滿屋日本料理 (大鴻輝(荃灣)中心) (已結業)

今日早放放5:00, 喺荃灣食咩好？ 兩個人叫唔得多嘢食, 最好不過食放題, 就來個日式放題吧, 來到最多嘢食嘅荃灣大鴻輝 ……滿屋日本料理。滿屋分4個餐A~D, 平日按入場時段及進食時間長短收費, $228~$588 不等, 我地今日食$228 的A餐過下口癮。炸物、熟食、甜品、生果、雪糕雪條及飲品自取。先來刺身;有油甘魚、三文魚、鯛魚、象拔蚌、帶子、赤貝、仿鮑片、榮螺、希靈魚及大赤蝦, 油甘魚肥美, 榮螺爽脆, 帶子爽甜微彈, 大赤蝦軟滑甜美, 今晚encore得最多係大赤蝦及帶子, 翻本貨!至於其他大路食物差唔多試曬, 有以下推介;燒羊鞍 ~ 肥美蘇香, 肉汁豐富。炸榴槤波 ~ 坐我對面條食友話好臭, 但我覺得好好味, 好似真係食緊榴槤肉咁臭, 外層係煙煙韌韌軟糯的皮, 包住流心榴槤漿, 好正。鰻魚燒 ~ 甘香肥美火赤牛肉壽司 ~ 肥美牛肉掃上香甜鰻魚汁, 伴壽司飯食, 夠晒香口。蒜蓉牛油燒帆立貝 ~ 蒜蓉粒燒帆立貝好香口。吞拿魚他他 ~ 吞拿魚魚溶下是牛油果粒, 加少許wasabi豉油, 成嚿放落口, 夠鮮滑。避風塘鴨舌 ~ 香辣惹味, 送啤酒一流。京燒銀鱈魚 ~ 鱷雪油脂豐富

慶祝回歸，梗係去食放題啦😎 所以神今早就同老公book左呢間！原來佢有四款放題揀：「A 經典 B 匠選 C豪華 D 極緻」 一見到「大拖羅」「海膽」喺放題嘅Menu出現，冇懸念，一定係揀極緻！🥳放題基本盤：刺身 🐟 由於有大拖羅同埋海膽呢兩個選擇，我哋梗係狂叫啦，真係叫咁多黎足咁多，每件質素都keep到一樣；仲有松葉蟹，鮮甜好味特色壽司🍣其實我叫咗好多款，最值得推介嘅係明太子大拖羅同埋白松露大拖羅壽司，兩樣比較濃味嘅配料，加埋油份充足嘅大拖羅，真係好好味😋個人古怪選擇😙其實每次我食放題，必定會叫兩樣嘢，粥同拉麵，冇錯兩樣嘢都會飽嘅野。但係我覺得一間好嘅放題，粥同埋拉麵嘅份量一定要控制得好好，而且要keep住嗰個熱辣辣嘅溫度，一叫呢兩樣嘢就可以知道放題嘅廚房有冇心整野食。滿屋係合格嘅，海鮮粥夠熱又綿，拉麵細細碗麵質啱啱好。其他推介：放題經典炸物- 芝麻雞翼一口炸芝士炸雙皮奶，唔使諗全部都叫啦，勁好味至抵讚corner：我個人好鍾意飲熱嘢，行到出去除咗熱水，竟然俾我見到有個熱櫃！入面有齊晒我想飲嘅紙包飲品及罐裝飲品，對於本中女黎講，呢個corner位係窩心嘅😊呢個質素，呢個價錢，性價比真係

朋友由外國返黎，好掛住香港既野食，大鴻輝呢到最齊想食乜都有。之前食過滿屋覺得唔錯，食最基本既A餐都夠食埋單$300位食兩個鐘，都好夠啦😄 A餐有74款野食揀，一般食開既刺身熱食熟食都有。🐟刺食類：食左三文魚、左口魚、雕魚、大蝦同帶子。全部都非常新鮮，仲可以攤一攤等無咁凍先食。個人比較推薦大蝦，encore左兩次，蝦夠大，乾淨！🍣壽司類：三文魚壽司、花之戀、芝麻八爪魚同海膽手卷。壽司舊飯唔會好大舊，食多幾件都唔怕飽，壽司刺身好新鮮，花之戀超豐富多魚籽。推薦海膽，新鮮無臭味，仲好大方有一舊海膽，紫菜夠脆。🍢串燒類：叫左燒菠蘿、雞軟骨、牛舌、雞翼、鹽燒大蝦。每樣野上枱都仲係熱熱地，牛舌無蘇味，雞翼皮夠脆，最愛無雞軟骨，燒得夠但又少少juicy, 菠蘿唔使講，又甜又多汁，必食！🥘熟食類：牛油粟米、豉椒炒蜆、牛肉烏冬、牛肉鍋。呢到既熟食好令人驚喜，叫既每樣野都好好食。豉椒炒蜆雖然唔係有鑊氣果款，但佢個調味真係不得了，少少辣好野味，蜆又無沙。不過數到最愛牛肉烏冬加牛肉壽喜燒，要兩個加埋一齊食，壽喜燒足料，甜甜湯頭加埋彈牙烏冬，三兩下就食晒。牛肉亦都好嫩，唔鞋口。🍤炸物類：蕃薯天婦羅、榴連炸彈、炸廣

荃灣的大鴻輝中心出名有很多任飲任食的餐廳，其中這間經營多年的日式放題連鎖店，也光顧過不少次數。放題套餐分為四種級數，是次食最貴的D餐，於150分鐘內可品嚐總共116種食品，可以任吃大拖羅、加拿大海膽、乳龍蝦及鵝肝。D極緻大拖羅X海膽X龍蝦X鵝肝滄海四重奏 - 成人$598/位 (公眾假期前夕)D餐限定食物方面，海膽有澳洲和加拿大兩款，澳洲海膽的海水鮮味較為突出，且有一粒粒三文魚籽提鮮，但兩者味道同樣甘香，奶滑而又濃郁；大拖羅的脂肪多得如雪花般，入口即溶，滿口也是天然的魚油脂甘香；中拖羅有著恰到好處的魚油脂，魚鮮味較濃郁；透明色澤的池魚爽口鮮甜；松葉蟹腳嫩滑，而蟹身充滿肉感，有著鮮美甘甜的肉，剪開流出濃濃海水味；香煎的鵝肝帶點微脆，咬開軟糯質感，充滿鵝油脂香，入口即化，香氣久久不散。普通刺身方面，有一般的三文魚、大赤蝦、北海道帶子刺身、象拔蚌和仿鮑片等十多款，也有多款特色壽司及手卷。特別喜歡吞拿魚他他，魚味濃郁配綿密的牛油果蓉。小食方面，有原隻已去膽囊的汁燒鮑魚鮮中帶韌脆；香甜惹味的蒲燒鰻魚，或可加火炙芝士；還有西式奶油蝦仁、鹽燒雞軟骨、黃金燒扇貝、鹽燒牛舌、燒新鮮菠蘿和鹽燒海蝦等等熟食

好耐無食放題，因為之前食果啲餐廳愈食愈差，搞到都唔想去。早幾日心血來潮想豪食一餐，於是就開OpenRice search下，見到「滿屋日本料理」，食物既賣相好吸引，地方環境又夠寬敞，地理位置更加唔洗講啦，喺正荃灣市中心，夠晒方便。座落於大鴻輝10樓，餐廳既環境，無論衛生，舒適度都好好，唔會好逼好嘈吵，侍應服務態度好好，經常過黎收拾枱面既碟，上菜速度驚人，電話落單一按傳送，5分鐘內就已經成枱食物，而且數量真係會俾足你，值得一讚👍🏻有自助飲品甜品，自己行出去拎，種類繁多，出面仲有啲炸物可以任食。食物方面，朋友話不如食豪啲，所以我地選擇左D極緻呢個餐。提供可以選擇既食物有好多，我朋友超中意食海膽，當中有加拿大海膽刺身，澳洲海膽刺身，兩款黎講，前者比較好，入口即溶，味亦較濃，而後者味比較淡，適合唔中意海水味既人。熱愛食三文魚刺身既我，已經唔記得order左幾多輪嚕😆佢啲三文魚好新鮮，不過食得多會膩，要留肚食其他好野。芝士軟殻蟹卷幾特別，軟殻蟹好鬆脆，唔會林晒。串燒都唔差，由其海蝦，蝦肉唔會「霉」，好爽口。豉椒炒蜆、避風塘炒魷魚鬚好惹味，魷魚鬚辣左啲啲。御品鮑魚燴花膠就正，隻花膠真係大到手掌心咁

滿屋日本料理 荃灣眾安街55號大鴻輝(荃灣)中心10樓荃灣呢幾年發展得好完善特別係荃灣西果邊大型私樓 大型商場落成或翻新尼荃灣食好西大鴻輝大家一定聽過😂以前聽得最多係 喂 去大鴻輝打邊爐 食韓燒好冇今次呢間滿屋放題十樓全層 未開波已經有廿幾人門口排緊隊 準備入去開大餐面積大 有好幾張大枱 長枱 岩哂一班人放題gathering仲可以望下荃灣既景色落地大玻璃 自然光最舒服 大家都急不及待 沖呀手機QR CODE落單 環保之餘又唔會睇漏都幾多人食 收碟快 有禮貌松葉蟹腳北寄貝刺身和風牛柳粒芝麻雞翼番薯天婦羅 虎蝦天婦羅🍤

上次同魚魚傾得盡興，話咁快我地又約咗出嚟食飯，不過大家都諗唔到食咩，最後揀咗食放題，貪佢咩野食都有啲唔洗煩🤭🍴我哋揀咗晚市入座（A餐每人$278可食2小時）刺身：三文魚、北寄貝、螺片、北海道帶子刺身等…而我最愛既生蝦刺身好大隻又鮮甜😍整體款式都好多，而且都好新鮮❣️🍣壽司或手卷：迷你size一啖一口可以食多幾款添！特別推薦火炙芝士鰻魚、火炙廣島蠔、蟹膏蟹肉手卷！🍢串燒/一品料理：鹽燒海蝦燒得好香，肉質彈牙😋避風塘炒魷魚鬚和鴨舌辣辣地好惹味，豉椒炒蜆啲蜆肉都大粒㗎，同埋放題來講都比較少有👍🏻我仲叫咗海鮮粥，估唔到都入面有2隻海蝦，味道都幾鮮甜！仲有芝士焗扇貝、燒鯖魚，燒菠蘿等….都值得食。🍤炸物炸鮮奶好正，外脆內軟😋天婦羅有南瓜、炸蝦、粟米….欣賞炸醬唔會好厚，食落係熱辣辣既！🍹飲品除咗汽水/啤酒/茶之外，仲有熱清酒🍶甜品🍮蛋糕，雪糕糯米糍，仲有movenpick雪糕✨🌟出邊仲有自助區，凍盤青口，蜆；熱食有炒菜，炆牛腩，湯，炸雞及薯條🔥仲有爆谷呀，食落仲係脆卜卜！

一段時間冇食日本嘢，同朋友黎到大鴻輝食日式放題，點咗最經濟嘅A餐，唔使$300就已經有72種嘢食。收題回本之選— 刺身。三文魚肥美鮮甜，不停encore。另外，大赤蝦每隻有手指咁粗，食落口感爽口。刺身仲有酒煮螺、北寄貝、帶子、泰式生蝦等等。卷物分別有香芒吉列蝦卷、雙重芝士鰻魚卷、同芝士軟殼蟹卷。芒果甜，令到卷物變咗甜食。鍾意芝士嘅人一定要食鰻魚卷，鰻魚汁配芝士好夾。鰻魚仲好厚，同飯嘅比例係一比一。每次去放題都會留意嗰間餐廳有咩特色壽司，食咗呢度嘅創意精選有吞拿魚他他同明太子櫻之戀。吞拿魚他他一口一件，吞拿魚鮮甜，口感同牛油果好夾。明太子櫻之戀係花之戀升級版，如果沙律醬再多啲，再邪惡啲仲正。由於肚有限，分別選擇咗幾款小食同熱食。芝麻雞翼好香。燒扇貝值得encore。食得飽嘅時候要點燒菠蘿，酸酸甜甜好解膩。最後要留肚食Movenpick雪糕。整體來講食物選擇足夠，上菜速度快，容易回本。

原來我和太太已有一年沒去過日式放題，便決定預訂兩間餐廳試試，第一間就是久違了荃灣大鴻輝中心10樓的滿屋✏️位置: 8/10✏️環境: 8/10✏️衛生: 8/10✏️服務: 7/10✏️食物: 8/10滿屋位於荃灣大鴻輝中心10樓，在荃灣區來說算是方便；餐廳面積不少，環境光鮮衛生；主要以掃碼下單，同時設飲品、熟食和甜品區；食物品質普遍不錯，亦不多漏單的情況🍱D極緻116品自選2.5小時 - 成人$588/位跟太太一起來，當然要給她最好的，選擇有松葉蟹腳、海膽、大拖羅等任食的D餐。由於食物選擇眾多，我們也沒一一試過，就簡單介紹一下：🌟回本之選首先肯定是松葉蟹腳，夠鮮甜新鮮，喜歡蟹腳的朋友必點。其次是兩款拖羅刺身，鮪•極品大拖羅及鮪•中拖羅，質素中上，味道鮮嫩然後是太太最愛的海膽，這裡有加拿大海膽及澳洲海膽，質素算不錯，有海水味顏鮮甜，建議別吃那片青瓜就是還有香煎鵝肝，油香十足，能吃又喜歡鵝肝的朋友不能不吃。最後是火炙大拖羅壽司，雖說有飯不能吃太多，但油香肥美的大拖羅還是火炙過及伴米飯味道更好🌟養顏養生之選有汁煮鮑魚、鮑魚花膠雞鍋、御品鮑汁燴花膠及竹笙瑤柱蟹肉翅，帶長輩來絕對要點，感覺高貴又滿足，味

Happy Friday,放左工約左朋友食晚餐，大鴻輝最多野食，今次揀左10樓荃灣滿屋日本料理。鍾意哩度環境大，座位闊落坐得舒服，兩小時放題慢慢食。掃二維碼就方便下單，食物又上得快，好少有漏單情況出現。菜單種類都好多，有刺身、壽司、卷物、串燒、一品料理、炸物、天婦羅、廚師推介。出面有小食、熱盤、甜品、沙津、爆谷、亦都有清酒機、熱飲櫃同冷飲櫃，設施都幾齊全。放題可以盡情點盡情食😆刺身點了三文魚、希靈魚、吞拿魚。三文魚刺身肥美、吞拿魚鮮甜。壽司就點了鰻魚壽司、蟹子壽司。炸物點了芝麻雞翼、相思雙皮奶、虎蝦天婦羅、蕃薯天婦羅，炸得不厚粉，味道不錯。而我最鍾意食雞軟骨、鹽味雞翼、靖魚，唔少得點左迷您牛肉湯烏冬。最後甜品時間唔少得一人一杯Haagen-Dazs,我揀左藍莓味，口感唔錯。

講起放題不得不讚滿屋放題，無論近呢兩年經濟點差，他依然屹立不倒真係相當佩服，最基本食物應該有返咁上下質素先可以捱得住，今次嚟到荃灣大鴻輝分店，晚餐時間真係多人到爆炸，朋友仔話上次係呢度食過海膽同拖羅覺得超級正，所以今次就豪少少食貴啲。坐低冇耐就出去睇吓周圍嘅環境，估唔到呢間分店有爆谷機，而飲品種類亦比其他分店多，最驚喜嘅竟然有海鮮供應 (青口、蜆)，熟食區就有炸雞、炸魷魚圈、炆牛腩同其他熟食，不過手快有手慢冇。😝價錢貴少少嘅極緻放題，除咗有最基本嘅刺身外，仲可以食到海膽、鮑魚、拖羅等矜貴食材，而且上菜速度非常快，好少有漏單嘅情況出現。

朋友話好耐無食日式放題，上網搵到近近地既 滿屋，即興下來到大鴻輝中心10 樓，好彩有位！晚飯時間接近爆滿，都算幾受歡迎👏晚市放題有A B C D餐可以選擇 ！店員介紹，D 餐有大拖羅，龍蝦，鮑魚，長腳蟹蟹腳，海膽，鵝肝等….122 品，任飲任食，超豐富！🔸 D 餐 極緻鮪～極品大拖羅滄海盛宴 $588✨大拖羅真係好有水準，魚身有光澤，偏粉紅色，入口油脂肥美甘香～✨蟹腳除左蟹腳外，亦有蟹鉗，剪開後都夠飽滿，多汁！隔籬枱識食情侶幾乎全程食蟹腳，可能係最回本之選！✨加拿大海膽青瓜墊底既海膽顏色偏橙，入口軟糯鮮甜，可以任食真係好正！期待已久既鵝肝，煎香後很香口，有入口即溶既效果！✨炸雞翼，外皮炸得香脆！✨榴槤波波內榴槤漿唔會太甜，但略嫌太油膩！放題唔少得既壽司，刺身都唔錯！還點了魷魚鬚，焗帶子，天婦羅，串燒，牛肉鍋，炸雞翼，鰻魚等，款式選擇多！當中牛肉壽喜燒內肥牛半生熟，一鍋大慨10 塊肥牛，湯底甜甜的！食飽仲有雀巢雪糕🍦，雪米糍，爆谷，小蛋糕等任食，真係好飽，住得近既可以一試！🌈 滿屋日本料理🌈荃灣眾安街55號大鴻輝中心10樓🌙月光太太

滿屋日本料理 荃灣眾安街55號大鴻輝中心10樓環境闊落坐擁荃灣夜景因為疫情關係 耐無食相約朋友試食電話落單 快 狠 準 唔怕走單自助區 冷熱 飲品 甜品齊 選擇多不勝數 飲品花多眼亂要試多幾次 先飲得哂來到放題 首選當然刺身象拔蚌顏色鮮艷 唔會太暗爽口彈牙 鮮甜美味松葉蟹腳高質食品大大條蟹腳 唔孤寒食落鮮甜 蟹肉一撕撕任食拖羅同海膽新鮮 鮮甜上得快 食完前菜入主菜 炸物同燒物選擇多天婦羅同炸雞翼都高水準 外脆內軟 多汁有額外驚喜 炸榴連同雙皮奶 都有水準炸榴連 一咬開就流晒出來 氣味爆發試完甘多美食 就要試下甜品多達十幾種蛋糕仔任食一啖一件 可以食多幾伴而家甜品唔會太甜 可以放心食最後食番杯Häagen-Dazs 埋尾 滿足飽到上心口

約了朋友 5:30食日本放題，可能太早，去到不是太多人，不需等位。地方寬敞，環境衛生。網上下單，很快便上菜，不像其他放題般等很久才有食物，甚至經常漏單，這裡則無此情況，值得稱讚。除了快，食物質素更非常好，很新鮮，而且好味😋相比起其他放題店流水式製作，這店食得出廚師用心的炮製，味道及質素絕對可媲美日本料理店。食品及飲品選擇十分之多，刺身、燒物、壽司、鍋類⋯，高級食品包括：鮑魚、海膽及鵝肝，抵食！其他食物甚至有甜品、水果和爆谷！飲品方面，除了大路飲料，竟然還有冷熱清酒和梅酒，令人喜出望外！不得不提職員的服務態度，他們十分有禮，而且細心，我們食長腳蟹時，他們會主動送上濕紙巾及剪刀，而且清枱上垃圾速度快，令我們十分滿意。