滿屋日本料理 (大鴻輝(荃灣)中心) (已結業)

好耐都冇食過放題，今晚一於要放縱一下， 朋友介紹去大鴻輝呢間 ，佢話性價比甚高，我梗係要試一試啦！食物選擇很多，自助部分仲有海鮮，包括有凍蝦 、青口、 蜆肉 ， 熱食有炸薯餅， 蒸扇貝， 甜品有啫喱，飲品選擇亦多 ，居然連酒精飲品都有得揀，有咁靚嘅荔枝梅酒，我忍唔住飲咗幾罐！天婦羅好夠水準，炸得啱啱好，唔會有太多餘嘅油份，粉漿適中不會太多粉，特別係大蝦天婦羅，大蝦爽口，熱辣辣！芝士焗蠔味道十分juicy。鹽燒牛舌， 加上檸檬汁，夠牛味又有咬口，燒得剛剛熟，保持肉味水分！鹽燒五花腩，油脂十足，入口味道香濃！