滿屋日本料理 (大埔超級城C區)

营业中

休息中

平時食放題都要搭lift上樓，今晚喺大埔行完街搵食，見到滿屋喺大埔開咗分店，地舖都係第一次食好方便👍🏻二百零蚊任性地大吃大喝唔錯啊！店舖唔係好大，雖然座無虛席，人數唔多所以落單後好快上菜，冇漏單還熱辣辣，尤其係串燒、炸物熱辣辣係好重要。除咗落單嘅食物之外，出邊仲有啲棉花糖、朱古力噴泉、炸薯角、章魚燒等小食可以自己任取！自助熱、凍清酒，凍梅酒首先叫咗一大盤刺身，有大赤蝦、赤貝、北海道帶子刺身、油金魚、三文魚、北寄貝，都新鮮美味。海膽手卷呢個廚師推介-鮑汁燴花膠、串燒😋鹽燒牛舌、燒菠蘿🍍必食嘅燒羊鞍，榴槤炸彈係我嘅至愛😘😘仲有炸多春魚同炸鮮奶。海膽吞拿魚茸壽司、鵝肝伴帶子壽司

今日約咗好友去行大埔一田，行去街街梗係要醫下五臟六腑。大埔開咗間新嘅放題👉滿屋日本料理 。首先叫番個剌生拼盤先， 包括有三文魚，吞拿魚、油甘魚、甜蝦、大赤蝦、帶子&仿鮑片等等， 刺生超級多選擇，又新鮮，正呀！ 我比較喜歡三文魚，帶子&赤蝦，三文魚肥味鮮甜，帶子厚肉，鮮甜無比， 赤蝦大大隻， 爽口彈牙！ 除了刺身，仲有壽司、卷物&手卷！ 仲有料理、燒物& 炸物等等！ 另外仲有我喜愛嘅炸貓山王，外皮炸得香， 有流心香濃榴連，超好味！ 除了任食刺身、壽司、卷物、炸物、軍艦等等， 佢有自助區， 適晒大胃人士，我已經食到好飽。超多甜品，任君選擇！總結： 食物味道不錯， 款式多，環境ok , 價錢ok , 合理🙌🙌🙌

Book咗12:30，之前嗰日同今日冇打過過嚟，黎到先話得兩點半果段時間搞到我5個人企左係度，準時前到都唔俾位我 仲比九折打發我走 ，大佬我哋咁多人都知大埔難搵位所以先book枱，Book咗又唔入得，同行又有老人家，仲要得個九折想打發我走，真心奉勸就算幾多嘢食幾好食都好 好受氣 依家要臨時轉場又要等位👎🏻👎🏻👎🏻呢間野幾好食都假，好心佢就唔好俾人openrice book位book到12:30呢啲咁尷尬嘅時間，你又唔俾人book 12:30又唔打俾我改時間，你俾12點兩點呢啲時間我book咪算囉，真心永遠都唔會再去

晚市放題💲238 ✅ 食放題點少得刺身同壽司🍣 最驚喜係有少見嘅鮑魚壽司😎 一啖一隻✅ 咖哩牛肉咖哩味濃🥘 筋同肉比例啱啱好✅ 羊架唔會好肥 啖啖肉而且唔臊😋👅Taste：7/10💰CP值：6.75/10🙋🏻‍♂️Service：7/10👁‍🗨Stylishness：7.25/10

大埔都開咗滿屋日式放題！住得咁近梗係要食吓先！好彩之前訂咗位！見到餐廳都高朋滿座！食日式放題梗係要叫個刺身先啦！赤貝、北海道帶子、大赤蝦、甜蝦、希靈魚、油甘魚，每款10件！咁先食得開心🥳海膽手卷、蟹膏蟹肉手卷細細舊食多幾舊都唔怕😁鹽燒牛舌正呀！夠哂黑椒味咬落好淋！可以追加👍西京燒銀雪魚甜甜地幾好味😋燒新鮮菠蘿堅係新鮮咬落啲汁都噴哂出嚟🤣又甜又多汁👍蒲燒鰻魚加咗啲芝麻好惹味個汁都好味鰻魚夠厚😋芝麻雞翼卜卜脆放題必食清酒煮蜆鮮甜無沙食放題一定要飲解茶😁出面仲有好多野食🥳

大埔終於有新一間既日式任食放題啦，平時真係好多人排隊，今次好好彩六點去到冇乜人排隊，就即刻入得去食，真係好多款式揀有熟食，有甜品 有刺身，有串燒，有燒物，同炸嘢。首先，刺身方面，都好新鮮，三文魚好甜，好肥美另外欺帶子嗰啲都好好食，唔會因為天氣熱而影響到佢嘅甜味。另外，串燒方面就叫燒蝦，好好食，好彈牙。仲叫咗一個炒牛柳，勁香，牛柳粒好好，食好林最後仲叫咗一個拉麵同牛肉鍋真係好好食個湯底都好好味連埋湯底飲晒

燒扇貝香濃芝士加雜菇焗扇貝，夠惹味三文魚，希靈魚，赤蝦，泰式生蝦，北寄貝油甘魚，大量刺身選擇，刺身夠新鮮，夠凍喇沙海鮮煲青口大蝦蜆肉，加金菇雜菜，仲有薯粉，喇沙夠辣，聞落都幾香，色香味俱全清酒煮蜆唔太夠有清酒味，食咗都唔知，蜆肉肥美炸多春魚，炸蠔，炸榴槤，炸鮮奶紅豆炸物夠脆，樣樣都炸到熱辣辣，值得一試避風塘墨魚仔好香夠惹味，一試再想食燒羊架夠嫩又多汁，必叫之選飲品超多款，又有sake, 啤酒，somersby…總有一款岩你！ 雪糕仲有Dreyer’s，moverpick 選擇！

**滿屋日本料理-大埔店**有次聽到阿媽話見到超級城開左間放題,我仲好懷疑佢可信性點知上網睇 真係開左間滿屋!終於唔洗出市區食放題訂左平日既20:30,店面唔大,相信座位都唔會太多早左到想試下有無得早D入,結果係無既咁行個圈準時去到,但都要等左十幾分鐘先有得入去 餓到暈食尾輪有點蝕左既感覺 因為10點就要走,食唔足所講既時間同埋真係食得好趕,上菜都算快,同埋無咩漏單既,都唔錯但就真係有D逼,一次過唔好點得太多 因為真係會擺唔到但STAFF既服務都唔差食物方面都好多選擇 OVERALL樣樣都幾好自助既冷盤就無試了,因為疫情關係唔太喜歡出去拎而且冷盤無蓋遮住有點兒那個但都想ENCORE , 近近地都係個唔錯既選擇

大埔又多一間放題啦！新開張無耐～今晚就book咗位嚟食😬星期一至四比星期五至日價錢平少少，5點半入座收$248一位，「油甘魚放題」任食兩小時。有刺身、軍艦、卷物、壽司、煮物、天婦羅等等。呢啲就用QR CODE落單，而餐廳自助區有少量熟食，例如章魚小丸子，同甜品櫃，入面有多款蛋糕同甜品杯。刺身正常發揮，我個人比較中意帶子，雖然唔算大粒，但勝在有咬口。手卷size迷你，一啖就食一件。蟹子軍艦入口脆卜卜，紫菜即刻包，都係好香脆。燒物之中最出色就係西京比目魚，我encore咗幾次。味道香甜，魚肉超滑。最後食埋甜品同Movenpick雪糕，好滿足！呢間放題係全程無漏過單～而且執碟好快手👍🏻讚📌滿屋日本料理大埔超級城C區542-548地下

劣食代表🤮知到有放題or set唔想食咁多打算試左set 先食物無誠意 魚生好一般 同其他評價 $2 件壽司差唔多🥴見到魚生飯拎出黎 有張出菜單痴住係面 去到食客面前 日本料理黎講 不能接受🤢外面可以攞d野食 熱茶無茶味 蜆多沙薯條 春卷 稱唔上係餐廳食物沙律bar 款色係多 但全部汁多過主角 太鹹廚房恐怖 地下水多 理解餐廳會污糟 但如果有誠意嘅裝修 就應該遮下醜員工服務態度差 新開嘅一個月就咁 應該好快無人再去 收台用大灰色膠盤直接到檯面收 日本料理 不能接受 一係 你唔好叫自己做日本料理你改名叫日本大牌檔 🤮

經過一天身心疲累的工作，🚶🏻‍♀️決定以食來自我修補！放題一般只求量，但我今天來了大埔超級城的滿屋，🏅質量滿晒分，係升級版嘅食之放題！ 😽滿屋係以手機落單，🤳方便又上菜快！先來一盤刺身拼盤，🐡🐠🐟有三文魚、吞拿、油甘魚等等….肥美、鮮甜；🦐我最愛係泰式生蝦，晶瑩剔透口感正！呷住Sake 🍶吃襯晒！ 自助區也有驚喜哦，拿了大大粒、爽爽的螺肉和翡翠螺！🐚🔥燒物質素高，係時候Beer Beer 佢🍻！ 🐏燒羊鞍～厚肉、有點油脂,🌋帶上一點炭香…正！ 吉列蠔🦪～也是必吃，酥酥脆脆的，內裡嫩滑濃味！🤹🏻‍♀️最後還吃了🍨Haagen Dazs, 甜蜜又滿足！ 🎡

預約晚上8：15，通知8：30才有位，最終8：45才入座，座位還是在走廊加位，當時9：15第1round食物都未食完，已要埋單，還通知10：00清場，9：30last call，有冇攪錯，入座時又唔講明唔夠放題2小時。此服務態度令人髮指，唔會再幫襯，大家小心。

屋企人話好耐好耐冇食過日式放題，所以就喺屋企附近搵啦，原來超級城呢邊有間滿屋日本料理，正正就係食放題。餐廳主要有兩個級別嘅放題，我哋就揀咗平啲啲嘅油甘魚放題，見到menu都已經好多嘢食。除咗有罐裝飲品、熱茶，估唔到仲有清酒任飲添。出面亦有啲自助小食，排列整齊。我地今日主打熱食，清酒煮蜆嘅蜆雖然係細細隻但係都好新鮮，鮮甜而且酒味香濃。御品鮑汁燴花膠塊花膠好大塊，回本之選嚟。黃金燒扇貝個醬汁做得幾出色，夠惹味。西京比目魚平時買開都知貴，所以必點。 燒完依然嫩滑，魚油豐富。鹽燒雞翼燒得皮脆肉嫩。鹽燒海蝦就一般般，肉質唔係好彈！每次放題都要食嘅燒菠蘿，夠晒熟，香甜多汁又幫助消化。忌廉海鮮蘑菇湯濃稠而且入邊仲有蝦添~虎蝦天婦羅係有驚喜，個天婦羅汁竟然仲係熱嘅，真係好少見，我鍾意！喇沙海鮮鍋就比較辣，我同屋企人都唔係咁食到呢個辣度。蒜香燒黃牛壽司塊牛係好食嘅，有牛油香味。 而蟹肉蟹膏手卷細細個，多料又唔會咁易飽肚。最後仲有貴價雪糕做甜品，出面亦有自助甜品櫃可以攞啲生果同小甜品喎！ 食到好飽，屋企人都話唔錯。 大埔區好少見嘅日式放題，質素唔錯，難怪坐滿晒客啦！

滿屋日本料理@大埔超級城約了表哥，今日來到超級日本城，錯！是大埔超級城的滿屋，大刷日本料理，我這個表哥，跟我從少一起玩到大，曾經玩過「爆炸屎」、「飛天貓」、「毛蟲跳」及「喪師停」，現在回憶數算，好像昨日的事……既接近又遙遠，既遙遠又矇矓，既朦朧又深刻。這個吃貨組合當然要找個能大快朵頤的地方，所以決定去吃放題，可以滿足大家的不同願望。選了8:00後的時段，相對人數較少，因為想慢慢吃，與表哥暢談兒時日記，童年色彩，豆丁情義……一說一吃，真的蒙著嘴說童話，又傻又稚氣，彷彿我倆已回到兒童身，小孩心，即是那些年的「阿英與阿力」，回憶總是路軌一樣長。食物選擇很多，刺身、壽司、卷物、料理、燒物炸物、天婦羅、沙律、甜品、雪條、飲品，款式都算多，大家都點了自己喜歡和想吃的東西。上菜速度也快。刺身都很新鮮肥美，尤其喜歡帶子和赤海蝦，帶子鮮甜，海蝦爽口，正！松葉蟹腳也是啖啖肉，很鮮美。另外燒鰻魚也很吸引，燒帆立貝也色香味具全。我尤愛炸貓山王和甜蕃薯仔天婦羅，前者皮香脆，流出濃濃榴連香；後者小巧又甜，炸粉薄薄一層，而且可能一口吃掉，十分方便。飲品除了罐裝、樽裝以外，亦有梅酒，我們都大愛它，一飲解千愁，入口已有

今晚要回去大埔那邊調一調整一下眼鏡，所以下班以後和寶寶到了大埔一趟❗️後來到來大埔以後，決定在這邊吃過晚飯後才回家🤓最後我們選了到來這家開業不久的▶️滿屋◀️ 享用日式放題🥳不僅有適合我的生冷食物，亦有適合他的熟食食物，什麼也有得吃🤓這間放題店的食物種類非常廣泛，種類大致上分為：刺身、壽司、火炙壽司、卷物、手卷、軍艦、串燒、一品料理（熟食）、燒物、煮物（鍋物）。餐廳的公用地方放有幾款前菜、水果、沙律、炸物、甜品、飲品給大家自助❣️飲品方面除了冷飲、熱飲等，竟然還有清酒任飲👍🏻對於愛喝清酒的食客來說，真的是福音🥳各款刺身都很新鮮❣️尤其推薦三文魚、帶子和油甘魚❗️三文魚很肥美，很冰爽😍而且口感實在，絕不是劣質貨色👍🏻帶子吃起來很鮮甜☺️沒有吃到冰塊且溫度一直保持在冰涼的水平🤓油甘魚口感實在，入口速溶👍🏻 沒有半點霉爛/黏稠感☺️同時也非常欣賞他們的火炙壽司，款款也做得非常出色🤓芝麻雞翼亦一樣是新鮮即炸❗️香脆可口，皮脆肉嫩❣️也是我的大愛之物😘更有驚喜的是這一客➡️避風塘炒墨魚仔顆顆墨魚仔爽口彈牙，辣度適中，每一粒都超入味的🥰非常值得一試💕🥢天婦羅很值得一讚❗️天婦羅蝦蝦肉新鮮，天婦羅表皮非常香脆呈外香脆內軟熱