漁屋日本料理 (荃新天地2) (已結業)

話說之前同朋友慶祝生日，想搵間靚靚仔仔，座位好嘅餐廳，事前打電話去訂枱。點知去到，要同人搭枱。我就話：「其實下次可唔可以訂枱嘅時候講一聲，等我有個心理準備同預算」本來只係想交代一下意見，點知個經理話：「我地嘅客人預左架喎」我嗰下即刻有啲嬲，我反問「咁我第一次嚟，你係咪都expect我會知呀。如果我有搭枱嘅準備，我做咩要預早book，我可能甚至唔會嚟食啦」但個經理冇理我，只係叫我用QR code落住單先。完全冇少少要安撫客人嘅態度。我scan完個QR，發現佢direct我去app store download一個app先可以落單。其實我就唔多中意download一啲唔太實用嘅app，如果只係為左一間餐廳就更加唔值。於是我再問同一個經理，除左app，我仲可以點落單。佢話「微信」我問：「冇微信呢」佢話：「咁我幫你唔到，你要下載app」我好不滿咁話：「你唔應該expect所有客人都用wechat or download specific app，你要環保，OK，俾個tablet我」佢話冇，跟住仲補左句：「依家出面全部都係咁做」我即時反駁佢話人地scan QR code係去一個網頁落單，唔係好似

今日又同事去食飯慶祝一下，因為好耐冇食壽司，於是叫左個壽司set，佢有分4款壽司set，有梅蘭菊竹。今次我叫左菊：p佢有魚子軍艦，黑松露吞拿魚壽司，三文魚同蝦壽司，真係超好食。 同埋有一碗堅魚牛肉昆布烏冬。其實午餐黎講，有魚生，又咁豐富都算係平價！另外仲可以用2蚊叫壽司，我地叫左10幾件都係廿蚊咋，但佢質素都唔差！佢有焦糖玉子壽司，三文魚，虎蝦，甜蝦，蟹子沙律？粟米沙律等等。超推薦大家去食！真係好新鮮好平。

今日同同事食farewell 飯，就決定食豪d😂！去左漁屋。因為每日都好full 中午12點前就已經比人book晒位，所以想食就要早d打去book位啦！今次叫了一個金菇肥牛定食，當包含左一個沙律，麵鼓湯，甜品，一杯飲同埋厚切三文魚刺身。 三文魚超厚 超肥美！食到停唔到口。佢既飯配上一個溫泉蛋同入味的金菇肥牛，真係非常夾。而佢既份量非常大份，2個女生分享一個套餐可能食唔晒！如果怕唔夠食麵唔緊要，因為可以用2蚊加壽司，而壽司數量不限！而壽司係非常非常新鮮同好食！

小朋友入咗camp2公婆當然係2人世界出動啦諗住好耐無去漁屋今次即管去下一早已訂好枱去到即時入座漁屋好耐之前已轉app落單但個QR code比較難scan上菜速度唔算快亦有漏單情況出現因今次2個人去餐廳安排枱時無同隔離張枱拉開只因個場太細2張枱拍埋一齊有種強廹同其他人同枱食飯既感覺呢點就唔係咁鍾意感覺好廹唔舒服而且枱太細一次唔敢嗌太多嘢食根本無位擺食到咁上下再嗌又要等食物味道算ok服務態度麻麻亦因場地太細後面客人入座一坐低就將張櫈不停移動不停撞到我我非常之唔高興對方完全無理別人感受其實應該起身用手移動張櫈個場已經廹無視其他客人既感受呢part最反感

由頭到尾叫三輪蟹腳，都只給根部和腳的尖尖，沒有正常一點的腳！那是淡而無味的柴皮！其他食物方面炸物最好吃，其他中規中矩。職員態度好，食物送得快，有一些單會搞錯了，但這是情人節人特別多也是可以理解的。

荃灣一向有好多美食，最近聽講荃灣開佐一間好抵的日式放題，入到裏面菜式几豐富，仲有好多需要菜單點菜，即點即上，先點佐一大盤刺身，想先食回本，刺身好新鮮，我最鍾意是食甜蝦，鮮甜柔軟，吃幾盤都不會膩，日式當然要試下壽司啦，種類好豐富，我覺得款款都好好味，其他的菜式都不會踩雷，價錢都合理，物超所值的自助餐。

魚屋一向係我食放題嘅首選， 食物嘅選擇非常多， 最鍾意呢度嘅芝士焗蠔， 芝士嘅濃郁嘅味道亦都come唔住蠔本身嘅鮮味，兩樣嘢都可以食到， 但係嚟到呢度除咗芝士焗蠔之外， 仲一定要食下松葉蟹腳， 非常有鮮味值得再嚟再食

2018-12-3晚上7:00食放題，已轉為用手機落單，由落單到食野2個鐘，但明顯地種類及款式不及以前多，尤其壽司、燒物、刺身，最後連甜品都十之八九無貨，極端失望並非常後悔光顧。

荃灣一直都算多野食，但放題黎講，好多都做左一排，質素下降之餘，好快就做唔住.....大鴻輝個兩間都算係咁，始終都係大集團旗下嘅，點都會頂得住......屋企人好怕大鴻輝，因為要等𨋢，所以每次食放題都堅持要去漁屋。對等黎講，漁屋已經食過無數次。以開左咁耐黎講，佢都算係咁。一來價錢都keep住，二來食物水準都中規中矩。今次有親戚黎，所以揀左食中午。大致黎講，日頭食呢，單會足啲，熟食又唔會太慢。我試過有次夜晚食，會甩單，出野慢，令我唔想再去。不過.....今次我覺得可以再比機會佢嘅，始終荃灣放題買少見少，性價比合理嘅，我都唔想呢啲細鋪仔執笠嘅！

第一次食呢間野樣樣都叫下 魚生黎到唔新鮮都算重未退冰 壽司夠膽死係熱飯 食燒物 一黎到串燒係微暖 講緊收成差唔多三百蚊一個人頭 真係嬲🤬樣樣食物黎到賣相都唔靚味道又差 落左野飲 同侍應講重差一罐野飲 侍應態度差差地答：用手機落單啦 我地唯有應佢：係落左單你地無黎 😨

種類非常多而且好正宗的日式放題，真是任吃任點，平時點餐吃到的味道，不會有其他放題那種不新鮮的味道，串燒都是現燒的，刺身擺盤好靚仲好新鮮，我最鍾意的還留金針菇卷都吃得好過癮，吃好滿足的一餐自助餐，以後一定再來！

餐廳細細，一眼望曬。食放題最怕係出單混亂， 點咗嗰啲冇嚟， 冇點嗰啲就黎左一大堆。有見及此， 特登早少少到， 希望食頭輪會冇咁混亂啦。呢間餐廳係用手機落單， 咁就在座每位都可以選擇啦!每次點單之後 ,等大約兩分幾鐘先可以再落單。 不過問題都唔大， 食物出餐都幾快。鹽燒羊架味道唔錯喎， 係煎到大概七成熟， 肉質幾有口感， 唔會好韌。刺身真係點一份就得一件， 所以第一轉上枱之後， 就即刻加單叫多少少。類似水果梳打咁， 酸酸地都幾好飲柚子酒， 甜味多咗啲， 反而冇咩酒味， 不過細細杯都ok嘅。六點半前入座每位248， 之後就268， 九點後又有宵夜時段會有248。（另收加一）整體感覺不過不失啦， 唯一值得讚賞就係食物出餐都幾快 ，而且可能因為店舖細細 食物出品都幾新鮮， 熟食煎炸都熱辣辣。

來到荃灣附近的一家日本料理店，叫做漁屋日本料理，是一間日式料理放題，餓了一整天，吃自助餐最適合了。進去先拿了一點壽司，壽司種類非常豐富，料都超足，一點都沒因為是自助餐就超多飯，飯剛剛好料都好新鮮，還有好多中串燒可以選，拿了一大把，款款都燒得剛剛好，吃了一大盤刺身先覺得吃回本，刺身都是厚切，牡丹蝦刺身非常鮮甜，最後一碗碗仔翅收尾超級滿足，吃得超值得自助餐。

同朋友慶祝生日🎂當然會選擇放題啦！大家都好，鍾意食咩就叫咩，幾好！好彩我地有book位，但都要等一陣，門口已經超多人，荃灣呢間永遠都好多人，如果唔book位都唔知要等幾耐！一坐低當然叫左刺身先，其他野就慢慢睇咁心水先叫，佢有好多選擇，軍艦、燒物、爐端燒、甜品🍮飲品等.......瘋狂點食物後，多到都唔知點左咩，好快就有野食，刺身都新鮮，賣相都可以靚嘅！壽司🍣都可以，燒物我超仲意，好香好味！芝麻雞亦一定要叫超好食！真係外脆內軟，正👍🏻值得推介！

漁屋嘅午餐已經食過無數次，今日放假又同屋企人去食午餐，好彩有book枱，去到果然滿坐仲有人等緊。午餐大部分只係四十幾蚊至八十幾蚊一個set, 有壽司set, 烏冬，便當，喜壽燒，鍋，丼，定食，幾十款選擇，包飲品同迷你雪糕糯米糍，有啲set仲有湯同沙律，而且有好多10蚊小食同2蚊件壽司可以加。菊之壽司定配迷你烏冬（$66）呢個可以一次過食六款壽司同有塊餅上面有啲三文魚粒同沙律醬，好夾好味。另外配個烏冬，烏冬彈牙。築地三色火灸丼（$58）呢個丼嘅飯量較少，但啲刺身嘅份量都唔少，而且有海膽同魚子，另外有一塊燒過嘅芝士喺上面，每啖飯都有芝士同刺身同海膽，味道不錯。加$10有5隻甜蝦，鮮甜抵食！特飲紫色幽靈（+$3）底有啲似可樂糖味啫喱嘅有汽飲品，賣相幾好，味道亦唔錯，可以一試。之前亦試過呢度嘅燒羊架配烏冬，都好好食而家有好多件羊架。黑松露特大赤蝦吞拿魚丼（$58）刺身份量多，赤蝦鮮甜大隻，但吞拿魚刺身舊舊都有筋，麻麻地。