滾得囍宮廷火鍋小炒 (已改名) 查看

朋友約我去北角行街，行到新光戲院🎬附近見到間火鍋店🍲幾吸引裝飾得好似宮殿一樣，古香味幾濃，就試下佢啦一坐低店員即刻送上前菜同醬料菜單選擇多籮籮，淨係湯底都有10款左右，而且各具特色花膠雞湯底，建議先飲咗個湯先，鮮甜美味，花膠分量絕不欺場，先放花膠落去，吸曬湯汁精華，食落軟軟綿綿。岩曬女士食🤣同埋估唔到已經有半隻雞咁多手工餃子拼盤🥟鮮味十足，而且隻隻都好似乒乓波咁大隻，一咬開勁多汁鹹蛋黃炸魚皮響鈴，真係新鮮即叫即炸，每件都脆卜卜，好酥脆，正呀！牛展鮮嫩，雪花❄ 均勻適中，重有牛尾味豬五花腩，雖然脂肪比例比較多，但食落口都幾爽口。好鍾意店內特色裝修，完全感覺皇宮一樣門口仲有個黃金大龍椅，供我地打卡

今日要在港島區出差，就即興約了舊同事在北角食個火鍋，舊同事們就推薦了這間火鍋店。一到店鋪就被店內的裝潢所吸引！非常有風味的中式宮廷風格，而且空間夠闊，好舒服，餐具及餐桌都是宮廷風格，連餐牌都以聖旨設計，大家都忍不住拿著拍照。一進店就看到有其他食客在食麻油雞鍋，香味逼人。所以我們就點了這個慈禧酒香麻油雞鍋湯底。職員一上雞鍋就聞到麻油香，另外職員會下酒再點火，這時大家都拿起手機拍下這震撼又氣派的畫面了。雞件變得更香，然後職員加入藥材十足的藥膳高湯，再煮一會兒就可以食雞件及飲湯了。雞件嫩滑且麻油味特香，湯底更是非常濃郁，現在天氣較凍，正好飲一碗來補補身子。除了湯底出色，餐廳的火鍋配料都好高質素。本地手切牛頸脊色澤鮮嫩又有光澤，牛味夠濃，而且油脂平衡，口感嫩滑又不失口感。手打丸拼盤非常有驚喜，好大粒之餘每款都好彈牙! 本人就最喜歡牛肉芝士丸，牛肉彈牙而且芝士流心，好出色!海鮮拼盤種類豐富，包括有大蝦、蟶子、扇貝、青口、鮑魚及大蜆。每樣都好新鮮又大隻。而海鮮拼盤送的黃金嚮鈴及另外點的黃金炸魚皮亦非常出色，即叫即炸，咸蛋黃醬調味得剛剛好，不太咸但惹味，配啤酒一流，所以我們就點了餐廳的手工啤試一試。

呢間之前都聽過朋友介紹過佢嘅黃金炸魚皮同黑松露墨魚滑好好食，同埋見影相都幾特別所以就上嚟試吓啦！咁我都覺得個裝修都幾特別嘅，枱面有卷聖旨但其實係Menu嚟嘅啫，比你呃下like跟住我哋就叫左佢哋個麻辣卜卜蜆火鍋喇！一上枱個火鍋又好似好宮庭式咁，不過啲蜆就唔算好多但係都幾大粒嘅，都差唔多食晒就叫咗啲小食！咁我哋兩個人就叫咗清酒牛肉，黃金炸魚皮，黑松露墨魚滑，芝士牛肉丸黃金炸魚皮如果多人一齊食其實係幾好食嘅，不過我哋兩個人食咗太多太濟。其他嘢我都覺得麻麻地啲牛肉仲要覺得係好韌確實係有啲失望！同埋我哋明明見到OpenRice係收凌晨一點，但其實佢哋係收11:30我都唔係好記得，所以我哋10點入座係食得好趕！同埋我哋兩個女仔都唔係大食嘅，走返出去都唔覺得飽，但買單要$800左右就唔太抵了！

呢日去開北角搵朋友，然後比我搵到間好特色既邊爐，所以決定今晚食餐久違左既火鍋！餐廳門口放咗張龍椅，離遠已經見到，打卡必影！成間餐廳嘅裝修都好有感覺，氣派既格局再加上典雅既裝修，環境一流。（相1）每張枱上都有份聖旨，而佢既湯底每款都有個特色名，今次我哋揀咗吳三桂冬瓜瑤柱脯鍋$198。（相2-3) 一上枱已經有驚喜！勁大個新鮮冬瓜係入面，仲有帶子，蟹柳，蝦做湯底，店員會好細心咁等大家影完相之後，幫我哋切開個冬瓜方便我哋食。極上手切牛肉宮廷拼盤$498（相4) 賣相極度吸引，牛肉分成好幾種，每款都有唔同口感味道，輕輕一淥就熟，滿口牛味！滾得囍海鮮拼盤$298（相5) 另一重頭戲黎了，隻隻海鮮都肥美鮮甜，拼盤除左大大隻蝦，蜆，帶子等等之外，仲有鮑魚，聖子！份量十足。半熟五花腩$58 （相6) 驚喜之作！非常有肉味之餘又有彈性，齒頰留香，食落仲有啲爽脆鮮甜。滾得囍餃子拼盤$128 十粒（相7) 10粒餃子五款口味，包括有一口芝士和牛，黑松露野菌，鮮菜苗帶子，舊舊都大大件，最岩選擇困難既我哋。另外餐廳店員個個禮貌十足，細心態度好，上菜快，值得一讚！

今日去咗北角探我朋友個BB，拖完我哋一行四人諗住是但搵啲嘢食但係我哋想OpenRice搵左一陣， 見呢間餐廳有幾多正正評，我哋就試吓即刻打電話嚟訂枱，好彩都訂到咋餐廳位於商場一樓，我哋四人，佢哋我係一張六人嘅大枱比我地，坐得幾舒適而且幾特別之處，除咗菜單、連裝飾都有宮廷氣派，更有一張聖旨😽一嚟到之後，店員同我地講叫我地揀咗湯底先，真係花多眼亂又想試卜卜蜆、又想試花膠雞湯⋯⋯#吳三桂冬瓜瑤柱脯鍋 $198上枱後，我哋真係哇咗一聲，因為直頭係成個冬瓜盅咁嘅樣✨基本上可以唔需要點蔬菜🥬都可以，冬瓜店員會幫我地切開一件件，方便我哋食。除咗冬瓜之外，更有帶子、蝦仁🦐蟹柳🦀配搭起一起來吃，鮮味十足又不會過分燥熱。#極上手切牛肉宮廷拼盤 🐃 $498包括了5款牛肉🐃目測每款大約接近6-8片雖然份量唔算好多，但係食落完全冇雪味。牛肉🐃的油花分布平均，肉質鮮嫩，而且牛味濃郁，食落冇筋。#滾得囍海鮮拼盤 🦞 $298我去當天剛好做優惠💬平時要$498，今日剛好$298再送黃金響鈴🔔海鮮拼盤包羅萬有💁🏻‍♀️沙白幾大隻，但略嫌有沙蝦肉🦐勁大隻，超彈牙又吾梅聖子鮮甜爽口彈牙鮑魚Size雖然吾算大，但都幾好食黃金

正如大家所講，呢到真係夠哂氣派。一入到去，猶如置身皇宮，充滿中國特式既建築，令人嘆為觀止。我地望住個餐牌，掙扎左好耐，因為每碟餸都好吸引，最後叫左六樣野，一個煲，一樽野飲，超級無敵飽，份量都幾多。個煲底係豆腐皮蛋芫荽馬蹄湯，好香好足料。菜類係西洋菜同金菇，幾新鮮。丸類叫左拼盤，每款有兩粒，其實唔係好食得出邊隻打邊隻，但就食得出係手打丸，個人比較中意黑松露蝦丸同埋牛肉芝心丸，一咬開真係會有芝士湧出黎。肉類叫左鹿兒島日本黑豚肉同醉雞，黑豚好肥美，賣相好吸引，擺到好似瀑布咁，但稍嫌肥左少少，如果可以肥瘦均勻就更加好，醉雞好香，不過擺左落湯就無哂酒味。另外仲叫左新鮮菜苗帶子餃，第一次食非肉類既餃子，味道好過癮，幾爽口。唯一不足之處係個湯愈食愈鹹，最後鹹到豉油都唔洗點。應該係因為個湯滾左好耐，又不停加湯，令個湯愈黎愈濃。建議大家可以加清水，絕對唔洗擔心會沖淡個味，因為皮蛋本身都係鹹。呢個時候就係到竹蓆茅根出場，清甜解渴又養生，一人一樽都唔夠飲！最後不得不提既係，服務好好，大讚！

朋友的公司近來搬到紅磡碼頭，過海食飯就更加方便了～這次我們被這家火鍋店的設計深深吸引，所以趁臨近聖誕就約齊人馬來這宮廷試試！火鍋店的設計概念是源自滿清皇宮，無論鍋爐、餐具，或是餐牌都甚有特色，入型入格之餘，感覺甚有貴氣。【囍手工啤酒】火鍋店特地與香港手工啤酒品牌「麥子」合作，製作自家香檸薄荷味手工啤酒。新鮮的薄荷葉配上清香的檸檬，還有微甜的大麥芽，味道清新，有田園的感覺～【慈禧酒香麻油雞鍋湯底(半隻)】湯底會在食客面前製作，保證真材實料～職員先進醃好的雞件放入鍋，再加上白酒。接著為鍋底點火，畫面震撼，非常適合打卡～雞件經輕輕燒香後，白酒的味道更加突出。職員其後再加上藥膳高湯，香味濃厚之餘，湯底溫潤不嗆。【滾得囍海鮮拼盤】海鮮拼盤 包括聖子皇、海蝦、帶子、青口、蜆等，部份雖然是冰鮮海鮮，但沒有雪藏味。聖子和海蝦屬於新鮮海鮮，非常爽彈，性價比高。【黃金魚皮&黃金響鈴】海鮮拼盤奉送4件即炸的黃金響鈴，響鈴外層包裹著薄薄的鹹蛋黃，金黃色澤的賣相相當吸引。由於即點即炸，實在非常燙口，口感份外鬆脆。雖然超級邪惡，但還是令人不禁額外多點一份黃金魚皮～(笑)【本地手切牛頸脊】手切牛頸脊雖然價格中上，但

以滿清皇宮時的日常食具和裝潢為主題，而名的滾得囍宮廷火鍋小炒，可以看見人手雕刻而成的龍紋鍋爐、青花瓷器的餐具、精心熬制而成的湯底鍋和精緻宮廷級佳餚，為要給食客有一個品嚐現代美食之餘亦可以感受古時的宮廷氣派。******************************滾得囍宮廷火鍋小炒位於一個商場的1樓內，商場位置就在北角地鐵站附近，前來也很方便。走進滾得囍宮廷火鍋小炒，內裏裝潢很有宮延氣息。餐牌都用上皇家氣派的黃金色和紅色，每張枱還有張聖旨在枱上，都別具特色。餐牌內美食，都是以散點為主，除了有特色鍋底，食材也有半份供應，合適人少的食客前來享用。飲品也有涼茶汽水，還有酒類供應。調味料就有4款，包括了蒜蓉粒、蔥粒、辣椒粒和芫茜粒。小吃共有4款，無限任添，就在每位醬油費HKD28內包了。4款小吃包括了青瓜粒、雲耳、生花和酸菜等。飲品選上了御膳房秘制飲品，凍足料竹庶茅根一渣 HKD58，除了凍飲，還有熱的竹庶茅根選擇。竹庶茅根確實足料，當中加入了甘旬和馬蹄，所以清甜無比，又非常之潤喉，確實不錯。順治特色卜卜蜆鍋 HKD198，是為推介的鍋底之一，還說明是帶辣的湯底。湯鍋送上枱時，看著是手雕刻而

最近朋友不停同我講有間好皇室感覺既邊爐小炒地方！因為近來比較凍既關係！我地就選擇左去打邊爐！黎左呢間位於北角皇室地方打邊爐！裝修格局唔錯！周圍都好皇朝感覺！檯位都坐得幾舒服！員工亦會照顧週到！叫左個花膠雞煲！花膠足料一塊塊！雞夠晒味道！煮熟左唔洗點豉油都好夠味！湯底夠濃！牛肉拼盤可以食到薄切同厚切一點！唔同口感也不錯！餃子拼盤手打丸拼盤內裡真材實料！有好多唔同特色既餃！如沙角餃，手打菠菜豬肉丸！夠晒特別！黃金炸魚皮拼響鈴會比較有點滯！不過咸蛋黃炸出來的味道亦不錯！店舖營業時間17:30-1:00啱曬收得夜人士又想食下野傾吓計飲下酒既夜遊人！以下5分為滿分😋好味程度: 😋😋😋😋💞回頭度: 💕💕💕 💕 📝服務: 📝📝📝📝 🌉環境: 🌉🌉🌉 🌉

踏入12月，天氣開始越黎越凍！❄️當然點都走去打個靚邊爐！🍲今日就過左海Join朋友收工！💕因為過海唔熟路！😀經朋友介紹下黎左打邊爐！😍呢度好有皇廷感覺！👑門口已經有張皇帝椅俾你影相呃like！📷📸菜單仲有聖旨到！🤩裝修有好有宮廷感覺！👍🏼😆唔知以為自己已經身處係皇宮入面！👑🤩食物方面當然都要宮廷咁厲害！👍🏼御前一品手切牛肉拼盤！🐂🐮牛肉夠新鮮！👍🏼🐂自己喜歡7成熟！🐂放入口個感覺都不會太差！🐂👍🏼滾得囍餃子拼盤！🥟餃子包得夠實！🥟👍🏼最鍾意黑松露野菌餃！👍🏼🥟黑松露同野菌食落去既味道已經出晒來！🥟夠濃味！🥟👍🏼滾得囍宮延拼盤(手打丸)！最喜歡手打芝心牛肉丸！🧀🐂芝士味夠晒濃！🧀👍🏼黃金魚皮+黃金炸響鈴！🐟🔔魚皮同響鈴都炸得夠脆身！🐟🔔蛋黃炸個配合好好！👍🏼但係魚皮可以炸得細塊一點！🐟太大塊食落去口感不太好！😀湯底方面花膠雞湯夠足料！🐔花膠一塊塊剪落去湯底！👍🏼證明真材實料！👍🏼雞方面夠味夠嫩滑！🐔但湯底較淡味！🍲如果濃烈一點會比較好！🍲整體來講也很滿意！👍🏼位置亦方便尋找！😄影相呃like亦不錯！📷📸👍🏼#滾得囍宮廷火鍋小炒北角#北角馬寶道33號

After all these daunting week days, we decided to celebrate the coming weekend by hotpot. We were at the island east so we wanted to give this place a shot after seeing so many likes on Openrice.We were first greeted by the appetisers and the wasabi fungus was nice.They will also provide you with an assortment of condiments for you to add into the soy sauce.We ordered the fish maw and chicken as our base.The waiter will cut the pre-cooked fish maw in front of you and advise you to drink the soup

打邊爐都可以滾出新意思，一直知道北角有間滾得囍有好多中式古風擺設供打卡今次嚟到北角終於可以一嘗批閱奏折。入到嚟門口，已率先見到大大張龍椅，而整體環境都係非常古色古香設計點完野食，可以一路等一路影下唔同打卡位，木質雕花墻同木製椅等裝修，舒服得嚟宛如置身古代宮廷醬芥 $28/1人前菜同醬料各有四款，未上菜前可邊食邊商議朝中大小事★★★★★順治特色卜卜蜆鍋 $188呢個鍋極有中國宮廷氣息，銅製鍋身有精緻的手繪龍紋，裝飾上已爆晒分D蜆又多份量，肉又夠大粒！由於我地走咗辣，令整個湯底味道更加清甜，就咁飲啖蜆湯已覺得好正最緊要蜆冇沙粒店員仲特登俾我地一個大碗，可以裝蜆殼，夠細心★★★★★手切頂級安格斯牛肉 $348首先就當然叫份牛打響頭炮，呢份安格斯牛肉同樣用龍紋鍋盛載，伴隨乾冰飄出煙霧，整體觀感又再矜貴一個檔次花紋﹑色澤分明，厚薄適中食落肉質鮮嫩，濃厚牛香★★★★★鹿兒島日本黑豚肉 $98黑豚肉同樣質素唔錯，賣相吸引用一千秋盛載，掛起塊塊色澤分明的黑豚肉食落新鮮幼嫩★★★★★黃金雙拼 $88打邊爐除咗必食牛豬，最鍾意嘅莫過於響鈴同炸魚皮，而呢度仲可以選擇埋黃金咸蛋口味，即叫即炸，新鮮上到已經聞到

同家人食生日飯點之換來一肚氣。一家八人諗住近近哋在附近試新嘢就出事啦。訂左枱依時到達點知枱未執同餐具欠奉。落單點菜 韓牛 和牛 一流。不過等下等下點解主打海鮮拼盤等左 1 個鐘都唔出現，一問之下原來一早賣晒頂又唔通知。落單又落錯單都唔知想點。祝佢地生意蒸蒸日上啦。

聽朋友講，佢公司附近有間火鍋店食物好高質，而且裝修用宮廷主題，夠曬特別，今次就約多Ｄ朋友一齊去試。淨係湯底都有好多款，款款都好吸引咁，不過朋友唔太食得辣，店員就提議我地食順治特色卜卜蜆鍋，一上檯已經好吸引，滿滿都係沙白，每人都食到十幾廿隻，而且湯底飲落好鮮甜。先叫個黃金雙拼，即係黃金炸魚皮響鈴，脆卜卜既響鈴加上咸蛋，真心好味，魚皮香脆，值得一試。鍾意食牛既朋友就叫左個手切牛肉宮廷拼盤，有好多唔同既部位，例如一口牛粒﹑安格斯牛﹑牛胸朥等，尤其牛胸朥，唔係個個地方食到，爽口嫩滑，好惹味！蟹籽蝦滑好彈牙足料，有唔少蝦肉粒，味道鮮甜！花雕雞件既酒味香濃，唔會太肥但好有雞味，加上雞肉好嫩，配上湯底，令湯底更有層次！推介手打芝心牛肉丸，粒粒都好大，十足乒乓波，而且好多既爆漿芝士，好正！4個人食，埋單連加一$18xx，價錢中等，但食物質素好高，可以再戰！

天寒地凍，一大班人朋友食飯唔少得緊係去烚下烚下，打下邊爐。見唔少朋友都推介呢間滾得囍宮廷火鍋小炒，用上好得意既宮廷主題，就一齊去試下。食物同湯底都有好多選擇，我地就先叫左個順治特色卜卜蜆鍋，湯底非常鮮甜，用左唔少大蜆，好有海水味，但又冇沙，好乾淨，個湯好味到飲左幾碗。手切牛肉宮廷拼盤，有唔同部位既牛肉，我就比較鐘意安格斯牛肉，油花分明，肉味香濃，肉質嫩滑！另外仲叫左個花雕鮮牛展同花雕雞件，呢到用既花雕好香，酒味適中，唔會太濃。鮮牛展肉質爽口，雞件結實嫩滑，整體都唔錯！至於手打丸類同餃子類都可以揀一份或者半份，份量可以按照個人喜好，值得加分！手打芝心牛肉丸彈牙多汁，入面更有流心芝士，非常好食，不過食既時候要小心唔好爆汁！菜苗帶子餃好足料，每隻都好大隻，味道清新，同湯底好夾！鐘意食香口野既人必試黃金雙拼，有咸蛋炸魚皮同咸蛋炸響鈴，新鮮炸起，好香口惹味，加上咸蛋味好香，一定要試！整體食物好高質，價錢都合理，下次可以再來！