣、蔥🌿，經過爐火即時烹煮🔥，食落口帶微暖，鮮味係口腔爆發，令人十分回味🤩。.🔥樂·活貝盛合（$388）Ryoudouraku Live Shell Platter 另外，草根妹妹仲食咗個活貝盛合🌊，有鮑魚、蠔🦪、帆立貝、魷魚🦑同蜆。全部海鮮都超級鮮甜，特別係珍寶大小嘅蠔肉🤤，飽滿而且富有海水味🥳，正！魷魚極為柔軟🦑，廚師掌握海鮮生熟程度岩好👩🏻‍🍳👨🏻‍🍳，不會過老或過乾。.魚生刺身Sashimi 🐟樂·五點刺身（$368）Raku - Assorted Sashimi of 5 mix五款刺身包括海膽、魷魚🦑、油甘魚🐟、三文魚🐟、甜蝦🦐，基本上全部刺身都唔錯，新鮮柔軟，特別係魷魚🦑同充滿油份嘅油甘魚。反而海膽就麻麻地👉🏻👈🏻，食落有啲唔太新鮮嘅腥澀味🤭，有待改進🤫。.壽司Sushi 🍣海膽蟹

真係好耐好耐冇去過日本餐廳堂食啦，呢日放工後真係好想食日本嘢慰勞一下自己，去咗日式浜燒居酒屋『漁道樂』，無論裝潢定服務都令你猶如置身日本咁。刺身日本空運到港，用料非常新鮮，價錢定價合理，服務殷勤主動，加上環境坐得舒適，絕對會回頭！五點刺身拼盤($368)有海膽、油甘魚、吞拿魚、三文魚及甜蝦，每款刺身都厚切新鮮，口感飽滿，油甘魚及三文魚魚油豐腴，甜蝦爽滑鮮甜，連海膽都冇腥味。久違嘅高質刺身，最佳comfort food。岩手縣生蠔（$136)大隻肥美，超級鮮甜，蠔味溢滿口中，after-taste悠長。日本牡蠣總係令我食完有幸福嘅感覺！牡蠣和牛($188)牡蠣同和牛都係我嘅至愛，與其要放棄一樣，WHY NOT BOTH？和牛油脂分佈平均，輕輕燒後逼出油香，肉質柔軟細膩，包住嫩滑肥美嘅牡蠣，再加埋面頭矜貴嘅黑魚子，豪氣咁一啖放落口，食到唔同層次嘅鮮味同口感，好正！味噌甲羅燒($136)來到呢度，必定不能錯過浜燒！店員即場燒香，鮮甜濃郁嘅蟹膏，配上粒粒蟹子及絲絲蟹肉，口感豐富惹味！活甲盛合($388)活甲盛合包括鮑魚、生蠔、帆立貝、活蜆同魷魚，店員好有經驗，每樣都燒得啱啱好。鮑魚唔韌，生蠔肥

如果是食物品質好，價錢幾昂貴都接受，可惜這間只著重裝修又不算豪華的日式餐廳，價錢比其他同級的日式餐廳還要高幾倍，一份石燒和牛$300，餐牌相片看似幾厚，實物到完全相反，得6件超薄，燒個爛鬼蟹殼，$68一個，剩係得啲怪色蟹羔，最難食就係海膽炒飯，海膽只得兩件，全碟飯好似食剩餸炒埋一堆咁，魚肉又腥，簡直不知所謂！還有重點就是服務態度好差，點菜時，點了幾款菜式，問問類似老闆娘意見，兩人份量夠吃嗎？她回應「梗係唔夠食啦！」，語氣極度鄙視，令人難堪！

第一次去呢間位於諾士佛台旁邊嘅日本餐廳，成個裝修用大量木系裝潢🎏，充滿日本居酒屋風🇯🇵🍶。 📍五點刺身（$368）刺身厚切，有三文魚、吞拿魚、油甘魚、甜蝦同魷魚海膽。唯獨海膽鮮味不足，其他食落都幾新鮮。 📍海膽蟹肉反卷（$168） 一客6件，飯卷中包著蟹柳及青瓜🥒，味道正常發揮，不算突出。置頂嘅海膽唔算少。 📍味噌甲羅燒（$136/2）呢間甲羅燒做得好好🦀，加咗鵪鶉蛋口感creamy，另外放咗蟹籽增加咬口，鮮味非常突出，必食❤️ 📍活貝盛合（$388）燒海鮮喺呢度嘅必食，店員掌握燒嘢嘅時間同調味都啱啱好🔥，每樣都燒得正。清酒燒白蜆燒完又嫰好香。鮑魚新鮮口感彈牙。燒蠔🦪同燒帆立貝都非常水嫩，食落滿口鹹香又鮮甜😍，好似將海洋食咗落肚咁🌊，加咗清酒去煮連啲汁都飲埋😋。燒魷魚非常柔軟，加咗甜甜鹹鹹嘅燒汁更加惹味🦑。 📍巨峰乳酸（$68）📍柚子梳打（$68） 呢兩款冇酒精嘅選擇飲落都幾清爽，唔錯啊。 總結呢間除咗一般日本餐廳食到嘅嘢，仲呢度仲提供有浜燒海鮮🐟🤘🏻。浜燒海鮮的確好突出，新鮮靚料😍。