滿屋日本料理 (大鴻輝(荃灣)中心) (已結業)

今晚識新朋友，自然想大家都有啱食嘅菜式， 放題係不二之選， 有串燒、刺身、壽司、卷物、炸物、燒物、甜品……應有盡有！！先叫上一大盤刺身，當中款式算係幾多，而且魚生厚度適中，鮮甜肥美！另外，壽司部分都好精美，絕對睇唔出係放題出品！！食放題最怕就係好快飽 ，呢度嘅手捲都好貼心，做到細size， 等客人可以試多幾款唔同嘅嘢 ，抵讚！！我最愛嘅芝麻雞翼！！外皮非常之香脆，內裡肉質嫰滑，帶著芝麻獨特嘅香味， 極級推介！！牛肉鍋係壽喜燒湯底 ，打咗隻生雞蛋落去，撈暈咗， 就唔會咁熱氣啦！！ 牛肉方面，放喺面仲係半生熟狀態，絕對唔會過老！！串燒小甜薯，係每次嘅甜品嘅前奏，甜薯夠曬香甜，一口一啖， 方便美味！！連飲品櫃都有三大個， 非常多款式選擇，當中有酒精類同埋非酒精類！！雪糕紙係入門口嘅時候帶位嘅侍應派發嘅， 每人只限一杯， 小食多滋味！！