漁屋日本料理 (荃新天地2) (已結業)

荃灣一直都算多野食，但放題黎講，好多都做左一排，質素下降之餘，好快就做唔住.....大鴻輝個兩間都算係咁，始終都係大集團旗下嘅，點都會頂得住......屋企人好怕大鴻輝，因為要等𨋢，所以每次食放題都堅持要去漁屋。對等黎講，漁屋已經食過無數次。以開左咁耐黎講，佢都算係咁。一來價錢都keep住，二來食物水準都中規中矩。今次有親戚黎，所以揀左食中午。大致黎講，日頭食呢，單會足啲，熟食又唔會太慢。我試過有次夜晚食，會甩單，出野慢，令我唔想再去。不過.....今次我覺得可以再比機會佢嘅，始終荃灣放題買少見少，性價比合理嘅，我都唔想呢啲細鋪仔執笠嘅！