滿屋日本料理 (大鴻輝(荃灣)中心) (已結業)

日式放題店舖多的是，這間值得一讚的是座位空間感十足，食物新鮮，侍應生服務個個一致有禮貌👍🏻個人推薦食品：刺身從口感及溫度食得出新鮮，天使蝦更為特出，帶子鮮甜鰻魚多汁夠大件焼物有原條石斑仔幾surprise, 但可能煮過時，肉質有D硬😂咖哩炒蟹不馬虎，食落啖啖肉，蟹粥仲係有米粥飮品選擇非常多，難得仲有Rosee & 清酒甜品款式有好多，仲可每人一杯movenpick, 食到翻本冇難度🙊🙊

終於等到有機會可以嚟食放題，專登餓左成個晏晝，就係為左夜晚食嘅呢餐。今次食得好冷靜，有3個鐘時間可以慢慢叫，慢慢食。先黎刺身，好新鮮。燒鰻魚，肥美。炙燒壽司，香口。秋葵天婦羅，新產品，大愛。燒一口牛，濃味。燒牛舌，惹味。刺身壽司，正。牛油粟米，好味。燒羊架，肉質嫩紅，必試。燒腩肉，香濃惹味。牛肉鍋，每次放題都一定要叫，有暖胃嘅意義，而且成鍋菜可以獨食。人蔘雞鍋，特別。涼拌青瓜，好酸。黑松露炒雜菌，適宜獨食，太好味。燒芝士翠玉瓜，幾特別，好味呀！

話說小弟今日生日🙉女友人為我悉心準備左一餐好飽好滿足既晚餐去慶祝。平時都好少會食放題因為放題偏貴食得唔多野既人又會返唔到本。 咁本身我同女友人都唔係話好大食既但黎到滿屋就真係忍唔住叫到成檯都係野食因為呢度真係好多選擇，同埋d野食真係好新鮮味道好好！ 搞到我地平時唔食德多野既人都要駁命叫唔同既野黎試最後攬住個肚走。 佢呢間放題樣樣食物用料都好上乘， 就連佢d甜品雪糕都有得揀movenpick , 真係不得了囉 以300 蚊左右一個人黎講既任食有咁既質素真係好小有滿屋好唔錯既！

我工作係荃灣一帶，放工都想附近同同事食餐好放題，最後我選擇滿屋任食。地理環境及入面裝修都不錯， 好適合一班朋友聚餐。一開始先點他們的刺身， 刺身船入面有我點甜蝦，非常新鮮、甜美。帶子同三文魚都同樣新鮮。之後點芝麻雞翼，是剛剛炸起， 非常香脆可口，之後再食多round!燒牛舌不容錯過。黑椒味非常濃及牛香味好美味，一定再三去品嚐。天婦羅十分美味又熱洪洪。仲有叫其他壽司都好出色。燒菠蘿又係我之愛其一。甜品櫃有其他選擇。芝士撻都有。榴槤雪糕有得食，實在太好。

前陣子大愛放題，逢是朋友生日便極力推薦去吃放題慶祝。以前通常都是去旺角，現在幾個住在新界的朋友聚合的中心點反而變了荃灣，有了西鐵，多了巴士路線，來荃灣是更加方便了。吃放題的地方，通常地方都是很大，一大群朋友或親人慶祝的話，這裏的空間必定足夠。沙津、熱騰騰的蛋撻、各種酸甜開胃的前菜、壽司刺身這是都是放題常見的，這裏都有的，要提的是用料也算新鮮，我特愛甜蝦， 非常鮮甜。另一樣的最愛是雞翼，我幾乎一個全吞了半盤的雞翼； 牛柳粒很有嚼口，肉汁豐富。吃完之後還有雪糕，movinpick 和hangendaz是不能錯過的。

I went for the lunch buffet with my family. We were quickly seated to a spacious place that was comfortable and wasn't far from the appetizers, drinks and desserts area. The environment was clean, cozy and not blaring with loud music like most Japanese buffet restaurants do. The service was quick and the staff was friendly. Carol (#69) was the main server we encountered that day. Her personality was pleasant and she was a good communicator (very useful if you speak in English). As we soon found

荃灣各式餐廳有很多, 不過吃放題的卻不多選擇, 這次終於被我在荃灣找到一間好準高的放題餐廳。餐廳面積很大, 座位很多, 很適合一大班朋友聚會。這裡食物種類豐富, 飲品亦應有盡有。等不及壽司上菜可先試試外面的小吃, 沙津已一盆盆準備好, 還有熱騰騰的芝士蛋達, 酸甜開胃的前菜。至於壽司刺身當然美味, 全部都很新鮮, 份量適中, 甜蝦不會太細, 刺身很有鮮味。還有其他熱食也很出色, 羊架，雞翼煎得香惹味, 牛柳粒有嚼口, 肉汁豐富。吃完最後還有雪糕送, movng pick 或者hangendaz 任選一款, 別具出色有梳乎里，原味都覺得很好味。現在想吃放題可以在荃灣吃, 不用每次都出去旺角, 尖沙咀了。

今次是第一次食😋😋，價錢十分合理👍👍食品選擇性比較多元化，刺身，壽司類十分新鮮🍣🍣，其他各樣都好好，甜品種類多，員工服務態度亦十分好。服務質數一流👍👍會有再幫襯既機會😋😋

今日係我朋友生日，每年生日都會食放題呢間滿屋放題係出名刺身新鮮，今晚可以狂點坐位夠闊，坐得舒適眼前一望就係小食，甜品位置一排成行香噴噴，熱烘烘的芝士撻坐遠都見到出爐金黃色香濃芝士，餅底非常脆口天婦羅的炸物非常可口，不油膩，蝦味一咬新鮮非常剌身雖然賣相一搬，但食得出鮮味，帶子鮮甜大粒香芒生菜沙律，生菜脆口，沙律醬加芒果，不是特別但芒果不酸是值得一贊飲品櫃任拎任飲，一般都係韓式飲品，但原來有鴻福堂小小系列Q 版十足

美食哥倫布今次去咗佐荃灣野食!有乜好野食？一齊睇下啦!好耐無食過放題，好懷念任食大吃大喝嘅感覺！所以約咗朋友一齊食返餐勁！滿屋都幾多野食！有啲沙律，甜品，飲品係自己出去拎平時好少叫壽司，但佢有好多款海膽壽司！我地叫咗海膽海葡萄大赤蝦壽司，海膽鵝肝帆立貝壽司，海膽磯之雪大蝦卷試下。雖然唔係好多，但叫過下口引！仲有火灸系列都好吸引！有火灸和牛壽司，火灸原條海鰻壽司，焦糖鵝肝壽司！真係有成條海鰻！好足料！炸野有咸有甜，南瓜芝士薯餅同芝士年糕都好香，但都幾飽肚。甜就有榴槤炸彈同炸芝心香芋丸，當甜品食都ok！最特別係有好中式嘅鮑魚花膠花菇！每碟都有原粒鮑魚，都係任食㗎！鮑魚同花膠都炆得好腍！燒羊扒同燒菠蘿都係必食！羊扒大大件，好厚肉！燒菠蘿都切得好厚，好多汁！飽肚啲嘅就有海鮮喇沙米線同雪花牛肉鍋！喇沙出奇地好食！湯底好濃好香！雪花牛肉鍋加埋蛋又香又滑！甜品自夾，每款都細細件，可以試多幾款！有冬甩，有布甸，有蛋糕仔。每人仲可以揀一杯雪糕，我就揀咗榴槤雪糕，都幾香幾好味

已多次光顧午市定食及放題，但都是覺得定食又抵又正👍。今天點了麻醬撈烏冬配精選壽司。麻醬撈烏冬令人開胃，烏冬是稻庭烏冬，口味煙靭，而且很多，吃不掉😅，配六件壽司。有兩件蟹籽，正常；兩件蟹棒，不是假蟹柳，是有蟹味的；還有兩件不記得名字的魚壽司；還配上三文魚沙律、中華沙律作前菜😱太豐富了。加$3，可飲罐裝汽水，還有啫喱。另外叫了羊鞍定食，同樣有上述的前菜、沙律。有三件羊鞍，羊味被醃料蓋過了，但份量真的足夠。我真心推介這店的午市定食，不過好像只是平日星期一至五才有。環境舒適，不趕食客，慢慢嘆個豐富午餐，實在太好了。

食放題總是興奮的，今次係食有好多好評嘅荃灣滿屋，試下係咁真係咁得。一黎到已經好開心，因為見到有個自助前菜同甜品區，種類有好多選擇叫魚生是必須的，賣相好好，食慾都倍增，牡丹蝦好大隻，自己最愛油甘魚，魚香滿滿，又夠新鮮再黎我地竟然嗌左放題黎講最唔回本嘅蟹粥，哈哈~不過其實都好值得食，因為個粥底充滿蟹嘅鮮味，而且蟹肉嘅份量都唔少呢個穴子壽司一定要講下，平時好唔鐘意鰻魚類嘅野，因為個醬汁太濃，但呢個穴子唔單止新鮮，口感都好好，食到真正嘅魚味天婦羅都炸得不錯，尤其是個蟹柳一定要encore赤蝦海膽壽司都係回本又好味芝麻雞翼係每次黎放題都一定要食，好濃郁入味，同埋個榴槤炸彈真係一絕，裡面係麻糬質地包住榴槤蓉，熱辣辣軟腍腍，意想唔到咁好食

荃灣的放題不少，但多數做街坊生意，如果質素差，不好味的很快淘汰，這間滿屋開了一段日子依然每晚大排長龍，今晚與女友一於試試一上到去已經差不多爆場，幸好有book檯，如果唔係不知等到幾時，一入場就見到有甜品吧，沙律吧，特別在還有爆谷機，新奇!第一道菜例牌試下刺身，肥美帶子，厚切三文魚，大大隻甜蝦，老實說淨食刺身都可以回本仲有和牛壽司，海鰻同䳘肝壽司，出面食都唔平牛柳粒，真係用和牛炒，和牛味好重!避風塘炒蟹，嘩，勁大隻蟹，重本!避風塘雞翼，出色!仲有好多無介紹，食評出唔到太多相，最後食埋個雪糕，滿足!

對荃灣不算很熟悉，但最近不同的朋友都提議相幾在荃灣飯聚，漸漸地，也開始懂得在這區搵食天氣熱，最好吃冷食，又要搵坐得耐的地方，首選日式放題吧做過功課見這間有不少好評，便約在這裡開餐放題當然要食刺身先！落單不夠十分鐘就有刺身了，很有效率呢！想不到這裡任食的帶子，每粒都大大粒，特別鮮甜！高度推介虎蝦和三文鮮，又大條又厚切，最重要當然係新鮮，食得出肉質有彈性！同行有人不好刺身，但都忍不住吃這三款，就知道真的不錯另外，我們點了三輪刺身都無走單，讚我們亦點了很多熟食，有幾款特別好吃！芝士焗扇貝一上桌就急不及待要吃，因為焗得香噴噴！扇貝大大嚿，再加少少蒜蓉，簡直冇得頂！食日式野，冇可能不點鯖魚！最後不少得當然是甜品！有我最喜歡的雲呢拿movenpick晚上放題的價錢不算貴，加上食物質素不錯，值得再來一試！

黎到荃灣放題選擇不多我都係依排先知原來大鴻輝中心有間滿屋係10/F..滿屋放題食得多荃灣分店第一次食D staff好有禮貌..一入去已經俾左良好感覺我入面環境比想像中要大Staff俾左位卡我地坐..位置好寬敞..又可以多d擺野坐正隔離拎飲品位置..超多款選擇!!!唔知係咪依間特別多既呢?好吸引..仲有hoegaarden雖然食放題唔應該飲咁多野,會好快飽但都忍唔住飲左兩罐鐘意食放題其中一個原因係可以咩種類既食物都食倒一黎到我都會叫左剌身先有水準..剌身仍然咁fresh叫左鵝肝壽司..厚鵝肝少飯入口即溶既感覺..係我既壽司第一之選食埋海鰻同告牛壽司,都係鵝肝吸引d推介蒲燒鰻魚..無腥味好食又夠大件仲有試左兩款雞翼 (芝麻同鹽燒雞翼)芝麻雞翼比較出色d..芝麻雞翼香d食落去都脆d。榴槤炸彈都係必食item我每次黎都會叫的..即使不同分店但味道都一樣食食下俾避風塘黃金炒蟹吸引住又叫左蟹就比較少肉..同埋好難開到黎食所以食食下我都放棄左lu最後仲有限定雪糕叫，我食左哈根大司朱古力味雪糕餐廳走廊位置有自助區有唔同既小食同甜品任食甜品選擇都好多因為太飽既關係..我就無食出面果d啦!