滿屋日本料理 (大鴻輝(荃灣)中心) (已結業)

放工和友人來到荃灣大鴻輝，為慶祝升職加薪便豪氣地請食滿屋放題﹗座位以梳發卡位為主，較為寬敞，環境也很乾淨，坐得舒服。放題任食兩小時，枱面有兩大本放題紙，選擇幾多。有自助海鮮吧，有蝦同青口作為前菜，食落都算新鮮。仲有沙律吧、甜品櫃，見人忍唔住係甜品櫃夾左不少麥提沙糯米糍。飲品櫃飲品幾多，選擇好多，有汽水、涼茶、酒精汽水等。壽司+卷物種類都好多~海膽伴拖羅蓉壽司:壽司飯唔會好大件，留肚可以食多其他野。點左好多款香芒壽司卷，香芒吉列大蝦卷，芒果微酸，入面脆卜卜，好味滿足。 牛油炒粟米:牛油味炒得香濃~值得一讚的是侍應收碟速度非常之快﹗最後每人有一杯名牌雪糕，難得仲有haagen daz揀左少有的焦糖脆餅口味，食落有焦糖脆餅，香甜幼滑有口感，實在大滿足﹗