滿屋日本料理 (大鴻輝(荃灣)中心) (已結業)

荃灣大鴻輝中心出名放題、打邊爐、食雞煲，今日年初七—「人日」，梗係要黎慶祝一下！淨係等排隊上lift都迫滿人，約左人真係要早啲到！呢度分紅色、黑色兩本點菜簿，熟食例如燒物、炸物、鍋、粥就係黑色簿；生嘅例如刺身、壽司，就係紅色簿。顏色咁分明，想食邊類就拎個本，點起野食就方便得多！芥末以獨立包裝供應比客人，好衛生。叫啲燒物暖下肚先。牛舌、和牛粒都好香，唔韌唔鞋，好有口感。雞軟骨串好香，燒得啱啱好，唔單止軟骨有咬口，連外皮都燒得好脆口，正！燒蝦好入味，燒完都唔太乾身，蝦膏味濃郁，嗌多兩round都唔嫌多！焗蠔好香！食落juicy，芝士又多，好滋味！壽司刺身款式多，三文魚、甜蝦、鮑片⋯⋯諗得出嘅都有。壽司、軍艦都樣樣齊。最特別嘅係手卷，食開放題嘅朋友一定怕食得飯多會好飽肚，呢度嘅手卷超迷你，一口手卷，包你唔會食完就飽！講到甜品，兩款炸彈球都超好味！叫左三四round! 鍾意食榴槤嘅朋友千祈唔好錯過！即叫即炸，咬落脆口，內裡嘅係熱辣辣流心！榴槤味濃郁，唔食就走寶！唔鍾意食榴槤嘅朋友就可以叫香芋味，芋頭味一啲都唔遜色！味道都係咁香濃！流心一樣咁正！最後，一人叫返杯Haagen Dazs，有季節限定