漁屋日本料理 (海寶花園) (已結業)

之前食過佢分店既放題，個到既剌身係算最好食。佢個到每一樣剌身都好新鮮，好似甜蝦咁，食落口成陣鮮味出哂黎。仲有魷魚個厚度岩岩好，有口感有鮮味，正!仲有佢地既炙燒壽司都好好味，佢地炙燒會加汁落去，又香又好食。小食方面都唔差架，好似個燒菠蘿咁，諗住佢係乾乾地，點知原來有咁多汁係到，好清甜！乾魷魚點埋個沙津醬都好好食架，不過就有少少硬。不得不提既係間野真係好多人，唔book係沒位架，就算咁多人，食物都黎得好快，服務好，即叫即刻回應你。

最近有朋友推薦呢間，所以特意去捧場。因為早左幾日訂枱，所以唔駛等可以馬上開餐！場內非常光猛，同我以往去過果啲好唔同，通常日式餐廳燈光都較暗較有情調@@未坐低已經見到樣伏野，就係張枱好細LOL我好心急一開始就填晒咁多張order，野食又黎得快，如果唔係清得快，分分鐘堆到隔離枱都係！支豉油冇位擺，仲差啲倒瀉左添！刺身沙律。中意呢款多過其他沙律，因為唔駛食罐頭同沙律醬食飽！刺身大件又鮮甜，完全冇怪味。朋友話呢度啲蠔好食，我叫左炸蠔同焗蠔，雖然未至於難食，但覺得麻麻地。食物唔差，不過都冇咩特別驚喜，反而生日既朋友要小心。話說我食食下突然全場黑晒，跟住有disco射燈加埋好「悅耳」既生日歌錄音，唱完廣東話版同英文版都未夠，仲要加埋普通話版，帶黎極佳「娛樂」。如果係我去慶生，我就唔會同間舖講喇。

本來諗住farewell同事A，結果變咗同事D嘅迎新飯，但最終同事D放飛機，結果變咗一餐冇名目嘅聚餐。日式放題，都係嗰啲例牌嘢，刺身同壽司唔錯，有海膽壽司係驚喜，燒物加咗孜然法，燒雞翼幾好，但燒牛舌就唔得，太厚但偏乾仲冇咩味，失敗！燒迷你番薯仔同燒菠蘿都太乾。天婦羅味道其實ok, 但冇天婦羅汁真係O晒咀，不過炸物唔錯，尤其炸一口芝士同炸蠔都好好味。臨尾送甜品，傳說中日日都話沽清嘅Mövenpick，當然係冇得食啦，所以送咗Dreyer's抹茶雪條，連雲呢拿都冇。我因為唔鍾意食抹茶嘢，就諗住唔要畀番佢，但竟然唔得囉，佢話攞咗出嚟就唔會攞番入去，好彩有男同事捱義氣食埋，否則就變大嘥鬼！

昨晚，終於可以相約到兩位我從心底裏非常敬重的姐姐們吃生日飯，原先我打算光顧大埔一間剛開業不久而口碑不錯的「秋月」，但兩位姐姐卻心中另有新意，極力推薦了另一間又是同區內的日本料理放題餐廳——「漁屋」。我們分別於當晚21:00前到達，已發現店外已經被一眾候坐的食客重重包圍，情況有如電影賓虛一樣！如不知情者，還以為是有米派！但幸好姐姐們早已訂了位，我們只需稍候一會便可進店。進店前，我已留意到門外餐牌價錢頗為進取，但從門外看店面裝修，至其他食客枱上的精緻餐具，以及店內坐無虛席，我相信它必有其過人之處！進店後，細看裝修華麗丶光猛整潔美觀，除了發現為數不少的扶老攜幼家庭食客們外，亦有不少可愛的妹子食客和店員妹妹為店內増添幾分甜美氣氛，只是我早已心如止水，影響不到我，哈哈！說回食品，選擇的類別頗多，賣相一流，而且食材本身成本價值夠高，絕不寒酸，絕對符合餐廳所定立的人均消費定價；刺身丶壽司新鮮肥美並帶有油香，長腳蟹丶鮮蝦丶帶子丶三文魚丶鮑魚片丶希靈魚等，外觀飽滿鮮艷，入口非常鮮味！口感良好！不得不題刺身師傅所拼砌的拼盤，由所選用的精緻餐盤丶裝飾及排列十分漂亮精緻，值得一讚！現場店內相機聲此起彼落的原因

早前同幾個舊同學去左漁屋食野食等開心又傾得開心魚生 新鮮又少許鮮甜味芝士蠔 芝士味道調得岩岩好唔好太過濃，唔太鐘意芝士既我都食到話正炸蝦天婦羅 同元氣都無咩大分別但都有少許脆，唔錯架。肉類 調味得宜，食到唔停口呀。丸類我就唔太鐘意面頭啲汁我自己人覺得就唔係太夾((個人口味最後最後，雪糕一定要食，呢款雪糕係幾好食架。

自己本身不喜歡食冷野，所以對日式放題的興趣不大，因為很多日式放題只有很少熟食，又煮得不太好。前天在朋友的脅迫下，去了大埔的漁屋。幸好它的熟食選擇都多，才沒有虧本。一開始點了芝士焗蠔、多春魚及秋刀魚（都是海鮮啦！）焗蠔很香，芝士不錯哦，只是吃多了有點膩，吃一兩個就好了～兩尾魚燒得一般，有一些多春魚沒有春呢T^T然後它有很多燒烤/鐵板的熟食，都很吸引，我們叫了羊架、牛仔骨、金菇肥牛和鐵板韮菜等。羊架有點羶，不建議。牛仔骨好好吃，醬汁惹味。第一次見到肥牛多過金菇的金菇肥牛，小小的一件，不錯哦。鐵板韮菜很特別，很香口，加了一孜然粉，有新疆風味哦XD，而我最愛是燒菠蘿，很多汁，酸酸甜甜的。然後是天婦羅，材料都很新鮮，只是炸得有點硬，可能是粉的問題吧！芝士年糕好吃，不過任何芝士都有相同的問題──食得多會膩。紫心芋年糕很甜，不錯！它的熟食真的不錯，否則我一定會狠狠打我的朋友一頓。

上星期病左成個星期，冇啖好食！E家好返，即刻約女朋友去食放題。走左去佢樓下間漁屋，又幾好wor！女朋友點左好多熟食，最記得個芝士焗蠔，超好食，表面烤到脆脆地，下面D芝士仲熱辣辣，拉到好多芝士絲出黎，食芝士最驚就係D芝士凍左變一舊舊，不過食得多會容易膩，真係少食多滋味。飲品都幾多下，記得好似有凍朱奶，點個杯日本梅酒，幾香甜下。不過點餐紙上面女朋友搵極都搵唔到有熱荼，好彩問問職員先知係有既，女朋友話食日本野識食梗係要配熱茶！之後點左D魚生，全部用冷鎮，赤貝好爽口，希靈魚魚生既魚子好多好脆，又唔會腥。甜品好多選擇，木糠布甸不過不失，個朱古力布朗尼好正，好足料，不過食多杯就會膩。有一張Dreyer’s雪糕系列每個人可以點一樣，本身想試個士多啤梨味雪糕杯，不過因為我地食九點晚市時間，已經無哂，算，下次早Ｄ去。整體黎講都幾OK，野食都九成齊，熟食夠熱，魚生幾新鮮，尤其，唔知係咪我地好彩，比左好多魚腩部分，魚油好多好正。

襯住天氣未開始好熱，約左朋友去大埔海濱公園，玩左一日，就慢慢行返出去市中心，不過個時間咁吊腳，又唔想搵地方hea住等晚餐，朋友就話早啲食。不如大埔唔熟真係唔知食乜好，wtsapp左個fd佢話不如食放題喇，然之後佢都join埋我哋3個一齊食，哈哈。心諗喺大埔區食放題應該都冇咩期望，點知佢帶我地行到間舖寫住漁屋日本料理，心諗咁熟嘅個名，原來同我上個月食過果間放題係差唔多名，見個勢似係同一個集團，咁我都安心啲，因為我印象中啲嘢食係唔錯，不過唔知呢間點。6點半前入座，收費就238再加一，唔係算好平，但食物質素係好嘅。食物紙同另一間一樣咁濟，呢間舖面積再大好多，所以walkin好好彩有位，刺身好夠新鮮，肥美厚切嘅三文魚就必點，但最正係帶子同赤貝，超鮮，講起又口痕，墨魚同北寄貝都有叫左啲，平時就少食呢兩款，但都係好鬼正。我覺得淨係不停order刺身都好夠皮!!!!我地好鐘意食海產類，所以蜆都叫左兩碟，有一款清酒煮蜆同地獄炒蜆，雖然啲蜆細細隻，但成碗裝到滿一滿，有好多蜆肉，辣果隻正好多，惹味(但堅辣)，好彩好多嘢可以飲。生蠔就有兩種整法:有芝士焗蠔同炸廣島蠔，兩款都正，廣島蠔熱氣啲但炸粉唔會好厚，如

第一次寫食評，但這家餐廳不是第一次來吃，而是第二次了。第一次没寫食評，這次補回來。來吃放題當然也是要秉承放題之路，亂點一通啦！點了不少食物，刺身當然是第一轉必食之物！這裡的刺身在放題裡應該算是水準之上了，很甜很鮮，吃完第一趟還不夠，繼續叫了第二趟，yummy！推薦大家吃芝士焗蠔，大大隻而且芝士堆到滿滿的，芝士味很香，味道很不錯。不過淺嘗一兩隻便可，不要吃得太多，以免太“漏”吃不下其他東西XD。另一樣覺得不錯的是鹽燒海蝦，難得的是蝦子在燒的時候已切開，令調味粉可以均勻地洒在蝦肉上。個人最怕的是燒蝦時只把調味粉加在蝦殼上，這樣的話，吃的時候味道只在殼上，裡面的肉則是淡而無味，可惜！這次試了人生第一次的海膽，雖然只是壽司裡的一小塊，但還是很怕海膽有腥味。抱著必死的決心一口吃下去，而感覺嘛？没有腥味！可能味道被大量的Wasabi遮蓋(因為怕腥，加了很多wasabi和豉油)，雖没有腥味，也没吃到甜味，不過喜歡吃海膽的人應該可以一試，看看真正的水準如何。還有，喜歡金菇肥牛卷的朋友也不要錯過這個，燒得不錯，味道也很好。因為我自己比較喜歡吃豆腐，所以看到炸豆腐這道菜就一定會點，而他的豆腐嘛……怎麼說好

母親節同屋企人出街慶祝，阿媽本身少食放題，但朋友推介我哋去試下，咁就趁母親節試下大概講下我哋食咗D咩先，我哋叫咗兩round刺身，軍艦壽司，炸物，甜品等等啦，都唔錯，放題黎講性價比算幾高，最難得係阿媽都覺得好第一round刺身，比我想像中新鮮喎，最正係D三文魚同吞拿魚厚切咖佢。不過隻碟有DD浮誇，當然第二round就唔係咁啦媽咪第一次食海膽就俾咗佢哋XDD，佢話幾好唔錯，我就覺得不過不失啦呢個炸蠔同佢哋另一隻焗蠔比，係焗蠔好味D，不過我無影焗蠔。焗蠔真係值得推介我覺得最正係呢度D甜品無限數量，其他放題通常限一人一件，而且都算唔錯最後仲有Dreyer's雪條！值得再食

各方面既質素都算幾好刺身都新鮮,燒河豚魚乾，口感似牛肉乾，味道好特別，很濃的魚香味.天婦羅即時炸起,,粉漿不會太厚！炸蠔勁正,炸到剛剛好,炸南瓜蕃薯很甜,一定耍要食炸芝士蕃薯大致上炸物都好,燒菠蘿鮮甜多汁仲可以任飲特飲同清酒整體黎講種類同質素都好好，而且全程好快有野食，又有韓國雪條任食,.最尾仲有movenxxxx 雪糕,dryer's迷你雪條食添！

上星期母親節一行十人，因為媽咪唔想去太遠，所以留左響大埔食放題。感覺上性價比都幾高，母親節前夕都有買六送一優惠，而且響各方面既質素都幾好。刺身新鮮多選擇，串燒夠香口，而且仲有海膽壽司同手卷。仲可以任飲特飲同清酒。整體黎講種類同質素都好好，而且全程無漏單同好快有野食，最尾last order仲有movenxxxx 雪糕食添！估唔到大埔都有咁高質素既放題，可以再黎。

之前與家人食放題會去TST的漁屋但那分店結業了！意想不到漁屋在大埔開分店！正！於是老公帶我去光顧啊～～！！刺身上得齊又新鮮很鮮味！天婦羅即時炸起,,粉漿不會太厚！也不會很油！壽司則推介花之戀及三文魚子海膽軍艦！花之戀的size比一般放題來說算大件!!熟食味道也不錯！！清酒煮蜆的蜆大隻無沙~份量都多!焗蠔用的醬也很配合,,不會遮蓋蠔的味道喜歡光顧漁屋的另一原因是有清酒及梅酒喝較為推介梅酒～梅味很香！另一驚喜之處是有限量甜點每人一支dryer's迷你雪條～以前光顧TST店時,,只能任食雀巢迷你雪糕杯呢！

四月份有幾個屋企人生日，咁就諗住食好啲慶祝下！住北區既我地就諗住近近地黎大埔食下放題，其實而家各區都愈來愈多放題既餐廳，唔洗下下都去旺角、銅鑼灣個啲。見平時放工經過附近都好多人等位，所以我地早幾日已經book左位，而餐廳就話只可以由5:00食到6:30餐廳門面都好有日本特色😹😹👍🏼雖然餐廳面積唔大，但係尚算寬敞不過如果兩個人黎食可能就要搭枱跟住介紹下有啲咩比你order啦因為落單既時間只得1小時15分鐘所以可以叫多少少都ok食物大多係日式料理，刺身、天婦羅、炸物居多鍋物湯底略咸！麻麻地如非必要唔好叫呢個芝士焗蠔呢個好好味！推介！份量好足，好多芝士，食落好夾刺身都算新鮮，而且叫幾多有幾多！另外呢間餐廳都好注重食物外觀，每次都會擺靚靚先上碟，你見刺身個張圖又有花，格離又放啲乾冰加水等碟刺身望落好似更加新鮮！各式各樣既天婦羅炸粉較多感覺好似食緊麵粉咁！不過個裝飾幾靚~~好似對翼咁！由於啲炸物等候既時間較長，應該係即叫即炸，唔會放到林晒先上碟比客人，而且有好多選擇，刺身上左食完都冇，所以我地以為佢地漏左單，但點知唔係，係炸得比較慢，但一黎黎超多。。。。最後食唔晒~~浪費左啲食物！最好食既炸物係

跟朋友約在大埔聚一聚，大家食量一般，但因忙工作，忙生活，太久沒見面，所以大家都想食好一點。之前去大埔打邊爐比較多，食放題就第一次，聽朋友說漁屋開業不久，當然想試試！放題最開心就是，可以有不同選擇，各自點各自的喜好。朋友不多吃炸物，想健康一些，所以他點了沙律、魚生、壽司、卷物等等。沙律有很多款式選擇，他點了胡麻蕃茄沙律,、什錦刺新沙律，味道不錯，新鮮的材料配以濃味適中的沙律汁，而且沙律包含不同材料，顏色都吸引。魚生跟壽司都好食，魚生新鮮，讓人食不停。壽司的飯不會太多太厚，選擇亦夠多。前菜沙律：胡麻蕃茄沙律,、什錦刺身沙律本人則跟朋友口味有少許不同，我喜歡熱食。點了清酒煮蜆，還可以，味道清淡。如果不愛蔥，就可以先跟服務員說聲走蔥。另外，亦點了我最愛的天婦羅，有海蝦、南瓜、蕃薯等，炸得外乾內軟，熱呼呼的炸物，當然要配凍飲。燒物都叫了神戶牛舌、燒日本蕃薯仔、雞軟骨，味道都是很好的。今次食得很滿足了，下次到大埔可以再食。