滿屋日本料理 (大鴻輝(荃灣)中心) (已結業)

人多食放題不嬲都係一個唔錯既選擇，但今日得兩個人，對於細食既我來講食放題真係有D唔值，不過都係一次半次！今次食呢間都係第一次試，位於荃灣大鴻輝樓上真係越來越多嘢食選擇，望到呢間好似唔錯就試下！價錢真係唔貴，成人都只係 $238-258，個價位完全可以接受，場內都算整潔，係逼左少少，收嘢架車仔都只係岩岩好過到，坐出少少都塞住左條路🤣！嘢食種類都算多選擇，刺身好厚切都新鮮，炸物都係新鮮炸熱辣辣！其他正常放題要有既佢都有！嘢飲自己出去攞，值得一提酒精飲料都有得攞，呢樣真係少見！仲提醒18歲🔞先可以攞！仲有一人一杯既雪糕都係貴價雪糕我哋揀左星期四去但都好爆，真係性價比好高難怪咁多人！

✎ 晚市放題 (星期四) $248/位呢到既放題分段都分得幾細😂星期一至三，星期四，星期五六，星期日及紅日，仲有午市，晚市及宵夜時間都有少少唔同價錢🤞🏻晚市最平 $238 午市統一任何日子都係 $183好耐無食過放題👀今次都係陪mami去最surprise我既係第一日食放題有埋半自助餐雖然種類唔多又唔算太吸引😂不過有中華沙律等前菜冷盤～湯～薯格等小食等食時太餓都可以食住先🤣仲有令人童心大發既爆谷機🍿棉花糖機🍭同清酒🍶自助吧，都幾得意👍🏻講返個放題，刺生同卷物壽司類都算幾多選擇仲要手卷係mini size 過口癮都唔會太full 加分當中最大推係刺身大赤蝦同劍魚腩👍🏻👍🏻👍🏻好甜好新鮮，我一個人都食左廿隻以上😂回晒本啦 滿足啦 其他靠我媽咪🤡

第一次來吃的時候還是覺得蠻好吃的，之後陸續來過兩三次已經覺得水準慢慢下滑，今天來吃，完全不能接受這些食物，跟一年前來吃的差別也差太遠了吧？吃了一口就不想再吃第二口，炒牛舌，一點口感都沒有，味道實在難以接受，三文魚，也沒有三文魚的味，白灼蝦有的聞起來味道都有點臭了，怎麼吃？不會再來光顧

這間放題已經不是第一次吃了，記得上一次來的時候好像是聖誕節🙂前兩天媽媽突然又提起說很掛住這一間放題，所以便立即帶她來再吃了😚晚市方面有分兩個時段，大家可以選擇適合的時段來book位。這裏的人永遠也這麼多🤭永遠也是坐滿的。。以為今天是平日所以會少了一點，但是錯了😂首先來的當然是刺身吧！有其他地方很少會叫到的希靈魚！當然不少得三文魚，甜蝦，帶子，基本上一般的刺身這裏也有，種類很多，而且很新鮮。👍平時吃放題是很少會叫到壽司，但是來到這裏卻會叫幾件來吃😋這個小食炒蜆，份量雖然細細的，但味道很足。除此之外還叫了一些焗扇貝，羊架。這裏的熱食全部也是你叫的時候才弄出來的，所以全部也是熱的！最後最後當然有最喜歡吃的榴槤甜品了！這裏有榴槤雪糕可以叫，除此之外，出面也有蛋糕布甸等等。飲品方面，這裏的飲品可以有一些特飲！例如藍糖白桃梳打，清涼蜜柑等等，也是出邊放題不會見到的，所以感覺上這裏的放題種類比出邊多，而且質素也很好，下次會再來。

一連三日假期, 揀左同老公食個放題, 精明既我揀左宵夜時段, 價錢平D而且聽日又71, 繼續放假!好快就安排入座, 位置雖然有點窄, 但一般放題都是這樣食物好多選擇, 刺身壽司等都經已有排睇!平時食放題, 我好少食壽司, 諗住有飯, 但因為老公喜歡吃壽司, 所以就揀左幾舊, 先知原來咁好食全部壽司都 MINI SIZE, 唔會令你太飽 - 和牛壽司燒得好香, 入口即溶, 亦有少許鹽在上面海膽壽司好鮮甜, 雖然份量唔多, 但都令到口腔充滿了鮮味刺身亦非常新鮮夠凍花膠好足本, 很黏口嘅感覺, 贊!飲品有好多種類, 但奈何人流多, 所以不是太凍, 而且沒有無糖汽水!窩夫做得很精美, 但有點兒太硬!放題最重要嘅地方係唔漏單, 佢地做得很好, 服務好, 收碟亦快手!額外餐廳還請了兩位員工, 訪問下客人對食物嘅評語, 好有 HEART!

荃灣搵食一定要識大鴻輝，成棟都係餐廳。今日黎到十樓， 《滿屋》食日式放題好多野食 ，好多野飲呀！一坐低當然必點刺身壽司有我最喜歡的帶子，大大粒。北寄貝/帶子/甜蝦都係我最愛，緊係一定要點啦！壽司都好多選擇，普通嘅軍艦到花之戀雖然是放題，但賣相也不錯啊！外面吧枱有冷盤/小食任選。原來仲有凍蝦/青口任取喜歡熱食，還有熱湯 / 糖水等等！食到一半：必點燒菠蘿，因為要幫助一下消防，再食過！熱食方面/呢個辣蜆超級正夠曬辣，食完個肚暖粒粒。蟹粥也是不錯，食完好滿足除左食物多選擇，飲品都係！ 啤酒都有5款，大食先生一坐低就拎左罐Asahi! 滿屋在甜品一樣滿足到甜品怪，全個櫃都係！！仲有雪條，雪米磁放題不得了！甜品必選仲有哈根大師雪糕！奇異果frozen yogurt係店舖期間限定食埋杯雪糕，呢一餐放題一百分滿足。

好耐都冇食過放題，今晚一於要放縱一下， 朋友介紹去大鴻輝呢間 ，佢話性價比甚高，我梗係要試一試啦！食物選擇很多，自助部分仲有海鮮，包括有凍蝦 、青口、 蜆肉 ， 熱食有炸薯餅， 蒸扇貝， 甜品有啫喱，飲品選擇亦多 ，居然連酒精飲品都有得揀，有咁靚嘅荔枝梅酒，我忍唔住飲咗幾罐！天婦羅好夠水準，炸得啱啱好，唔會有太多餘嘅油份，粉漿適中不會太多粉，特別係大蝦天婦羅，大蝦爽口，熱辣辣！芝士焗蠔味道十分juicy。鹽燒牛舌， 加上檸檬汁，夠牛味又有咬口，燒得剛剛熟，保持肉味水分！鹽燒五花腩，油脂十足，入口味道香濃！

放題 menu真係花多眼亂，我哋好醒目依次序逐樣點，先喺自助吧食海鮮之後叫刺身、串燒、炸物、壽司……逐樣點，避免一次過上曬枱！呢啲都係我食放題經驗，因為兩個鐘一定食得飽，費事啲嘢一次過上曬㭘，唔凍又唔熱就影響曬啲味道！出面自助吧有大大隻凍蝦，入口鮮甜，而且爽口，仲有翡翠螺，隻隻都好大隻，真係食海鮮都已經回曬本！先嚟過蟹粥打底，雖然蟹仔細細，但係粥底都夠味！串燒夠味，尤其是係燒牛舌，好有水準！ 至於燒大蝦，鹽燒喺蝦殼，入口好滋味！炸物都唔錯，炸雞翼、炸榴槤、炸廣島蠔好有水準，唔會太乾，上枱熱辣辣，用嘅材料都十分理想！尤其係榴槤球，好濃味！羊架七分熟，仲有少少血水，食落口一啲都唔騷，十分好食！這間滿屋，無論食物水、準環境都十分唔錯， cp值極高，我會介紹朋友再來！

心血來潮想來一餐放題，於是下班後邀約好友；為了遷就大家上班地點，選擇了荃灣區，再輾轉決定到這間「滿屋日本料理」。抵達時約7點，輪侯了三數分鐘便可入座。「滿屋日本料理」除了劃紙點餐之外，場內亦設有自助任食區。等侯上餐期間，可先行取食物，務求不該嘴巴有一分休息時間。當中筆者最愛漬物，蒜味螺肉、中華沙律、墨魚仔等已成為口中物了。剌身壽司類選擇都頗多，上碟數量亦跟填寫份量相符（放題最怕出現上餐出錯繁亂）。筆者較愛吃大赤蝦，味道鮮甜。較為有趣的一張點餐紙是創作料理，筆者點了3件試試，分別是牛油果鮑汁帶子、鵝肝帶子還有海膽吞拿魚茸。味道正常，沒有中伏，而且牛油果鮑汁帶子這個組合也確實蠻特別。燒物、串燒、炸物這幾個類別，都是放題不能缺少的元素。筆者統統點了平日放題的至愛項目，滿足五臟府。通常點大量剌身後，會點一兩個煮物回一回暖。辣酒煮蜆微辣惹味，瑤柱蟹肉海皇粥則鮮香。每人可以點一杯Häagen Dazs又或Movenpick雪糕。任食區另外還有蛋糕甜品櫃、雪條、雪糕糯米糍，甜品愛好者可以大吃大喝。場內飲品提供也繁多，啤酒汽水一應俱全。三百元左右的價錢有如此多食物選擇，也可算是值回票價。

今日同個朋友去食放題平時去食日本餐平均都要$200一個最少，所以選擇任食是相當好嘅選擇呢間放題餐廳仲係任飲任食的確不貴！位於荃灣眾安街地點又非常方便餐廳入邊地方非常闊落，坐得非常舒服,一行入餐廳就感覺到冷氣嘅涼快，清爽一行到入去已經有職員帶位，而且仲笑面迎人非常有禮貌，使我感覺良好呢間餐廳有角色同埋唔同種類嘅壽司我最喜歡的當然是鰻魚壽司，上面加埋塊芝士加埋啲蟹子，更加令味道出眾同埋火焰左口魚壽司，配上甜甜嘅醬汁好惹味天婦羅亦非常大件，炸到入邊好juicy完全唔乾身炸粉又不厚！燒海蝦都非常不錯蝦肉非常鮮甜爽口燒到外皮非常乾身又脆，加少少海鹽新鮮嘅海鮮味出晒嚟仲有啲冷盤係自助形式，可以自己係出邊拎仲有好多唔同種類嘅飲品選擇肯定有一款合到客人要求每款炸物要一件試一試，先點知三樣都好滿意呢個一口芝士一咬落芝士流出意外皮亦非常脆，芝士味濃郁， 外脆內軟，鍾意食芝士嘅朋友就必叫👍🏻，仲有個芝士年糕我亦相當喜歡,可以重複再叫另外仲有個吉列炸蠔，外表看來不大吸引，但咬落非常有蠔味，但size 較細，炸到剛剛好，沒有油膩嘅感覺呢個牛肉火鍋煲入邊啲牛肉完全不肥膩感到非常健康而且入邊仲有大量嘅蔬菜同埋冬菇，

今日我好朋友放假，我哋兩個人好想去食日本野由佢口中聽講荃灣嘅滿屋地方舒服食物又衛生咁我今日就跟她一齊去試吓我哋住喺西鐵站元朗區附近所以搭西鐵去荃灣西落車行去都非常方便今日你食lunch放題加埋一，$200左右，可以食到飽飽的12:30去到已經見到有好多人坐低，近乎滿座，地方都非常大，冷氣又足夠，感到好舒服😆行入去嘅途中，見到有個自助雪糕區，出邊熱辣辣嘅天氣，呢個雪糕區當然好吸引我嘩，非常多嘅飲品選擇仲有荔枝味嘅洒，酒精含量好低，一定要試吓叫咗三款不同種類嘅炸物試吓，有炸蠔，芝士年糕，同埋一口芝士三款雜物都炸到非常乾身👍🏻我最喜歡當然係一口芝士皮薄芝士多食落去一啲都唔油膩而且芝士味濃郁呢個我一定要再返叫多次燒羊鞍調教嘅味道非常好，上面有少少香草同埋黑椒味，羊肉嘅肉質又嫩滑，剛剛炸起熱辣辣，好好味，帶有少少羊肉嘅蘇味😍燒海蝦非常大隻蝦肉又鮮甜剛剛燒氣好新鮮赤貝刺身係我最愛刺身夠晒凍又新鮮每一片都好爽口同鮮甜不得不叫牛舌好爽口，每一串有三片，每一片都熱辣辣，牛舌上面仲有啲黑椒，帶有少少辣辣嘅味道，加多幾滴檸檬汁更加鮮味出眾雞軟骨燒到非常香脆，每粒都好爽口👍🏻又熱辣辣上面有少少椒鹽非常惹味,

荃灣大鴻輝出曬名多野食，今日收工一於再戰放題，今日揀左10樓既滿屋放題首先揀左野食，遞曬紙等野食之時~~呢度有好多前菜可以揀味道仲要都唔錯尤其係中華沙律同芝麻海蜇，超級開胃食完前菜之後梗係食左熱菜先我哋揀左牛柳粒同牛舌👅👅一上檯見到個色澤已經好吸引先食牛柳，牛味夠曬唔似普通急凍牛，而且非常鮮嫩 味道明顯經過醃製，超級入味牛舌都有驚喜，唔似平時食果啲牛舌一啲都唔韌，仲好嫩口有啲入口即化既感覺!!!果然無揀錯食左熱菜，接住黎既食放題必食既刺身同壽司🍣刺身都係一如以往既鮮甜味美~~~唯一唔好既係我哋今日撞唔到距有即開吞拿魚🤦🏻‍♂試唔到即開即食既肥美拖羅不過壽司款式都幾多既！火炙牛肉最正啦牛味夠~火候剛剛好，夠嫩不鞋燒物同炸物都係不能錯過的尤其係芝麻雞翼同燒🍍菠蘿🍍芝麻雞翼炸到恰到好處，外脆內嫩只想一吃再吃~~燒菠蘿都係超級甜👍🏻食左幾輪，飽飽哋再食翻個哈根達斯真係滿足的一餐

唔開心要做咩？唔開心梗係食嘢啦！.........早前去咗呢間荃灣嘅滿屋食放題！分享返先首先係刺身大部份都新鮮！而且好厚切🤣🤣呢間啲大赤蝦刺身特別推薦！壽司方面種類幾多而且調味做得非常好！賣相又靚重點係好食👍🏻👍🏻特別推薦火炙和牛壽司海膽手卷同蟹膏軍艦！不過可能有啲人會覺得佢飯太大舊炸物方面 特別推薦炸鮮奶！熱辣辣外脆內軟 好正！另外仲有咖喱炒蟹 都唔錯🤣..........出面仲有啲涷盤區同甜品區甜品種類都幾多 另外仲有生果可以食雪糕方面有haagen dazs同movenpick🧡..........滿屋日本料理地址： 荃灣眾安街55號大鴻輝(荃灣)中心10樓

食晚市放題對我來講，重質不重量，雖然這裡限時間，但都有 3小時，慢慢食都好夠飽，食物種類繁多，除了主食多選揀，出奇地甜品，小食，飲品都唔少，滿足到一大班人對食物款式的要求。我幾鐘意食這裡的燒物🍡同壽司🍣 可以一試！頭盤先來些刺身創意壽司系列軍艦 & 火灸燒壽司雞串，灑上不同的調味粉，幾惹味！鍋物方面我吃了牛肉鍋，湯底偏甜，但總算是熱辣辣的選擇，在冷氣咁凍的時候吃蠻不錯！飲品的選擇算好多！有我喜愛的支裝Hoegaarden Rosee 粉紅色🍻 仲有清酒添🍶飯後甜品方面，我揀了季節性限定味道，原來係奇異果&芒果味🥝🥭，好Fresh🍨 另一個係較甜的焦糖脆餅🍯 食多幾個真係好易回本服務態度唔錯，廳面有員工都好快手接單，而點了的食物沒有錯漏，值得一讚

香港放題周圍都係,呢間滿屋大集團,食過幾次都好滿意,每次都有驚喜,每樣野都用心去做出黎.炸野例如:芝麻雞翼,芝士年糕,炸蠔等等,睇顏色都知油唔係老油,色澤金黃,炸得岩岩好,外脆內軟,最重要係熱既.熟食更加多選擇,之前食都唔見既炒蜆,朋友食過話必食推介,真係好香好鮮甜,肉又大粒,真係唔錯,最令我意外既係呢個牛油栗米,不嬲都有,今次食出奇地大,又多又甜,甜得黎係好重栗米味,絕對唔係罐頭個種.當然唔小得壽司啦,我覺得最岩我係D壽司唔會太大一件,一口一件,唔會好容易飽,可以食多幾款.最後每人有一杯甜品,每次都會有一款季節限定,我最鐘意呢個環節,每次都可以試一個唔同既味道,今日係橙香柚子味,真係超正,橙夠香,柚子味夠濃,好特別又好味!!絕對會無限次在黎,介紹更加多既朋友~