漁屋日本料理 (荃新天地2) (已結業)

餐廳細細，一眼望曬。食放題最怕係出單混亂， 點咗嗰啲冇嚟， 冇點嗰啲就黎左一大堆。有見及此， 特登早少少到， 希望食頭輪會冇咁混亂啦。呢間餐廳係用手機落單， 咁就在座每位都可以選擇啦!每次點單之後 ,等大約兩分幾鐘先可以再落單。 不過問題都唔大， 食物出餐都幾快。鹽燒羊架味道唔錯喎， 係煎到大概七成熟， 肉質幾有口感， 唔會好韌。刺身真係點一份就得一件， 所以第一轉上枱之後， 就即刻加單叫多少少。類似水果梳打咁， 酸酸地都幾好飲柚子酒， 甜味多咗啲， 反而冇咩酒味， 不過細細杯都ok嘅。六點半前入座每位248， 之後就268， 九點後又有宵夜時段會有248。（另收加一）整體感覺不過不失啦， 唯一值得讚賞就係食物出餐都幾快 ，而且可能因為店舖細細 食物出品都幾新鮮， 熟食煎炸都熱辣辣。