我最鍾意嘅刺身類有好多選擇啊，而且最回本識食一定係食刺身㗎啦。因為好肚餓嘅關係，第一輪刺身就樣樣都劃左啲（好貪心XD），仲要預佢整唔足呢，不過估唔到真係樣樣俾足，有齊三文魚、吞拿魚、蟹腳、甜蝦同鮑片，仲送左個好大好大嘅刺身盤裝住，上枱果陣隔離左右都望住晒XD，味道very good，好新鮮！特別係甜蝦要激Like ，大大隻好長好多肉，所以額外再狂叫左好多隻。
跟手叫左好多好多嘅壽司，款式多到爆，唔係平時爭X果啲普通嘢，佢地壽司都唔係求其，好似火炙壽司都好足料，而最愛就係一口海膽手卷，話晒海膽都係回本野，唔腥，份量又啱啱好。
不過食到呢度都飽左50%了，根住再叫啲熟嘢都好正斗，燒墨魚同河豚乾好香口，少少咸多多脆，好似去左日本居酒屋，燒菠蘿超得，爆汁又唔酸，可以Encore。手羽先(即係炸雞翼)，都幾有名古屋風味，最欣賞係上枱仲熱辣辣，唔會話攤到凍晒先拎出嚟
啲飲品Menu都好足，有汽水有啤酒仲有梅酒，連酒精類都任飲真係比較少見，呢個價位嘅放題，都算值呀。
