滿屋日本料理 (大鴻輝(荃灣)中心) (已結業)

清明時節雨紛紛，路上行人欲斷魂。 借問酒家何處有，牧童遙指滿屋日本料理。拜完山打完牌勁肚餓，之前一早訂好滿屋食放題，其中一個原因係清酒任飲，一於放肆地吃一餐好西，又當係親戚朋友敘會一樣。門口姐姐工作效率高，好快就安排入座，沿路見到有自助沙律吧、日式前菜、韓式小食、海鮮冷盤應有盡有。一坐下來第一時間點了刺身，第一盤通常擺盤都好靚，有我最鍾意食嘅甜蝦、元貝、三文魚、鮑片、北寄貝、玉子⋯。三文魚肉質甜、蝦新鮮爽口、鮮甜帶子、北寄貝鮮爽。上菜速度快而且冇漏單，真材實料值得一讚！跟住我點左有創意的壽司，份量係一口size，細細粒容易食而且我仲可以試多幾款添！鵝肝伴帶子、蟹子芒果、海膽吞拿魚腩各式各樣別出心裁，口感新鮮很好吃啊！串燒真心有驚喜，竟然有牛肉串、煙肉卷燒的非常香噴噴，食落好惹味，口感適中肥瘦均勻。燒菠蘿仲可以當甜品食, 酸甜多汁！最近鍾意保身，竟然有花膠鵝掌食，啱晒我貪靚補充骨膠原，滋潤又滋味！食完一輪生冷野，都要食返啲熟野暖胃，黃金燒帆立貝、泰式香辣炒蜆、靚靚蟹粥，全部都在水準之上！最後到我們期待的甜品，雪糕楊枝甘露值得encore，仲記得最後可以每人一杯貴價雪糕，有幾隻味道可供選擇