滿屋日本料理 (大鴻輝(荃灣)中心) (已結業)

今天在荃灣滿屋吃午餐放題，可能是閒日，客人不多，很快就安排入座。２人坐一卡位，很舒適。手機點餐，上莱很快。先點刺身，驚喜的是各樣都非常新鮮，特别是大赤蝦、厚切帶子及海膽手卷。小食、水果、飲品及甜品豐富。加上服務員有禮、收碟快。總括來說，一個滿意及性價比極高的午餐，值得再次光顧。

本身住附近，貪近就揀呢一間，入到去有幾個價錢嘅組合選擇，咁我哋就揀咗plan b($398+1)，即係埋單四百幾一個人，但揀嘅時候發現其實款式真係非常少，嘢食又麻麻哋，啲壽司完全唔開胃，，唯一比較可取嘅就係個羊架，其他都唔掂，完全唔知道呢一個價錢同出面二百幾蚊三百蚊嘅放題有咩分別，之後落啲嘢又成日漏單出嘢慢，搵員工幫手又扮睇唔到，成日唔理你，搵你埋單俾錢又咁快手。 真係冇下次，比四百幾蚊食呢啲質素☺️

以前都幾鍾意食滿屋的放題。。依家見佢同其他放題做法一樣，分幾個價錢。。當然價錢愈高，款式愈多。。見咁耐無去，於是去食。。揀左A 餐。。以往一個價錢，無分揀咩食，A 餐見佢唔算話平，但款式都真係少左lu~ 雖然食物整體唔差，主要係出面甜品，甜品果part 好難食😂😂....避風塘鴨舌.沙律醬扇貝.牛柳粒..炒雜菜👍🏻.芝麻雞翼👍🏻👍🏻.鹽燒雞翼.壽喜燒牛肉鍋🐮🐮🍲.佢熟食好味。。但甜品呢一part...每款拎左一個去試～好難食。。。每個都好難食😖😖😖🥺

上個星期六9月17號同老公以及老公親人一起補食中秋節飯 因老公親人有事遲到十幾分鐘 初初服務都ok 食物方面 刺身ok 雞軟骨吾錯 但蟹粥完全冇味 花膠冇味又好似溶溶地 鮑魚又吾好吃 正常任食2個小時 30分鐘前截單 但有個女職員早了差不多50分鐘已同我們講話截單 同佢講了幾次我們遲了入場 應該遲D截單都吾理我們 只一直說已夠時間截單 後來我叔仔忍吾住發脾氣駡佢 佢才補回時間給我們 但補回時間叫的食物大部分冇黎 黎左好多吾係我們叫的食物給我們 只係黎了雪糕 我們仲加了百幾蚊食個貴D嘅套餐 但咁嘅食物 咁差嘅服務質素真係冇下次

前日到荃灣滿屋食放題 間鋪系幾大 食食吓上面竟然滴水 要求同店員講要換枱 之後有個不知所謂啲肥仔喺轉左枱就走咗去唔洗理我啲好彩有個都幾好態度女服務員過黎俾左一張二維碼再次落单.但系掃描吾到 哂左更多時間火都黎埋 死肥仔仲話個電話有問題 真係想衝上去中佢 當時樓面有個女服務員係咁同我地道歉對唔住 見佢咁嘅誠懇先比面佢肥仔學下呢位姐姐仔點樣服務啲客啦 你啲咁嘅服務太度真係唔掂 學下點樣同客人講野 ！

周末和朋友去咗荃灣滿屋食放題，超正，海鮮好新鮮，三文魚刺身，海膽入口即化，還有品牌雪糕，中途麻煩服務員換咗張大臺，食物大多，服務員態度很好，不停換新蝶，還小朋友至愛的甜品，靚呀

我哋嗌咗最貴嗰個餐D set有海膽食跟住我哋嗌咗10份等咗20分鐘都未有跟住我哋再落order叫多10份都仲係冇結果個職員行過嚟叫我話要俾咗錢先但係我哋嗰Dset嘅食物根本冇上過之後職員幫我哋同廚房講點知一上晝上咗30分完全一啲食慾都冇跟住叫咗海膽手卷由啱啱開始落order去到最後食完完全冇上過但係我係其他食物例如炸天婦羅粉面呢啲一嗌即上其他刺身海鮮要等好耐先上想等啲人食其他平嘢食飽晒跟住之後佢就唔使上刺身同海鮮呢啲貴食物嗰次嘅餐飲體驗超級差服務態度又唔太好食物又不是想像中咁好食下次唔會再去

🍣滿屋日本料理🍣📍:荃灣眾安街55號大鴻輝(荃灣)中心10樓⏰:12:00pm-3:00pm,5:00pm-10:30pm之前喺大埔已經食過佢哋滿屋嘅分店 食物嘅質素真係令我印象深刻😍雖然收費真係唔平 但係食物質素真係好高 難得最近經過荃灣 就試吓佢哋荃灣分店係咪同樣嘅質素🙈呢度嘅座位唔算闊 但係勝在地方夠大 唔需要等位 一入座店員就會俾個QR code 可以手機落單 方便又快捷！上菜速度都算快 好滿足🙈🔸D餐-極緻四重奏150分鐘任食放題🔸呢個套餐之所以要五百幾蚊咁貴 係因為可以任食海膽、長腳蟹、拖羅同鵝肝😍呢個亦係我好鍾意呢間放題嘅目的 佢哋嘅鵝肝真係好出色 可以任叫之餘 煎得好香口 滿滿嘅油脂香 外脆內軟 我同👦🏻加埋起碼食咗20件😂 真係停唔到口！🐚加上佢哋嘅海膽口感軟淋 鮮甜美味 入口即溶 雖然細細塊 但係可以任叫真係唔錯 再配埋青瓜做底 清爽好食！🍣大拖羅厚身 味道濃郁 表面系淡淡既粉紅色 食多幾轉就回本啦😂🔹壽司🔹唔知點解一去到食放題 👦🏻就好鍾意係咁叫壽司 佢話咁樣飽啲😂好彩壽司全部都細細件 可以食多幾款叫左好多款唔同特色既壽司 有火炙拖羅壽司、燒鰻魚、三文魚、牛肉、蟹

日式海膽，松葉蟹鉗放題今日去咗一間可以食到高質素食物嘅滿屋放題，我哋叫咗D餐，刺身、壽司、麻辣小龍蝦，雞煲，炸物等應有盡有海膽入口即溶，配埋一片青瓜食唔會太利，比配搭紫菜增添多一份新鮮口感！！推薦刺身都好高質，一定要點中拖羅同大拖羅油脂分布平均，油香味俱全！池魚王，肉質鮮嫩肥美，脂厚油香，入口魚油甘香細膩炸物方面我就鍾意食榴槤炸彈同埋炸蠔不停encore燒帶子都唔錯佢哋個汁條配得好好甜點可以行出去自助區度拎蛋糕🍰/每人有一杯Häagen-Dazs雪糕

今日黎到滿屋放題料理荃灣店，依度嘅放題雖然收費唔平，但質素都比出邊一般嘅放題高唔少。刺身方面有吞拿魚刺身可以選，我哋就試咗佢嘅大施羅同中施羅。大施羅油脂非常豐富，入口即溶。中拖羅就冇咁肥膩，但亦都有魚油香。刺身仲有其他選擇，例如帶子等等，入口有淡淡的鮮甜味。天婦羅方面，炸得都唔錯。外皮呢就比較薄身，亦都唔算炸得太油膩，食落都唔會覺得食緊好多油。天婦羅蝦入口都好鮮甜，蝦肉係爽口彈牙嘅。另外，我哋亦都叫咗一啲串燒。串燒烤得香脆，肉質嫩滑，仲保持到肉汁添。當中既牛舌入口仲有好香牛肉味添。貴價食材這方面，估唔到呢間放題仲可以食到鵝肝，鵝肝有好香鵝油味，非常好味呀。整體來講，今次嘅放題質素真係好高呀，雖然價錢係貴啲，不過食物質素真係非常好啦。😛滿屋日本料理 (荃灣)荃灣眾安街55號大鴻輝(荃灣)中心10樓#hkfoodie#beautifulcuisines#kolhk#foodstagram#nomnom#lifestyle#finedining#香港好去處#打卡#吃貨#美食日記#香港美食#美食推薦#相機食先#hkfoodblogger#hongkongrestaurant#hkfoodsha

都相隔一個月冇食放題，今日去咗另一間放題滿屋試下，大埔滿屋店之前都曾經去過，嗰度嘅環境比較細，坐得都冇咁舒服。所以今次去咗滿屋荃灣店試下，比起大埔店，荃灣店地方大好多，環境都好乾淨企理，卡位都幾多。滿屋比較特別少少，分咗4個Set A/B/C/D每位價錢 $228~$598 。Set A 經典74品 Set B 匠選92品 (大目吞拿魚x池魚皇x鮑魚海鮮三重奏）Set C 豪華 107品 (中拖羅x海膽x鮑魚x松葉蟹汪洋四重奏)Set D 極緻 116品 (大拖羅x海膽x龍蝦x鵝肝滄海四重奏)我今次去盡啲，試下Set D 極緻 116品 $528位 150分鐘吃到飽。呢度同大部分嘅放題店一樣，都設有自助區：前菜、甜品、水果、熱湯(麵豉湯)、凍青口、凍蜆、部份炸物、雪糕等⋯⋯全部都可以自己出去拎。🔸刺身 - 以下幾款我個人比較推薦👍👍👍👍👍▪️加拿大海膽 - 呢個大推，海膽鮮甜美味，仲有三文魚籽係上面，忍唔住叫咗幾Round。👍👍👍👍👍▪️池魚皇 - 魚肉鮮甜彈牙，魚油甘香，一食愛上咗，又叫咗幾Round，都係大推。👍👍👍👍▪️北海道帶子 - 味道鮮甜，又叫咗幾Round。👍👍👍👍▪️大赤蝦 -

約左屋企人去食日本放題 諗住平日食lunch 少d人 點知差唔多12點去到已經有好多人排隊 好彩侍應安排入座好快唔使點等😊坐低scan qr code 叫野食好方便 上菜速度又快 唔使點樣等☺️ 飲品多選擇 竟然有Apple cider!! 另有清酒可以飲 不過食午餐就費事飲酒🤣🤣燒海蝦好彈牙新鮮😋壽喜燒牛一d都唔韌燒魚好好味😋竟然有花膠冬菇😳炸蠔無沙 正! 另外炸榴槤超正一定要試😋😋另外仲有好多前菜熟食係外面buffet line 不過因為太多嘢食所以冇乜點食

今日食晚市放題由五點到七點,整體食物質素都唔錯,刺身三文魚,鯛魚,帶子,北寄貝,甜蝦都算正常水平,今餐最好食係燒物好似燒羊架,串燒牛舌,雞軟骨都幾好食,椒鹽鴨舌,炒和牛粒都好入味,炸物方面如炸蠔,炸鮮奶,炸雞翼都算正常,其中天婦羅虎蝦同南瓜幾出色,另外出面自助區可取嘅食物唔算多但前菜,凍海鮮,炸物同甜品都算ok,埋單加一後共$280都算抵,真係幾飽肚,下次可以再食過!

見openrice好多人都讚滿屋, 而且食評都好好, 咁就去試下啦!我叫係B PLAN, 星期五人頭$398+10%, 其實我本身係想叫C PLAN $498+10%的, 但因為我遲左先到, 屋企人已經揀左B PLAN, 不過食完之後我慶幸自己遲到先唔洗俾多幾百蚊, 因為呢間滿屋真心重衰過兆萬D放題, 兆萬D放題我諗我都有10年無食過, 但人地起碼係百幾蚊位超值, 所以食物質數唔好怨啦!但滿屋收我$398+10%, 食垃圾一樣, 真心未試過食一間放題我會一路食, 一路講粗口架!刺身一係腥, 一係梅到好似臭咁, 中拖吞拿魚唔知真係以為什麼高級野, 專登分開盤上兩件仔, 重要係連雪都未溶, 食冰咩?食物相片已有說明, 唔多講了! 呢D係我自己食後感, 當然每個人都唔一樣, 值得讚既係甜品吧, 我唔記得影相, 但佢D曲奇都OK既, 蜂蜜蛋糕我最愛, 呢間批發D甜品算係唔差架!

好耐無食放題，因為之前食果啲餐廳愈食愈差，搞到都唔想去。早幾日心血來潮想豪食一餐，於是就開OpenRice search下，見到「滿屋日本料理」，食物既賣相好吸引，地方環境又夠寬敞，地理位置更加唔洗講啦，喺正荃灣市中心，夠晒方便。座落於大鴻輝10樓，餐廳既環境，無論衛生，舒適度都好好，唔會好逼好嘈吵，侍應服務態度好好，經常過黎收拾枱面既碟，上菜速度驚人，電話落單一按傳送，5分鐘內就已經成枱食物，而且數量真係會俾足你，值得一讚👍🏻有自助飲品甜品，自己行出去拎，種類繁多，出面仲有啲炸物可以任食。食物方面，朋友話不如食豪啲，所以我地選擇左D極緻呢個餐。（$588/person，未加一）提供可以選擇既食物有好多，我朋友超中意食海膽，當中有加拿大海膽刺身，澳洲海膽刺身，兩款黎講，前者比較好，入口即溶，味亦較濃，而後者味比較淡，適合唔中意海水味既人。（圖中上層係加拿大海膽，下層係澳洲海膽）熱愛食三文魚刺身既我，已經唔記得order左幾多輪嚕😆佢啲三文魚好新鮮，不過食得多會膩，要留肚食其他好野。芝士軟殻蟹卷幾特別，軟殻蟹好鬆脆，唔會林晒。串燒都唔差，由其海蝦，蝦肉唔會「霉」，好爽口。豉椒炒蜆、避風塘