滿屋日本料理 (大鴻輝(荃灣)中心) (已結業)

我幾鍾意食放題，貪佢選擇多，每樣可以食少少，我都食過好多間唔同既日式放題，但質素參差，而且有d選擇唔多，今次食呢間滿屋都幾有驚喜價錢同一般放題差唔多，7:30前離座或9:15後入座係$193座位主要都係梳化，坐得幾舒服滿屋既特別之處係佢有自助海鮮Bar，沙律bar同甜品櫃，海鮮選擇都幾多，有蝦，蜆，翡翠螺同青口，有啲自助餐嘅感覺，除此之外仲有少量熟食飲品嘅種類都好多，當中仲有hoegaarden ，回本真係冇難度刺身選擇多，而且質素幾高，而且夠新鮮，出面放題比較少有既赤貝同劍魚楠都有，而且帶子係質素較高果d，唔係好乾又硬又冇味果d比較貴價既海膽同吞拿魚蓉都有得食，壽司飯唔會好大舊，咁樣就可以食多好多其他野呢度既燒牛舌都幾香，係我翻點既食品之一，加埋檸檬汁幾好食芝麻雞翼又係放題必食，但係貨源都會有好多，唔係間間放題嘅芝麻雞翼都好食，冇屋係屬於好食嗰間，唔會炸到乾晒，個皮脆卜卜，咬開仲好juicy 榴槤波波又係一定要食，榴槤迷一定唔可以錯過，因為咬落去好香榴槤味雪糕每人一杯，焦糖脆脆出面好少有得食，而且呢度仲有榴槤雪糕揀，為我既晚餐做一個完美嘅總結

今日女朋友同我一齊放假，終於都一齊放，感動😊所以夜晚出街食飯。由於食左好多晚火鍋既關係，我地決定今日一定吾會食火鍋😂😂我地會落荃灣買家庭用品，所以就上網搵下荃灣有咩好食。最後我地選左一間放題餐廳，坐抵慢慢食，拍下拖😊間餐廳叫滿屋日本料理，都幾抵食，晚上7點半前埋單，重會特價tim，所以早啲去食，之後再行街。😀呢間滿屋都好大間，坐位都好闊好好坐，岩晒我地坐向到慢慢傾計。而且服務都好好，落單好快就搵到侍應，食完啲碟都好快有人處理左👍🏻👍🏻佢地既落單紙都整得好有條理，分晒類放好，客人好易落單。食放題最緊要係食物之外，飲品都好重要。佢地有不同種類既熱茶可以選擇，有清酒任飲，重有好多種果汁汔水👍🏻👍🏻落單紙重有特飲可以選擇，我選擇了紫貝天葵特飲，好好飲，飲品真係有好多選擇👍🏻👍🏻餐廳重有一個凍食自助吧，有凍蝦，青口，沙律，好多野食🥰，而我緊係整返碟我最愛既沙律啦。沙律菜好新鮮，我見到好乾淨，應該洗過👍🏻👍🏻野食重有好多，介紹吾晒，我選左幾種去介紹。食放題點可以吾食刺身呢😂全部刺身都好新鮮，三文魚重要係厚切👍🏻👍🏻我會建議大家點甜蝦，比平時食果啲，大隻好多。重有可以叫鹽燒蝦同埋牛舌，好好味，燒牛舌

最近有朋友聚會，今次就同朋友來呢間正野到食！呢間放題比起其他的有好多不同之處好像種類更多之餘，仲要有好多特別美食😋一入到來就緊係點野食啦，但點完之後點都要等一陣，呢到就有少少野係等你自助拿！好好丫！仲要係有沙律🥗部，有d冷盤海鮮咁，仲有薯格！有好多好多唔同的飲品提供！種類都幾多拿完飲品無耐，刺生就到了！之後的都好快咁出晒～都幾快手～呢到竟然有花膠鵝掌！我朋友即刻點來試下！好少可放題會有呢d食呢～濃濃的膠質，食落好滑口，又唔鯹～呢個價錢實係算不錯丫！呢到仲有燒墨丸～好正丫！加埋d醬汁，有少少辣～我都食左幾串呢到仲有炒帶子！好多不一樣的熟食食！唔食生野的朋友都不用怕冇野食！仲有特別要點名的創意壽司！呢個壽司係芒果士多啤梨薯仔沙律壽司！表面有海葡萄！味道清新，加上創意，我覺得值得一食！仲有水果丫，甜點那些唔少得的食物～最後當然仲有雪糕，但雪糕是季節限定的桂花味，我都未係出面食過～夠新！

好耐都冇食放題，上網見呢間幾便宜所以book左早場試下。一來到，可能真係太早，都未有人排隊，店員帶我地去到卡位坐低，係4人座位，都幾舒服。 見未有好多人來，我先周圍影下相比大家睇睇。出面放左一些冷盤、甜品、水果周埋炸物比大家選擇，我都夾左d凍蝦同蜆試下，個蜆又幾好食喎。再去雪櫃拎野飲，見到佢都好多選擇，最特別係佢竟然有個熱飲櫃暖住d野飲，好似幾貼心，除左熱茶外仲有其他選擇。今晚試左好多野食，好多都唔錯，刺生好多選擇，我覺得帶子同蝦較出色，很新鮮；另外我試左好多熟食，大多數都好滿意。榴連炸彈好香榴連味同炸得岩岩好；雞翼外脆內軟好入味加左芝麻好香；牛柳粒又好林好入味；帶子同天婦羅都唔錯丫，無咩太特別。羊肉有少少騷味夠惹味；炒帶子同牛舌原來係同一種調味及配菜來炒，所以味道差不多，只係主菜轉左而已，個人比較鐘意帶子。哈哈！串燒牛柳粒又係好好味，夠香惹味同好林，牛舌都好正，咸咸地好入味。蝦都唔差，不過要剝殼好麻煩，哈哈。這款雞翼味道尚可，不太特別。最後仲叫左第2輪刺身食，成晚都食得好飽。雪糕有movenpick，雖然每人限選一份，但都好滿足了。最後好想一提既係佢竟然有爆谷機同棉花糖機比你自己整野

好耐冇食過放題係時候品嚐一下，趁放工約埋同事齊齊去左荃灣呢間人氣日本料理店開飯，呢度主打係任飲任食日式放題，可以一次過食到不同美食，由刺身、壽司、串燒、燒物、一品料理、天婦羅同甜品等真係包羅萬有，肯定滿足到大家一番食欲先來梗係食番個刺身拼盤，點左幾款心愛嘅刺身品嚐有大赤蝦、甜蝦、帶子、赤貝入口肉質爽口又鮮甜，再來係時候食一系列特色壽司，有火炙壽司、創意壽司、手卷款式同口味夠晒豐富，而且每款壽司食落各有不同口感，我就比較喜歡食火炙壽司入囗特別香濃，食完一輪美味刺身同壽司後輪到熟食先有天婦羅炸得鬆脆可口，再來有一品料理同串燒每樣食物都有水準食得滋味，繼續係豪華海鮮宴，入口啖啖肉特別鮮美抖一抖又可以係自助區揀各種冷盤海鮮食物同沙律連甜品供應，再來有煮物至尊蟹皇海鮮粥，估唔到用料咁足粥味濃郁，放題時間過得特別快最後食埋精美甜品同限定雪糕，又享受完一餐美味日式放題。

「刺身」品種不多，但更新鮮，厚切美味！ 我們點了兩輪，裡面的牡丹蝦一定要推薦，好大只，有圖有真相！ 「鐵板雪花牛肉粒」牛肉嫩滑多汁，好吃！ 「芝士焗帶子」味美 「三文魚芒果卷」香港的壽司🍣魚生都好大片啊，真的良心品質 就寫這麼多吧，有機會再試其他

近年放題選擇很多，不過質素非常參差，而這間位於荃灣大鴻輝的日式放題，卻是我最鍾愛的一間餐廳。價錢公道，因此晚餐時間人流很多，記得去之前要訂檯啊!一般放題最令人反感就是坐位很逼很窄，但滿屋完全沒有這個問題，卡位很舒服，人多也有大檯，最適合一班朋友聚餐! 環境也很乾淨，令人安心。去放題我會很留意飲品選擇，因為不愛甜的愛最怕只有汽水果汁的放題，但滿屋不止凍茶，還有一支裝迷你版的鴻福堂涼茶，正! 其他飲品亦應有盡有呢!點了精選壽司，海膽帶子壽司、海膽伴拖羅蓉壽司，外表精緻如居酒屋出品，味道也相當出色，好味!刺身非常新鮮，大赤蝦夠晒大隻、夠晒爽口彈牙，亦非常鮮甜，我點完再點，吃不停! 還有厚切三文魚、鮮香油甘魚刺身，全部都是啖啖肉，好新鮮肥美呀!刺身壽司OK，熟食也不差，朋友點的羊架，嘩，好大件，不太羶! 朋友吃到一臉滿足!放題必吃燒牛舌，好彈牙爽口，愛吃牛舌的朋友不要錯過!芝麻雞翼超推介，雞皮好香口，內裡雞肉亦多汁，不像其他食肆般一陣雪味，大推!熟食還有我最愛吃的牛柏葉，好林好入味!還有好像自助餐形式的冷盤食物、甜品，可自行出去拎，食幾多拎幾多!特色雪糕每人只可以吃一份，有我最愛的榴槤雪糕，必

每次去滿屋吃放題，我都必定先订位，因为人很多。裏面的食物十分多样化，日式、中式、泰式都有，刺身也很新鲜，叫到滿滿一盤端到桌上，真的十分吸引。孰食种类也很多，而且还有清酒，確实不錯。

荃灣區有很多做得出色的放題餐廳，今天朋友生日，所以我約了他位於荃灣眾安街大鴻輝大廈的，滿屋日本料理放題餐廳食生日飯。因為這間滿屋日式放題性價比高，每逢 晚飯時間，都有很多人排隊，所以最好先訂位。雖然人山人海，但店員為我們兩人安排了卡位，坐得比較舒服。食物選擇很多，而且質素亦很好。我很喜歡他們的羊架，質素比一般西餐廳絕不輸蝕，大件而且，不會太騷，撒上香料，十分好味，是必食推介。凍蝦青口任食另外他們的刺身絕不欺場。刺身海蝦非常大隻，蝦味濃郁，非常鮮味。另外三文魚厚切，與散叫的日本刺身店質素以後感相同，但放題就不用就著就著食，能夠食幾多就點幾多。而壽司亦做得相當出色，帶子海膽壽司任食，正👍👍👍串燒牛舌頭，口感好，喜歡食牛舌的，這個必食。另外芝麻雞翼外脆內軟，而且好香口除了食品多選擇外，他們的飲品亦很多選擇。驟眼看去起碼有10多款以上的飲品選擇，有細枝的鴻福堂涼茶，可以多試幾種不同口味。 除了雪櫃裏的飲品外，還有他們自家製的特飲。甜品方面有雪糕窩夫，木糠布甸蛋糕，朱古力mousse cake等，都是有酒店級級數。總結：滿屋日本料理一間性價比很高的餐廳， 200多元可以食到很多食物選擇，而且都是

已光顧第五次，昨天跟朋友一起4人約埋舊同學敍會，1：看到openrice訂位沒有按制，也就是沒積分。2：電梯廣告牌里的北寄貝沒有。3：被安排了狹窄的卡位4個麻甩佬坐下。4坐下10分鍾才有點餐簿，但無筆，填寫期間才知點餐簿沒有了幾樣食物餐單，又要叫服務員更換。5食物比以前變差了。6：提前45分鐘就叫買單。7：買單後又沒有給雪糕劵。8：貴！平日都要260幾一位。害我極力推薦到上址敍會，咩面都無哂！以後都不會再光顧的！

放假日，帶家人食好野，揀左荃灣大鴻輝中心滿屋日本料理食放題午餐😆訂了位，差不多十二點到達，出面已人頭湧湧等緊十二點入座！12點，接待員好快安排我地入座，坐底即刻要點野食😋😋有紅色同黑色食物點紙，一打開，好多野都想試！美味刺身、各款壽司、炸物、串燒、一品料理、煮物⋯真係好多選擇😍😍侍應好細心提點我地既臺號號碼😁👍🏻老公急不及待出去拎野食🤣⋯拎左囉肉、隔隔脆薯⋯同飲品俾我地！點左刺身：有三文魚、甜蝦、帶子⋯刺身真係非常新鮮又肥美😋而炸物芝麻雞翼係我既最愛，入口香脆好味，一連食左三隻。壽司方面整得好好，細件容易入口又夠鮮味，好似和牛壽司❤️明太子沙津醬燒三文魚壽司❤️芝士龍蝦軍艦❤️必點之選！哩度有自助熱飲櫃，我覺得好窩心👍🏻👍🏻老人家或者不喜歡飲凍野都有其他選擇，仲有懷舊棉花機整棉花棒，岩晒小朋友，不過我都整左一個來食😜好好玩。凍櫃既飲品，好多款式揀！埋單前，侍應仲俾左甜品紙同意見紙我地，Haagen-Dazs有特別蕉糖脆餅味，同屋企人揀來試試！

今年生日特意食放題，坐為舒適，坐近位置近拎自助吧的食物，自助日本蟹籽沙律，枝豆，日式麻醬豆腐，生果有超甜西瓜，橙甜品有芒果布甸，朱古力muse cake, 木慷布甸 呢個係芝士焗海鮮生蠔，大熱之選，芝士超級濃，同時有蟹柳肥牛丼係比較普通，但呢個係一鍋肥牛烏冬，肥牛足料，湯底以燒汁上，非常一流，Sushi 當然不少得，但創意sushi 係呢間獨家，鮮蝦蟹籽魚子，芝士鰻魚，口感最特別，芝士鰻魚中間有甜蛋，而鮮蝦配搭魚子大大粒，最後点叫是日特飲，春天清新的薄荷水果梳打，超止喝

同成班舊同事去食飯，同事鍾意食羊架，佢又好大食，所以決定去食放題，我哋揀咗大鴻輝滿屋大家都未食過呢間就諗住試吓枱同枱之間都比較窄，坐位唔係好闊落，坐得唔太舒服落單隻手舉勁耐，都無人理，係人手不足定點？同埋呢大家都覺得有啲菜上得好快有啲菜上得好慢好似羊架咁，差唔多成半個鐘先到食物嘅種類唔算多刺身都好新鮮，三文魚都大塊同厚切，唔錯，牡丹蝦同甜蝦都好鮮甜，油甘魚都唔腥，赤貝，帶子都好食天婦羅渣得唔夠鬆脆～炸蝦食落無乜蝦味壽司嘅質素都麻麻，除咗個蟹棒連個賣相都唔多吸引羊架算好食嘅，無騷味～唔靱紅豆魚餅就個皮比較硬榴槤波波不過不失焗廣島蠔都唔錯～香芋波波炸到比較硬香芋味好淡另外仲有啲冷盤小食可以喺出邊自助嗰度攞嘅，又有薯格，同炸嘢另外我要推介嘅牛肉都好好食嘅總括嚟講，二百幾蚊同樣價錢，食物質素，比起其他放題餐廳，真係麻麻地⋯cp值低所以呢間我應該唔會再去啦

話說好耐無食放題la，難得今日收早，就一於去食放題慶祝下la.滿屋坐位好闊，唔似一般放題咁迫，食都食得舒服d.我地一坐座就叫左好多壽司。鰻魚壽司好大舊好滿足，花之戀好多沙律醬，三文魚大大舊，面頭d蟹子又好脆，一個字正呀！芒果蝦卷d芒果好甜好清新，引唔住要encore呀！熱食都好有驚喜，避風塘炒魷魚鬚十分惹味，熱辣辣即叫即整，牛柳粒好重牛味又唔會好un咬唔開，黑松露炒雜菇就岩哂我la.呢餐放題最坻讚係飲品選擇好多，連啤酒都有，好有誠意🥰🥰

今日心血來潮好想食日本野，但坊間又食過好多都伏，就一於去食放題la.係荃灣行行下，就見到有呢間滿屋放題，男朋友話食過幾好食，就入去試下la.首先入到去，服務員好有禮貌，帶我地去左張卡位坐，唔洗食到咁迫，抵讚。一坐低就即刻瘋狂寫要食d咩，刺身寫20舊會黎足20舊，唔會hea你比幾舊就算，三文魚新鮮，甜蝦無雪味唔腥。芝麻雞翼好高質，食落好香脆，而一般小食都唔差，中華冷麵好開胃，勁多芝麻醬同青瓜絲埋單都係一人200幾咋，抵食！