滿屋日本料理 (大鴻輝(荃灣)中心) (已結業)

近排食得火鍋度多，所以同朋友去食咗間位於荃灣大鴻輝中心嘅日式放題。 一來佢地點就腳，二來放題選擇比較多！

由於入座時間係8點45分。所以唔需要等位就可以好快入座。餐廳裝修都keep得幾新，座位都幾大，幾舒服！

前菜方面有，蜆，蓮藕，墨魚，螺肉。

日式放題有點可以唔少得魚生， 當中比較欣賞嘅係三文魚，鮑片，油甘魚同大赤蝦！

另外壽司方面有芒果之戀，海膽伴拖羅卷。 另外串燒方面，比較欣賞嘅有海蝦，牛舌，雞軟骨同埋菠蘿，都好好味！

飲品區方面都好多選擇，各式各樣汽水同埋有啤酒，仲可以點特飲！

甜品有haagen-dazs雪糕 都相當唔錯！

2