漁道樂 (已結業)

位於尖沙咀的漁道樂，是一間主打新鮮海鮮的浜燒餐廳。店內的大部份食材都由日本直送，裝修也設計得日本當地的浜燒店一模一樣，播著日本流行歌曲，牆上寫上大量日文字，想一解思鄉之情的朋友仔，可以來試試，可以來打打卡哦!餐廳雖然以浜燒為主，但其他日本料理都有供應，例如: 刺身、壽司、串燒、鍋物、天婦羅、石燒等等。菜式種類繁多，想吃什麼都有提供，令人不知選那個好呢。牡丹蝦刺身 $176/2隻油甘魚刺身 $98店員推介的兩款刺身，有牡丹蝦和油甘魚，賣相吸引，質素不俗。特選壽司盛合 $298盛盒有8款不同種類的壽司，包括: 吞拿魚、三文魚、帶子、左口魚邊、油甘魚、八爪魚和海膽。壽司魚肉新鮮，每款都配上不同調味，甚有心思。石燒和牛 $298石燒和牛，會由店員幫忙燒熟，客人只需輕輕鬆鬆等食就可以呀。和牛片脂肪含量高，輕輕一燒即可。和牛軟腍甘香，很不錯呀~樂浜燒活貝盛合 $388既然來到浜燒餐廳，當然要試試這𥚃的名物啦。活貝盛合包括: 鮑魚、生蠔、帆立貝、活蜆和魷魚。當中我最愛 彈牙鮮美的鮑魚和被裏上甘甜醬油的魷魚，燒得很美味呢。牛油果軟殼蟹沙律 $128

一開始聽朋友推介話呢間餐廳好靚，啲嘢好好食，上到open rice 見咁多好評就嚟試下啦，點知真係驚死，我哋叫咗一個壽司set 398得八件壽司，壽司飯未煮熟，仲有生米，海膽唔新鮮得苦味，魚生都麻麻。仲有叫咗燒蟶子，蟶子未洗乾淨仲有沙。天婦羅好普通，得兩隻蝦。和牛300得八塊超薄，真係食完成肚氣，然後我哋就轉咗第二間，第一次寫comment 就係為咗呢間垃圾

抗疫疲勞之下真係要耐唔耐相約朋友食飯，今次就同朋友食呢間環境相當舒適嘅日本餐廳，餐廳裝潢相當有日式風格，聊天聚會都係一個唔錯選擇。餐牌內有多款食物選擇，當中必點一定係磯燒，全程都有店員幫忙，而且磯燒火候控制得唔錯。活貝盛合當中有唔同款式嘅海鮮，最重要就係有店員會幫忙磯燒，同以邊同朋友傾計，一邊食到新鮮煮好嘅海鮮。當中牡蠣相當肥美滑溜，且帶啖啖海水鮮味。而當中嘅鮑魚同埋魷魚都磯燒得唔錯，燒得唔會太乾身帶點肉汁，爽口之餘送埋啤酒真係一流。五點刺身五點刺身都相當新鮮，相當唔錯，個人最鍾意吞拿魚肉質軟滑，入口即溶好滿足。三文魚亦相當肥美，整體質素都好出色。帆立貝壽司、油甘魚壽司估唔到呢間日本餐廳魚生真係幾新鮮，帆立貝壽司、油甘魚壽司同樣新解肥美。石燒和牛其中一個有睇頭就係石燒和牛，全程都係店員幫手相當貼心，服務方面真係好出色，而和牛就好淋滑，入口即溶，帶點油脂甘香。什錦天婦羅當中包括有鮮蝦及不同蔬菜，個人亦好鍾意佢嘅蝦天婦羅，味道鮮甜，質感相當爽口。

四個人，限聚令放寛即刻相約朋友一聚！尖沙咀久違了，走上一間叫漁道樂日本菜！門口裝修有特色，入邊裝修更富日本色彩！朋友訂咗7:00 ，準時到達，侍應相當之有禮貌叫我哋登記安心出行及量體溫，聽完佢哋一輪介紹推介之後，急不及待叫咗推介嘅金目鯛！正到痺，➕7點盛刺身，刺身相當新鮮，極上壽司盛！要用beautiful形容 😘😘再加日本生蠔，超美味，再嚟一夜干，什錦天婦羅超水準，美味甲羅燒必定一試👍🏼👍🏼👍🏼！牡勵和牛舔舔脷！海鮮活貝盛！美麗的一餐。真係要一提呢度啲服務，相當令人滿意！價錢公道！必定再嚟👍🏼👍🏼💪🏼💪🏼！下次坐佢哋間榻榻米VIP房😉

上星期朋友三人一起到尖沙咀一間叫漁道樂嘅日本餐廳晚飯，一入去日本餐廳感覺全部返晒嚟，感覺相當舒適，夥計好有禮貌帶我同朋友入座，我哋叫咗餐廳最出名嘅石燒和牛，果然不同凡響，鹿兒島A4名不虛傳！侍應有禮貌地幫我哋燒埋上碟，刺身七點盛抵食，極上壽司盛令我哋驚喜💪🏼，甲羅燒招牌菜！正👍🏼，海鮮盛盒，清酒煮蜆，新鮮美味！開埋支清酒完美無瑕！地方整潔，食物價錢合理！夥計招呼有禮！抵讚👍🏼👍🏼👍🏼七點盛超正

見到有咁多好評，所以同兩個朋友一齊去試下，點知完全中伏。叫咗個和牛，張相又厚又多，嚟到得五片薄如紙，真係嚇親，但係賣緊幾舊水，問佢點解嗰個人話計gram,但係Menu冇寫到，最衰唔記得影相因為真係實在太嬲。我男朋友想息事寧人，所以我就算數。個海鮮拼盤，又係同張相完全唔一樣，味道一般。個壽司拼盤又係細細舊，三個人食咗千五蚊，食到一肚氣又唔飽，過咗兩日都仲係好嬲要上嚟寫食評😠唔該老闆檢討吓，如果唔係你好快執笠xyzxzy

上次同小朋友大約一歲多啲去，一間餐廳連一張BB櫈都冇，宜家好難搵一間餐廳係沒有BB櫈，價錢就比較貴，食物真係就好一般沒有特別，服務態度真係好馬馬，我諗下次唔會再去。

見食評以為唔錯，就試吓。鋪外環境尚算ok,但餐廳內環境其實好一般，無pan木櫈也坐得不太舒服。最太問題還是食物份量，食物全部係迷你份量。味道也很普通。清酒煮蜆，得6隻咁大把，又要唔係大粒。和牛炒飯份量1個小朋友食都覺得少。另外要價近$300元的燒和牛，見圖片以為大大片，點知係迷你6小片。收咁嘅價，咁嘅味道又得咁少份量。真係食和X好過佢，但呢度折後都貴2倍幾3倍。性價比極低，又不是食環境，味道也一般，份量少到嚇一跳，真係無下次。

於2021年年頭光顧，以慶祝紀念日，全餐廳得我們一枱客，但就安排我們坐廁所門口，要自己要求調位。點餐時位女侍應態度差，不願才出溝通，用餐過程亦毫無服務可言，不悿水。食物質素一般，比其他同價位餐廳質素差很遠，完全失望。

見呢間餐咁多正評, 依家又做緊 65折優惠, 週末就同老婆黎試一試, 結果只能用 "直昇機" 黎形容.....先點左浜燒蟹甲羅+帆立貝+蟹腳, 頭2樣不過不失咁啦, 但蟹腳就出事喇. 份量少得黎仲要唔鮮甜, 呢3粒壽司size 的蟹腳, 如果係用正價 $188 去試的話, 除左恭喜之外, 我都唔知講咩好.至於壽司方面, 中規中舉咁啦, 赤身OK唔錯既, 不過我都好耐無食過咁腥的赤貝, 原價$98 一件, 就算賣一折我都唔會再點.比起食物, 今次最失望的應該係服務質素. 全場3枱客, 我地食左40分鐘鐘, 職員無行過黎問駛唔駛加水. 到埋單時, 比錢同走個下一句多謝都無一餐. 可能我地寒酸啦, 兩個人中午去日式居酒屋折實食得 $550 落樓, 我知錯架喇, 應承唔會有下次架喇.

聽唔少朋友推介尖沙咀依間浜燒，今次終有機會一嚐，放工鬆一鬆嘆美食、飲杯燒酎好寫意！先來兩款刺身，揀咗油甘魚刺身及北海道甜蝦刺身，油甘魚肥美厚身，好滿足！甜蝦鮮甜甘腴，讓人想一食再食啊！前菜有我地都喜歡嘅豆腐，蟹盛今豆腐有蟹膏蟹肉蟹籽加持，係昇華版豆腐冷盤，配搭埋醬汁食落更滑，又唔會蓋過豆香，互相配合！嚟到當然唔少得食下浜燒，用得浜燒最基本當然要海鮮新鮮，上枱仲會郁有埋視覺效果就更加分！呢度就搵到啦！鮑魚燒得啱啱好，大蝦大大隻夠爽彈，兩款都推介！仲有專人幫手燒，鮑魚食時仲帶點嫩口！接住燒埋味噌蟹甲羅，蟹膏再混入蟹籽、蛋液、蔥花同蟹肉，口感好豐富而味道都唔會好鹹，偏溫和！夾雜蔥花蟹籽係經典配搭，主角蟹膏好甘香！清酒煮蜆每隻蜆都好飽滿，湯又夠鮮味！海皇卷好多店舖都有做卷物，而呢度食浜燒之餘仲可嗌卷物，而且擺盤都幾靚，有多款角切魚生係面頭，包括三文魚、油甘魚、吞拿魚。下面卷物中間都唔馬虎，有青瓜絲同蟹柳配搭，唔會dry！和牛蒜片炒飯炒飯睇落已經好到位，夠乾身粒粒分明，和牛粒食落真係有油脂感，用上真材實料！香脆蒜片增加咗口感，唔錯！飲品點咗白桃燒酎、巨峰燒酎，美食、飲品配埋環境，好有置身日本嘅感

餐廳內外裝修都會令你彷如置身日本一樣，充滿東瀛風格，一入門口已聞到成間餐廳都係蟹味。依家係openrice訂枱仲有七五折優惠，每人平均$380。三款刺身 $204揀左三文魚甜蝦同帆立貝，新鮮無雪味，甜蝦同帆立貝鮮甜感滑嫩口感。味噌蟹甲羅 $136必食爐端燒一物蟹甲羅，呢到職員會幫手燒，完全唔洗擔心燒過火，燒到濕度岩岩好，啖啖香濃蟹膏配上粒粒蟹子，再加上蔥花喺蟹蓋上面，令到口感更為豐富。牡蠣 $136肥美，燒完仲係好飽滿咁，一啲都唔乾。芝士魚餅 $48味道甜甜地，燒熱後令到中間芝士溶溶地食時會拉絲，好好味。海膽蟹肉反卷 $168超級濃郁嘅海膽， 入口即溶，最特別係將青瓜切成一絲絲，令到口感更爽脆一層層咁，好有驚喜。牛肉鍋 $198凍冰冰食鍋物就岩哂，有四大片，牛味濃，個湯鹹甜調得岩岩好。

星期五帶大家去食好西，輕鬆吓啦！ 呢間係金巴利道嘅日本嘢裝修好靚好有日本🇯🇵風，入門口左手邊有成排日本風鈴 🎐每次開門都聽到呢啲溫柔嘅叮叮聲，好舒服五點刺身📍$398有三文魚，吞拿魚，油金魚，甜蝦，同魷魚。全部都切得好厚身，好肥美，又無筋 ☺️特別要提提嘅係佢嘅魷魚好鮮甜，帶有少少黏，上面仲有啲甘甜嘅海膽架海皇卷 📍$98一次過食哂三文魚，吞拿魚，帶子，好豐富蟹肉青瓜沙律 📍$88食日本嘢都要食返啲菜嘅 🥗 加埋蟹肉蟹籽沙律，好清新每一枱都一早放定咗個燒爐，仲要差唔多枱枱都有叫燒物，所以我地都一於試吓佢！ 原來會有專人係側邊幫你燒埋架，好貼心2 * 味噌蟹甲羅📍$136超濃郁嘅蟹膏味，加入蟹肉，鵪鶉蛋，味噌，同蔥花攬勻，食落啖啖蟹香味，好鮮味2 * 牡蠣 📍$136即開即燒，好肥美，而且帶有啖啖嘅海水味2 * 帆立貝 📍$136平時燒海鮮最驚燒到乾晒，不過呢個燒完仲好濕潤 🤗除咗因為師傅手勢好之外，原來佢地仲師傅仲特登調製咗昆布汁，令鮮味提高，食完仲可以飲埋啲湯添呀雞皮餃子 📍$98所以話，邪惡😈嘅嘢真係特別好食～ 出面真係未食過用雞皮黎整餃子，新鮮即炸，好脆好香口，入面塞滿哂豬肉，脹卜

尖沙咀有著各式各地的美食，唯獨日本野是百吃不厭，今日經過來到一間極具日本特色的居酒屋 - 漁道樂，門外掛著大紅燈籠 - 海鮮、浜燒等，再配木系裝潢，真的被佢深深吸引住。 店內枱與枱之間有著適當距離，掛著一幅又一幅的掛畫彷如置身於日本之中；想獨立點更有廂房可提供，增加私隱度👍🏻。不知不覺就下了各款美食：刺身、壽司、炸物、浜燒海鮮等等...睇到都流哂口水。清酒煮蜆蜆肉隻隻飽滿、吸收了清酒的順香，令蜆肉味道更香、更鮮味，真是一道不錯的前菜。蟹肉青瓜沙律蟹肉鮮甜、配上蟹籽、青瓜絲、令口感更鮮甜爽口，越食越開胃。味噌蟹甲羅來到居酒屋點可以唔叫甲羅燒。來到時已被佢深深吸引住，鮮美的蟹膏、蟹肉、味噌、鵪鶉蛋、蔥花，未食都攞哂分。店員以純熟的手法燒制蟹甲羅，散發著陣陣蟹香，真是聞到都想食...味噌蟹甲羅完成後，滿滿的蟹蓋都是蟹膏，每一口都吃到濃郁的蟹味，一吃難忘。五點刺身當中包含了吞拿魚、油甘魚、三文魚、甜蝦、魷魚，而且都是厚身而肥美，魚味香濃，充滿油香，真是不錯必點之選。海膽蟹肉反卷大大塊海膽放於蟹肉反卷之上，非常吸晴，海膽入口鮮甜，入口即化，配上青瓜絲，令口感更突出。什錦天婦羅什錦天婦羅上有蝦、茄

入到呢間店第一時間已經感受到日本情懷嘅風味，真令人回味日本居酒屋的生活。本來呢間居酒屋主打浜燒..但由於時間嘅關係只係叫料理..明太子玉子燒蛋香再加埋明太子的內涵味道剛剛好..既帶出明太子的味道又帶出雞蛋香味..淡淡鹹甜鮮味從味雷湧出😍海膽海鮮炒飯蟹子..三文魚..蛋白..海膽..大大嚿海膽🥰成個飯勁香三文魚味..食落乾身味道略為偏鹹🙈店舖完全唔孤寒勁多蟹子海老天婦羅🍤薄薄一層炸粉..炸得金香而不油膩..內裡鮮嫩可口🍤總括：原價食略為偏貴..有六五折叫合理提前一日book位仲有六五折添抵食🥰