滿屋日本料理 (大鴻輝(荃灣)中心) (已結業)

唔想左諗右諗食D乜野, 最好就去食放題, 自己鍾意食乜都得, 好食又可以ORDER多幾份食~荃灣呢間放題應該都最抵, 2百幾蚊一位可以位食, 任點係可以有啤酒, 果汁酒, 清酒可以任飲!!入到店全係開揚的大玻璃, 感覺好舒服, 仲有大量卡位, 坐得比較舒服~食物都係用紙仔ORDER, 有12張紙仔任你揀~除左紙仔上的食物, 仲有好多野食可以自己出去羅~ 有湯, 燒物, 貝類, 凍蝦等等~雪糕, 甜品, 飲品都係自己羅~我最欣賞呢到的刺身同埋燒物味道都好出色!刺身中的三文魚, 油甘魚, 劍魚腩, 赤貝都好厚肉, 好新鮮!!而且壽司類的三文魚腩, 左口魚, 海膽帶子, 櫻花蝦花之戀都一定要ENCORE!燒身中的油甘魚較, 羊架, 牛舌, 比目魚都超正, 件件都厚切又入味!炸物中, 最正係有榴槤波波呀!! 芝麻雞翼勁香口!甜品系列種類都花多眼亂, OVERALL味道也不錯!而且每位仲有一杯haagen dazs , Movenpick或榴槤 雪糕, 今期仲有haagen dazs 新出的柚子味呀!唔怪得呢到平日都會爆滿, 想去一定要BOOK位呀!

荃灣多嘢食就不嬲都知㗎啦，所以肥妹仔今晚放咗工之後就同肥爸肥媽肥家姐一齊去咗荃灣嘅眾安街到食呢一間叫滿屋日本料理。其實肥妹仔之前都食過佢喺旺角嘅分店，覺得佢嘅水準好高，佢嘅款式唔止多，而且質素亦都唔差!咁嘅價錢， 咁嘅質素，實在非常之抵食。泰式海鮮小食呢一個泰式海鮮小食有青口，蜆，蝦， 蟹等等，都幾多唔同嘅種類，個汁酸酸甜甜，好開胃。天婦羅蝦肥妹仔嘅至愛，肥妹仔好欣賞佢呢度嘅天婦羅蝦個炸粉一啲都唔厚，而且個蝦本身爽口彈牙，點埋個天婦羅汁好好食。沙律醬焗蠔個醬汁有少少似沙律醬，酸酸甜甜，入邊配料就有蘑菇，煙肉粒，蘿蔔粒等等。個蠔本身唔會好細隻，好鮮甜。刺身 肥爸嘅至愛我，哋叫咗甜蝦，榮螺肉，鮑片， 吞拿魚，三文魚等等。佢嘅三文魚好鮮甜，而肥妹仔至愛係個榮螺肉，真係好爽口彈牙，甜蝦亦都唔錯。火炙明太子三文魚壽司 超級好食，個明太子醬好鮮，個三文魚用火輕輕灸過，仲加大出個魚油香味。三文魚櫻花蝦軍艦 炸蝦捲個炸蝦卷炸蝦脆卜卜，唔會好淋，連埋上面芝士一齊食好滋味 。櫻花蝦 軍艦都唔錯。燒牛舌呢個牛舌好好食，唔算太厚身，但係一啲都唔韌燒羊架肥爸摯愛，肥爸encore咗四次，肉質都算嫩滑，羊騷味唔算

雖然食嘅份量唔算太多，但同朋友食飯間中總會放題癮起，因為選擇多廢事諗嘛今次由同事帶路, 近近地去荃灣食放題. 價錢黎講合理嘅 環境就眼見座位都係卡位, 舒適度高.半自助形式, 呢度除左寫紙落ORDER之外, 仲有些少冷盤 / 小食/甜品同飲品可以自己去拎.外面除左可以任拎普通嘅雀巢雪糕之外, 仲可以1人揀1楝Haagen-Dazs 或者 Movenpick , 最驚訝嘅係Gelato都有!! 不過....可惜就只有榴槤味.....唔食榴槤嘅我地就真係搞唔掂Order紙足足有成13張當ORDER左D野未黎, 就緊係要出去拎D薯格黎頂下先啦.飲品都係自助形式，種類好多除左普通茶同果汁之外，甚至連韓國日本酒類都有留意到有其他客人有拎住清酒嘅樽行黎行去，有清酒飲真係回到本開始點可以唔點刺身呢，今日嘅大赤蝦同劍魚腩唔錯。壽司選擇算多，有幾多都係新式嘅配搭。個人比較鍾意黑松露牡丹蝦壽司 / 櫻蝦花之戀 /火灸胡麻左口魚裙邊至於熱身，我地就唔算叫左好多 - 炒蜆雖然冇咩鑊氣，但至少冇沙啦而燒物控制得唔錯，尤其鹽燒海蝦用嘅蝦非常新鮮，蝦用有彈性，但可惜需要等嘅時間長左d，最好就第一轉落定喇 而牛舌雖然

今日係荃灣行左下，發現左一間日本料理還是放題式食法，真是深深咁吸引到我，平時在電視就見得多，宜家第一次食，真是好激動好興奮。環境都唔錯，都見有多人排隊下，一睇就知呢間食物質量味道還可以。今次嘅放題嘅壽司選擇都好多下，居然給我發現到冷盤任食刺身。自助食品區有好多選擇炸物、熱盤、冷盤、沙律......仲有多款甜品、水果、雪米糍。雪糕要經店員拎，不能自取。海鮮選擇都幾多，有蝦，蜆，翡翠螺同青口，有啲自助餐嘅感覺。服務態度還很好

初踏入社會終於擁有我人生中的第1位舊同事，如今闊別一年，終於相約一同晚餐，一年間斷斷續續地聯絡，最後促使了今次的約會選擇了大家放工也方便到達的荃灣晚餐，知道大鴻輝食肆臨立，便挑選一間任食3小時，而且大家也從未品嚐過的放題促膝詳談全層10樓均屬滿屋放題，所以面積頗多，地方闊落，最想稱讚莫過於2人也有機會被安排入坐四人枱，既坐得較舒適，又有足夠枱面空間擺放食物共有2本點菜簿，內裡夾著十多款不同種類的食物，食物種類多不勝數，有壽司、手卷、卷物、炸物、串燒、天婦羅、刺物、燒物、海鮮小吃及和風料理等數之不盡的款式除了點菜外，還可到吧枱自行取熱葷小吃、湯、貝殼類海鮮及沙津飲品方面除了可點選餐廳自家調配之特飲外，外頭雪櫃還有更多樽裝、罐裝及紙包飲品，款式多達約30款！眼花撩亂的我站在雪櫃前好一陣子才有所決定另外還有一個窩心的熱飲櫃放了數款飲品，放題不用再可只喝凍飲了～由於食物種類繁多不得盡錄，不過以下是個人推介：一共點選了8款刺身，整體都新鮮及完全解凍，個較喜歡三文魚、劍魚腩及赤貝。三文魚：脂肪與魚肉分佈平均，所以口感嫩滑並且無根劍魚腩：擁有魚類刺身少有爽滑口感！而且魚油膩味濃郁赤貝：雖然切成一小片

本人第一次寫食評，希望都係最後一次。今天約老朋友聚舊，係open rice searh有冇好地方，睇食評話呢間餐廳幾好，去到坐低19:30分，叫第一輪刺身及羊架，刺身就好快到，但羊架過了45分鍾都未到，追佢話有單，過多15鍾分拿到份羊架唔暖，大佬我等你1個鍾，你 畀份唔暖羊架我，話你唔話你好，再叫多2輪單，每次都要半個鍾先到，去到20:50分佢收錢個人話last order及埋單，我都未食第3輪你就話last order。你間餐廳都好犀利，送野就慢收錢就快，總之一句，無下次

對於我來講，質比量重要，口味又比質更重要，唔啱胃口既話，幾好食都係假。有得揀，我一定選卡位，一來私隱度較高，二來我們的狼狽食相可以盡量減少暴露人前。呢到的壽司有好多，有得揀梗係食花之戀、鮮芒蝦卷這些平時較少食又較有特色的卷物。燒物當中，鹽燒牛舌夠爽口，有嚼頭。我每次食日式放題，都幾乎係必點的。蟹係我的至愛，出街隨便叫碟都閒閒地接近三舊。基於 ”荷苞” 原因，平時少吃。雖然這裡的咖哩蟹是急凍(無考究過，純粹係我覺得)，味道還是可接受。屋企人唔食榴槤，就算我有幾鍾意食都唔俾帶返屋企，唯有食番兩粒榴槤丸補番條數。個人偏好糕點類的甜品，呢到特別多，攪到我飽飽地都仲要出去攞番幾件。

大胃王又要出動😂今晚好想食日本野 又口痕 決定揀放題滿足一下🤭依間滿屋試完之後感覺係平靚正，二百幾蚊絕對對得住個價錢！首先選擇夠多，由自助沙律吧、自助海鮮吧、剌身、壽司、小炒、串燒、鍋物、一品料理、炸物、甜品雪糕糯米滋... 咩都齊！我諗大家想食咩都滿足到一入餐廳，其實比個自助沙律海鮮吧impressed，好少放題有！蟹籽仼吃😍😍海鮮吧有d似自助餐個種，雖然唔係咩貴價海鮮，但絕對滿足到海鮮控🦞有螺有青口有蜆放題第一擊一定係試個刺身評個分三文魚、帶子、油甘魚、劍魚腩、赤蝦、甜旦、赤貝都叫齊，其實仲有其他刺身，選擇可以話除了拖羅咩都齊味道尚算新鮮 不過就唔係十分肥美個種，但兩百幾蚊個人真心值回票價了，性價比唔錯！依到仲好多細細粒既卷物，最中意依個size食多幾件都唔怕滯，仲可以試多幾款，以下有芒果軟殻蟹卷，芝士鰻魚蟹籽卷，魚籽花之戀，三樣都都整得一點不hea，幾足料卷物仔仲有海膽拖羅蓉卷，一啖食哂😂熟食方面都好唔錯，推介圖中既炒牛柳粒，平時放題牛柳粒多數都好韌，依個係軟稔而且一啲蘇味都無，係幾surprise放題有依個質素！小炒仲有咖哩炒蟹😝個咖哩汁堅好食，少少少辣好惹味，蟹都有二啖肉，但

早幾日至黎過荃灣，今日去宜家買野，順便嚮附近食飯。諗來諗去都唔知食乜好，冇乜idea，索性走去食放題。這間放題供應的食物種類及款式，相對較多，order sheet 內的選擇都比其他放題店多出很多。刺身係必點的，這樣的出品味，算是夠新鮮肥美。每件的size都唔大，一口食晒，其實好方便。花之戀係我至愛之一，因為賣相好靚，能刺激我食慾。雖然是放題，壽司及白汁焗扇貝正常味道，不會將貨就價。清酒煮蜆則味略淡。 燒帶子是原隻的，咬落很有彈性。我係一個雪糕控，呢個牌子的盒裝雪糕跟其他牌子的筒裝，係幼滑好多。

朋友說日式放題之種類很多。要高質、價錢實惠、款式要多，才能令人想去喔。愛吃朋友在荃灣行街後，就尋找到可以滿足以上要求的放題餐廳，因此，我也就跟他一起去吃一個滿滿的晚餐了。一如平日的放題，全是滿滿的客人喔，但由於店非常大，可以坐得舒服，也可以去自助區拿小吃喔。小吃的款式多，炸物任食，有廣島蠔、吉列蝦、芝士年糕等。鐵板燒任食款式選擇亦多，即叫即煎炒，因而上菜時也是熱。有鐵板羊架、豚肉山薑燒、蔥花牛肉、燒汁一口牛等。海鮮方面，還有燒芝士帶子，大蝦等。最欣賞是店內的飲品喔，有涼茶選，可祛除胃腸脹氣、幫助消化，十分貼心。更令人期待是他們的壽司喔。因為師傅即製後拿出來，紫菜也是脆的，其他的食物包括任食刺身、壽身、熟物、炸物等也滿有質素也。刺身，新鮮肥美。今次去亦有限定和牛火炙壽司，不錯喔。雪糕凍櫃，可任取雪糕三文治及其他甜點， 以及每位有一杯杯裝雪糕贈送，朋友當然選擇最愛的movenpick，棒，五款口味選擇了。

今次係肥雞第二次食呢一間日式放題，今次揀咗喺荃灣食同之前一樣水準都可以保持到，今次肥雞要讚一讚佢啲羊架燒得好香，酥味啱啱好，食落口一啲都唔油膩，佢嘅冷盤有青口凍蝦帶顯，等質素一般啦，反而肥雞最鍾意食就係個燒烤 ，佢啲燒大蝦非常之新鮮，外皮灑滿咗粗鹽，香口度可以連學都食埋，仲有佢個芝士焗蠔，雖然焗完之後但係啲蠔嘅尺寸都大大粒，配埋香甜嘅芝士同埋白汁煙肉，非常之惹味，原來佢呢一間分店仲有棉花糖機同埋爆谷幾，肥雞都食咗三杯爆谷同埋自己整咗支棉花糖 ，完全係食緊童年回憶

鍾意食放題貪選擇多，生、冷、熟食、甜品應有盡有，最近試咗呢間，價錢唔貴但質素唔錯的放題壽司/火炙深海池魚/象拔蚌/柚子油甘魚壽司(上)明太子沙律醬燒三文魚/火炙胡麻左口魚邊/和風牛肉壽司壽司整體做得唔錯，壽司飯軟腍有黏性不鬆散；柚子油甘魚配搭很好可以提升油甘魚的鮮味，左口魚邊肉質夠爽彈肥美，和風牛肉則肉質腍滑肉味濃卷物/精選壽司芝士軟殼蟹卷/海膽伴拖羅蓉/雙色香芒之戀/海膽帶子壽司這幾款都是比較少見的配搭，但出奇地夾，拖羅蓉夠綿滑配上海膽的甘甜，入口即化；香芒之戀內藏三文魚配搭芒果夠清新；至於海膽帶子更是絕配，皆因兩者都非常鮮甜刺身三文魚/油甘魚/帶子/赤貝/劍魚腩刺身整體質素都唔錯，鮮甜爽彈，油脂豐腴，而且件件厚切絕不吝嗇串燒黑糖五花腩/燒日本有機蕃薯仔/鹽燒牛舌/燒有機鮮菠蘿五花腩肥瘦相間，肉質爽彈，配以黑糖燒至微焦，很有口感；牛舌口感軟腍配鹽燒至正；菠蘿燒過更加帶出甜味炸物/天婦羅芝麻雞翼/紫心香芋丸/天婦羅蝦/溫室南瓜天婦羅/日本蕃薯天婦羅芝麻雞翼燒得香脆但仍保留肉汁；香芋丸外脆內裡軟糯香甜；天婦羅整體都唔錯，漿粉夠薄夠脆，又無油膩感，有水準椰冰楊枝金露/忌廉芝士朱古力窩夫楊枝

一排無食放題，食厭左平時旺角個幾間，今次轉左場來到荃灣的滿屋，以我所知滿屋好似有幾間分店，所以質素應該有保證。環境舒適，座位幾寬敞星期3的6時多入座，不需等待即可入座，店員感覺幾熱情落完order之後，等候期間八卦出去睇下，發現出面沙律吧都唔野少，有青口、蜆、仲有螺，甜品仲有好多選擇添令我地最開心既係，入座時店員說，每人送雪糕一客（movenpick／hargen daz），無諗到呢個價錢食放題，都可以食到高級雪糕入返正題，首先係刺身，刺身總共叫左兩次呢度既刺身夠新鮮、無雪味，而且係比得一啲都唔孤寒！尤其三文魚，切得非常厚，赤蝦亦好好食，必叫。壽司方面，款式非常之多，花多眼亂～當中虎蝦壽司就比較少見，但都好好食香芒花之戀，用芒果既清新抵銷沙律既膩，食落唔會有罪惡感！海膽帶子壽司，係「回本之選」，2百幾蚊既放題可以食到海膽帶子，相信唔洗食好多舊已經可以回本！食放題當然就唔少得炸野！我個人就特別推介榴連炸彈！炸得夠脆，入面既榴鏈餡好有榴鏈味，真材實料！另外，比較驚喜的還有－本店的特飲竟是免費的！這令我更加費解，為何旁邊的眾人仍選擇紙包飲品！大概是沒發現到這一點！蝶豆花白桃梳打，梳打夠晒汽，

真係估唔到凍盤方面會有翡翠螺同青口，用冰底保持新鮮，雖然未去到酒店質素，但唔係主打黎計已經算唔錯另一驚喜係，放題都竟然有咁多花臣，爆谷同自制棉花糖，童年返曬黎，連呀媽都忍唔住玩下放題重點一定係魚生，無你我地失望，睇相都知唔錯，我地鐘意同食開嘅種類都齊曬呀媽老豆大讚北菇花膠掌翼，又一估佢唔到食物，花膠質地唔錯炸物都ok，有我最愛嘅芝麻雞翼串燒夠味，都有誠意健康d都有多菜嘅火鍋，清嘅有，好肉嘅一樣有得揀羊架叫完再叫榴槤波波係我地必食，夠曬香比起一般甜品，燒菠蘿更岩我地口味，暖暖地，又香甜又多汁

好耐都冇食放題喇，今次同朋友去左荃灣「滿屋日本料理」食放題，呢度既野食真係又新鮮又足料，不得不提佢個花膠鵝掌真係好正，又厚又肥美，岩晒女士補充骨膠原😍。仲有清酒任飲，鍾意飲酒既我當然唔會錯過啦😎，食仲有 Haagen Dazs 或者 Movenpick 雪糕食添！推介： 1. 咖哩炒蟹2. 大赤蝦刺身3. 棉花冰4. 海膽手卷5. 蟹膏軍艦6. 火炙和牛壽司7. 左口魚壽司8. Movenpick 雪糕9. Haagen Darz 雪糕