滿屋日本料理 (大鴻輝(荃灣)中心) (已結業)

上星期屋企人生日，特地book咗呢個日式放題慶祝，由於係平日晚市，人頭只係200多咋，因為就腳都無話抱太大期望，始終荃灣區，結果係令我有驚喜！ .一入座 店員就俾定一張甜品 Haagen-Dazs嘅紙仔，原來係每人限一杯，所以俾定先~ 一坐低，就行下出面拎住啲小食同嘢飲，呢度連加士伯啤酒都有！我屋企人好開心！ 無諗過啤酒都有，如果酒鬼嚟到一定開心死。嘢食方面都無漏單，最鍾意食海膽手卷，甜蝦刺身，花膠仔同牛肉鍋！ 海膽手卷小小的 一口一個，海膽係鮮甜架，! 以前食其他放題店都係得少少海膽，又唔會好新鮮，呢度令我改觀！ 養生之選嘅冬菇花膠仔都有，花膠好淋，重膠質，女士必備 牛肉鍋係壽喜燒嚟，甜甜地好食，最愛娃娃菜，浸到淋左吸曬湯特別正😍 . 最後當然留肚仔食Haagen-Dazs, 一人一杯啱啱好，好味到我屋企人話下個月要再嚟🤣👍🏻

又到左食好嘢嘅日子，一早book咗呢間日式放題同朋友慶祝生日，不得不提呢度嘅選擇非常之多，共有12張order紙，種類有刺身壽司卷物煮物天婦羅串燒等等，諗到日式放題應該要有嘅食物呢度都好似有，認真犀利!! 以下分享一下我覺得唔錯食物:首先係刺身，推介三文魚,帶子刺身同大赤蝦，望一望張刺身order紙，選擇真係非常之多，yummy!! 西京比目魚，鹽燒牛舌，燒有機菠蘿朋友大讚燒菠蘿好好味，個菠蘿超甜，係全晚最好食嘅食物之一!!天婦羅就試咗炸蝦同炸蘆筍，炸粉唔算太厚，炸完即刻拎出嚟熱辣辣好脆!! 煮物比較飽肚所以只order了雪花肥牛鍋，想食少少菜叫呢個鍋就啱晒!! 仲有一啲創作壽司都比較特別少見啲，所以order黎試最後每人可以order一個雪糕，食埋Häagen-Dazs雪糕令今晚嘅dinner有個圓滿嘅ending!!

好多人知道荃灣好多野食，同朋友行完街肚仔餓，記得大鴻輝中心整個中心都係餐廳，我哋去睇下，商量完決定食放題，大家都好想食日本野多啲，上10樓就是滿屋，大約7點好快安排入位，一坐低店員同我哋講飲品自助式，有凍飲有熱飲，亦選擇都好多，還有沙律區，有熱野食。甜品區蛋糕仔同雪糕，而其他壽司，刺身，炸物等野食就用紙仔點可以野食，同朋友點一轉，野食都好快到，一黎當然到刺身，食落好新鮮，唔會好腥，之後啲壽司到，我哋叫左不同口味壽司，細細舊，好易入口，仲叫左好多野食，食到最後每人可以一杯haagen dazs 雪糕/ movenpick 雪糕。食到好滿足。

今日同朋友去荃灣整甲，霖住係附近食埋野先走係荃灣真係好多野食，佐選右選，行到大鴻辉商場附近！都知哩個商場都多野食，係落下睇佐一陣，決定食滿屋 我地約7點左右，其實都係正常價，又唔算太平太貴不過食物質素都ok，同埋上既食物都好齊，點幾多黎幾多我地2個女仔食放題，其實都幾嗮！哈哈，不過佢食物質素都高，有2個鐘時間食，可以慢慢食佢個三文魚都好厚，同帶子好有鮮味我地order 佐幾次佢個蟹棒真係要試！大大舊雞軟骨都係要試正雪糕就可以每人選一款，滿屋下次可以再試，完全無中伏食物質素完全ok

今晚同屋企人食飯， 咁我哋想食餐好嘅，咁我哋就揀咗呢一間食日本放題嘅餐廳食飯， 我哋一入到去其實都有好多人喺度食緊呀已經同埋入面嘅氣氛都幾好其實都幾適合家庭聚會或朋友去慶祝生日， 咁我哋叫咗以下嘅食物：嚟到就一定要叫盤刺身，大家可以睇下邊 我自己私人影嘅相睇我叫咗啲乜嘢，我覺得啲魚生壽司都新鮮。我亦都嗌咗紐西蘭香草羊鞍，我覺得今次啲燒羊架都好食，同埋煎得好好又熱辣辣&羊架新鮮。西京比目魚: 鍾意食魚嘅人唔好錯過，因為條比目魚非常之嫩滑，而且無腥味同埋魚身油油地真係幾好食!蒲燒鰻魚壽司： 細細件嘅鰻魚 ， 整得都幾精細同燒得唔錯 ，好過某啲食鰻魚壽司嘅店舖而且條鰻魚啲肉汁都幾好食。其實我覺得呢間餐廳啲食物嘅質素係新鮮嘅， 大家可以不妨嚟試下。 同埋我幾欣賞呢度啲侍應，其實佢哋都好有禮貌，雖然我見到佢哋都好忙， 但每一個人都好有禮貌，呢點係我特別喜歡嘅!

好耐無食放題啦~今晚約埋好友一齊去放縱下揀左想試好耐既滿屋日本料理點餐紙有成十幾張，包括刺身、壽司、手卷、軍艦、串燒、日式料理、特色小食、天婦羅、炸物、飲品、特飲等等，真係超多選擇，勁多款式！自助飲品區有齊汽水、啤酒、果汁等。仲有爆谷機、熱飲櫃、同埋少見既清酒同梅酒。出面仲有沙律、水果、炸物同甜品任取。連冷盤都有，供應蝦、青口等，放題黎講真係好少有～放題必點之一既刺身好新鮮，甜蝦質軟味甜、油甘魚細緻滑嫩、北海道帶子濃郁鮮甜、北寄貝口感細膩，以上幾款都encore左好幾次！估唔到滿屋既壽司有特色又出色，黑松露吞拿魚醬油漬壽司肥美甘甜，香蔥玉子壽司葱香突出，蟹膏皇帝蟹腳壽司蟹膏香濃、皇帝蟹腳肉質結實鮮甜～海膽手卷賣相新鮮，味道鮮甜帶甘香。花之戀新鮮甜美，入口即化。意大利黑醋雙重芝士鰻魚卷芝士入口即融，鰻魚肉質彈牙，整體口感層次豐富～燒有機日本番薯仔一口一粒，味道香甜；沙嗲雞串帶點鹹香又惹味；燒有機菠蘿甘香多汁，份外鮮甜；鹽燒雞軟骨香氣滿溢，爽脆惹味！黑松露汁蘑菇忌廉芝士釀雞翼芝士味道濃郁，黑松露汁提升味道層次；芝麻雞翼金黃酥脆，啖啖肉好正~兩者都係新鮮炸起熱辣辣勁吸引！椰冰楊枝甘露酸甜開胃

家庭聚餐每次都會選擇食放題或者自助餐，因為食物款式多元化，一家大細都可以揀到岩胃口嘅食物，今次輪到細佬帶我地去荃灣試下日式放題。厚厚的一疊點菜紙入面，除左刺身同壽司外，仲有串燒、天婦羅同小炒等等。大堂走廊位置有自助沙律甜品吧，飲品都可以隨意選擇，果汁、茶飲同啤酒等都有。刺身都好新鮮，當中以希靈魚同埋帶子比較出色，三文魚厚切就淡味一啲。上菜速度同效率唔錯，點完餐好快就到齊亦都無漏單。炸物就有我最鍾意食嘅芝麻炸雞翼，上碟個陣仲保持到香脆，大家都encore左好幾次。 吉列炸蠔粉漿唔厚，咬落啖啖蠔肉好滿足。壽司款式都可以揀，當中仲有唔少有趣嘅fusion壽司款式，例如鵝肝加帶子同埋海膽吞拿魚蓉壽司，全部都好有新鮮感。迷你手卷細細件，貪心的我每件試下都唔會太飽。呢到嘅熱食選擇都唔少，岩哂好似媽媽呢一類唔太食生野嘅人，佢最鍾意呢到嘅養生花膠，入口仲好滑溜。煮蜆就略嫌入口多沙，炒牛柳有啲韌比較一般。推薦大家試下雞軟骨串燒，香脆得嚟又唔會太油，另外日本迷你蕃薯仔都喺必點嘅串燒，口感軟糯香甜。到女仔最期待的甜品，我地叫左個楊枝甘露，比想像中好味，芒果味濃郁仲有粒粒柚子肉，配上中間嘅椰子雪糕好夾！除左可

每年好朋友生日都會請佢食放題 今年都唔例外 簡左間幾多選擇 好評又唔少既滿屋 果然冇令我地失望除左餐牌上面既野食 岀面亦都有唔同炸物 海鮮 蛋糕 雪糕飲品櫃除左凍既茶 汽水 啤酒 仲要熱既飲品最左面既龍井茶係熱架 中間既濃可可比想像中濃郁 係甜左啲食放題緊係要食刺身 刺身整體質素唔錯 幾新鮮 最鍾意佢既三文魚同大赤蝦壽司選擇都唔少 🐠有我最鍾意既鹽燒左口魚邊 帶油香 又帶點入口即融 如果大塊啲就仲正 🐮火焰芝味和牛 幾香口 再厚啲就好啦 🐙仲有我同朋友最鍾意嘅芥辣八爪魚同火灸鰻魚 質素都唔錯西京比目魚甜甜地 一啲都唔油膩 黃金燒帆立貝有好多沙律醬 調味都唔錯 全個放題我最鍾意既野食就係🐮鹽燒牛舌 完全唔韌 調味啱啱好 🐥燒雞軟骨調味略為淡左啲 🍠燒有機日本番薯仔 細細粒 又甜又軟冧炸物質素都唔錯 樣樣都夠脆 🍘有榴槤控必食既貓山榴槤炸彈 夠脆 淡淡榴槤香 係甜左小小 🦀忌廉蟹肉棒 淡淡蟹肉香 同樣夠脆夠熱天婦羅同樣夠脆 係炸粉略微厚左啲 仲有好少見既龍躉天婦羅黑松露炒雜菌 炒得幾香口 係其中一碟我有再點既燕窩燉蛋 燉蛋完全唔hea 比想像中好食 係燕窩少啲最後仲有每人一杯既Haagen

上次食完覺得唔錯～ 所以同友人再黎食～ 今次可以食下其他野😋 一入去就見到爆谷機🍿同棉花糖機～ 大人小朋友整完都幾開心🍬 今次都叫左啲壽司～ 火焰牛油蒜蓉三文魚真係好好食～ 忍唔住要叫多一舊黎食🍣 同埋鹽燒左口魚邊好少食～好鮮甜👍🏻 手卷有三種口味～ 海膽，龍蝦沙律，松葉蟹膏～ 因為都細舊可以試晒三隻味～ 食材都新鮮同鮮甜～ 魚都唔錯～係多骨啲（本人唔太識食魚😝） 炸物上次試過炸蠔好多汁～ 今次叫埋忌廉蟹肉棒同炸鮮蝦雲吞配蘑菇汁～ 我比較鍾意忌廉蟹肉棒～ 入口好香濃既忌廉味～但又唔會蓋了蟹肉味～ 天婦羅 今次五隻都叫晒黎試～ 特別愛虎蝦同龍躉～ 御品鮑汁燴花膠 好少放題會有花膠食～ 但比較少要叫多幾碟🤣 XO醬蜜糖豆炒象拔蚌 象拔蚌好爽口～XO醬好野味～ 八寶釀蟹蓋飯 少少地一個真係唔錯～ 糯米飯軟硬適中～仲有蟹膏🦀 雪花肥牛鍋 蔬菜同豆腐都好新鮮～ 肥牛大塊加埋蛋汁食非常正～ 甜品椰冰楊枝甘露唔會太甜太酸🍨 燒菠蘿真係好好味～ 又甜又多汁～ 食埋雪糕就滿足～ 入口有得拎熱既罐裝同紙包飲品～ 我可以飲到熱既罐裝烏龍茶🍵 P.S. 種類真係好多～ 食材都新鮮～ 所以值得再黎👍🏻

近近地係想附近食放題，之前食過分店覺得都ok，所以就試下普通滿屋先🙂首先叫一啲刺身同壽司先😍刺生好厚切，帶子仲大大粒由其是油甘魚，油香味突出，一食再食😋😋每次放題都係咁叫既火灸三文魚腩壽司🥰不過就第一次食蒜蓉味，幾得意。如果有京蔥選擇就更好喇😋😋又係每次都會點既燒鯖魚，今次燒得皮香脆又有魚身又有肉地😋象拔蚌炒四季豆，象拔蚌好爽脆👍🏻炒雜菌，牛油味極香😋除左出面凍櫃既蛋糕之外，甜品仲有楊枝甘露，甜味酸味都幾平均。最後仲有每人一杯既雪糕🥰🥰除左食物紙，自助區都有唔少選擇，讚一讚店員收碟都收得快，唔錯😁

大鴻輝一向多野食，滿屋都唔係第一次黎，全家都覺得好味!所以今日又帶佢地黎一次!雖然好多人都係黎食滿屋，但估唔到我地一枱6人都即刻有位，仲要係圓枱添!一坐低老豆呀媽就即刻去自助去拎野食。千其唔好睇少自助就冇好野!有勁多日式冷盤，沙律，仲有葡撻!野飲方面我都好欣賞~唔單止有各種啤酒，仲有好多健康飲品，解膩一流!刺身方面:冇漏單!基本上你叫嘅份量合理就唔會俾少你!質素唔錯，不過食太多會覺得太凍建議主打帶子壽司方面:份量非常好!件件都細細舊，俾你有肚試多幾款唔同口味嘅壽司同埋佢D壽司都好有特色普通地方食唔到推介鰻魚玉子!熟食方面不過不失，都接受到，普遍份量比較多，最後有肚再食~

平時食放題，多數會去旺角、尖沙嘴同銅鑼灣，原嚟黎荃灣都有又平又正嘅日式放題🤨夜晚去到已經座無虛席，食物種類好豐富😻自助區絕不馬虎，飲品、甜品、小食同冷盤海鮮，應有盡有👏🏻食日式放題梗係要食壽司同刺身。刺身食落好新鮮。天婦羅熱辣辣炸起，不過粉漿比較厚。燒菠蘿酸酸甜甜，解膩消滯一流。除咗雪糕櫃d雪糕，每人仲有一杯時令嘅Movenpick, Dreyer’s或者Haagen-dazz雪糕，大滿足😋仲有有棉花糖機同爆穀機，可以自製棉花糖，有得玩又有得食🥳

工作咗一整個星期，疲倦程度同負能量接近爆錶，終於可以休息下，先生提議去荃灣食放題。因為怕人多，我哋揀咗食最早嗰輪，入座時人唔係好多，餐廳亦好好，以往食親放題都坐得比較逼夾，今次我見大部份兩個人嚟都可以安排坐四人枱，好有良心。刺身選擇多，而且幾新鮮，特別係甜蝦，大大件，味道鮮甜。赤蝦壽司配上濃郁嘅黑松露，鮮味倍升。蟹籽軍艦亦唔錯，蟹籽粒粒新鮮，脆卜卜。天婦羅蝦即叫即炸，上枱時熱辣辣，外皮炸得鬆脆，肉質彈牙。鹽燒海蝦烤得好香，味道鮮美，唧上少少檸檬汁就夠哂味。帆立貝加入大量芝士去燒，中間加入沙律醬減低膩滯感，配搭新鮮；鹽燒鯖花魚嘅魚皮烤到微脆，而且唔腥，唔錯；香草羊鞍唔羶，但冇乜羊味，中規中矩。雞翼去骨然後釀入蘑菇同芝士，食落啖啖肉之餘仲有淡淡嘅黑松露香，滋味倍增。蟹肉翅加入竹笙瑤柱，味道鮮美，質感濃稠適中，而且細細碗唔怕填飽肚。貓山榴槤炸彈係我嘅最愛，香脆嘅外皮包住軟糯嘅內層，仲有熱辣辣嘅榴槤餡，用嘅係貓山王，味道夠哂香濃。燉蛋香滑但味道較淡，面頭加上清甜嘅燕窩同蘆薈，平衡返整體嘅甜度，而且倍覺滋潤。楊枝甘露味道濃郁，香濃嘅芒果味配上清甜嘅椰子冰，感覺清新。最後當然要食返個雪糕完美作結，

今日嚟到前身英皇娛樂廣場（現為大鴻輝中心）食放題當日係星期四成人每位$248，我哋七點入社，個場已經有八成滿，以星期四來講都算相當多人呢間放題佢飲品係自助形式，客人可以自己出雪櫃攞飲品，雖然有唔少放題都有包酒精飲品但呢間竟然有包埋Hoegaarden，相當有誠意👍🏻落單後大約3分鐘左右刺身炸物陸續送上刺身水平屬於正常，但帶子份量比較細另外出邊仲有凍海鮮吧枱，減省客人等候食物時間，而且refill 速度相當快，店員見到差唔多冇時就會fill 多啲出嚟

佢全部啲刺身都好新鮮，有甜蝦、帶子、三文魚、吞拿魚、蟹柳、大赤蝦、希靈魚、油甘魚，全部都好新鮮，一啲都唔腥個羊扒一啲都唔蘇，個芝士焗帶子好多芝士，而且好香芝士味，上面仲有啲蒜蓉😋而佢嘅壽司，全部都好精緻，好靚，有花之戀壽司、帶子壽司、魷魚壽司、吞拿魚壽司、三文魚壽司、扇貝壽司、赤貝壽司、甜蝦壽司、三文魚腩壽司、玉子壽司、鰻魚壽司........呢個蟹飯唔係到到嘅放題都有，啲飯炒得好香，而且仲有好香濃嘅蟹味😋佢嘅炸物有炸蝦餅、炸春卷、芝麻雞翼、炸蝦天婦羅，仲有超多選擇呢個小菜係中華沙律，上面仲加左啲魚籽係上面😋👍🏻呢個小食都係好少見，唔係間間嘅放題都有，呢個係炒菇，啲菇全部都炒得好香🤤呢個係三色椒炒牛肉粒，啲牛肉粒炒得好香，而且肉質唔會好乾而甜品方面，佢有好多唔同款細細件嘅cake🧁🍰😋💕每一位食客都可以嗌一杯Häagen-Dazs/Movenpick/Dreyers嘅雪糕😍