滿屋日本料理 (大埔超級城C區)

营业中

休息中

我哋一共九個人，原本book 左$258一位，由晚上8時食到10點。我哋去到店員叫我哋upgrade 《$378 升級餐》當時我哋8:15 pm 才入去，最快8:30 pm 先有野食，9:00 pm 已經比張單叫我哋埋單9:30 pm last order , 我明白因為限聚令只食到10:00 pm, 我9:30 pm 想拎一些前菜，其實未收起架，但職員話要停取，要收起前前後後食得一個鐘埋都$3500你哋衡量下值唔值得去。我就唔會再幫襯

見佢價錢算幾平又有咁多野食，初時都諗住蜻蜓點水式食少少算。點知打開個apps.越叫越多，因為每轉黎嘅柯打都好好水準，好多仲要Re order添呀😍😍刺身方面，樣樣都好新鮮，我特別中意帶子、赤貝、油甘。又甜又厚身熟食方面，我好少會食到咁多樣，唔係上得太慢就係唔夠惹味。但滿屋水準好高，又快又好食，而且好多元化，唔會樣樣一樣味。我特別中意清酒煮蜆，燒牛舌，海蝦，一口牛粒和泰式炒青口酒水自己在雪櫃任拎，連梅酒都有得飲。雪糕都可以在apps入面任叫，唔係只可以叫一轉。仲有朱古力噴泉，沙律吧，炸物吧，甜品蛋糕櫃。中湯都有呀，超多野食

住大埔嘅朋友終於唔洗出咁遠去食放題喇今日就去試咗呢一間係大埔超級城性價比高嘅日式放題滿屋難得今日開始早左放學多左時間去食野食左早場5點半一入去有QR code比我哋係網上落單快捷方便超過40款美食食物選擇很多刺身，壽司，卷物，料理燒物炸物，天婦羅，沙律甜品飲品款式都算多刺身都很新鮮肥美帶子夠鮮甜蟹腳又鮮海蝦夠爽口燒鰻魚燒帆立貝都好正飲品罐裝樽裝都有仲有放題必食既芝麻鷄翼最愛海膽手卷甜品布甸我女都好鐘意食呀地方舒適值得一試

跟朋友去到大埔食放題，一入到去已經見到一大條走廊都係野食，包括沙律吧，炸物，中湯，茶水，生果，行過少少仲有一排甜品櫃同酒水。噢，竟然仲有朱古力噴泉，同埋小朋友最愛嘅棉花糖。呢d都只係開場咋，正式嘅放題嚮apps入面🤣🤣其實真係超多野食，海膽手卷，帶子/油甘/吞拿魚刺身等都有齊架，壽司都有好多元化，熟食都一樣出色，特別是燒物，燒得有心機。重點是唔會拖時間上枱。所以食得好盡興。雪糕都是任食，加分加分。另外可以升級有埋海膽刺身/松葉蟹腳/拖羅/美國西冷牛扒等….

Bi 最喜歡食日本菜，有時真係有舖魚生癮 係一定要食放題先止到。魚生新鮮是常識吧！有帶子，原粒夠大粒。榮螺都唔錯！甜蝦係原隻， 有頭有尾果種。梅酒同sake 都可以響出面任添任飲，愛酒人士一大喜訊！壽司一口一件，唔會大大舊飯頂住個肚，可以試多幾款。岀面可以拎到炸嘢，炒蜆同章魚燒質素都幾好串燒方面，推介牛舌，一口和牛粟米同雞軟骨都有再叫另外，炸物方面，鍾意食榴連嘅朋友一定要試吓呢個榴槤炸彈炸雙皮奶都可以一試

滿屋開到去大埔啦🤩 仲要開喺鮮芋仙隔離，人流真係勁旺👫 一定個個都知佢新開左😄 新開業果然唔同啲，環境光鮮好闊落。有別於其他分店，已經轉用QR code落單📲 出餐好快，仲無漏單情況，抵讚👍而沙律、冷盤、甜點蛋糕、飲品等可以喺自助區領取，都有不少選擇。·日式放題最重要環節🌟就梗係食🍣刺身壽司！選擇都好多有成十幾款，貪心樣樣都想食既我叫左多款不同刺身😚 用大盤上菜嗰下真係好澎湃😍 唔知係咪因為新店關係，食物質素出奇地高質😋刺身質素拍得住日式料理店👏 油甘魚入口即溶，仲好有魚味🐟 三文魚厚切好肥美🤤 帶子好新鮮仲好鮮甜，仲有甜蝦好creamy🦐珍寶蝦仲長過手掌，樣樣都好好味😍 搞到引唔住encore左2 round💕而壽司🍣方面都同樣高質，個人至愛既蟹籽壽司好有咬口，咬到”索索聲”!🤩花之戀同象拔蚌壽司都食完幾round，仲有好多款不同特色卷物都好吸引呀😋·至於熟食方面，個人推薦燒羊架🐑、雞軟骨串、燒牛舌👅、炆花膠、芝麻雞翼🍗等等，款款都咁出色👍真係數都數唔哂! 老實講，真係好耐未食過咁有質素既日式放題啦😚希望水準可以一直keep到，就算遠少少但咁好食，我都唔怕搭耐少少車入嚟食㗎😻😽

曾經有段時間好鍾意食放題，後來覺得俾高價錢食低質野，就無癮了。今日去朋友家，諗唔到食乜，朋友話附近開咗間滿屋，以前都喺銅鑼灣食開，所以就一齊落去回味下。食放題，人頭湧湧，預咗無得坐得舒服。野飲選擇真係好多：酒精飲品、汽水、無糖茶，應有盡有。野食就主要scan QR code落單，每次order有數量限制，比起以前要揮張落單紙等人收，方便快捷好多。刺身壽司手卷選擇多，而且新鮮有質素，令人驚喜。串燒（特別愛牛脷同雞軟骨，一d都唔鞋）同羊架都好味、juicy、唔羶。仲有自助冷盤及甜品區。推介

同屋企人来新店滿屋日本料理大埔朝聖，手機落單發覺種類多多!雜錦刺身有我最喜愛的甜蝦，大赤蝦，泰式生蝦，赤貝，北海道帶子刺身，三文魚和北寄貝，味道鮮甜，十分新鲜甜美。壽司亦都分火炙壽司，創作壽司，手捲壽司，卷物壽司， 大人細路都啱食， 最喜愛香芒吉列蝦卷和雪燕魚籽花之戀。媽咪爱食鵝肝拌帶子壽司，海膽吞拿魚蓉壽司和芝士軟腳蟹券， 絕對唔係平價壽司。串燒和燒物就選擇了牛舌，雞肋骨 ，蒲燒鰻魚，西京比目魚，燒羊鞍和黃金燒扇貝。 值得一讚係一品料理嘅和風汁牛柳粒同埋避風塘炒魷魚仔， 超級惹味好食。最後點咗比較特別相思雙皮奶同埋榴槤炸彈，我和媽咪的至愛甜品。仲可以仼食HaagenDazs和Movenpick雪糕。總括嚟講價錢合理， 絕對可以再嚟的滿屋日本料理放題餐廳。

海膽迷喜歡地方喔！今次這個放題，放題時段很長，慢慢嘆慢慢吃。依家仲有跟朋友去，很棒呢。放題少不了刺身及壽司！這店刺身選擇有多款，基本之三文魚﹑吞拿魚﹑甜蝦外，還有油甘魚﹑厚燒玉子等等。出面有點小吃，也能在等待食物到的時候拿來吃，棒。甜品選擇亦非常很多，有小布甸， 經典焦糖布丁撻布甸滑溜綿密，有雲呢拿籽，焦糖醬，味道昇華呢。主角海膽壽司也出場了！雖然放題任吃～這店之海膽軍艦一點亦不馬虎。海膽賣相飽滿乾身，新鮮帶甘甜，新鮮。喜歡海膽無限，淨吃海膽壽司也已經夠快樂喔。這店的手握壽司及卷物也相當出色，有牛油果軟殼蟹卷﹑蔥吞拿魚蓉卷等等，賣相味道水準之作。吃完刺身和壽司，是時候想吃點熱食物。日式料理新鮮炸天婦羅，不錯，亦有日式串燒和燒物，也不太油，炸物和面也有日本的感覺，必吃銀鱈魚西京燒及燒魚喔。甜品最後也有雪糕，是好吃的，朋友吃了很多～入去感覺是環境整齊乾淨，座位寬敞！跟朋友去，朋友慶生同聚會一流！

新開放題所以就黎食下，佢地餐牌選擇都幾多下，scan qr code自己落單，出面有甜品熟食櫃，仲有清酒任飲，讚讚佢飲品櫃偏門飲品，有朱古力奶，維他奶同apple cider，火炙壽司好好味，大推鹽燒左口魚，醬燒三文魚壽司入口即溶，刺身好新鮮，好驚喜啲帶子勁大粒，大赤蝦甜蝦赤貝好味，手卷超級好味，細細件一啖過，海膽有鮮甜海水味，蟹膏蟹肉有濃郁蟹膏味，甜甜地沾埋豉油，正呀😍😍放題黎講佢性價比都幾高，200幾蚊食物質素高，絕對唔係求其既放題大舊飯塞飽你就算，新開餐廳環境又大乾淨👍👍

今日來到大埔一日遊，參觀了綠匯學苑(舊大埔警署)和舊北區理民府，參觀完就吃放題。由於之前都光顧過滿屋料理，知道質素較好，價錢並不貴，所以我都推薦給朋友。位置：位於大埔中心，在商場的地下，方便易達。環境：充滿日式風格，不論門面或內在裝潢都用上日式扇子形作花紋，走入前方是前菜和沙律各小食，旁邊是甜品櫃，正中是一條長走廊，以二人座位或四人的卡位，稍嫌二人的桌面太小，放不下食物。服務：以QR CODE下單，沒有漏單的情況，上菜速度也快。值得一讚是服務員很主動提供協助，我只是問一個服務員有關洗手間位置，另外的職員也上前提供路線。刺身：甜蝦、大赤蝦、 三文魚三款都很新鮮肥美，尤其喜歡三文魚和赤海蝦，皆鮮甜滑溜。壽司系列：海膽吞拿魚蓉壽司、火炙燒廣島蠔壽司、海膽手卷、蟹膏蟹肉手卷、雪燕魚籽花之戀、火炙厚燒芝士鰻魚壽司、芝士醬燒黃金蟹棒壽司、山葵章魚壽司、柚子胡椒油甘魚壽司、玉子壽司、鹽燒左口魚壽司、香蒜燒和牛壽司，以上壽司都是一口大小，份量較小，才可以試多幾款。朋友說海膽很鮮甜，她叫了兩次，我就覺得 柚子胡椒油甘魚壽司是挺特別，不過味道淡，重口味的有芝士鰻魚和芝士蟹棒，有較濃的芝士香。炸物：榴連炸彈

大埔食放題既選擇唔多，依間新開了一陣子，今晚同朋友二人試左普通版！入到餐廳左邊有個小食前菜自助位，右邊就有清酒梅酒任你斟。拎任張入座台嘅紙，scan個QR code 就可以落單，方便又環保♻️野飲都係以自助形式，款式多，有果汁茶汽水啤酒🍻刺身款式多，個人推介帶子，油甘魚，甜蝦，新鮮又食到食材既鮮甜味壽司的骰料足，d飯細細舊，平時放題唔食壽司都揀左幾款，推介鹽燒左口魚邊，火炙芝士厚燒鰻魚，花之戀串燒比較喜歡鹽燒牛舌，菠蘿🍍天婦羅就有南瓜，蝦，蟹棒熱食有牛肉煲，清酒蜆，蒲燒鰻魚，比目魚最後仲有H同M品牌既雪糕俾你揀，一人一杯🥰總結：值得一試，食物種類豐富，特別係刺身有14種，飲品款式又多，連酒精飲品都有幾種。上菜速度ok，沒有漏單，服務員主動收碟，$300有找的2小時任食，整體表現不錯！

香港有兩大龍頭日式放題集團——大喜屋及滿屋，雖然放題熱潮大不如前但仍不乏捧場客，最近滿屋於大埔開設分店，打算訂座於父親節一試但已經滿座，所以當日提早到達等位碰碰運氣，最後慶幸仍有座位但限時一個半小時，一個鐘已經停止落單。食物種類與一般放題大同小異，包括刺身、壽司、串燒、炸物等，特別在於另有升級版放題可以任食拖羅刺身、松葉蟹腳、海膽、紐西蘭乳龍蝦、燒美國西冷牛扒、原條穴子壽司等十一款食品。店內面積不大但仍設有自助區，供應少量前菜、沙律、小炸物、甜品及飲品，其他食物則可透過手機掃描QR code下單，但餐枱極小根本難以容納食物，而座位之間亦極之狹窄擠逼。池魚皇薄切刺身尚算鮮美；海膽刺身會配以青瓜及紫菜，味道毫不鮮甜濃郁但亦不帶腥澀味，不過不失惟質感較稀。紐西蘭乳龍蝦又稱深海小龍蝦（scampi），曾經在其他餐廳品嘗過覺得難以忘懷，難得可以任點任食但質素明顯望塵莫及，體形較少而且毫無應有之鮮甜味；松葉蟹腳更嚴重漏單點了數次才出現一兩隻，且肉質糜爛出水只得鹹味；惟獨是拖羅相對而言比較滿意，雖離出色仍有一定距離但尚算油潤豐腴。蒜蓉芝士燒海蝦肉質稍韌；燒美國西冷牛扒更是粗糙乾韌猶如肉乾；鐵板大蝦與

今日嚟到大埔，見到有間日本料理嘅放題喎，梗係去試一試。滿屋日本料理就喺大埔超級城巴士站隔離，位置都好方便。可能因為時段較早，唔駛等就入到去。係等緊上壽司之前，梗係食咗餐前冷盤先。呢度啲冷盤種類都真係唔少，中華沙律、泡菜等等。食咗兩碟前菜準備好個肚，就到刺身啦！叫咗帶子，吞拿魚，鮮蝦等等…最吸引我嘅一定係鮮蝦，又大條又新鮮，炎炎夏日食刺身真係一流。另一方面，鍋物都好唔錯，特別係呢個壽喜燒鍋，甜甜地嘅湯底，令到濃味嘅牛肉食完都唔滯，非常唔錯。最後梗係要食返個雪糕，作為完美嘅結局。

新界區確實係無咩日式放題餐廳，通常都要去油尖旺，最近有朋友介紹，大埔新開左間滿屋日式放題，趁今日放工有時間，即管就去試下晚市放題。入到間餐廳，裝修好有日本居酒屋既感覺，地方寬敞又衛生，今日安排左坐卡位，自成一角。放題除左可以用QR code 電子點餐外，依度仲有得自助取冷盤小食，包括日式螺肉、沙律菜、泡菜、中華沙律，翡翠螺、炸餃子，小丸子、味噌湯等等......樣樣夾左少少食，味道都唔錯。 甜品同飲品都係自助既，都好多款式任均選擇，仲有日本清酒飲。電子點餐方面，當然急不及待點左各樣魚生，特別推介三文魚、油甘魚、鮮帶子、大赤蝦、赤貝，樣樣都好新鮮，鮮甜肥美。壽司味道都好鮮味，一口size ，食多幾款都唔怕食滯。熟食方面都好多選擇，炸物天婦羅、芝麻雞翼、炸廣島蠔、炸蝦、炸蕃薯、 即叫即炸，食個陣時仲係熱辣辣，外脆內嫩。  另外串燒牛舌同燒羊鞍都好正。  仲有d特色食物，例如鮑汁炆花膠、清酒煮蜆、和風汁牛柳粒、西京比目魚，樣樣都好好味。其實仲有好多款都無點到，已經好鬼飽，仲要留肚食靚雪糕 Haagen Daz 同 Movenpick，200幾蚊食足2個鐘，又多款又好味，食物品質絕不求其，物超