漁屋日本料理 (海寶花園) (已結業)

It costs us more than two hundred to order unlimited food there. In spite of the fact that is is a bit of expensive, i think the price was reasonable. The reason was that the food was of high quality, and the restaurant also gave us abalone too. The service and environment were satisfying. I will definiately go there again.

終於約到朋友一齊食漁屋，久仰大名，一黎到緊係要整返盤刺身啦，每樣都唔錯，由其係蝦特別新鮮，大大隻。串燒類一般般合格，但又未到好驚喜。全晚無漏單職員服務幾好。岩晒同返35知己黎食呀

劣評！！！ 尋晚去食8:30叫左第一輪刺身，唔係太新鮮啲蝦眼爛嘅蝦身淋嘅，吞拿魚雪味⋯之後都係叫熟食為主！ 呢間野越做越差，唔值。 咁啱個晚有人生日，啲光係咁閃，閃到隻眼流眼水⋯個場啲人都唔滿意，唔會再去！

book咗枱但都等咗15分鐘左右明明訂枱講咗6位但係居然set枱set得5位仲有叫咗好多次加返set餐具啲人都係聽完話ok就算雖然我哋都知晚市仲要星期日係好忙但個朋友已經遲到半個鐘以上嚟到都係未有餐具畀佢一去到送咗每人一杯藍色7喜溝唔知咩嘅飲品畀我哋好難飲 中晒伏 但外表整到cocktail咁好似好靚仲要係咁倒瀉嘢呢堆壽司算係好食 個蠔就啲蠔肉少到食唔到但個汁幾開胃嘅呢個沙律都算唔錯但份量就真係少啲 有啲慳皮呢個前菜唔錯 八爪魚好入味酸酸甜甜幾開胃重頭戲刺身 個造型就好掂啦但弊在唔係太新鮮食落去好似食緊刨冰沙冰咁唔知雪咗幾耐嘅感覺尤其係蟹 食落去味道好霉建議大家叫刺身要謹慎啲紫薯ok 炸物正常 唔算油膩清酒煮蜆真係唔好叫食咗一隻發現又唔太熟 又有泥味沙味都唔知有無洗過···結果成盤無食牛脷同雞串唔錯大蝦得粉漿味道 一般金菇肥牛算幾入味 可以一試炸蠔都正常 唔肥膩枝豆基本上完全無味···仲硬硬地 唔係太熟咁手卷 但魚生份量好少 塊紫菜硬到吞唔到有雪糕筒版本 我哋都有食效果一般 同魚生唔太夾炙燒壽司都算ok個人覺得三文魚比較好但真係等咗好耐先上期間仲送咗一碟龍蝦畀我哋舊舊都好似雪咗好耐咁完

上openrice到搵大埔有咩餐廳推介，發現呢間放題都幾多好評，打去問過價錢，價位都ok，再問埋有冇位，之後就book左位嚟食啦。因為有book到，所以好快就入得啦。發覺佢哋食物種類好多，真係花多眼亂。刺身果度我就淺嘗啦，因為本身魚生就唔太好，見朋友叫咗拖羅、三文魚呢啲佢地都話正，而我就覺得佢地有橙色果隻赤貝超正！赤貝喺出面好難買嚟食，比較少見，有都好貴，所以依度有任食真係抵到一個點！同埋壽司真係幾有特色唔係得啲HEA款，而且款款都吸引，抵食！炸物同天婦羅都冇得輸呀，好似芝麻雞翼原先每人order一隻但都真係唔夠皮，又香又脆，最怕出面食天婦羅同炸野有油益味，呢度即叫即炸，上檯仲熱辣辣。爐端燒相當有特色，好似原隻嘅燒墨魚、串燒牛舌、燒軟骨等等，勁有風味。而且大家一定要試下河豚魚乾，好似食魷魚乾咁，因為出面放題真係極少有，而且烤過後更加香口，仲有得任飲日本啤，就好似去左日本居酒屋咁。雖然得2小時好似唔係好夠，佢地又有咁多款式真係好難試勻，咁有個藉口，下次再嚟食啦，哈哈～

成班大食朋友去食飯，當然要去放題啦！今次就去到大埔嘅漁屋日本料理！朋友介紹話呢度嘅刺身好新鮮又好味，我哋呢班餓鬼，就瘋狂點咗三文魚、甜蝦、北寄貝、赤貝、墨魚...估唔到，上枱無漏單，賣想仲好吸引！最鍾意個三文魚腩，夠晒新鮮肥美！壽司種類繁多，飯唔會死實，又唔會話超大舊飯，整到你飽飽！不過，我哋呢班大食人仕都唔敢食太多，留肚再下一round！其他熱食方面，最鍾意就係成隻手掌咁大嘅生蠔，芝士味香濃，蠔味鮮甜！炸物類，唔會話太油，食多啲都唔會膩！最後大食嘅朋友，又點可以無肉落肚，大啖大啖肉食落肚！好滿足嘅一餐，下次再encore！

2個大食人仕，最好就係食放題！大埔區依家多咗好多放題選擇，但漁屋就係我哋兩個嘅最愛選擇！因為真係唔會漏單，食物有質素保證！食放題嘅第一件事，一定要叫刺身！大大盤上台，份量好多，而且好新鮮！除咗三文魚、北寄貝，估唔到連貴價貨嘅帶子同赤貝都有！我哋至鍾意就係蝦，成隻手掌咁長，仲好彈牙！正呀！Encore壽司之餘，都試吓個天婦羅，唔會太油膩，首推夠鮮甜嘅南瓜天婦羅！串燒選擇好多，最鍾意雞軟骨，每粒都漲卜卜同脆卜卜！仲有鯖魚味道好入味，唔錯架！壽司類推介芝士蝦，好好味呀！臨完場，一定要食埋酸酸甜甜燒菠蘿！作為飯後嘅消化小食確實唔錯！最後，當然要留肚食甜品啦！選擇超多架！

估吾到今時今日仲有甘既餐廳。一早訂左位，4位成人加1個BB不佔座位。去到排隊入座，請店員安排單邊4人卡位。現場所見仲有1半單邊卡位，但店員依然安排走廊位置，我地話走廊位太危險，佢再請示經理依然係吾肯安排。我早幾日已經訂位，去到排隊，到我地仲有好多位。而全部人都係同一時間入座，點解甘都安排吾到呢？之前一個人食過幾次，覺得食物ok先帶家人泥食，結果食到一肚氣，一定吾會幫襯第二次。差到極點，帶小朋友去既，要認真考慮下😠😠😠

開開心心約埋班朋友係漁屋開餐, 如果唔係6個朋友都住大埔都未必會黎, 但試完一次後再有機會放題都係去返啲,大喜屋, 吉壽, 滿屋.8點鐘入座, 即刻劃紙入order, 第一轉寫左好多野, 等10分鐘先肯上罐裝飲品, 成15分鐘先黎第一盤刺身, 寫十樣黎得果五至六樣, 之後再order極都係唔會俾足你, 到熟食, 入紙入紙再入紙, 但永遠都係得小小食品送到, 仲要重覆又重覆既野食, 但本人放題至愛既芝麻雞翼同芝士年糕全晚入左5次紙都係冇黎過, 搵經理追, 佢永遠都係求其敷衍你, 8點入座, 全枱6個人食到9點半 last order都係異口同聲話未飽囉, 其中兩個女仔都係細食既都話未飽, 忍唔住搵經理理論, 佢知我地全枱都勁炆, 拿拿叫廚房出食品, 可惜又係送啲冇叫過既野黎, 想食不停入紙既成晚冇見過, 最後成枱都話唔會再黎, 成間舖不知所謂, 完全冇料做一間放題

今日又唔知食乜嘢好，不如就食放題啦，反正都未試過大埔呢一間。間鋪頭成日都好多人，我哋冇book位，大約等左15分鐘就入得。地方唔大但放咗好多位，每張枱都好窄，同隔離位有陣時會手踭撞手踭，坐得真係好唔舒服。刺身選擇都幾多，赤蝦都有，夠大隻又鮮甜。其他刺身都幾肥美新鮮。每人一隻嘅鮑魚煮得都幾入味，唔錯。但其他煮物炸物就非常一般，煮蜆蜆肉更加細到睇唔到！！最大問題係張枱實在太細，叫第二轉刺身嘅時候根本放唔到…要用手拎住…結果要極速食晒枱上面啲非常一般嘅煮物。雖然刺身都唔錯，但環境真係唔得！如果唔係貪就腳都唔會再喺呢度食…

依間放題已經開左係大埔一段時間，聽聞好full，今晚終於可一試，記住早一日要打去book定位...蠔超細，沙律汁裡有洋蔥同蟹柳，調較都適中，唔會太膩花之戀一夾起就散芝士炸蝦卷不錯，芝士夠還是溶的狀態，加上炸蝦在內，不錯不會燒得太乾👌🏻燒得不錯，煙肉燒得夠咬感，不會燒至乾，加上秋葵，不錯👍雞翼夠香，肉嫩，但比較膩蠔細，比較多粉，沒有蠔味一口芝士，咬落成口芝士溶在口中老公好鐘意榴槤忘返，佢一咬就聞到陣榴槤味這些比較失望，每件味道也差不多，和牛似肥牛件燒一燒，失望食落似忟冬菇的味道三文魚籽不太新鮮芥辣八爪魚不夠攻鼻辣味三文魚夠味道拖羅有筋、蟹腳無剪刀，好難拆到肉，味道也是一般鮑片、青口新鮮香芋味夠突出，好似甜品木糠布甸不夠凍，cream還是溶和菓子皮厚牛乳布丁的牛奶味重朱古力味夠，好似維x朱古力奶

作為一個大埔人，呢度叫得美食嘅唔係特別多，又唔係冇選擇既，但日本放題就真係好少，食完呢間後，想食放題終於唔駛山長水遠出旺角食。食放題第一輪必叫刺身，見佢哋刺身有好多選擇丫，罕見嘅有拖羅，蟹腳，赤貝，但最估唔到係有帶子！係我至鐘意嘅帶子，而且質素都好好，同板X元X果啲質素，任食真係抵好多，我一人獨吞10幾20片都得，好正。至於壽司我就冇乜點食，都係同行朋友叫，睇落幾正。佢地張紙寫芝士焗蠔係必食，所以order左每人2隻，我本身都鐘意食芝士同蠔，兩者真係夠晒match。不過我怕滯，所以只係食左2隻，如果佢有埋蒜蓉燒蠔就真係very good了。講開芝士仲有一款係炸嘅芝士年糕，芝士味冇咁濃，但幾煙un。燒海蝦，啖啖肉夠晒正丫。至於牛舌我地唔食，但送酒應該唔錯（順帶一提呢度有梅酒或者啤酒店都有得任飲真係好佛心）同行朋友佢哋仲有叫天婦羅，本身驚熱氣冇諗住食但見隻蝦天婦羅好大隻所以都忍唔住食，而且點左天婦羅汁應該都唔係太熱氣，而且仲有南瓜天婦羅，食啲菜好似易消化啲。最後仲有甜品（不過唔記得影相xd），但好有特色丫，有奶凍，有牛奶布甸，唔係道道有咁多甜品揀，淨係呢度嘅甜品已經令到我下次想再嚟食la。

事先BOOK左位，5點半果場(抵食啲)，可能太早無乜人坐底無耐有野送，薄荷雪碧飲品，同埋每人一隻鮑魚第一輪緊係叫刺生，可能無乜客所以好快黎最愛三文魚同帶子刺生，不過嫌張枱太細，兜野太大==吞拿魚刺生有少少根，甜蝦OK叫左好多野食，不能盡錄不過想講下火炙三文魚，好正，入口即溶！！另外第一次食芝麻雞翼，係幾好食喎每人有一款雪糕拎走食到差吾多果陣，突然關燈，原來有人生日音樂起，全場都望住個主角，都幾尷尬XD埋單每人$238加一

幾丁友去完大埔林村，到搵食時間，朋友就提議食放題，都好，有一排冇食。上fb望過呢間漁屋都幾多like，而且食物都好吸引，睇埋openrice食評就見好壞參半，但大埔又冇咩放題，都可以一試嘅。地點就喺大埔廣場對面，大大個招牌相當醒目。舖位夠大，所以坐得算舒服，唔會一張拍一張咁逼到實。食物種類好多，咁多款刺身竟然我達令吞拿魚，所以二話不說狂點啦，切得好厚，肉質滑溜，色澤紅潤，望落都夠正。加上赤貝刺身堅推，又爽又好肉，又有少少海水味，仲有帶子，夠晒抵食。朋友話放題食壽司會頂肚唔抵食，但我見隔離枱叫咗幾款壽司幾正咁，所以都叫咗。海膽軍艦又新鮮又大件，紫菜又脆口。不過為左唔好晒Quota，都唔敢叫太多啦。芝士焗蠔係朋友大力推薦嘅，心諗食放題有蠔食? 又真係good喎，真係原隻上，蠔肉都幾肥美，真係一個人都可以拍返半打。天婦羅有好多款式，海蝦鮮甜又啖啖肉，而且鰻魚同蟹棒都幾正，可以主攻呢三樣，炸粉剛剛好唔太厚，以前食過啲天婦羅好似一口油，佢哋呢啲唔油膩。見上面有啲食評話上菜好慢但我呢次去食又唔覺，果次食正繁忙時間坐到滿晒，係第一輪落左好多野食耐少少，其他食物都一路上一路上，可能炸野會耐啲啦，而且熟

今天朋友請我到這裡食放題，之前很多朋友都說這店食物好味，滿心期待這慶生飯。點食物時，店員送上薄荷七起，外型好靚，小小薄荷味，很好。刺身方面，第一輪嘅拖羅好肥美，但第三輪時，只送上吞拿魚。松葉蟹腳冇味道的，而且每次叫十件，都只送來三隻腳仔，三件節位。刺身數量和款式都不是我們所要的，都少了一些。這店嘅飲品很好，款式多外型靚，又好飲。要了咸檸七同雜果賓治。梅酒都好味串燒牛舌夠味又不鹹，好味道。炸榴槤每份半個，好香榴槤味，炸蠔及所有天婦羅都太厚粉，味道不好。燒菠蘿及燒雞泡魚乾值得推介。燒羊架唔太羶，夠軟，好味。全餐最差係海膽手卷及所謂昆布海鮮湯，昆布失蹤了，只見莞茜，看圖。幸好最後嘅甜品不錯，馬卡龍夠鬆口又不太甜，好好味，牛奶布丁都軟滑好食，桂花糕有苦味。