漁牧 (已結業)

1星期黎左2次, 呢日特登黎食榴槤雞煲, 訂位時要預先訂埋~~6pm 黎到就大把位, 但限時1.5hrs 就有d 趕~~ 得3個人叫得唔多野, 只叫左3樣都食唔哂~~因為唔係peak hour 黎, 服務比之前星期六黎好好多, 帶位小姐態度亦比較正常, 之後夠1.5hr 都無趕我地走, 到真係有人等檯先趕, 感覺無咁chur~~

今日同屋企人去咗漁牧食晚飯。地點都方便易搵，係加拿芬廣場2樓，一出𨋢轉右就見到。呢餐晚餐其實幾喜出望外，無抱太大期望去反而有小驚喜。食店菜式非常新穎，例如榴槤雞煲，食落唔太大榴槤味，但雞肉卻有果肉嘅甜味。個人覺得唔食榴槤嘅人都可以試試。另外，店舖環境舒適乾淨，店員服務都好好。但係要留意：用餐時間係90分鐘，所以記住齊人先好入座呀

去睇演唱會之前突然想食火鍋，搵到這間，睇相好吸引，入到店環境不錯，算乾淨，點了回味酸辣味既清江魚，東北大餃子，大漠風沙雞亦，比較失望係寫明即叫即烤既魚，黎到竟然係凍，而職員經過仲叫我地可以食唔洗等，而發現凍後同第二位職員講，佢反應係：「哦，咁再燒下啦」我比較失望係即烤既魚竟然係凍，第二係職員間好似沒溝通一樣。餃子沒大驚喜，是size比較大。最令我回味的是雞亦，好吃，好香，不錯！最後，因為我地既魚係凍，所以職員都送左一個小甜品比我地，算加分啦！

這裡的烤魚可加選配料，也可選唔辣今次選左蒜香味嘩！！好香蒜味，魚吸了蒜汁，更加香口配料，午餐肉，鱿魚，豆腐，粉絲吸左蒜汁，很入味(這餐味道偏濃)，乳豬剛上枱(表皮是脆的)，放了一陣已變軟底下有葱油飯，好香口，配上乳豬食(好夾)，乳豬肉唔乾身，仲有原本肉汁，竟然唔覺油膩，乳豬脆皮，要趕快食(涼了，口感差一半).

聽朋友講几好食，咪試下囉，book枱时又唔講只得个半钟食，難得约埋三五知己，梗係想坐时少少倾吓計啦，但绝对冇机会囉漁牧混豬-賣相几好，味道都不錯，唔会燒到好乾，入面d糯米飯味道亦刚刚好，不会太咸丶前菜-海踅青瓜，麻辣味，好好食，雜菇就重味左忘記條魚名-我覺得一般，反而叫配菜索左d湯底仲好食，有薯粉，蓮藕叫左jar酸梅湯，超甜，要加半杯冰先至中和到叫左杯好靚既Corona，但唔好飲，好似不断飲緊sofa water咁，超多冰，飲飲下已經冇味食物方面唔多選擇，但味道还可以，服務唔掂，只有一个後生男仔服務好，其他女性服務生全部都黑口黑面，食完野未見埋单就已經遞单比我哋埋，驚死会坐过钟，食得咁趕，我唔会再去囉

朋友大讚漁牧好食，今次終於來試下。訂位前已預訂烤鴨及乳豬。餐廳的主打食烤魚，雞煲，北京烤鴨，乳豬等但有另一個出名菜叫『榴槤雞煲榴槤』，可惜我們無人咁嘗試。今次除左叫主打食物外，還叫了些小食，如鎮江骨，川香鴨舌，花雕醉雞最想特別介紹當然係：烤鴨－皮很脆，鴨油吾多，吃起來都不覺油膩，肉質方面比較乾身。皮層做得很薄，還用瓦爐燒住保持溫度。放上鴨皮，甜麵醬，青瓜及京蔥等作為配料沒有穿漏的情況，實在功夫了得。乳豬－皮很脆，肉很嫩，乳豬底還有蔥油飯，感覺煮得太濕及太軟，初初還以為係糯米飯做底，原來係蔥油飯。漁牧招牌魚，揀左少辣的龍脷魚，魚湯很濃很鮮味，魚塊都算多肉，真係冇咩魚骨！另自選配料，揀左百頁結，薯粉等。今次整體感覺很好，可能本人比較喜歡食四川北京菜，所以下次會約朋友再食過。（但要注意一點喔！因為食物份量都幾大份，所以最好人數多d會較好）

睇令評見呢度幾特別，又漁目渾豬咁，就黎試下！叫左個自稱微辣嘅煮魚，好多配料可以配搭，揀左百頁結，薯粉，牛百葉，條魚講真真係好鮮甜又滑，不過碟野越煮越辣，我地好多人都食唔到。得我頂硬上消滅佢。配菜吸湯力強，辣到好緊要！另外仲叫多個漁目渾豬，孚豬入面包住煙煙韌韌糯米雞，皮一盤脆，肉質不是太滑，中間糯米都係淡淡的。但其他朋友話算可以啦！或者我已經辣到失去味覺，大家要量力而為！哈！

為長輩慶祝生日，大多選中菜，這次來到漁牧。餐廳內有一幅電子版的清明上河圖，以卡通介紹餐廳的主打：烤魚、雞煲，很逗趣，但我們碰巧沒有點這兩款菜式。大漠風沙雞翼($58)看起來像是脆香雞翼，但因為用了咸蛋黃沾麵包糠做炸衣，令雞翼富咸蛋黃香。雞翼用滾油炸，逼出內裡的油份，所以吃起來香脆，卻不油膩，裡面的雞肉依然嫩滑。雞翼上還有大量炸蒜，不單營造金黃色沙漠的感覺，更為雞翼增添惹味。重慶麻辣牛肉麵($60)，名乎其實的讓人吃得咀唇發麻，辣得非常過癮，調味滿分！牛肉炆得頗稔，量也充足。麵寬闊而厚身，有咬口，充滿中國西南城市的滋味。然後就來到主菜烤鴨($328)了！鴨皮烤得尚算香脆，皮下脂肪不算多，可惜的是整體比較油，單吃的話十分膩，必須配薄餅同吃減低油膩感。餐廳隨烤鴨免費送一份烤鴨配料，有薄餅、甜麵醬、青瓜條、京蔥絲。值得一讚的是，餐廳細心的在每塊薄餅中間麵放了一張蒸點心用的紙，以免餅皮互相黏著。另一款主菜是漁牧沸騰魚($298大)，餐廳先把一大盤未撈起辣椒的沸騰魚上桌，再慢慢撈起辣椒。嗅起來挺香辣的，但餐廳用的魚不適合做水煮魚，多骨，肉質偏硬，失去水煮魚應有的嫩滑。吃這麼多辣東西，要喝黑糖竹蔗水

朋友生日，特登提早book定位，一去到好快就安排到位子，仲預留左一隻鴨，好期待杯Hoegarden rosee，呢杯入口甜甜地，不知不覺會飲多左，絕對可以encore！扁皮鴨又係呢度的重點之一，色澤果然燒得好靚，皮脆肉嫩，肉質唔係太老，肥瘦比例岩岩好值得一試！其中一個朋友主力推介呢個濃湯酸魚，一片片魚塊，啖啖都係肉，無咩魚骨！。鍾意食魚同食辣的朋友，呢個辣烤魚一定要試下，越食越辣，用黎送飯食簡直一流！

每次找餐廳都要靠openrice，然而自己寫的食評實在是... 每次吃到正野都鼓勵自己要和大家分享，誰知懶癌發作起來，實在是.難.以.康.復。 今天我再次鼓起勇氣寫食評，只為了這超級正的酸菜烤魚。烤魚常吃，因為A君嗜辣，所以每次都是麻辣味。適逢今天本人喉嚨痛，A君主動提出吃點清淡的食物，可見愛妻之切（此處省略肉麻情書一千字）。看過網友評價決定來漁牧嘗試，因為只有兩個人，招牌的乳豬和烤鴨都沒有點，只要了個前菜雙菇和烤魚。雙菇是兩種蘑菇做成的涼菜，甜辣口味，能吃大辣的可以多沾些湯汁，蘑菇過油後醃製，十分入味。烤魚我們選了清江魚，即江團魚。這種魚刺少肉滑，比其他幾種常見魚肥一些。還搭配了豆腐，紅薯粉和金菇做配料。烤魚用的不是平時見到的四川酸菜，而是酸豆角和泡椒，酸酸辣辣十分開味。

上星期，壽星仔老婆提議到呢間漁牧慶祝生日🎂呢度全部都是卡位，坐得都算舒服，環境潔淨，可能是新開張的叫左麻辣煮魚，呢款屬於少辣，唔食辣既都可以接受，魚肉很滑漁牧混豬，個名好正，乳豬皮燒得很脆，肉質都夠 juicy, 好味薄餅夠香口

今日大約九點鐘去到, 都唔使等位, 可以直接入座, 一坐底見到人人都食烤魚或者雞煲, 初時我地都唸住叫個烤魚食, 但係食得烤魚, 又會想打埋邊爐, 我地又得兩條友, 今晚又唔係太肚餓, 所以最後我地楝左個"濃湯酸菜魚 $288", 貪佢個湯酸酸地應該會開胃啲!連隻碟都好似一條魚咁, 幾有特式!我地仲叫左一碟涼菜"川香鴨舌 $58", 我黎到個反應係, 好似咁細碟既!, 同埋好似好廋咁, 有啲出面食既, 好肥味架...但係佢食落都有少少川辣味...都叫OK LA.初時都冇唸住叫野飲, 但係一睇個drink list, 水都要收$6, 咁不要叫杯野飲下, 最後叫左一支啤酒, 同埋一杯"生津梅子冰$22", 飲落去有少少生渣的味道, 唔夠梅味!  主菜上場啦...."濃湯酸菜魚", 冇講到用咩魚, 條魚大部份都同你起成一片片, 都算叫做啖啖肉, 食起上黎好方便, 魚片煮到剛剛好, 好滑! 個湯的酸菜味都夠, 好出, 好飲....個湯入面仲有芽菜, 薯粉, 如果加埋豆卜索埋啲湯食, 應該會好正! 其實哩碟野兩個人食都真係好難食得晒!下次有機會想黎試下佢的烤乳豬飯同埋烤魚煲先得...見好多人都叫

嗜辣之人久唔久都要嚟返場激辣之戰，前菜就嚟個勁野，好香好滑嘅醬油皮蛋同麻辣牛肚絲。麻辣牛肚絲值得一讚，真係又麻又辣，牛肚絲爽口非常。主菜就係餐廳名菜「漁牧混豬」，將18種醃料配方醃及烤製，左邊個綠茶醬都幾得意！豬仔非常嫩滑，外皮燒得脆卜卜～呢個炒辣蟹不得了，連平時食米線食開中辣既朋友都話有料到，我呢啲食小辣既當然流汗流鼻涕啦！蟹都幾多肉都實淨，辣得好爽好過癮！！

前幾日同成大班朋友決定挑戰呢個榴槤雞煲!未挑戰之前 原來依家仲有好正既優惠😳 「八人同行送Rosé」！🙆🏻 同成班同事放工一齊去食雞煲岩晒！優惠期去到五月尾😌大漠風沙雞翼呢個雞翼拆開左一半 所以食既時候都好方便味道方面 呢個雞翼相當惹味 感覺有D似食緊避風塘雞翼咁滬式五香鳳尾魚一般既餐廳好少見既小菜／前菜鳳尾魚浸左係秘製既川菜汁裡面係既時候脆脆地 而且好入味果皇榴槤雞煲 (HKD298)當時聽到雞煲有榴槤味既時候 係十分猶豫😌 雖然榴槤班戟、榴槤蛋糕、榴槤蛋卷等都好正 但榴槤雞煲感覺味道唔會夾😂 但最後我都係叫左黎試🙈 最意料之外既係 榴槤同雞味道出奇地夾 而且榴槤令雞既肉質變得更加嫩滑！愛榴槤者值得一試！🙆🏻

榴櫣控梗係要試下唔同嘅榴櫣製品。榴櫣雞煲？一聽到已經令人懷疑，應該唔會好食得去邊😂😂約埋幾個白老鼠一齊去試下，因為我地8個人，所以佢送左支Rosé d’Anjou, La vie en Rosé 750ml 比我地！正！好耐都無試過咁嘆！花雕醉雞我好欣賞，因為花雕酒味好香濃，唔係度度都會放岩花雕酒既分量，呢碟花雕醉雞既味道好岩我食，同埋拎到雞肉好入味，所以真係醉了！因為10點後入座可以有燒魚5折！折左都係百幾蚊，我地一於試下啦😋我地叫左龍脷魚，貪佢應該無咩細魚骨! 滿滿既辣椒覆蓋住條魚，有d似水煮魚😅 不過食落口，魚肉好滑，雖然好似好多辣椒蓋住，但辣味唔會話蓋哂魚既鮮味，不過食多，辣味越來越重，又好麻，越食越過癮!入面仲有好多腐皮咁既野，腐皮吸收哂辣味，好似食緊辣豆腐咁，好過癮！主角榴櫣雞煲出場，一出場就聞到好重既榴櫣味。鍋入面黃色一舊舊既東西唔好以為佢係雞！其實佢係榴櫣！！我好快咁影左張相，侍應就幫我搞爛佢啦！煲到再滾起小小，就食得啦😉 第一啖覺得係食緊咸既榴槤，食食下，覺得同雞肉好夾，食得多亦唔會覺得好膩！正！我地又傾又講，都已經12點幾，雖然無咩人，但原來呢度營業時間係凌晨1:0