滿屋日本料理 (大鴻輝(荃灣)中心) (已結業)

平時食放題，都是食刺身、壽司、燒物為主。今次發現 滿屋 啲中式熱食都好正！鮑汁鴨掌燴花膠盛宴～每份都有菜、冬菇、鴨掌和花膠，我呢份塊花膠有手掌心般大，塞滿個口😁充滿骨膠原，又淋味道好好。食完又再點🤣咖哩炒蟹（餐紙）寫的，食落發現係冬陰公味，好香香茅南薑味，香辣惹味嘅！自助海鮮冷盤，有青口、蜆、蝦、翡翠螺。熟食都有多款如豬手、蔗蝦，飲品櫃、甜品櫃，有點似酒店格局。焗廣島蠔、海膽拖羅蓉壽司👍🏻👍🏻我嘅最愛😍火炙胡麻左口魚邊壽司，左口魚油香肥美，正呀！鹽燒鯖魚、燒菠蘿香甜多汁🤤榴槤炸彈，大大pat榴槤蓉 必食！燒牛舌👍🏻👍🏻牛味十足刺身款式選擇都多，十分新鮮，帶子切大粒，有咬口有鮮甜味，唔係薄切嗰隻😁好少見放題有特飲，我地三款試齊，藍糖白桃梳打、紫貝天癸白桃梳打、清涼蜜柑。芝麻雞翼楊枝甘露、忌廉芝士朱古力窩夫榴槤味雪糕、茉莉花紅桑子石榴味雪糕，係季節限定，茉莉花嘅幽香、帶紅桑子嘅微微酸甜，特別又美味。

放工和友人來到荃灣大鴻輝，為慶祝升職加薪便豪氣地請食滿屋放題﹗座位以梳發卡位為主，較為寬敞，環境也很乾淨，坐得舒服。放題任食兩小時，枱面有兩大本放題紙，選擇幾多。有自助海鮮吧，有蝦同青口作為前菜，食落都算新鮮。仲有沙律吧、甜品櫃，見人忍唔住係甜品櫃夾左不少麥提沙糯米糍。飲品櫃飲品幾多，選擇好多，有汽水、涼茶、酒精汽水等。壽司+卷物種類都好多~海膽伴拖羅蓉壽司:壽司飯唔會好大件，留肚可以食多其他野。點左好多款香芒壽司卷，香芒吉列大蝦卷，芒果微酸，入面脆卜卜，好味滿足。 牛油炒粟米:牛油味炒得香濃~值得一讚的是侍應收碟速度非常之快﹗最後每人有一杯名牌雪糕，難得仲有haagen daz揀左少有的焦糖脆餅口味，食落有焦糖脆餅，香甜幼滑有口感，實在大滿足﹗

冇諗到荃灣呢間咁垃圾員工態度差, 想搵個人收紙都難十個有九個扮盲冇bb登，啲枱又鬼死咁細張啲刺身又唔新鮮啲羊架又燶曬啲支豆可以整到淡而無味但係又send one one反而銅鑼灣嗰間好食好多荃灣依間我唔會再去Black list!!!!!

為了慶祝做成生意，去了荃灣滿屋吃放題。所謂的放題，其實和輪迴差不多，都是將餐紙的食物都不斷輪迴點多次，而且將自己的肚皮與老闆的荷包掛勾做反比，你吃得越多，老闆賺到你的錢就越少。不過少年你實在太年輕了，正所謂："佢搞得放題，預左你食滯"，尤其當你有個女朋友仔的時候，就封不了蝕本門，這是大自然的定律，而我就是大自然定律的一部分。滿屋有12款刺身，最好由淡至濃順序來吃，先吃味道淡的白身魚刺身，如油甘魚，然後是鮮甜的貝類水產，如赤貝，最後再慢慢品嘗濃味的刺身，如三文魚，唯有這樣，才能完美100%品嚐每款刺身的鮮味。正當我以為每樣刺身都要來幾樣，砌夠一大盤，再來多幾轉，"回本了吧，如無意外，從今該好好開始點菜..."她就跟我說吃飽了，我即時硬了...拳頭，但碰巧給她看見我緊握拳頭，立即急剎車扭大軚，轉做情深款款模樣對她說："你是最好的，你知道嗎?"吃爽了各式刺身，還嫌不夠的話，還有手卷、壽司、卷物、天婦羅等等...而我這時候當然來點燒物串燒暖暖胃，燒物則有12款，包括香草紐西蘭羊鞍、鹽燒雞翼、燒有機鮮菠蘿... - 而我最喜歡的是焗廣島蠔(肥美蠔香味)、鹽燒海蝦(蝦身實而鹹)、串燒牛肉粒(香氣流

如果你想食完肚痾你可以去幫襯！！！！！.之前幫襯過都無野，今次過左半年左右再去食，刺身好唔新鮮，無色澤無味道有啲仲未融好雪，芝麻雞翼同炒牛肉粒好咸，蟹粥完全無蟹味，不如寫白粥好過。出面啲水杯全部都洗得唔乾淨，整體黎講啲野食一係咸一係唔新鮮，全場最好食應該係一人只可叫一次既雪糕，而家仲食到我腸胃炎加發燒，而家痾左兩日，食左喇叭牌都攪唔掂，一陣仲要去睇醫生😖已列入黑名單，永久不會幫襯！！！！好失望！！！！

原本只是想來吃定食午餐，定食午餐價格由$42起，很便宜，但到了餐廳門口臨時改變主意，決定改吃放題，午市時段感覺較休閒，好處是有更多時間消化，當然還有就是午市價格較晚市便宜，只是$183，自然吃得更輕鬆及開懷。餐廳舒適的環境，令我食慾大增，果然改吃放題決定沒有錯。有兩大本點餐紙，有點眼花撩亂，不知從何著手，另外，還有自取區，包括飲品，甜品，冷盤。先點刺身作為頭盤，我最愛甜蝦，非常鮮甜，三文魚肥美，大件厚身，全部都很新鮮。壽司賣相精緻，每款都不錯。鮑汁鴨掌燴花膠盛宴，這個通常只會在酒席吃到，想不到這裡有，很滋補。蠔系列: 分別點了廣島蠔鍋及焗廣島蠔。鹽燒海蝦夠大隻而且不會燒得很乾。燒有機菠蘿，甜中帶點酸，開胃。較貴的雪糕，每人一杯，是HaagenDazs 期間限定口味。總括沒有漏單的情況，上菜速度快而且店員勤力收拾，很好。

行開附近一想吃日本料理放題就已經想起佢，因為一個價錢多種享受，而且位置都十分就腳！餐廳十分闊落座位舒適，這裡唔會失望，有自助嘅沙律吧，有啲日式冷盤，當然主角不止這些食物，打開落單薄，內有不同選擇，刺身當然係首選，有肥美嘅三文魚、魚味濃郁嘅希靈魚、鮮甜嘅帆立貝...真係樣樣都好味道！還有最愛嘅燒雞翼，燒得十分香滑，而個蟹粥味道鮮甜材料十足，整個蟹蓋在粥底內，正！而另外一個推介係椰冰楊支金露，一個雪糕球加埋滋潤潤喉嘅楊枝金露，食多幾個都已經打和！喜歡任飲任食這裡確實係一個好選擇！最後還有雪糕選擇，真係十分滿足！

這次真的是第一次在午市時段吃日式放題， 難得今天放假，就試試荃灣的滿屋日本料理， 搭電梯可直達， 餐廳佔全層，空間感十足，被安排了坐卡座，十分舒適。午市放題任何日子都是$183 (另收加一)，比起晚市便宜。自助區有沙律，前菜小吃，甜品以及不同款式的飲品可供選擇，還有清酒任飲。刺身配少訐清酒，絕配。前菜小吃拿了一些海蜇，中華沙律，螺肉及酸薑片作開胃前菜。刺身選擇多而且新鮮，三文魚厚切，厚身的口感入口充滿魚油脂，特別甘香，甜蝦甜美，而大赤蝦則比較爽口。壽司方面也不錯，飯團不會很大，可以吃多幾款，特別欣賞三文魚腩壽司， 魚油脂爆燈，入口回甘。天婦羅炸得鬆脆可口，不會很油膩，當中有一款雞泡魚餅頗特別，第一次見到用天婦羅方式呈現，類似雞泡魚乾，但外面鬆脆，雖有嚼勁，不過停不了口。甜品有十多款選擇，每樣份量一小杯的，但不敢吃太多，因為要預留空間吃Haagen-Dazs 雪糕，每人只可點一杯。Haagen-Dazs 雪糕是期間限定口味，不錯!

日本食品確實很受歡迎，今日 約埋幾個朋友食放題，老友介紹旺角滿屋日本料理。餐單好大本，嘩！好多品種，只要揀咗， 剔好就交侍應。好快有得食，香芒吉列大蝦卷，芒果好甜，裏面脆卜卜，好好味好滿足。鹽燒海蝦 、日式串燒牛肉粒、 日本番薯仔都好新鮮、夠美味。 鹽燒鯖魚， 好新鮮無腥味 yummy yummy， 跟住呢個燒有機鮮菠蘿，甜甜帶少許酸酸 認真醒神開胃。再食芝士龍蝦沙律軍艦， 外脆內裏鮮甜 認真頂呱呱。 仲有好多品種 天婦羅、手卷、卷物，個肚裝唔落，下次嚟，一定要試吓，唔好執輸。臨走 見到啲雪糕都忍唔住食番杯先走，確係一間好細心照顧客人需求

唔食物無檔次，味道唔好味 ！好懷疑食評的真偽！環境一般 ，餐具衛生麻麻 ！放題漏單真有失放題的原意（p.s.由開始都尾段重入左三次單都漏） 申手好幾次想詢問但個個職員當睇你唔到！唔明白態度會咁樣？客人有得揀 真心唔會來光顧 錯誤的選擇！

清明時節雨紛紛，路上行人欲斷魂。 借問酒家何處有，牧童遙指滿屋日本料理。拜完山打完牌勁肚餓，之前一早訂好滿屋食放題，其中一個原因係清酒任飲，一於放肆地吃一餐好西，又當係親戚朋友敘會一樣。門口姐姐工作效率高，好快就安排入座，沿路見到有自助沙律吧、日式前菜、韓式小食、海鮮冷盤應有盡有。一坐下來第一時間點了刺身，第一盤通常擺盤都好靚，有我最鍾意食嘅甜蝦、元貝、三文魚、鮑片、北寄貝、玉子⋯。三文魚肉質甜、蝦新鮮爽口、鮮甜帶子、北寄貝鮮爽。上菜速度快而且冇漏單，真材實料值得一讚！跟住我點左有創意的壽司，份量係一口size，細細粒容易食而且我仲可以試多幾款添！鵝肝伴帶子、蟹子芒果、海膽吞拿魚腩各式各樣別出心裁，口感新鮮很好吃啊！串燒真心有驚喜，竟然有牛肉串、煙肉卷燒的非常香噴噴，食落好惹味，口感適中肥瘦均勻。燒菠蘿仲可以當甜品食, 酸甜多汁！最近鍾意保身，竟然有花膠鵝掌食，啱晒我貪靚補充骨膠原，滋潤又滋味！食完一輪生冷野，都要食返啲熟野暖胃，黃金燒帆立貝、泰式香辣炒蜆、靚靚蟹粥，全部都在水準之上！最後到我們期待的甜品，雪糕楊枝甘露值得encore，仲記得最後可以每人一杯貴價雪糕，有幾隻味道可供選擇

前兩天朋友有好介紹~荃灣滿屋日本料理食放題，昨天約咗幾個同事去品嚐一吓，到達餐廳，餐廳職員給我們餐牌，餐牌食物款式多得很，真的樣樣都想食，但無可能全部食齊，因真的很多很多美食，我們點了海膽帶子，蟹子軍艦，芝子龍蝦沙律軍艦，雙色香芒之戀，香草紐西蘭羊鞍，焗廣島蠔，鹽燒牛舌，海蝦，日本番薯，牛肉粒，刺身是我的至愛，非常新鮮，很值得推介，還有炸得剛剛好的天婦羅，還有很多款式的手卷……飲品也有很多提供，甜品還有名牌雪糕供應，點了個榴槤雪糕，香滑可口，其實今次只點了餐廳食物的少部分，已經飽飽，下次再去食過其他未食過的食物。多謝好朋友的分享。

今次同屋企人黎左荃灣既美食大廈——大鴻輝商業中心，喺諗緊食咩好時口痕痕想食日本野，就上左去滿屋食放題。本身都食過幾次呢間滿屋同第二度既滿屋，我發現唔同地區既滿屋menu都有少少唔同，但都幾多種類揀。一坐底，事不宜遲，點個刺身先！魚類新鮮油脂亦夠，擺入口時好滿足～其他刺身都好鮮甜！其實滿屋一大特色就係佢有個自助吧台俾你出去拎野食，我次次都會拎佢啲凍蜆同薯格，都好好食！壽司方面都唔錯，最搞笑都係佢既創意壽司。有一塊紫菜包住帶子同吞拿魚蓉，好新奇！燒鰻魚皮香微脆，好食！焗帶子沙律醬酸酸甜甜開胃，有啲蔬菜喺入面更有口感！燒物方面燒菠蘿簡直係我至愛！呢度啲菠蘿好甜，好正！好啦，黎到我一開頭講既野。呢間滿屋係冇炸蠔的，而我食過佢其他分店有。但有芝士竹輪同香芋波波已經令我好滿足😍最後黎到最需要推介既野，就係海膽手卷！！好鮮甜完全冇腥味😋我狂咁嗌黎食！！！最後黎個朱古力雪糕做一個完美既結束。大家黎食既話一定要食海膽手卷海膽手卷海膽手卷知道無？

嗰日 經過荃灣大鴻輝中心 十樓嘅 滿屋日本料理 ， 睇到 中午嘅放題都幾抵食。 坐低就叫咗幾款 壽司。 包括 香芒吉列大蝦卷， 變色香芒之戀。 手捲有 三文 魚親子軍艦 ，芝士龍蝦沙律軍艦。 仲有叫咗多款燒 物 ，燒物包括有 香草紐西蘭羊鞍， 焗廣島蠔， 鹽燒雞翼， 燒有機菠蘿 。串燒嘅食物係有 鹽燒牛舌同海蝦， 日本串燒牛肉粒 ，有幾日本番薯仔 。卷物有花之戀。 和風料理 就叫咗個喎 和風汁牛柳粒。 壽司 非常新鮮 ，串燒燒得恰到好處非常可口 。燒物 都非常有水準。 最後仲有甜品。 最驚喜嘅就係 最後每人有一杯 Haagen Dazs 雪糕送添。 總括今日嘅午餐 超值抵食非常滿意 ，下次再嚟荃灣 都會過嚟幫襯。

呢排朋友生日，慶祝生日就緊係要係享受下豐富的晚餐😋所以就同朋友來到呢到食放題！結果出乎意料來到食放題就緊係唔少得刺生丫壽司咁，但估唔到有冷盤仲要係自己任拿！哇！有蝦又有青口，仲有沙拉吧！有湯有薯格等等～好正丫冇乜見過放題有這些呢！又有得自製綿花糖！仲有爆谷！仲有好多不同的生果同甜品，不過～最令我好奇的就是這個櫻花大福的甜點啦！因好多櫻花味產品都會令人覺得好易中伏，所以我都即刻一試😋結果係不錯喔！味道有點似櫻花味的紅豆餡～甜甜的～櫻花有叮叮的鹹味～好食丫，也很特別～值得一試😋主餐來了！刺生選擇好多～甜蝦也很甜～仲有油甘魚！壽司種類都好多～～～～仲有原條海鰻壽司！同左口魚裙邊壽司！左口魚超正丫！食完都想食多幾件當然仲有好多不同炸物！呢到最待別是有芝士竹輪的炸物！超級超級超級正！我食左10粒左右！😋因呢個芝士竹輪是之前吉野家那種！超正的！出面真係冇得食到呢個炸物啦（我還未見過🙈）超喜歡的！天婦羅🍤！仲有海鰻同雞泡魚天婦羅！是比較特別的天婦羅呢！仲有不同的特飲😋好正的一餐～～