漁牧 (已結業)

🐠🐷漁牧 Fisher & Farmer🐮🐔以魚、鴨、雞、豬4種為主打食材睇完七點半直落去漁牧食消夜🍲地方環境都幾舒適怪不得晚上10點鐘仍然座無虛席仲送我一支 Hoegaarden Rosee 🍺而家漁牧宵夜時段～ 👏🏻原來於21:30後惠顧自動送啤酒我哋幾個一人一支男人就送Corona女生就可以飲Hoegaarden RoseeCheers男人指明要吃的醬油皮蛋雖然我比較少吃四川菜但這個濃湯酸菜魚真的好吃原來酸菜和鮮魚煮在一起味道是那麼天衣無縫的魚肉極度爽滑最讚就係魚的鮮嫩度保持得好好上卓的一刻仍然十分嫩滑我飲咗好多魚湯啊除咗好鮮甜之外喜歡它酸中帶辣而且湯汁濃郁越食越開胃添我個人喜歡微辣我見到四周食客都叫呢個『漁牧混豬』個名好 funny採用不足一月大的奶豬以獨特技術烤製真正做到皮光肉滑入口更是香脆冶味店長說燒烤前已塗上18款秘製醃料不需額外醬汁都已經好好味不過漁牧仍然提供3款不同醬汁醬汁除了傳統的乳豬醬外還有新奇的黃芥辣檸檬蛋黃醬及抹茶蛋黃醬味道又出奇地合拍喎這星期天氣這麼冷最幸福就係吃個熱騰騰的雞煲耶🐔仲要有專人服侍我和他一向喜歡吃雞煲這個魚唇雞煲更加是令人難以抗拒不但色香味俱全

慶祝生日， 因收夜左就揀左喱間食， 見好評吾錯加上有次行過都想試 ！ 一入到去環境都舒服位置闊落、反而小食有驚喜， 魚煲唯一覺得個湯底不錯！這店出名的應該是魚鍋吧， 湯底不錯（但煮左一陣配菜有種咸到苦的味道）我地叫既係海鱸魚，以我記憶海鱸魚係滑，喱條吾算滑之於有d位既肉質係好似曬乾左甘🤔 有點兒硬 以$298喱個價錢條魚吾值！忘了什麼排骨😂 甜酸恰到好處，可以一試醉雞， 味道夠，與酒配合得吾錯，雞都嫩滑黑糖竹蔗水，味道清甜

我哋嘅open rice上多人好評餐廳，所以一早book左黎試一嚟就我哋三個人，但係安排咗二人枱咁睇咗一陣未決定嗌咩就嗌左依隻以為佢下面味道會甜甜地點知成杯野都無味！！！呢兩個頭盤都冇乜特別依個主菜嘅沸騰魚⋯⋯⋯⋯你唔會咁辣唔緊要，一啲麻嘅感覺都冇，仲要啲魚一啲都唔入味！一味至於，勁粉嘅魚，食開海鮮一食就知唔！新！鮮！個雞煲黎到⋯嘩！啲肉勁鞋仲要我哋明明嗌最辣，黎到又唔夠辣，仲要勁甜真係好過份好失望以上兩張圖係我哋走嗰陣剩低嘅嘢食

一班嗜辣的朋友想食烤魚，又想試下新野就去左漁牧！早一日朋友預訂左乳豬糯米飯！呢個乳豬認真脆皮，一咬落去真係索索聲！外皮爽脆 肉質細嫰仲有三隻醬比你點其實原味已經好夠有點失色的個糯米飯放係乳豬底係用黎吸豬油？飯有飯味而已小食：醉雞小食：皮蛋沒有驚喜，on average is a gift~主菜！！誘人麻辣味 一 燒魚 一 海鱸魚全條烤魚唔算新奇嘢，勝在有自選配料，即係打邊爐！辣度十足 魚肉鮮滑（無雪味已經好滾動） 可以更麻一點就更好！總算無失望～係尖沙咀夠就腳，川味癮起可以隨時encore~~~

次次兩個人嚟漁牧其實都叫唔到好多嘢，一個魚，兩個白飯，叫埋嘢飲，已經係極限喇仲要呢一日我哋兩個都病哂，唯有叫個唔辣嘅［濃湯酸菜魚，$268］真係好大鍋呀！首先，魚湯好濃，仲幾重薑味而料方面都好足，有超肥鯇魚、酸菜、紅薯粉等等魚肉肥美嘅程度係100%，食落好有油香！兩個人咳到死死吓，見佢餐牌冇熱嘢飲，所以諗住叫杯水但點知... 水要錢其實原來係有熱柚子蜜、柑桔蜜嘅，侍應哥哥唔講我都睇唔到［柑桔蜜，$20］好香嘅柑桔味，唔會太甜，仲有少少咸味，好味呀！不過應該改名做咸柑桔蜜囉，飲落口嗰吓冇expect咸味㗎嘛！

本來, 我諗緊寫唔寫呢篇食評 , 因為都係批評嘅都唔知其實出唔出到, 所以都諗住費事嘥時間寫, 但係呢我係因為openrice呢個apps去幫襯呢間嘢嘅 , 因為見到都好似好多人去讚呢間嘢, 但自己食呢其實就覺得一般 , 最主要係個魚:呢個魚肉係霉嘅 , 可能係因為唔新鮮嘅關係 咁另外呢,呢度水係冇免費提供嘅。係要另外加嘢飲嘅咁個價錢我哋當晚呢係飲咗個 西瓜汁咁就60蚊一渣。咁至於水呀或者茶呢係要另外收費一杯杯叫嘅 。咁服務就唔好諗住有啲咩特別好囉。 因為其實都冇乜嘢服務囉 。你當self-service咁就好啦 因為除左會有人過嚟同埋落單同埋單之外其他都係唔會沒有人去take care 你嗰個喎會唔會燶底囉

旺區人流太多，小弟經已減少到旺區食飯。今日朋友生日，訂了一家加拿芬廣場的川菜，成為最近少有的旺區用餐體驗。餐廳裝修是近年食肆喜用的工業風，水泥牆加上鐵絲網架。內有卡位和房間，座位寬敞。店內用上不少鎢絲燈泡，LOFT味甚濃。［漁牧燒魚 ］燒魚有風味和魚選擇，我們隨便選了爐魚。魚連爐上，底下酒精加熱，盤上血紅一片，大量芫茜蓋頂，霸氣十足，未食已感到辣味。魚多肉少骨，肉身亦夠滑，這令我對辣魚印象改觀。魚身下是透明薯粉，完全吸收血紅辣汁精華，而配菜亦出色，不過小弟吃辣能力有限，沒有吃完所有配菜。［漁牧混豬 1/4份 $128］賣相吸引，八件乳豬烤得皮脆肉香，乳豬件肥瘦得宜。配三款醬汁，可惜我們八個人每一件，享受不到試足三款醬汁滋味。［老北京烤鴨 $328］烤鴨起骨，廚師將鴨皮片起，把肥膏去掉，餘下瘦肉留下。淨把肥膏去掉已有足夠誠意。入口鴨皮香脆，配上青瓜不會過膩。鴨肉稍為老了一點，不夠嫩滑。每塊春卷皮隔著一張紙，防止春卷皮之間粘著一起，可謂細心。整體算是不錯。一點要留意是清水是要收費，感覺是希望你點飲品，但最好亦在客人要求清水時講明收費。

$78嘅香辣城牆午餐肉等咗三四個字上來以後竟然第一眼睇唔度午餐肉。。。第一張餐牌原圖，第二、三張為20分鐘後的傑作。D餐肉仲細過配菜，而且全部燒焦嘅感覺。。。唔知係唔係個別事件lo～～

烤魚味道偏咸，岩哂我重口味人士，岩岩開始食時其實不太辣，不過佢係一路煲一路食，食到中間時已經開始越黎越辣，喜愛辣既我真係越食越正！黎呢到目的其實係個乳豬，所以最期待就係佢🐷，正體都好滿意，乳豬最緊要就係個皮！漁牧係做到好脆既口感而唔係個種得個硬字既口感！不過就略嚴佢有點肥🙄小食一般正常水準飲品呢個真係見到會有嘩一聲既感覺，大杯到飲到最後兩個人都未飲得哂，唔飲得酒既都可以試下，甜甜地好好飲！

嘩，超耐冇出去搵食啦，趁住我妹生日就去左漁牧食飯！入到去冇咩人，可能星期一既關係。禁幾好呀，靜靜地，可以傾下。噢，不過30分鐘後黎左枱人嘈到呢…野食方面：叫左個榴槤雞煲($298)，好有榴槤香味，亦都食到幾舊榴槤。不過呢，雞既分量有點兒小…所以食完後，叫侍應哥哥加水再打邊爐，點左牛肉呀、丸呀、薯粉呀個啲火鍋配料，不過都係唔夠食！可能我地一家好大食既關係，再點多個酸辣魚！條魚唔算多骨，有少少辣加多多酸，味道唔錯，怕辣既朋友都可以食到！魚底下有好多薯粉呀，吸收晒湯既精華，超正。終於食飽飽lu…其實野食方面係唔錯既，可惜服務真係麻麻啦！叫侍應哥哥換碟、拎餐具、加水等等，都起碼需要叫5次，而佢又唔係好想理你禁…唉，我都明有時好忙，但服務都好重要架！p.s.呢度飲水都要收錢，都係叫一jar飲品，一齊share抵啲啦。4個人食，平均每人都二百幾，唔係平價菜式！

哈！漁牧經過好多次，一直未有嘗試，難得今天心血來潮，再次被它餐牌吸引，在餐廳內看見甲骨文的配搭挺特別。入正題，具備時下流行的雞煲，燒魚，乳豬，片皮鴨，水煮元素，當然只有兩人不能全點，只好取捨，最後決定兩隻辣椒的泡椒爐魚，真係好大隻同好辣，我們程度低吃得好吃力(旁邊是走辣的)，幸好叫了一杯特飲舒緩一下。整體不錯，最好多人來品嚐，可試多幾樣特色

前兩日朋友生日，要找一間可以容納十幾人的餐廳不容易，上網找尋之際，竟俾我找到一間可以有包廂的餐廳，一於打電話預約，接聽的員工非常有禮貌！一去到餐廳，侍應帶我們進入包廂，包廂內空間很大，我們每個人都坐得很舒適。朋友們都稱讚這包廂夠寛敞，適合聚會！因為只顧吃這條烤魚，其他食物忘記影相，這條烤魚真的嫩滑到不得了，啖啖魚肉，配上特製醬汁，真係令人食不停口，最驚喜是這條魚並沒有很多骨，食得放心！餐廳舒適的環境加上這道招牌烤魚真是無敵！

Two of us took a small two seater table and from 1.5hrs past they kept harassing us to leave although we kept ordering alcohol/dish

两個女仔叫唔到太多野食。黎呢度一定要食燒乳豬，因為真係皮脆肉嫩十分好食。佢仲配上糯米飯， 香口惹味。另一個叫左燒爐魚。小小辣十分惹味。用埋coupon仲有半價！啲魚好多肉，不過配菜要再加錢，冇叫就冇咩食。佢個汁一邊燒一邊食，越食會越濃！呢間野最好人多黎食先可以食多幾樣！

嬲到我第一次寫食評！希望大家有留意到呢篇。。。我地兩個女仔，叫咗杯勁大杯既Corona，一條烤魚，兩個前菜，佢地啲staff一夠鐘交枱就輪流10分鐘內5個走埋嚟趕我地走，有一個仲衰，金金地頭髮負責找錢既後生仔，老遠咁大叫「唔收AE card!」 請問你同緊邊位講野？係咪應該行到去個客面前先講而唔係喺老遠行緊嚟勁大聲叫？周圍咁多張枱唔知你係咪同緊我講野。。。之後另一個女侍應又勁大聲好似要全部人都聽到咁「小姐你知唔知你已經食到過晒鐘？」其實佢地不停咁過嚟阻住我食我只會更遲交枱。。。其間果位大叫唔收AE咭既職員仲不停眼超超，到最後走果陣我去揾經理Henry投訴，佢只係不停咁講對唔住，叫我再嚟俾多次機會，我睇得出佢都好無奈，因為係佢啲細既錯。。而Henry佢拎張單嚟既時間都叫我地慢慢食埋啲野先。。。喺呢個時候果位金髮後生仔走過嚟，好似想撩交打咁講「點呀有咩幫到你呀！？」之後我同我個朋友講，佢話佢去過佢前身果間餐廳度食野，啲staff一樣都係咁差態度，之前仲搞到差啲叫警察，原來只係改咗名，裝修過！冇下次！而家食物既味道唔值得要排咁耐隊！酸菜海鱸魚，另加配菜䈑筍及海帶絲味道夠濃，不過愈食愈咸，要加