漁屋日本料理 (荃新天地2) (已結業)

強迫人客下載 app方可落單，即套取客人資料拎去賣。是否涉嫌違反私隱條例有待探討。每次最多叫十件同款食物 (咁十個人去係咪每人一次食一件三文魚？係咪部手機要全枱 circulate晒先落到單？）員工似乎缺乏培訓，屢次倒瀉食具，淋濕食客和枱櫈。佢地問你贈送"煲"（鮑）魚 定生蠔，我聽咗三次都唔明。喺超細嘅環境吓用 disco射燈周圍射，再用強勁音樂播三文兩語嘅生日歌 (不如用日韓文播埋喇！嘈到拆天！) 再有人生日又播。飲完杯雜果賓治又問你仲要唔要支飲管，咁再飲鹹檸七或其他飲品係咪又用之前支飲管？仲有成個鐘先食完就催你 last order 同埋單。sorry, 三舊水一餐但咁服務質素，真係一次都嫌多。

EAT IN TSUEN WAN。食] 漁屋日本料理。荃灣楊屋道日本TSxLife |放假的日子總喜歡在荃灣懶懶地，好的食店也林立，所以今日不用四處尋覓。而且日本的食店也是我最愛的選擇。在午餐期間，到美食的集中地CITYWALK看發現漁屋的午餐很抵吃。店內的選擇很多，有拉面、炒飯、定食及刺身飯，每個選擇也有餐飲提供，非常抵叫喔。推薦一：刺身飯，日本飯配上不同的當做刺身，鮮味及滿碗蟹子，值得一吃～當然，加上食店也會提供前菜、小甜點及湯品，雖然份量不算多，一份小前菜、一粒雪米餅、一份小小的暖湯也令這個午餐見得完滿抵吃，令人會想再來一吃呢。推薦二：鰻魚飯，鰻魚燒得好香

為慶祝生日，朋友在兩間比較多人話好食的放題選左比較近大家的這間。因為訂位只有6:30或8:30的選擇，6:30朋友又太趕，只好選擇8:30了。在3號風球懸掛下，也順利出發及安全到達，由於是8:30的關係，我們也閒逛了一會才到達。位置在荃新，近西鐵站，本應也方便，但可能店所在靠邊角，所以找了一會才發現。8:15到了，要稍等一下，職員先告知一定要下載app才能下單，那朋友只好下載，但如果沒有手機或手機無電，難到就食不了？...等了一會就能入座，枱與枱之間很迫，不用想也一定要併枱。坐下就立即用app下單，下單也不難，選擇就好像不算很多，有些已售罄，但尚可。下單後食物也很快就到，首先一定選魚生，魚，蝦，帶子，象拔蚌，飽片...等等，帶子太小粒了，吞拿魚有筋的，那筋是食不下那種，其餘尚可。熟物叫了一口牛，鰻魚，和牛壽司，燒菠蘿，雞軟骨，左口魚壽司，八爪魚，芝麻雞翼，炸蠔，芝麻雞絲烏東，羊扒，酒煮蜆，唇邊等等...一口牛唔得，太生，羊扒唔得，蘆筍炒蚌好韌，芝士蠔隻蠔細到見唔到，沙津醬太多，雞軟骨無咩味，其他ok, 酒煮蜆，蜆好大隻，唇邊好甜，芝麻雞絲烏東，烏東再林番少少就好好，芝麻雞翼剛炸出來好翠

一向唔食生嘢嘅我，好少食放題，因為會蝕本。 但係由外國返嚟嘅朋友，就好想試下， 於是我就 蝕本都要食一次。 荃灣區內食店好多但好少車位， 於是我哋就等頭輪食早飯嘅人離開 ，差唔多八點先去到荃新天地等位， 等咗三架車就泊到啦。可能我好耐冇食放題，而家係用手機app揀食物落單。成班餓鬼立即download呢個apps， 系統方面都好容易用， 佢會有食物嘅系列，如刺身、軍艦、燒物、 爐端燒、甜品…………瘋狂揀咗一堆食物， 多到唔知有乜， 個apps會話番畀你知點選咗咩食物， 大家可以睇到有咩未上， 率先嚟到嘅係呢杯， 芝士奶蓋紅茶， 個人極力推介， 我一共飲咗三杯。跟住到主菜， 我唔食嘅刺食， 賣相都非常之靚， 而且都好新鮮。我就會食啲蟹籽壽司， 應該係即叫即做 ，紫菜冇淋嘅跟住就叫咗鹅肝， 雖然細細舊但都幾香口， 嗰塊法包就比較硬 同埋太大舊。叫咗燒蝦， 上碟嘅時候好驚喜 ，冇諗過係咁大隻嘅 食落去都好新鮮， 又係一大推介。 跟住嗌咗芝麻雞翼 ，好香好脆仲要熱辣辣……唯一失望嘅就係呢一兜青口， 啲肉好梅朋友叫呢隻炸蠔都唔錯， 賣相精緻， 仲要熱辣辣整體食物質素都好高，就算我淨係食熟食都好多

放題紙一大疊花多眼亂，仲好唔環保，而最重要係成日漏單，所以今日去到荃灣嘅漁屋，驚喜發現可以用apps落單，夠方便又一目了然！大大盤刺身，見到都好滿足，刺身夠晒新鮮厚切，好滿足架！甜蝦好味鮮甜，希靈魚食落爽脆，好好味。至於前菜一定會叫芝麻八爪魚，中華沙律同味付螺肉。花之戀壽司比長長嘅三文魚片包住，上面仲有蟹子粒，食落爽口。燒鰻魚係熱辣辣，微焦燒香，肉質嫩滑。天婦羅嘅炸漿唔算厚，而且蝦身夠粗，好有口感架；至於南瓜就好甜好脆，相當唔錯。日本番薯雖然細細粒，但好香濃，夠腍身，好甜好甜好甜好甜！炸蠔大大隻，爆汁又新鮮。仲有大量DIY甜品食，當然唔少得名牌雪糕杯拎啦！

朋友話想食放題，都係一個好提意，得两條友食乜都叫唔得多，放題就樣樣叫一件两件，啱晒我地人丁單薄啦😂 呢間漁屋係放題之中都算多選擇， 刺身都算幾新鮮， 味道可以，睇相就知😂😂😂两條女可以食咁多🙈🙈🙈聽日開始又要減肥了，服務一般般啦，坐得都ok舒服嘅

久違了的漁屋令我出現在久違了的食評！隨著時代的進步各大肆都轉用了手機應用程式取票、落單、儲積分等等。漁屋也朝著潮流的方向一步一步改進，現在我們可以利用手機應用程式-飯糰成為會員、儲積分、領取優惠劵，最重要的是落單，真是食粥食飯都是靠佢，各食家惠顧前緊記下戴此程式才有得吃。話說回來，店舖環境整潔，坐位距離對於這個價錢的日式放題店來說尚算滿意；食物款式多元化，熟食食物水準中規中矩沒有什麼是必食，刺身類帶腥；轉了手機落單後漏單情況比手劃單時嚴重、嚴重！！其實出得嚟食日式放題真心預了會漏單，但是沒有預料遇到表達能力差、接收能力差、態度差、語氣差、辦事能力差的男職員。剛坐下被人用冇禮的態度問‘做咗會員未’、好醒唔醒，未追單佢就話我之前追咗，知道落單時間後就話要等10分鐘，10分鐘後至結賬⋯⋯⋯都係冇嚟、追單時用質問的口吻問我幾時落單，還手到口到的搶我部手機睇（冇俾佢得逞）、結賬要求要電腦單一張，佢回覆”一向除咗泊車單外，淨係得手寫單”，我真係O晒嘴，咁我覆佢”咁要泊車單啦”，大佬吖，泊車單係咪電腦單呀！其他職員服務態度保持水準。

荃灣嘢食選擇好多，剛好朋友A生日，而朋友B就推介嚟食漁屋日本料理，仲話好抵食又多嘢食。其實我就無乜所謂，因為我最鍾意食日本嘢，有刺身我就好滿足架喇。而且，我哋3個都係荃灣人，所以荃灣食就最適合，所以最後就去咗荃新天地嘅漁屋日本料理。刺身好大大大份，全部都好新鮮，最驚喜係連帶子都有，好重本呀。一口牛粒肉質鮮嫩，好有牛味。燒大蝦夠晒彈牙爽口，調味好夾呀。吉列蠔好味，一咬落去爆汁。最後當然要食雪糕，夠晒回本。

今天下大雨，中午想吃放題， 於是去了在商場內的 漁屋 吃放題。 雖然下午一時半 也是繁忙時間 但也有座位給我們。 一坐低 我們便用他們要求的apps叫了刺身拼盤， 等了十五分鐘便到了。叫了10片帶子只來6片，再加了三次單最後連影都無。 基本上叫十樣東西只有 四樣來。之後仲見到小強在 sofa走出來，嚇死人！人手又不足，又走單。兩人 埋單 五百幾。以後唔再去！

地方太細，枱與枱之間只能側身行，肥d都行唔到，好容易就聽到隔離枱既對話，自己和朋友傾計都唔敢大聲d,枱面放左餐具就沒太多空餘位置放食物，魚生蝦，象拔蚌，等全部都有腥味，好失望😞

Book左琴日下午12點食放題 話就話用餐時間三個鐘 但每次落完order 就成15-20分鐘先到 枱面都清空左幾次 食就食三個鐘 但上菜速度慢 我諗以後都唔會再幫襯 太失望 lunch放題呢個價錢真係唔值

小人吃日式放題不少，在某一個濕笠的夜晚，友人提議吃日餐，於是一同大飽口腹。一盤生蝦刺身焉能滿足得了我們一等食肉獸，排得多精美又如何，多來兩三盤還可。壽司方面，有炙燒的有魚生的。炙燒的肥牛卷最無意思，其他的還可以。魚生刺身的吞拿魚太紅，吃下有點腥有點靭，好差囉。串燒牛舌有嚼頭有深度，還吃到肉汁，勁好食。燒鮑魚超軟超香鮑味，一讚！至於金菇肥牛卷，金菇太靭，普通得似家居煮。意外驚喜的並非鮑魚，而是清酒煮的蜆，清酒令蜆的甜味盡開，小人吃了大半份！有是放題亦未必差貨，友人隨意篤的亦未為差。

阿仔宜家發育，日日都食4碗飯，真係食窮我呀。所以上學期佢考到頭5名，今日就請佢去食放題啦！飲品選擇好多，有茶，汽水和膠樽裝飲料，仲有好多自家製。 先叫餐前小食，螺肉同八爪魚、中華沙律應有盡有！食到唔停口！剌身好新鮮，每位仲有鮑魚，比較少有！我最愛的三文魚還是厚切，啖啖肉，好新鮮！燒鯖魚，夠晒香口。阿仔必叫之粟米粒，好甜，正。燒甜蕃薯仔，細細粒，好甜。店內還有雪糕供應，仲係超好味嘅movenpick！

一直想食左放題好耐但一直都就唔到d時間！！搞到拖左好耐都未有得食哈哈 今日終於一齊有時間啦 yeah yeah yeah!!!一座底就瘋狂大叫不停落紙落紙落紙~~第一around 叫既未影相已經被ko左而碟刺身係第幾碟我自己都忘記左嚕 hahaha仲有壽司🍣，扺俾like 既係佢飯唔會太多 細細件仲有d番薯仔🍠，一串串烤過既一口一啖，很正喔！仲有全部最好食既雞泡魚乾大愛真係超級無敵好食！點埋d醬 一試難忘！必食必食生蠔加埋d芝士都好可以一試既味道不錯！！

成班friend聚會，意見多多又大食，最好就係食放題，環境唔算好大，但都算坐得舒服。先來魚生併盤，三文魚魚油味十足，勁鮮甜；吞拿魚嘅肉質香甜，唔錯；甜蝦夠晒大隻，彈牙而且甜味十足。海膽手卷用上雪糕筒夠新意又夠脆，最重要係海膽鮮甜。煎鯖魚，調味適中，煎香後非常好味。燒雞翼，燒得夠乾身，好入味，最後每人食咗5隻。燒羊架，沒有羊羶味，生熟度啱啱好！牛舌厚切，肉味香濃，有咬口，食物質素唔錯。至於呢度飲品選擇好多，臨尾仲有雪糕。呢餐絕對抵食！