漁道樂 (已結業)

今日番工做足全日確係有點攰，飯局都想做懶人。去咗尖沙咀一間浜燒居酒屋，有專人浜燒，坐定定有得食，岩晒我。和風裝修幾有味道，餐牌有浜燒，壽司刺身，仲有好多其他選擇。生蠔 $96兵庫縣生蠔爽口肥美，蠔味澎湃喜歡食蠔就唔好錯過。清酒煮蜆 $88鮮甜的蜆在清酒煮熱後味道更加香濃，酒香撲鼻。在享受蜆之餘不妨享受埋清酒湯，分外暖身。蟹肉青瓜沙律 $88沙律有海量蟹子，配合蟹柳，沙律菜，口感豐富又輕怡。五點刺身 $368五款刺身除咗三文魚，吞拿魚，甜蝦等，最正係有埋海膽，配搭豐富。特選活貝盛合 $348最吸引一定係南非鮑魚，大大隻，非常生猛，而且咁大隻鮑魚磯燒過後口感竟然保持爽彈富鮮味。北海道帶子熟度剛剛好，不會燒得過火而變韌，鮮甜嫩口。瀨戶內海蠔燒蠔保持濃厚蠔香，肉質鮮甜。味噌蟹甲羅 $136蟹蓋上有大量蟹膏加上蟹子及鵪鶉蛋，突出濃郁蟹香，富咸鮮。青蘋果乳酸 $68巨峰梳打 $68雖然食浜燒習慣飲番兩杯，不過有時都會想抖下，呢度就有多款梳打同乳酸揀。