滿屋日本料理 (大鴻輝(荃灣)中心) (已結業)

最近同男朋友講起，好似真係好耐無食過放題了，所以就決定近近地去屋企附近既放題食下！揀左荃灣呢一間滿屋。入到黎都幾旺場，見到點菜紙都有好多野食啊！除左點餐紙上面既野食，出面仲有自助區，有好多款唔同既野飲，仲有好多小食同冷盤。食放題首先梗係食左刺身先啦！我地各樣都叫左幾片，當中比較驚喜既係佢竟然有帶子同埋油甘魚腩！刺身都好新鮮，就算好多人叫都唔會有未溶哂雪既情況出現。另外佢既甜蝦唔係得好細隻個種，係大隻連埋頭既，好鮮甜，encore左！特別要推介下既係呢度既壽司，佢有好多款唔同既創作壽司都係好好味。完全估唔到係放題會有既quality，：值得一讚。卷物亦係非常有特色呢！特別推介明太子玉子壽司同埋左口魚裙邊。熟食我地都叫左好多，牛油粟米好香甜；鹽燒鯖魚火侯剛好，而且油脂豐腴，係高級既味道。另外燒牛舌串燒都好味！值得一提既係呢間放題會送Movenpick雪糕，好少放題會咁大手筆，以呢個價錢黎講我覺得性價比好高呢！九點半後入座，只係$220一個人。

這段時間愛上了食放題，今日來到荃灣滿屋日本料理。餐廳大鴻輝中心10樓全層，裝修整潔舒適。上到十樓見到非常多人正在等位，可見受歡迎的程度。喜愛食放題選擇多，又可以任揀任食，滿屋的放題與其他日式放題一樣，有刺身、壽司、炸物、軍艦、冷盤小食、日式料理、鐵板燒、及燒物...等，甜品飲品及水果等，非常多款式。入到餐廳裡面，已經見到放題的誘惑，冷盤區的東風螺及青口、灼蝦非常吸引。先取了小小東風螺及青口、灼蝦，為這個放題開餐喇。跟著一邊食一邊點了一些自己喜愛的食物。極品鮑汁燴花膠之前食過日式放題的花膠都比較硬，而這裡滿屋的花膠又淋又滑，滿滿的健康又骨膠原的感覺。燒羊扒燒羊扒少了黑椒及香草的味道，燒得尚算香口。燒菠蘿燒菠蘿酸酸甜甜，食完燒烤及肉類再食燒菠蘿，就消滯又好味。鮮蟹粥三點蟹粥底綿密鮮甜。刺身今次要了少少刺身，有三文魚，鮮鮑片及北寄貝。三文魚透著誘人的橙色，魚油甘香，入口嫩滑。北寄貝及鮑片爽口又新鮮。炸物還要了芝麻雞翼、榴槤炸彈、酥炸生蠔及鹽燒雞軟骨。芝麻雞翼入口嫩滑多汁，每次食放題必食。我喜愛食榴槤所以榴槤炸彈也是每次必食。相比起之下我覺得炸生蠔有少少失色。雞軟骨入口爽脆，有口感又香口。最後

之前去過大鴻輝食野，見到呢度有放題就話下次同朋友黎試下，今日真係黎試左，呢間放題食物同飲品款式都好多元化，食物主打有刺身、多款壽司卷物、天婦羅、串燒、炸物、燒物等，除左用紙落order，仲有自助吧可以拎蜆、蝦、青口，少量熟食、爆谷、自製棉花糖、甜品糕點。特別要提幾樣必嗌食物，黃金燒帆立貝，芝士融入帆立貝，非常香口，帆立貝亦有咬口。海膽手卷既海膽係我食過咁多間份量最多，好有口感，肥厚又濃郁甘甜。牛舌整得好正，一啲都唔"韌"，仲有沙嗲雞串雞肉嫩滑，沙嗲味香濃。仲有啲火炙壽司，和牛鮮嫩、芝士蟹棒味濃等等，壽司個主食份量幾大，三文魚腩、煙鴨胸都唔錯。甜品嗌左忌廉芝士朱古力窩夫，賣相滿分，雪糕加窩夫口感十足，朱古力味重。佢仲有啲特飲可以嗌，有珍珠奶茶、清涼蜜柑等等。仲有不得不提有我最鐘意食既haagendazs焦糖脆餅同朱古力味，真係唔係間間有。

刺身選擇好多，剔幾多真係有黎齊，食落都好新鮮好夠凍，唔錯。壽司款式都好多，魚生都唔會太薄，同飯嘅比例都合理最鐘意都係火炙壽司系列，芝士再加上沙律醬真係無得輸！！天婦羅上枱都係新鮮炸起，炸皮好脆，亦都唔會太厚，幾好。食放題好鐘意食嘅西京燒，煎到外脆內嫩，帶少少醬油香。羊架都係放題必食之一！肥羔比例適中唔會太疆。牛柳粒份量有啲細，但都幾嫩，可以叫多幾份串燒種類都好多，但我地淨係食左雞軟骨同牛舌。炸薯餅就無乜特別啦，正常薯餅質素哈哈。最後仲有一人一杯哈根達斯！當然食焦糖脆餅！呢間我地星期日去都唔係好多人，坐得好舒服，全程都無漏單，價錢性價比都幾高！

大鴻輝一如既往咁多人排隊搭𨋢，10樓滿屋入到都有啲人等緊，好彩有book位好快就入得。放題點餐紙有A-N 14款，另外有入座時一人一張雪糕紙，可揀一款H/D/M l既雪糕。坐低第一步做既就係叫刺身同靚壽司 🤣 芝士鰻魚同左口魚都好好食，我暖尾仲Encall左左口壽司四件添 😋 刺身方面都幾新鮮，唔會雪到冰晒，放題黎講水準唔錯，甜蝦仲好大隻！特別想講下佢地入左啲台灣製既飲品，果罐珍奶係我中學回憶 😂 個可可超香濃，唔甜，好厚既朱古力好正，果然係73% dark。炸物特別想講天婦羅同炸蠔都好香唔厚粉。HDM緊係揀H啦！是日味道有個日日唔同，就叫左mango raspberry。包羅萬有星期一至三都係248位，性價比都幾好。

朋友住係荃灣，我就放工過黎，搵佢一齊食晚餐，我地就想食日式放題，咁就決定左去大鴻輝既滿屋到食，價錢大約258蚊一個人店舖座位坐得舒服，雖然我地二個人，但都俾左四人枱我地，唔怕食物唔夠放，落單後，食物都好快上枱，完全唔會拖你時間，仲有雪糕紙俾你點，但每人只限一杯出面吧枱會有冷盤吧(蜆，蝦)，沙律吧，甜品吧，可以在等落單食物上枱其間，食住等刺身有甜蝦(蝦頭有膏)，三文魚(食落肥美)，北寄貝(爽口)，帶子(味道鮮甜)鵝肝伴帶子壽司(鵝肝配帶子，食落有層次感)海苔牛油果醬伴鮑汁元貝(牛油果可以帶出元貝既鮮味)忌廉蟹肉棒(一咬開超多忌廉，食落似薯餅)，吉列炸蠔(雖然炸過，但蠔裏面仲會汁)，芝麻雞翼(用芝麻會令雞翼更加香口)鹽燒海蝦蝦好彈牙，因為用左鹽燒方法，可以唔洗落醬油蟹皇海鮮粥用海鮮煲既粥，超清甜，而且仲有蟹可以食

最喜歡同朋友周圍試放題, 大家都住新界揾到荃灣大鴻輝依間滿屋! 食開放題都有基本要求, 有比較先有進步架嘛, 所以款式同衞生都係我標準之一岀面有自助放題, 熱盤同飲料任飲, 如果方便可以自己落單叫。刺身選擇都多, 甜蝦三文魚油甘魚希靈魚當然要樣樣叫D, 厚切同肥美水準滿意, 想飽肚少少可以叫壽司同手卷, 不過為左留肚所以無試到 🥺燒物方面, 燒海蝦大大隻同雞軟骨口感非常可以。我自己比較喜歡食熟食, 鮑汁燴花膠冬菇 ,田螺, 炒豆依d都惹味。最特別係有椰冰楊枝甘露, 雪糕每人一杯hagandaz/dreyers/ Movenpick, 都算值回票價, 值得下次再來

都有接近成年無食過放題，放工就就地腳約同事係英皇食放題。我地見Openrice既滿屋既評價唔差，所以就Walk-in去左食了。Walk-in大約7:30，可以食到11點幾，$248位加一，價錢都合理，一於睇下入面有咩食。入面既地方好大，大量都係卡位，幾有私隱度。員工帶位時，已經令我地好驚喜，因為已經有凍餅櫃、生果櫃、海鮮、綿花糖機果D吸引到我地。職員仲比左張紙我地，係甜品雪糕既紙，有Hargan-darz、Movenpick、Dryers'，好豐富! 搞到好期待!我地坐係自助飲品區前面，好方便，飲品種類好多，連珍珠奶茶同酒都有，不錯!跟住就睇下佢既Menu，不過我無影到出黎，主要影番食物。Menu有(A)刺身、(B)壽司、(C)火炙壽司、(D)創作精選、(G)串燒、(H)一品料理(姐係熟食)、(I)燒物、(J)煮物、(K)廚師料理、(M)炸物、(L)天婦羅。其他無影低，唔係好記得，哈哈，不過佢食物都去到L，種類好廣泛。刺身方面，我地叫左一大盤，D食物幾鮮，我比較鍾意佢既蝦同蟹棒，D海鮮味明顯!壽司、火炙壽司、創作精選方面，我地叫左D fushion壽司如蟹子玉子壽司、和牛壽司、鵝肝帶子

太放縱啦⋯⋯放題呢種餐廳太邪惡，咁多刺身，又有炸物，又可以無限添食。先唔好講新唔新鮮，如果我話呢到既野食好新鮮，咁一定係作野，而且新鮮既唯一準則係由條魚係你面前生生猛猛，即劏即食。我只可以話，二百蚊，任食，剌身食落唔會令你覺得係難食，但你又唔會預期自己去咗日本食緊料理。剌身既款式大路，有三紋魚，劍魚腩，油甘魚，希靈魚，吞拿魚，甜蝦，大赤蝦，北寄貝...除左款式大路，最重要係唔會太「小家」，我同老婆2個劃紙仔，寫幾多佢俾足幾多，冇扣減既，我試過有某啲店，會冇啦啦少咗架喎，為乜呢？人客想俾部相機食下野，開心 share 俾朋友睇，大大盤，擺得超豐盛，幫你賣埋廣告添啦...睇下，兩個人都擺到咁滿，正...除咗剌身，我都好在意有冇咩創意食品，要知道，放題任食係基本，間間一樣，要爭得贏，就要花心思，呢到都有唔少創意食品，我老婆就鍾意呢款「忌廉蟹肉棒」，而我就鍾意呢到有爆谷，有綿花糖，同埋任飲白酒同埋梅酒。

荃灣大鴻輝出名多放題雞煲，今次就同朋友去咗10樓食日式放題，環境非常舒適，二人也會安排四人座位，餐廳又劃分一區作自助區，主要是一些前菜，凍海鮮，炸物等等，飲品也有很多不同的選擇_食物方面款式非常多，特別要提的是他的壽司水準非常高，刺身用料新鮮，壽司也有一些特別的款式不會是大大嚿😉最新的鵝肝帶子壽司和牛油果伴原隻帶子質素非常高，大家下次來到可以叫來試一下😉_熟食方面除了一般炸物天婦羅🍤也有一式特色小炒王和鍋物包括蟹粥、壽喜燒牛肉鍋等等，全部食物也是十分夠熱，另外也推介這裏的辣炒蟹🤪_甜品方面除咗自助區的一般雪條外每人也包一杯Häagen-Dazs雪糕，加上其他甜品包括雪糕窩夫、楊枝甘露等等，整餐用餐體驗十分不錯，下次也會和朋友再來😉

op睇好多款式，吸引去試。地方，迫。兩個人得一張枱仔。有人食完d碟自己拎開佢d碟🤦🏿‍♀️首先飲品想飲熱飲都多款但有d類似柚子蜜完全無味(恐怖)，唯有飲熱維他奶算。因我住坐到好入。唔知出面有野食拎見到有小朋友拎野食入去就出去望望4盤熱食。有兩盤一模一樣都係辣螺真係好好好好好辣。d冷盤螺有沙。d甜品杯好多都打橫訓底晒。好亂。生果仲衰。得幾件食落似切完放入雪櫃雪過咁雜菇原來得一種菇。冇味甜品好硬，d粉好似未熟難食到痴線北極貝冇味😱呢個算好d只係紫菜淋的仲有好多。咩燕窩蛋。no象拔蚌豆。ok.但得兩舊仔蟹殼果個。應該淨係叫糯米飯牛拍葉ok.點d野飲冇黎到服務算好好。唔會再食呢間。

今晚識新朋友，自然想大家都有啱食嘅菜式， 放題係不二之選， 有串燒、刺身、壽司、卷物、炸物、燒物、甜品……應有盡有！！先叫上一大盤刺身，當中款式算係幾多，而且魚生厚度適中，鮮甜肥美！另外，壽司部分都好精美，絕對睇唔出係放題出品！！食放題最怕就係好快飽 ，呢度嘅手捲都好貼心，做到細size， 等客人可以試多幾款唔同嘅嘢 ，抵讚！！我最愛嘅芝麻雞翼！！外皮非常之香脆，內裡肉質嫰滑，帶著芝麻獨特嘅香味， 極級推介！！牛肉鍋係壽喜燒湯底 ，打咗隻生雞蛋落去，撈暈咗， 就唔會咁熱氣啦！！ 牛肉方面，放喺面仲係半生熟狀態，絕對唔會過老！！串燒小甜薯，係每次嘅甜品嘅前奏，甜薯夠曬香甜，一口一啖， 方便美味！！連飲品櫃都有三大個， 非常多款式選擇，當中有酒精類同埋非酒精類！！雪糕紙係入門口嘅時候帶位嘅侍應派發嘅， 每人只限一杯， 小食多滋味！！

滿屋放題不嬲都係放題入面高質，整體食物質素比一般放題品牌要好，例如刺身種類豐富而且新鮮，而魚生片多數都係厚切，甜蝦比起出面其他放題大隻好多，而且肉質食落唔會”梅”壽司係迷你版，基本上都係一口一舊壽司，唔會咁容易食幾舊就食飽左，自助區小食款式有好多，岩晒餓足全日等食放題嘅朋友，可以喺仲討論緊點餐紙落咩食物嘅時候就出出面拎住D 野食先自助區嘅食物有日式螺肉，中華沙律，蝦，甜品，就連爆谷都有。食到最後，每人仲可以選擇一杯HAAGEN DAZZ / MOVENPICK 雪糕TIM 。

▪️雞軟骨好香好脆，一啲都唔林，佢炸得好香，而且脂肪好少👍🏻真係好好味😋▪️芝麻雞翼佢炸得好脆，佢嘅肉質唔會好硬，係好軟熟，外脆內軟🤤🤩▪️炸雲吞炸得超脆，入面粒蝦好爽口，蝦味好香👍🏻係一個好出色嘅炸雲吞▪️炸蝦天婦羅🍤佢嘅外皮唔會好厚粉漿，入面嘅蝦唔會好林，佢口感係好爽口，蝦味好香▪️叉燒烏冬嘅份量好多，烏冬嘅口感好煙銀彈牙，塊肉好香好大塊👍🏻😋佢嘅湯底好香每人都可以有一杯雪糕，我揀左焦糖脆餅雪糕，係Häagen-Dazs焦糖脆餅雪糕🤤🥰我個人係好中意食牛柏葉的，我一見到有三色椒炒牛柏葉，我就即刻嗌左，佢炒得超香，不過啲牛柏葉嘅口感就比較林，唔係好爽口，但係味道真係好香好出色👍🏻😋而且其他放題餐廳都未見過有依個我最開心，最興奮係竟然有自製棉花糖機可以自己卷棉花糖，啲棉花糖入口即溶，重點係可以自己整棉花糖，真係好特別，其他放題餐廳都未見過有🥰佢仲要有爆谷機可以比客人仼食爆谷🤤，依間放題又有自製棉花糖機可以自己卷棉花糖，又有爆谷機仼食爆谷真係好特別🤩🥰佢嘅黑糖珍珠奶茶，有好多珍珠，而且黑糖味好濃，味道亦偏甜，但奶茶味都好香濃的👍🏻👍🏻椰子冰楊枝甘露，個椰子冰好香濃椰子味，味道亦唔會好甜，而楊枝甘露

朋友提議食放題，打去即刻book今晚7:30都有位，環境面積唔算大，座位唔算迫，反而拎熟食果度就有啲迫，辣酒煮花螺、海蜇前菜、飲品等都可以喺出邊拎。上菜速度算快，飲品種類都算多，烏龍茶、檸檬茶、啤酒somersby 都任飲，但食物質素就失望⋯⋯羊架好韌、食物唔夠熱、刺身正常、蟹粥沒有味道、燕窩燉蛋沒有蛋味、當我們order了第一輪熟食後覺得麻麻地就冇再叫熟食了⋯叫多兩輪刺身就算，最後每人都有一杯movenpick or Häagen-Dazs雪糕。我覺得食物質素和性價比唔值得下次再試