滾得囍宮廷火鍋小炒 (已改名) 查看

坊間的火鍋料理多不勝數，為了生存而各出奇謀。我今天穿越時間長河，來到清朝。接旨，謝主隆恩⋯⋯古色古香的鍋爐，配合藍白清瓷碗碟，跟整個餐廳的裝修互相輝映，有如置身於康熙、乾隆的盛世。順治爺的卜卜蜆鍋，材料甚多，味道鮮美。盛開的鹿兒島黑豚肉，肥瘦比例恰當，濃香多汁，值得一試。手打的丸子拼盤，每一粒也是肉質嫩滑。滿滿豐盛的海鮮拼盤，時令海產應有盡有，值回票價。牛肉也有頗多種類，必定有你的心頭好。色澤金黃的響鈴，裏面有香噴噴的鹹蛋黃。咬一口，心花怒放。各種色彩繽紛的蔬菜，令人又拿起筷子，不要停，不要停。當始終面帶笑容的服務員，端上這一碗木瓜燉銀耳，這餐飯，有了完美的結局。

濕度超過90%，真不舒服，吃火鍋，一舉兩得。既去濕又飽腹。跟我來...接旨後打開一看，學問大著呢！真是學無止境，希望您能有機會親自觀賞。繪有龍圖案的火鍋，景泰藍的色彩，是否也使您眼前一亮。這裡的湯底超過十五種之多。這個 順治特色卜卜蜆鍋，據說裡面的蜆有三斤！配上白蘿蔔，美味的靚湯，忍不住要喝多一碗啦。丸子拼盤，非常有彈性，牛肉、豬肉、蝦、墨魚、魚肉各自精彩。高高掛起的鹿兒島黑豚肉，我的至愛。不騙你啦，真是豬有豬肉味兒。黃金響鈴，炸的脆卜卜的腐皮捲，裏面是鹹香迷人的鴨蛋黃，趁著熱辣辣，一口氣吃了兩條呢。海鮮拼盤，有鮑魚、大蝦、青口、聖子，還有蜆，十分豐盛。服務員有禮貌，有笑容，值得一讚！不停的幫我們更換裝蜆殼的大碗。LG點了飛驒牛，其實這裡還有許多不同產地的牛肉選擇。雜菜的色彩斑斕，吃火鍋一定不能少了它。木瓜燉冰糖雪耳，平衡了燥熱。真是滾的喜（起）速學清朝歷史，於學習與吃喝之中。

上年已經睇到有呢間野有花膠雞湯，貌似好正咁，不過作為九龍人又唔多過海，所以隔左成半年先黎試。九龍有唔少花膠雞湯，有好有一般，有幸今日突發奇想想過海一試呢間，而且拉埋阿媽黎，幫佢補補之餘可以叫多幾樣野。枱面見到呢兩樣野，自然地就拎起左接旨黎睇，亦都好自然就開始剔野食，完全無視左聖旨…先黎左個蛋黃色既湯，好香既花膠味！之後有職員幫我地剪細啲花膠然後就放埋落湯到，仲話水滾就可以先飲湯同食花膠，之後就可以落雞，因為啲雞8成熟，所以都好快食得。啲花膠又滑又靚，雞亦都好嫩。叫左個鴨血，因為唔多地方有，完全無蘇味。黃金響鈴，食落好重咸蛋味，而且煮完都好鬆化。黃金魚皮，可能我地放左佢一陣先食，就咁食比較硬，不過浸左湯就完全兩個世界了~~手打蝦丸，又大粒又彈牙，仲食到蝦粒。菜苗帶子餃，味道唔錯，但唔係特別出眾。不過值得一提係我地掛住食其他野，忘記左啲餃子係煮緊，錨返上黎仲係完整無散無溶。瑤柱乾貝滑，第一次食，同阿媽研究過究竟個滑係咩，不過都係唔知，剩係知煮完啲乾瑤柱好香。黑松露墨魚滑，碟野一黎就已經好勁黑松露味。美中不足就係整落去既時候，啲黑松露黐唔實魚滑，有3分1散左落去湯到。鹿兒島日本黑豚肉，唔薄但

上年佢哋新開張營業，已經試過一次，一直都好想再去滾過，對於我嚟講，因為比較遠，終於約到香港島嘅朋友去滾。上次食咗花膠雞，今次食道光四川麻辣鍋， 無論色水，味道都非常出色，用料十足，絕對做到先辣後麻齒留香嘅味道，真心非常推介。不得不提配上黃色嘅宮廷火鍋爐，視覺效果非常不錯。頂級手切安格斯，依然係油脂分佈平均，保持水準。 食麻辣再配皇帝菜，如果唔食得辣嘅你，千祈唔好試， 去到火鍋嘅尾段，一路煲出嘅辣椒味道，辣汁直接滲入皇帝菜，我就覺得是美食了。其他火鍋配料也不錯，海鮮新鮮，但配麻辣湯不太適合，最好都係配牛肉及豬肉類。

星期一又係番工既日子，心情非常沉重，但好彩今晚約左中學同學去打邊爐，所以好想快d收工🤦🏻‍♂️。我地最後決定左去北角滾得囍宮廷火鍋。 因為大家都好想試下花膠雞。於是我一食完晏，即刻打電話book 左5 位先。 好不容易捱到六點，即刻執野行去中環地鐵站等埋四個同學一齊坐地鐵去北角。去到北角搵A2 出口， 轉左行唔使三分鐘，就到左一個叫馬寶學林既商場。非常方便！ 上到一樓 已經聞到好香既火鍋味😂😂😂 一入到去同店員講book 左6:30，好快就安排好我地位置。我地點左康熙花膠雞湯鍋。 完全冇令我地失望。 味道好濃，好有鮮味，我地個個都忍唔住一人飲左一碗。 🤦🏻‍♂️🤦🏻‍♂️🤦🏻‍♂️ 之後嗌左個牛肉宮廷拼盤，牛肉肉質唔錯，賣相幾有宮廷feel ! 可能因為出埋煙啦😂😂😂 之後嗌左個海鮮拼盤，因為大家都好中意食海鮮。 海鮮非常新鮮，我最鐘意係個雞湯配埋海鮮 真係非常之鮮！ 另外點左個手打丸👍🏻 因為我本身對丸冇咩好感，因為最怕d 雪藏味，但呢到可能新鮮打出泥啦，所以我都食左幾粒。味道都ok. 特別講下佢有個餸叫 鬼馬油炸鬼， 我就想睇下有幾鬼馬，原來佢外表好似粒燒賣咁，但原來裏面真係油炸鬼！ 幾有

今晚冇閒煮飯,妹子說想吃火鍋,系OpenRice見到間入咗圍優質火鍋店後選名單的火鍋店,決定去試試。店内主打宮廷火鍋,宮廷式裝潢,菜單收藏於聖旨内，order即是下聖旨,更要影相selfie,有得玩有得吃😂湯底很多滋補養生湯,可惜口有痱滋,選了芫荽皮蛋豆腐湯,冇咁燥😁。醬料有芫茜、蔥、蒜頭及辣椒,問侍應有否其他醬,拿了麻油來,如有多些醬料更好😂。火鍋就更系要有牛啦,本地手切牛頸脊,油花分布不錯,有感口😁,個人就喜歡再切簿一些好,616吃得。手打蝦丸、芝心牛丸、彈牙,第一次吃生牛丸(多數已經熟咗)估唔到都咁彈👍😋還有松露餃、竹笙、淮山、響鈴........即炸響鈴夠乾身,碟上張紙都冇乜油👍,松露餃好有松露味😋,可惜皮容易穿,滾滾散咗两隻😌。最後來碗木瓜雪耳糖水,潤ㄧ潤,完滿😊。

星期日晚和愛人去了試滾得囍。地方還境不錯，服務生態度各樣更是近年難得一見的好。很主動幫你清理枱面，加湯等等。非常貼身。食物亦很新鲜。整體很滿意，除了那碟鬼馬油炸鬼。因為跟我想像的有個距離。它的油條是被墨魚滑包著，所以似墨魚丸多D，也吃不到油條的爽脆。但魚肚就真的很好吃。但因為只有兩人，所以不能叫太多食物。湯底選擇也很多。我們叫了個建寧公主脆卜卜蜆麻辣煱，食落我覺得不夠辣，所以要求加辣，服務生就幫我加了一碗辣湯，非常的好。眼見其他枱叫的雞煱也很吸引，下次會去試。

同朋友來試試呢間,成班朋友都唔食得辣,所以好遺憾冇得試呢間的麻辣湯底,最後我地叫左清湯卜卜蜆,小辣.估唔到小辣都好野味!我呢個無辣不歡的人都覺得好正,有d似b仔雞翼果種辣的感覺.整體都幾好食.

朋友推介滾得囍宮廷火鍋，齋聽個名就好吸引，非試不可，呢晚來到門口就睇到裡面裝修非常宮廷風味。過年期間仲有一棵桃花樹開得非常靚，不過我無影到。入座後就睇到聖旨，接旨，大家都好興奮，不停咁影相，完全忘記落單，我哋6個人同行，為咗滿足大家既口味，朋友點咗兩個湯底，有辣有唔辣任君選擇，龍頭鍋好特別，感覺好霸氣。建寧公主麻辣卜卜蜆鍋，火紅既湯底，睇見都噴火，下面有大量卜卜蜆，不過蜆太多沙了，接受唔到囉。康熙花膠雞湯鍋，金黃色既湯底，非常濃郁既雞湯味，侍應叫我哋先飲咗湯再倒雞同花膠落去打邊爐，花膠非常厚，雞湯好好飲，我好鍾意養顏嗎⋯嚮鈴即炸非常新鮮，手打墨魚丸都非常彈牙，本地手切牛肉，唔知係切得太厚或是烚得太耐，口感麻麻，因為掛住食，好多食物都無影到，其中鴨血配麻辣鍋是非常好味推介。

一直bookmark左呢間火鍋未去試趁住新年去豪一豪去試下宮廷火鍋先*而我不知道新春期間加20%服務費*一直店員都沒有提及🤦🏼‍♀️*只是朋友偶爾看到(有什麼附加的收費不是應該一早和食客說明的嘛？)。。。。。。。。。。。。。。。。順治特色卜卜蜆鍋▸個鍋真係堅靚，不禁要影多幾張相📸 啲蜆真係好多，都算幾大隻，食極都有🤤 但不算好鮮甜，有點淡，可能因為個湯底好淡🤦🏼‍♀️ 只有辣椒，蒜蓉和蘿蔔，滾左好耐先有辣味😅 最尾啲蘿蔔吸收哂啲辣味，幾好味😋。。。。。。。。。。。。。。。。手切頂級安格斯牛肉▸賣相好靚，牛味不算濃，肉質還好，但我覺得這個鍋不太適合涮牛，因為不是一直滾住，變相涮牛的時間相對上耐一點🤦🏼‍♀️。。。。。。。。。。。。。。。。黃金響鈴▸咸蛋黃都算幾多，岩岩好包圍住條響鈴，滾一滾就食得，咸蛋黃味不太濃，始終滾完個味相對上會無咁出，所以黃金系列嘅，還是就咁當小吃會比較合適😊。。。。。。。。。。。。。。。。瑤柱乾貝滑▸這個很不錯，個滑幾爽口彈牙，裡面還有一絲絲的瑤柱，好香瑤柱味👍🏻。。。。。。。。。。。。。。。。和牛芝士一口餃▸本身都抱幾大期望，又和牛又芝士，唔方差得去邊，點知佢係最失望

My dinner table booking was made days before Chinese New Year and nothing was mention about a 20% service charge will be added until today (the 4th day of Chinese New Year) during a phone confirmation from the restaurant ! The reason I made the reservation early is to avoid the hassle of waiting in line during the holiday season, I will have agree to the 20% service charge if I was told at the time of my reservation, but being told only the last minute I don't believe it is fair to their custom

天寒地凍，最適合打邊爐。奈何每次都好難約齊人去滾下！今次難得新年前食個團年飯，當然要去間舒適d啦！位於北角的滾得囍，主打宮廷火鍋，環境亦恍似置身于宮廷之中。另外不論鍋爐及餐具及菜式亦配合得很好。坐得當然要叫個象拔蚌刺身啦！新鮮又好食！之後當然唔小得牛牛！本地牛好有牛味！另外黃金響鈴，一班女士真係好愛，不過一舊起兩舊止好啦，好肥呀好飽呀真係，野食好味，服務環境都不錯，美中不足係刺身比較慢先黎，可能太忙吧，不過都值得體諒既。

約左r小姐係呢間食裝修幾靚 好古色古香 坐位舒適傾計一流, 地點都好方便r小姐之前食過呢間再推介我食因為我早過佢到就住下先, 電話冇哂數據,見到店內將貼左有wifi服務問個侍應wifi 密碼係咩, 佢用1秒講左8個數字出黎, 態度欠佳, 令我覺得我唔係顧客r小姐同我都叫左。花膠雞湯麵(48蚊) 麵: 煮到浮哂, 太林雞: 好多料, 但好老花膠: 好多塊, 多到唔似花膠, 因為都好大塊, 食落似豬皮多d成碗野都係室溫 唔熱既,似煮左好耐先拎俾客我係食唔哂既, 呢間主打火鍋, 可能食火鍋會岩d

依排香港真係凍到一個要死既狀態.....以朕咁怕凍真係每日都沖10次涼都手腳冰冷....所以就正正係打邊爐既好時機喇~係一段時間前去過北角滾得囍宮廷火鍋, 真係好念念不忘佢D 食物, 以$200-$250人頭黎講, D 食物質素真係好好~ 今次再黎多次, 就當然要試下其他味道既湯底啦~凍凍地今次決定挑戰一個辣的~ 咁岩見到佢有冬陰公, 酸酸地仲可以開胃就一於試下佢~ 依個冬陰公湯底既料都非常足, 但重點既好處就係冇咩油, 一開始當你未放野食入去, 真係可以當湯每人飲返一碗先~事前佢仲會俾個調味料俾你~今次我地total 得4個女仔, 所以叫既野食都冇上次咁誇張, 而且個個女仔都怕肥, 叫既食物都相對係比較健康~而家已經好少有地方有得叫鴨血, 依個鴨血佢唔係好腥, 依個就唔會~難得黎到d 散叫既邊爐, 簡既野食又點可以hea呢~ 好記得上一次都有叫花腸膠, 真係好掛住, 因為佢每一舊都大舊, 最好就係佢唔會look完之後變得非常淋pat pat, 口感非常好, 而且佢都只係around $100到, 非常抵食!打邊爐又點可以漏左朕最愛既蟹棒呢~ 佢唔係假既蟹肉, 真係一絲絲既蟹絲, 正!

見報導介紹這間皇帝式火鍋，食具特別，食物也吸引，加上餐廳正在做優惠餐飲券，只要於週日至週四晚上9時後入座，可以$38享用原價$168的卜卜蜆煱(附有3斤蜆的湯底)，太吸引了！第一次約三個月前兩人來吃，就是享用此優惠，已覺得卜卜蜆煱十分抵食，蜆的份量十足又鮮味！無論牛肉或黑豚肉也十分美味，質數不錯，即炸響鈴大大條也美味，我推介黑松露墨魚滑，Q彈得來黑松露味很突出🤗。第二次來吃，以正價點同一卜卜蜆煱，份量確與特價時一樣，如果不介意夜的朋友可買優惠券一試！今次食完每人都送上一碗紅豆沙。今次已是三個月內第三次來光顧了，每次與不同朋友組合來，朋友吃過都一致讚好💃，今次六人選了花膠雞湯底，湯淆得十分濃郁，花膠大大片充滿膠質，超滋潤味美，朋友們搶快地每人喝幾碗雞湯補一補，二話不說就KO了大半鍋，剩下的再加湯打邊爐，今次試了黃金響鈴及黃金魚皮，響鈴內滲滿了咸蛋，即使在熱湯一燙，仍能保留滿口的咸蛋香，必推💖👍🏻！黃金魚皮也不錯呢☺️今次餐後也有送糖水--芋頭西米露🙂