滿屋日本料理 (大鴻輝(荃灣)中心) (已結業)

嗰日約咗幾個朋友一齊去咗荃灣呢間放題到食嘢，之前去過旺角嗰間但係坐得好唔舒服， 好迫夾， 嚟到荃灣呢間有驚喜! 可能因為佢新開張啦，間隔唔錯，多數都係以卡位為主， 而且燈光充足。 唯一美中不足就係位置。 去過大鴻輝樓上食肆都知， 樓下等𨋢嘅時間真係好難估計， 但總算方便！嘢食嘅選擇多， 熟食嘅選擇都唔少! 放題黎講我覺得呢間野絕對合格， 飲品嘅種類亦都夠多， 但係刺身質素部分仍有改善空間啦…… 嗰日食嗰啲甜蝦係非常新鮮，其他就一般般!鰻魚分量唔姑寒，淨係食鰻魚都抵！出面可以有唔少前菜沙律可以選擇，味道唔錯，仲有凍豆腐添！三文魚🍣刺身都幾鮮甜，無咩雪味，分量比得幾足！總括而言對得住呢個價錢。

荃灣大鴻輝中心出名放題、打邊爐、食雞煲，今日年初七—「人日」，梗係要黎慶祝一下！淨係等排隊上lift都迫滿人，約左人真係要早啲到！呢度分紅色、黑色兩本點菜簿，熟食例如燒物、炸物、鍋、粥就係黑色簿；生嘅例如刺身、壽司，就係紅色簿。顏色咁分明，想食邊類就拎個本，點起野食就方便得多！芥末以獨立包裝供應比客人，好衛生。叫啲燒物暖下肚先。牛舌、和牛粒都好香，唔韌唔鞋，好有口感。雞軟骨串好香，燒得啱啱好，唔單止軟骨有咬口，連外皮都燒得好脆口，正！燒蝦好入味，燒完都唔太乾身，蝦膏味濃郁，嗌多兩round都唔嫌多！焗蠔好香！食落juicy，芝士又多，好滋味！壽司刺身款式多，三文魚、甜蝦、鮑片⋯⋯諗得出嘅都有。壽司、軍艦都樣樣齊。最特別嘅係手卷，食開放題嘅朋友一定怕食得飯多會好飽肚，呢度嘅手卷超迷你，一口手卷，包你唔會食完就飽！講到甜品，兩款炸彈球都超好味！叫左三四round! 鍾意食榴槤嘅朋友千祈唔好錯過！即叫即炸，咬落脆口，內裡嘅係熱辣辣流心！榴槤味濃郁，唔食就走寶！唔鍾意食榴槤嘅朋友就可以叫香芋味，芋頭味一啲都唔遜色！味道都係咁香濃！流心一樣咁正！最後，一人叫返杯Haagen Dazs，有季節限定

終於到年三十晚了狗年快將去矣！換上的是肥美豬年，寄望往後日子香港能少點怨氣多點祥和，世界和平人人快樂！ 快樂便是能齊齊整一家人吃頓團年飯，我有個宅女媽媽只好在荃灣區內找吃，最後選了滿屋日本料理吃日式放題！除了劃紙仔點食物外，在樓面有自助前菜、沙律及小菜和甜品區，車爸爸一見有我喜歡的味附螺肉即刻取來給我吃真抵錫！ 而他就取來一大碟他深愛的清酒煮蜆，肥美又冇沙好好味所以他吃了超多呢！ 吃日式放題最回本當然是刺身，有牡丹蝦、希靈魚、三文魚、赤貝、油甘魚、劍魚、帶子，賣相夠光澤新鮮度很不錯！我就最喜歡油甘魚刺身超鮮甜又油潤！ 壽司的款式超多大家也不客氣狂點！當中以帶子海膽最為吸引，估不到放題的海膽也相當不俗！ 另還有一系列軍艦我就投蟹膏軍艦一票喇！好鮮味不過也邪惡！ 而我喜歡吃的满蒲燒鰻魚竟然是原條上，質素相當不錯大家也大讚好味道！ 而咖喱炒蟹則是車婆婆是夜首選，足足吃了三轉之多，試了一件果然香口又鮮味！ 串燒中這個豬腩肉真係太正了，微辣香口的腩肉油潤甘香，我只敢吃一口便要忍痛說再見！ 炸芝麻雞翼又係好吃之物，偷車爸爸一口吃滿足矣！ 串燒海蝦冇咁邪惡我可以多吃兩隻嘻嘻！ 泰式炒蜆都唔錯，

突然又想食放題，岩晒我哩d大食積。咖哩蟹，炒得好入味，咖哩唔會太淡又唔太辣，味道較得岩岩好，不過食得有d狼狽食完一次就去一次廁所洗手。海蜇好爽口。火炙芝士蟹柳壽司好正，半溶芝士口感一流。天婦羅外層粉漿好脆，帶點微暖，不是炸定等有order先出比客人。白桃梳打，好濃郁白桃味，冰涼又爽，好過飲汽水。每位跟一款指定甜品，揀左haagen-dazs朱古力味，大牌子既雪糕都係好食d，夠晒滑。仲有幾款不同甜品，推介木糠布甸。

早前同媽咪朝早去辦理政府文件事項，排隊都等左幾粒鐘，搞掂晒野，就係附近食午餐放題，價錢都係差唔多2百蚊一位，相對抵食。壽司用料新鮮，色澤都鮮明，蝦壽司好彈牙。燒得好香，醬汁甜甜地好惹味。日本蕃薯仔，一啖一口，好軟林，重蕃薯味。芝麻雞翼，好香芝麻，外皮亦好脆口。天婦羅蝦。椒鹽魷魚鬚，炒得好惹味，魷魚鬚爽口。有Dreyers牌品真係好難得，而且仲係脆皮雪條就更難得，真係好滿足。有什果飲品提供，好過成日飲罐裝汽水。

約了好朋友中午食放題慶生，食物選擇頗多，有刺身、壽司、燒物、串燒、一品料理、煮物、手卷、炸物、天婦羅及特飲。飲品有兩邊，一邊是熱飲，一邊是凍飲，選擇很多。第一round先來這些: 花膠、蟹、扇貝、鰻魚、壽司、燒雞翼及燒菠蘿。花膠很足料、膠質很重，10分適合女生👏🏻; 壽司水準不錯；菠蘿很甜。👍🏻再來刺身、炒蜆和牛柳粒。刺身頗新鮮，帶子鮮甜甜蝦爽口，配搭清酒，不錯不錯。我們真是眼闊肚窄，吃了兩round已經飽了，唯有再點多一些刺身和壽司，還有炸芋球。芋頭球新鮮炸起，熱辣辣脆卜卜。朋友很喜歡刺身配清酒及梅酒。第二個胃就用來吃雪糕，選了這兩款，都很好吃，🤤十分滿意。甜品櫃還有很多甜品任吃，但我們第二個胃也吃不下了。😅

今日相約朋友在荃灣食lunch，第一時間想起大鴻輝中心，發現有日式放題，當然要一試。午市時段12-3PM，$183價錢合理。刺身、壽司、卷物、串燒、鍋物等任點任食，食物種類十分多元化。除了特飲，其他飲品採用自助形式，凍熱飲有汽水、果汁、荳奶、茶類等，選擇非常多，最特別是梅酒和清酒，一般放題比較少有。餐廳設有自助吧，小食、沙津、湯、糖水、甜品、水果等任君選擇，十分方便。上菜速度快，沒有漏單的情況。多款海鮮刺身鮮甜爽口，厚切的三文魚和劍魚腩肥美而不油膩。壽司精緻小巧，細細件但用料十足，最愛海膽帶子和海膽拖羅。熱食選擇十分多，值得推介香辣咖哩炒蟹和豉椒汁炒花甲。Häagen-Dazs和Dreyers雪糕每人限點一份，另加送每人一杯道地蜂蜜綠茶。

放題已經興時很長時間了，以放題為主題的餐廳林立，不下幾百家，質素和價錢都大同小異，在雲雲之中可以立足並開足幾間分店，便有他的過人之處，我講的就是今日試的滿屋日本料理，充滿日式風格，一出䢂全層都是，位置寬闊，舒服。食放題大家都知道，坐低就劃菜紙，然後便等食物上枱。此時可以出去取一些輕量前菜，或天冷時飲一碗熱氣騰騰的老火湯。刺生肯定係第一時間想吃的了，赤蝦、甜蝦、赤貝、帶子美味極了，再補上一輪。三文魚腩，劍魚腩肥美多汁。螺頭爽口。其他食物方面選擇很多，鰻魚味道豐厚，羊扒香口且肉質鮮嫩。雞翼又香又脆，天婦羅新鮮炸的，還保持熱度而且不油膩。又香又脆口感甚佳。飲品、甜品、生果、雪糕等等種類一點也不少，吃完主食之後，一邊傾解一邊享受甜點和飯後果，帶來全面性的滿足感。

趁週未約了幾位朋友見面傾解，其中一個適合的地方便是放題，因為地方寬敞舒適又可以坐得耐地，仲由頭到尾有美食伴隨，你話幾好哩位於荃灣鬧市中心10樓，高高在上，市區景觀一覽無疑。午市放題:183/位，食足3個小時，點會吾抵。一吃刺身就好容易睇得出餐廳的質素，赤蝦、甜蝦夠鮮甜，劍魚腩夠肥美，帶子赤貝爽滑嫩口，北海道角螺滑嫩美味。總體質素上乘。值回票價。食完刺生之後試下其他熟食，炸物，串燒等，羊扒香味四溢令人留下深刻印象，芝麻雞翼又香又脆，炸榴槤風味十足。飲品方面種類超過20種，不喜歡飲品櫃的話，還可以飲特飲，紫貝天葵白桃梳打、萄萄天與地、芒果柚惑、藍糖白桃梳打，都是俱有特色和精心調配的特色飲品，讓人心情愉快。生果清洗胃口，也帶來完美句點，特別喜歡吃蜜瓜，香味十足，甜度足夠，很清清又潤喉。

起啲fd嘅半推半就下黎左啲嘢食種類好多，甜品以放題黎講都叫多，同埋甜品款式都好特別又好味，最正係啲刺身壽司都好新鮮下，壽司大細係細細舊咁，但上面嘅魚/配料唔會好小唔似其他放題咁淨係想執爆你個胃，令你食小啲雖然一開始好多人，等嘅時間都較長但係入面嘅環境都好好全部都係卡位，坐得又好舒服落單後啲嘢食都好快送到黎我而家真係好鍾意呢間放題(੭ु ˃̶͈̀ ω ˂̶͈́)੭ु⁾⁾而家變左係我成日叫啲fd同我去（笑）

搞慶生...當然要食餐豐富的啊~~...好耐冇尼哩類日式放題...Walk-in 客…自由入席起計任食兩小時…周四哩個晚上…人流都是滿滿的!!環境普普通格局...四人俾6人檯...夠位放下隨身物同滿桌食物...坐得算輕輕鬆!!...快快手…剔剔心頭好…!! 花款多多…上菜o既速度快…魚生剌身大盤上…好吸睛!!...整體質素都蠻新鮮啊~…至為推介係甜蝦、大赤蝦…因為係本人至愛!!...而且真真肥大肉厚…另外推介海膽手卷…手卷都係迷李型…可以多叫幾客!!..熟食要讚係….燒羊架、盬燒雞中翼天婦羅炸漿亦吾錯…大蝦、甜薯OK…南瓜吾夠甜…亦有好多款壽司+卷物...記吾晒咁多...不過似乎多數特色款式...賣相可能別緻D…但反倒味道吾及普普通常見o既添…可以一試但不會再試…燒鰻魚…汁調得太重味了啊!!...過咸!蟹粥…”必食”推介尼…但好普通o既粥底…有蟹但吾多甜...仲俾我地發現一條白色線狀物...同服務生講…隨後有位負責人尼講吾好意思…解釋話係綑蟹條索帶…清漏耶!! …外面自助food bar…有D冷盤、甜點、飲料…任取限量一人一客o既…就係哈根大師、Movenpick…雪糕櫃鎖著的…跟服

好耐無食過日式放題，所以揀左近近地既滿屋。選擇左8:45pm開始個段，星期日瞓得比較晏，呢段時間食晚飯剛剛好。放題時間有兩個半鐘，可以慢慢傾下計。一入到去有甜品櫃、生果櫃、沙律吧、湯等。餐廳中間位係飲品櫃，有成三大個，果酒都有三種味，啤酒有兩款。有刺生、壽司、迷你手卷，手卷有海膽，值回票價。刺生～迷你手卷唔多飯，上面鋪滿海膽，每人起碼食左三件。熟食有芝麻雞翼、咖喱蟹、炸薯塊。適逢冬天，叫咗一啲暖胃既蟹粥、人蔘雞湯。天婦羅蝦、蘑菇焗帶子。燒物有豬腩、海蝦、雞軟骨，即叫即燒。另外有一個獨立既生果櫃、有多種生果。每人可以點一個哈根達斯、geleto等既甜品。榴連geleto第一次食，都幾濃榴連味。餐廳佔全層，地方夠大，兩個人坐四人卡位。整餐點單都無錯，唔需要追單，收碟亦都好主動，不錯～

近排食得火鍋度多，所以同朋友去食咗間位於荃灣大鴻輝中心嘅日式放題。 一來佢地點就腳，二來放題選擇比較多！由於入座時間係8點45分。所以唔需要等位就可以好快入座。餐廳裝修都keep得幾新，座位都幾大，幾舒服！前菜方面有，蜆，蓮藕，墨魚，螺肉。日式放題有點可以唔少得魚生， 當中比較欣賞嘅係三文魚，鮑片，油甘魚同大赤蝦！另外壽司方面有芒果之戀，海膽伴拖羅卷。 另外串燒方面，比較欣賞嘅有海蝦，牛舌，雞軟骨同埋菠蘿，都好好味！飲品區方面都好多選擇，各式各樣汽水同埋有啤酒，仲可以點特飲！甜品有haagen-dazs雪糕 都相當唔錯！

放假食個午餐放題去到不用排不用等即刻有位，一人HKD193加一，由一點食到三點！一入到去即刻點野食，都几多選擇！野飲款式都好多！先整翻盤刺身！有三文魚，帶子，珍寶蝦，甜蝦。。。好新鮮！見到有花膠！當然都有叫，都好大塊喎！足料。其實放題有既野佢都有，不過就雪糕方面有點限制，可能怕人浪費！一人只可以叫一杯！搞笑既係，佢有得簡哈根大師限定口味，但簡完其實都只係朱古力昧！但佢有一款類似雪芭，榴連口味！仲要好好食！驚喜！炸物方面，炸芝士年糕同榴連炸彈都好值得試！都會再黎多次！

對上一次去滿屋，好似已經係兩年前嘅，今次再同朋友嚟，感覺比之前好得多，食物嘅種類亦較豐富！😝😝👍🏻前菜嘅選擇已經有很多，有勁大盤嘅蟹子，螺肉等，而我最喜歡就係泰式鳳爪，辣辣地幾惹味！木瓜布甸，清新爽甜💓💓和牛壽司好juicy!燒蝦同番薯都好好食，雖然燒蝦淨係用鹽調味，但食落鹹鹹地，肉質彈平。另外番薯仔細細粒，仲幾甜！咖喱炒蟹幾開胃，好食到好滋味！黑松露菇多汁，幾重黑松露未！炒蜆勁好食，而且冇沙！最估唔到係有原條嘅甜酸魚食，醬汁酸甜，魚肉嫩滑！天婦羅唔油，幾好！甜品都有好多選擇，最後我同朋友都食得好飽💓💓💓