漁屋日本料理 (海寶花園) (已結業)

如題！慢！連罐装啤酒都要等3個字追兩次！漏單！不突止，所有order件數只有一半送到！叫10件拖羅黎5件！8件雞翼黎4件！Order追完又追！最後一半冇黎...Sake 杯俾個爛嘅我地....張枱已經細架啦，又冇人收嘢！要我自己攞去Bar 枱！6.45pm開始，8.15pm叫我地交枱！喂！啲食物上得咁慢又未夠鐘就遞張單黎叫交枱？！本來咁嘅價錢係抵食！自問都係一個有耐性既人，真係好難可以令我寫篇咁嘅食評！總之非常失望！絕對不推薦！冇下次！

第一次寫食評估唔到係因為太難食而寫......午市放題上菜極緩慢，d 單上菜上到亂曬，服務未見得出色，好多時上菜明明係隔離但係要個客自己放落臺？魚生新鮮度不過不失，但係個油甘魚好腥，拖羅似普通吞拿魚；所有熱食都係唔熱既，應該係煮好放左好耐：拉麵湯暖既，火炙壽司有燒過既味但係唔熱，然後杯熱柚蜜都係唔熱既......咁我叫熱飲黎做乜？比起過往我食過既放題，e間係我食過最難食既，278加一完全唔值∠( ᐛ 」∠)＿

今年生日由於唔係假期，所以一家人近近地喺屋企附近食個放題慶祝吓啦！食放題嚟講，餐廳嘅外觀好重要，因為食到肚痛就慘喇！而呢間漁屋夠哂裝修華麗丶夠哂光猛整潔，仲要好多人客，代表魚生都夠哂新鮮！台面成疊點菜單，第一樣一定要叫刺身啦！三文魚，北極貝，吞拿魚就成日都見，呢度仲有帶子同赤貝添呀！個刺身一上台，真係嘩嘩聲，好大盤呀，好有氣勢！相機食完就到我喇！首推三文魚，夠哂厚身，肉質仲好肥美；吞拿魚超鮮甜又唔靭；而蝦就隻隻都彈牙！正呀！好大隻嘅芝士焗蠔呀，啲芝士多到呢！好yummy呀！芝士味夠哂香濃，隻蠔又燒得啱啱好，好正呀！冬天就最啱就係食呢啲暖笠笠嘅牛肉鍋！好多牛肉呀，仲好入味呀！一家人chare一個就啱啱好，如果唔係食唔到round 2刺身呀！食蜆最驚就係多沙同得殼，不過呢度嘅炒蜆估唔到都幾有鑊氣，粒粒蜆肉都漲卜卜，正呀！仲有，呢度嘅炸物方面都有唔少選擇：金菇牛肉卷丶燒牛仔骨丶一囗豆腐丶燒雞翼丶炒野菜丶天婦羅丶一口炸芝士丶炸雞軟骨等！好脆口呀！值得一叫！最後，餐廳突然熄燈，仲播生日歌添！期間店員亦捧出生日蛋糕，好surprise呀！

年尾果時抽中左公司現金獎，食餐好嘅賀一賀佢！久違了嘅放題，我要嚟啦～某日經過大埔見到呢間日式放題，地舖好顯眼，有唔少食物選擇，而且價錢相當合理，所以就試下啦。我最鍾意嘅刺身類有好多選擇啊，而且最回本識食一定係食刺身㗎啦。因為好肚餓嘅關係，第一輪刺身就樣樣都劃左啲（好貪心XD），仲要預佢整唔足呢，不過估唔到真係樣樣俾足，有齊三文魚、吞拿魚、蟹腳、甜蝦同鮑片，仲送左個好大好大嘅刺身盤裝住，上枱果陣隔離左右都望住晒XD，味道very good，好新鮮！特別係甜蝦要激Like ，大大隻好長好多肉，所以額外再狂叫左好多隻。跟手叫左好多好多嘅壽司，款式多到爆，唔係平時爭X果啲普通嘢，佢地壽司都唔係求其，好似火炙壽司都好足料，而最愛就係一口海膽手卷，話晒海膽都係回本野，唔腥，份量又啱啱好。不過食到呢度都飽左50%了，根住再叫啲熟嘢都好正斗，燒墨魚同河豚乾好香口，少少咸多多脆，好似去左日本居酒屋，燒菠蘿超得，爆汁又唔酸，可以Encore。手羽先(即係炸雞翼)，都幾有名古屋風味，最欣賞係上枱仲熱辣辣，唔會話攤到凍晒先拎出嚟啲飲品Menu都好足，有汽水有啤酒仲有梅酒，連酒精類都任飲真係比較少見，呢個價位嘅

利益：為咗呢間嘢（大埔）第一次寫，食咗15分鐘行出鋪頭打呢篇嘢，因為已經唔想再食食物：整體質素略差，用調味/醬汁去遮掩服務：勁差，啲嘢食拎到嚟你旁邊，叫個枱號就拎住喺你頭隔離，即係要你幫佢放落枱，點解？因為無人會執枱嘅空碟，我地整理咗幾次碟，再叫侍應拎走，但無侍應會主動收嘢環境：好嘅係光線充足，地方乾淨；缺點係啲枱超細張，絕對唔適合兩個人食（建議最少3個人）價錢：278蚊再加1...？絕對唔值雖然大埔無乜放題，為咗就腳同方便，你可能無得揀，但如果你有時間或者唔想食到嘮氣，建議唔好嚟呢間食

由於大埔唔多放題餐廳，成日好快會結業，難得漁屋係叫做做得長既放題，生日飯同人慶生自然必定到漁屋，講到黎漁屋必叫既一定係芝麻雞翼，真係好好味，不過唔記得影。魚生無咩味，但賣相好。不過檯真係太細坐得逼，叫野食時無咩位放，上菜時待應有灑到少少湯落我外套。

食物細件。好多野叫左都冇嚟。或者等左勁耐先嚟。啲侍應攞食物俾人會成個盤喺你頭頂經過。成晚都勁驚會跌啲野落嚟😖😖食完啲碟唔叫唔收。叫左都唔收或者收一隻。神之放題。真係搵神先食

朋友推介話好多人食,有時排隊都食唔倒,咁好啦我地做白老鼠先！9:35左右到，起初見咁多人食應該都覺得唔差播!有員工係咁咦帶一帶位啦,因為冇左張椅,所以等人搬返去,個員工比完張椅我地就走左喇,完全冇講任何野!咁我地第一次食,乜都唔知,連門口既牌都冇睇過就入左黎!咁當然正常都知道係要點野食紙既,但檯面乜都冇,檯底有個櫃仔都係吉既,叫人冇人理,有位女員工係無視兼視線永遠只有直望,或一個焦點!隔離張檯因為好貼近,都留意得到,所以佢地主動借左本紙仔我地點住先,好好人,點完坐左陣先有野食到,仲要一件一件上,都算,我諗因為我地兩條友仔，所以我點得小,但以我記得我正式食得到成檯野既時候係10點！老實講咁樣等食野法真係好易飽,我食左小小就已經食唔落！我最記得我叫左海膽手卷,仲要係第一碟就上,手卷上面範圍既白飯位放左一舊仔海膽,側邊白飯好明顯睇得到,比例係各1/3,我當時就已經冇再抱咁大期望!(可惜冇影相)啲野食黎得唔係好齊,啲員工態度差,唔緊要!我唔係去高級餐廳,但檯號唔該都記下啦,成日將我地啲野食放隔離檯!上菜又慢,最快黎咪甜品囉,但我唔係黎食甜品放題嘛!呢啲全部都算,啲三文魚不好吃!我本身填左意見表

星期日去了下午放題。。點完一堆食物後，由於唔係準時12點到。。我應該1240左右才到。。。所以先上熟食。。。先上牛舌，好味。。。好冧而又同太乾。。接住到炸物。炸南瓜同蕃薯。好脆好香。不過天扶羅汁無連炸物一起送黎。一定要叫店俾。有埋個汁會好食好多。。一口芝士好味好脆的皮。。至於沙律。。。什錦沙律一般。。其實只係全部刺身切細左加上菜。。蟹子沙律好味道。。青瓜爽。。刺身。。。拖羅。。味道可以。色澤光。感覺新鮮。。。赤貝無乜平時放題的臭味。但唔夠爽。。帶子三文魚。。。就同平時食開ga差不多。。籃貝反而幾正。。意外的。。。好新鮮。。午餐可以任食又可以點餐。。。。最難得ga係有我男友中意Asahe酒。。。仲有熱飲。。我就中意薑水。。唔太甜又有味。。。正。。。食足3個中。。。抵食

朋友介紹，今天慶生，近近地試下。黎到店前，已被其光猛又美麗的室內設計吸引。食物款式比其他放題多。刺身有長腳蟹，正! 刺身上碟，勁靚和新鮮。尤其吞拿魚，比我之前在一啲5星酒店仲新鮮，好驚訝! 此外，還有一系列特色飲品，賣相極惦，仲要不用戶額外收費。5人埋單1200，勁抵。10個讚!

book佐2次都book吾到太full今晚終於book到9:308點半到佐之後9:03有位入得各樣刺身都好正 好肥美我從來吾食生蠔都食佐6隻芝士生蠔天婦羅正有送飲品同鮑魚刺身 杯藍色飲品好好飲屋企人話鮑魚刺身幾好食有啲漏單情況 不過睇得出好旺場飲佐fruit punch同巨峰果酒屋企人食鮑魚蟹子炒飯 話好食不過油佐啲248+1 等既時間同價錢都值得既

大埔依間放題 日日座無虛席 仲大大隻字寫住「神之放題」 今日就黎試下先！之前打左黎訂位 黎到等10分鐘左右就有位啦見到唔少人黎walk in都話冇位 有位坐啦～～～～大大本餐牌 好清晰一眼望哂幾欣賞佢地既飲品menu 唔似一般放題咁淨係得啲罐裝飲品依度仲有不少種類既酒類同埋特飲刺身有好多種類睇圖都知十分足料！特別要讚下拖羅刺身以放題黎講 咁既水準有驚喜壽司都好好食尤其是火炙壽司 好食到要encore再叫多一round甜品黎講就麻麻地不過佢仲包每人一杯movenpick雪糕已經值回票價果然係「神之放題」 水準果然幾好下次再黎食過先～

經常跟朋友食放題，卻沒有一次和老爸去。三十年來第一次當孝順仔，一早BOOK好餐廳，選了附近的漁屋，自己也吃過一兩次，才敢帶要求高的老爸去。我問老爸吃甚麼，他看了看餐紙，點了三罐Asahi啤酒，其他由我決定……刺身少不了三文魚，好像是挪威的，很鮮甜呢，老爸最愛吃貝類，他說赤貝也很新鮮、爽甜，不過我還是受不了那重重的海水味。然後點了燒三文魚，他們給了好大的魚頭，燒得不錯，不過一下子吃不完，涼了卻有點腥味，有點可惜。海鮮蟹蓋也不錯，味道有點像酒樓的炸蟹鉗。老爸喊著要吃飯，我又不想在放題點甚麼炒飯的，便瘋狂地點了很多壽司，火焰三文魚壽司非常好吃，蟹柳也不錯。最後昤甜點時間，老爸不愛吃甜的，我便把他的雪糕也吃完了！與老爸過了一個挺開心的夜晚。

妹妹第一次出糧，好開心既佢話要屋企人食好野（算有孝心），就入左尼間放題。 入到去第一時間睇點單紙，都好多選擇，屋企人鍾意食既都有。第一輪點左少少沙律前菜，同埋刺身。沙律尚可，沙律調味合適，唔太酸。刺身送到上台，屋企人即刻快手夾起試食，三文魚厚厚地，新鮮唔會腥，甜蝦、希靈魚，凡立貝都不錯。放題都能夠食到新鮮刺身，食番夠本 食完刺身，開始食熱食燒物同鍋物，燒物有唔少，我地食左：金茹牛肉卷(燒汁好入味，阿媽話整得幾好)燒蕃薯仔(熱食口感好好，細細粒，甜甜地好易入口)吉列蠔(好炸下，要飲番杯涼茶下下火)紫薯波波(味道好岩小朋友，而且口感煙韌，我同阿妹都食左好多，因為好鐘意紫薯味麻)粟米粒粒(小朋友最岩食)燒三文魚(調味料好濃，有點辛辣，喜歡辣既人可以試下)屋企人食唔停，我諗大部人食放題都係咁架。當時員工已幫我地清左部分碟，但我地張台都仲有D碟堆起來，當下阿媽就話，我地平時好似無得食咁，一家人都好瘋狂，食得好開心。偶爾同屋企人食好D，食多D，大家開心D，感情都好D。其實真系好多選擇，但食唔到太多野，下次應該留肚，唔食下午個餐，再來黎先岩。最後甜品環節，食左好多款精緻甜品，味道就各花入各口，有

小妹唔係算成日食收題，因為胃口細，而且成日覺得放題啲嘢食真係麻麻，好side quota(壓咗韻添)，不過呢間放題就好唔錯。生嘢小妹就最鐘意食，佢啲刺身好多款，差唔多樣樣都試晒，最正竟然係玻璃蝦，超鮮甜又爽口，其次赤貝都好好食，唔係間間有，而且好赤貝好快回本(好似係)，佢哋有海螺都係比較罕有，不過比較難食，唔係味道難食，係難以食用，我覺得ok的，不過我啲fd就唔食，留晒俾我清lol。三文都唔錯嘅，不過度度都差唔多㗎喇，值得一提我哋寫嘅數量佢都俾得好足，無偷工減料。燒物方面都幾好，獨特嘅有烤雞泡魚乾，加上佢哋有啤酒任飲或者梅酒任飲，送酒都唔錯。而且烤三文魚骨，雞軟骨串，烤蝦都正，我覺得烤蝦都好快回本。另一樣回本貨係焗蠔，我諗出面都10幾廿蚊隻喇，而且芝士咪校得好正，可以食半打is ok(不過我胃口細)。食到勁飽，仲俾咗張甜品紙俾我哋劃，有dreyes/movenpick雪糕(人頭計)，但真係太飽，所以拎走一路行一路食了。總結本身每個人270左右，因為有朋友生日請埋佢就300左右，以呢個價食返有咁上下嘅質素放題都ok㗎。