滾得囍宮廷火鍋小炒 (已改名) 查看

之前新年想黎食摸門釘今日終於食到🤩🤩🤩康熙花膠雞湯鍋（半隻）今次決定食個湯底補一補上嘅時候滿滿一碟花膠我一次過落曬等佢慢慢煲記得留意住花膠嘅狀態 熬得太耐會溶曬喺湯入面打邊爐之前一定要試下個湯底清甜滋潤🥰🥰🥰無揀錯手切頂級安格斯牛肉 每次點都覺得有驚喜賣相一流 雪花紋分佈均勻牛肉鮮嫩有嚼勁 必點😎桂花蚌想食爽口嘅海鮮 所以我地點咗個桂花蚌桂花蚌要好食 夠新鮮之外 最緊要係唔可以煮太耐落湯十零秒就可以撈起食最鍾意佢嘅口感 爽 脆另外仲點咗啲小食同蔬菜🥬其中特別推介黃金雙拼/ 黃金響鈴 每次必點而且要encore 尤其鍾意食鹹蛋黃味嘅人必點建議第一次食嘅話叫一個雙拼然後再睇吓邊一款要再encore我地仲叫咗啲丸同餃子大大粒 想試多啲款可以半份半份咁叫和牛芝士一口餃 手打黑松露野菌鮮蝦丸當然唔少得叫啲配菜小食厚切午餐肉西洋菜土豆片粟米 山根 無論環境格局食物質素都👍🏻👍🏻上菜快 食物新鮮 座位闊落適合一家大細 同朋友飲住啤酒🍻吹水都唔錯

呢日同朋友去左北角打邊爐，呢間餐廳既環境好有中國既宮殿風，幾華麗。打開餐牌，見到有啲湯底都幾特別，火鍋料既選擇都幾多。今次點左同治天麻川芎藥膳魚頭鍋。呢個湯底好養生，聞落去有好香既藥材味。火鍋上黎既時候仲有啲乾冰喺入面，有啲煙散出黎，幾靚！火鍋料方面，點左帶子、芋頭片、鹹蛋黃響鈴同埋魚皮等。魚皮同響鈴好好味，高度推介，將佢地擺喺湯到浸一浸，食落去都係脆脆地，加埋好香既鹹蛋黃味，好惹味。帶子都幾新鮮！蜂巢豆腐吸收左啲湯汁，好入味。

今日來到北角，就令我想起這間充滿帝皇宮廷式的餐廳:滾得囍宮廷火鍋小炒，所以今晚就選擇了食火鍋。餐廳霸氣的龍椅、宮廷式的設計，真是令我一見難忘…Menu很多款式選擇湯底點完後很快就上枱，霸氣的龍頭鍋，大大鍋，配上枱上的帝王聖旨， 當真帝皇宮庭的感受！康熙花膠雞湯鍋半隻$298花膠大大隻一整隻地鋪滿了整個碟，共有兩隻，真的高質足料，侍應將花膠一件件剪開放進煱內……雞上枱前經已滾到三成熟，再自行打邊爐食，雞肉很有雞味，連湯一齊正食，更為美味。花膠剪開份量非常多，又腍又滑，非常抵食！手打芝心牛肉丸$68牛肉丸裏面的芝士帶著流心，配著牛肉丸，真的很香芝士很有特色。手打珍珠帶子墨魚丸$68墨魚丸食到一粒粒的墨魚粒，再加上裡面的帶子粒，很爽口及特別。韭菜豬肉餃$62韭菜豬肉餃很大隻，韭菜配上豬肉真的是絕配，好味…！其他還要了日本拉麵、鮮淮山及皇帝菜等。日本拉麵帶著鹼水的淺黃顏色， 吸收濃濃的花膠雞湯底，入口煙韌，和著濃湯一齊食，非常的滿足。鮮淮山及皇帝菜是這一年來我食火鍋不可少的配料，感覺是火鍋健康又不可少的配菜。

之前因為疫情，呢度CLOSE咗一段時間，戴太一直話想試，終於開番了，所以即BOOK枱去試吓....呢度個湯底介紹MENU係聖旨模樣，幾得意，我哋湯底叫咗特色卜卜蜆鍋，鳳尾蝦餃、餃子拼盤、牛肉、豚肉、黃金雙拼 (鹹蛋黃)--- 黃金炸魚皮、黃金響鈴)同菜……個湯底湯，有點腥味，怪怪的，下次都係叫番啲大路湯底穩陣啲，不過個鍋幾得意，中間有啲似乾冰的煙噴出來……鳳尾蝦餃有點特別，成隻蝦包入餃子皮內，露出蝦尾……另外，沾上鹹蛋黄的炸響鈴及炸魚皮都吾錯，不過就有點膩……這裡裝修幾裝潢，環境都幾好，服務也ok……不過啲價錢吾平

2021年的第一天~ 在寒冷的天氣中，選擇了滾得囍宮廷火鍋作開年第一鍋疫情關係禁止晚市堂食~我們提早在4點到餐廳用膳Openrice訂座有58折的優惠~(刺身及醬料除外)餐廳裝潢富有宮廷色彩，讓人有置身於宮廷的感覺~聖旨到~~餐廳的餐牌用上金色及紅色十分有氣派康熙花膠雞湯鍋$298 (另有58折的優惠)店員讓我們先喝湯及食花膠~之後才把雞放進鍋內湯底味道濃郁，雞件新鮮亦嫩滑~滾得囍宮廷拼盤-十粒 $128 (另有58折的優惠)由於有幾款丸也想嘗試，所以選擇了宮廷拼盤~推介的三款丸: 芝心牛肉丸，黑松露鮮蝦丸，帶子墨魚丸~黃金雙併 (炸魚皮及響鈴) $88 (另有58折的優惠)魚皮香脆，沾上滿滿的咸蛋黃~美濃水蓮菜 $68(另有58折的優惠)水蓮新鮮，份量十足~蟹黃豚肉餃$88 (另有58折的優惠)豚肉餃味道普通~ 薯粉$30 (另有58折的優惠)有咬口~沾上湯汁，美味總結而言，餐廳食材新鮮亦有特色~店員服務態度友善~餐廳裝潢富有宮廷色彩~值得推介~

此店屹立於北角都有一段小日子，確實是這區火鍋的好選擇之一（認為暫時附近只有hot 2，而另一家在明園西街）。今期限定供應黑蒜卜卜蜆鍋，之前卜卜蜆一直主打搭配麻辣，黑蒜湯底蒜香極濃，當湯喝也不錯，會有一刻聯想到出前一丁的黑蒜味。聖子皇，新鮮爽脆，清洗得乾淨。黃金炸魚皮，即叫即炸，配上咸蛋黃，金香美味。菠菜豬肉丸，還可以，大大粒，淡淡肉，惟有點膩。羊肉片，油脂度較底，適合遍瘦人士。總體食材還好，可惜感覺現在的價格比以往上漲了。2人光顧，點餐如下：黑蒜卜卜蜆鍋新鮮聖子皇（4隻）半份菠菜豬肉丸鮮淮山竹笙鮮腐竹黃金炸魚皮Asahi生啤500ml宮廷醬芥 x2可樂（罐）羊肉片西洋菜芋絲OpenRice訂枱88折，加一後，合共HK$1,139。

間中兩個人 拍拖出去，食下野真係好開心！早排疫情好轉，都見到香港市道好返啲，香港真係要加油💪🏻嚟到呢間位於北角馬寶道嘅火鍋店，餐廳裝修古色古香，好有宮廷feel，係一間主打養生火鍋嘅店二人食左康熙花膠雞窩湯半隻$298～店員教我地先飲湯，之後先打邊爐，果然冇介紹錯，每一啖都充滿膠原濃濃嘅雞味，湯頭非常濃郁海鮮拼盤$398～有蟶子皇、大扇貝、九節蝦 、大青口和新鮮嘅貝類海產，而家做緊優惠價，原價$498，依家$398就食到，款款都非常新鮮，推介💪🏻山根$38～分量非常多，粒粒飽滿，而且冇油溢手打蝦蟹子蝦滑拼黑松露墨魚滑$128～好足料，整一片片落去湯裏面煮，非常彈牙👍回頭率非常高哦🥰🥰

上個月疫情無咁嚴重時，特登趁媽咪生日，黎呢度食佢至愛嘅火鍋，呢度出名有個養顏湯底～康熙花膠雞湯鍋，啱哂貪靚嘅媽咪😆餐廳裝修非常典雅，獨特有心思，卡位之間，用宮廷式嘅屏風做阻隔，有獨立感之餘，更添氣派！個湯底果然名不虛傳，一個湯底已經包含有超大大塊花膠+半隻雞，本身已經熬到金黃色，加上花膠塊塊都差不多手掌咁大，每一啖都充滿膠原！桂花蚌 ～非常爽口，煮10秒就食得，入口Q彈脆肉鯇～質感非常脆，魚質感好紮實，味道鮮甜，新鮮度非常高烏冬～用上急凍嘅稻庭烏冬，非常彈牙，而且好吸味，好嘅湯底真係連烏冬麵都特別好味希望疫情快啲過去，等我可以再帶爸爸媽媽，全家人一齊再出去食架嘢😍

之前同女兒去北角滾得囍宮廷火鍋小炒食過火鍋，古式古香的裝潢，宮廷式的格調，令人念念不忘，連老公都話趁秋風起，去食個火鍋暧下！老公下聖旨，湯底點咗順治特色卜卜蜆鍋，火鍋鍋具是煙囪式，以龍為主要圖案，俱明顯的特色。鍋內放滿卜卜蜆和湯。蜆大大隻飽滿冇沙，味道鮮甜。湯底亦有蜆的鮮味。鹿兒島日本黑豚肉，鹿兒島黑豬的特色是肉質緊緻多汁、口感柔軟有彈性、滋味甘甜鮮美、脂肪清爽不黏膩。手打蟹子蝦滑，蝦滑彈牙，加入蟹子增加口感！美國桶蠔，餐牌份量寫是一桶，一共四隻，桶蠔大隻飽滿，肉質肥美滑溜，耐煮性高，不失為火鍋的好材料。

最近天氣開始涼涼地真係好適合打邊爐一直都想試吓啲特色火鍋見到朋友推介就覺得一於去試吓呢間滾得起呢間係一間以宮庭式為主題嘅火鍋店入到去見到啲裝修好古色古香火鍋食材款式好多火鍋調味配料亦都有好多選擇客人可以自行加減喜愛嘅調味料🤪過咗一陣火鍋就送到個鍋本身已經夠晒特別可以打卡我哋嗌左特色卜卜蜆鍋👍🏻湯底就嗌左唔辣因為想食到卜卜蜆嘅鮮味蜆肉清甜 最緊要係冇沙另外亦都嗌咗聖子呢間嘅海鮮真係好新鮮同鮮甜💯手打墨魚丸亦都好出色真材實料同好彈牙嚟緊一定會再返去食！🤩

之前大家IG投票都想出post 介紹下呢間火鍋店😉交功課！環境真係好宮廷feel，服務都唔差態度好👍🏻餐廳入面仲有啲打卡位😌因為淨係個鍋已經好飽，如果多啲人食就可以叫多啲開心啲🤩康熙花膠雞湯鍋（半隻）金黃色雞湯，2大隻花膠加半隻雞分開上，花膠大到蓋過晒啲雞。職員會俾我地影完相再幫我地剪花膠落湯鍋入面。職員話滾起建議食晒啲花膠先落雞，小妹估係避免雞骨落左花膠度。淨係花膠雞湯都飲左2，3碗🤪落埋雞後再試啲湯，雞味再昇華到另一層次。半隻雞份量都幾大同埋啲肉好滑！就算飲左好多湯再加清湯打邊爐，都唔會變淡，反而有點愈黎愈鹹🙈怕太濃的話建議之後加水HKD298御前一品手切牛肉拼盤menu寫有3款牛，黎到有4款：韓牛牛肩甲-超薄，全瘦，超重牛味，淥完未食已嗅到牛味澳洲和牛-脂肪比例四款入面第二少，牛味最輕頂級安格斯牛肉❣️-脂肪比例最平均，有牛味，夠嫩，最鐘意的一款本地牛-牛味都重，脂肪唔夠平均HKD498魚皮響鈴雙拼❣️即炸！即炸！即炸！魚皮響鈴都超級鬆脆魚皮粉漿超薄，堅係唔可以放湯太耐，魚皮1秒就好拎上黎，本身有椒鹽係面，灼1秒後都仲好濃味。響鈴好鬆化，size入口剛好，近期食過最好食的魚皮響鈴，小

今天相約好姊妹聚一聚，過海來到北角歎一個高檔火煱，於補習社興趣班中心林立的馬寶學林1樓，遇上這個宮廷火鍋店。門口擺放著一張大龍椅，歡迎大家拍照打卡，店內環境宮庭式設計，大部分都是卡位，使用中式屏障隔開，足夠私隱度。康熙花膠雞湯鍋~勁大塊養顏骨膠原花膠好吸引呢，龍頭大煱盛載濃濃雞湯，店員幫忙把花膠剪開放入煱，滾起後先嚐花膠雞湯，味道香濃，勁甜勁正，花膠軟滑，大家飲完一碗又一碗。半隻雞份量都唔細，肉質新鮮嫩滑。牛白肉~難得可以食到，牛脂豐富，滾幾秒就熟，非常爽口。 黑松露墨魚滑~墨魚滑爽口彈牙，配黑松露味道獨特。手打芝心牛肉丸~自家製牛肉丸大粒粒，比乒乓波還要大，食的時候要小心咬開，內裡芝士溶會比較燙口，豐富口感，十分可口。新鮮菜苗帶子餃~大大隻脹卜卜，新鮮菜苗製成，爽口彈牙。黃金雙拼(黃金炸魚皮+黃金響鈴)~黃金炸魚皮食得多，黃金響鈴都是第一次，即炸響鈴加入鹹蛋黃蓉，放湯十多秒，咬落異常鬆脆，太美妙了。皇帝菜~茼蒿的好朋友，火鍋必吃。整體上食材新鮮，用料上乘，大家都十分滿意。也要讚賞店員招呼周到，態度友善。

這天去了北角探朋友， 有些涼意再加上也剛好只得四人， 又係食火鍋時候～諗起這間『滾得囍宮廷火鍋小炒』， 都算係第一代走宮廷路線的火鍋店， 裝修古色古香，座位闊落，間隔有私隱。有多款精選火鍋湯底， 蟹，蜆， 麻辣，藥線 ，花膠雞。。款款都想試好難選擇。有小朋友，還是選『康熙花膠雞鍋』（$298半隻） 穩陣。半隻雞嘅份量， 非常足料， 厚厚嘅花膠睇到兩眼都發亮 。店員幫忙剪開， 每人都有兩，三塊， 花膠夠厚索滿雞湯精華， 口感味道超正！ 雞件肉質嫩滑，件件都美味。 一路食一路放入雞件淥， 大人細路都食得好滋味。鹹蛋魚皮併鹹蛋炸響鈴$88呢個值得推介， 鹹蛋可能食得多, 鹹蛋響鈴又未試過。 其實一放低就聞到好香嘅鹹蛋味， 係有少少 邪惡 ，不過一口咬落， 滋味難忘， 炸得夠脆， 每啖都充滿鹹蛋黃嘅香氣， 但味道唔會好喊，恰到好處～手打芝士牛丸（半份）$68超巨型嘅牛丸好似乒乓波咁大～ 手打牛丸鬆化彈牙， 裏面係軟深黃色嘅車打芝士， 小朋友至愛 ，也是不錯的配搭！😋新鮮菜苗帶子餃$98 火鍋料碟碟都好夠份量， 這碟『新鮮菜苗帶子餃』 餡料脹卜卜勁紮實，好巨型！ 果然是新鮮菜苗 ，仲係好嫩綠，

今次食呢間火鍋店以清朝做主題，設計都好特別，有人手雕刻鍋爐、青花瓷器餐具、仿效滿清皇宮日常等等，門口位仲設有一個打卡位，幾有心思🥰韋小寶特濃沙嗲湯鍋 $198沙嗲味非常香濃，用嚟打邊爐都幾正，非常惹味，唔夠湯仲會幫你加雞湯，唔洗擔心溝淡曬味道，值得一讚👍🏻手切頂級安格斯牛肉 $288雖然牛肉切得有啲細塊，但勝在夠厚身，肉味都好足夠🤤肉紋理好靚，滿滿一盤手打丸拼盤 $138特別推介菠菜豬肉丸，個樣好似好奇怪，但食落去反而意想不到，又有菠菜味又有豬肉味，非常新奇😋雙拼魚滑 $128魚滑份量唔算多，但真材實料，食落爽口彈牙，不過有點偏貴🙈

天氣反常, 12月都仲未感到寒意, 但依然急不及待同家人圍埋一齊打邊爐。爸爸記起幾個月前到過北角一間以宮廷嘅主題火鍋店, 有得打卡, 火鍋食材款式選擇又多, 決定今晚一家人再去。入座先混醬, 醬芥 HK$28/位今次試試另一個湯底【順治特色卜卜蜆鍋】HK$198煙囪式火鍋賣相充滿古式古鄉感覺, 環邊湯底有大量卜卜蜆被熱辣辣滾著, 每隻都大大隻, 湯底我地揀左少辣, 味道清香樸素, 蜆肉清甜冇沙, 一口一口接著食唔停。   【手切頂級安格斯牛肉】HK$288以冰墊底, 牛肉鮮嫩, 稍為焯幾下就食得, 入口嫩滑, 陣陣牛味, 正~呢度嘅餃類都係即叫即包, 餃皮沒有水氣, 而且脹卜卜【鳳尾鮮蝦餃】HK$158 (8粒)原隻蝦肉被包著, 伸出蝦尾, 餃皮薄, 一咬即時感覺到爽口鮮甜蝦肉, 蝦身肥美彈牙, 中意食蝦就千萬唔可以錯過!【半份蟹皇豚肉餃】HK$88 (4粒)同樣被釀得脹卜卜, 鮮甜蟹肉味偏重, 仔細細味食到豚肉肉香, 整體味道唔錯~個人比較喜歡食口感煙煙韌韌麵食, order了【薯粉】HK$38選用左幼身薯粉, 滑滑的, 不過煙韌度冇咁高。