滾得囍宮廷火鍋小炒 (已改名) 查看

同朋友👭聚餐搵到呢間宮庭式嘅火鍋店，見到佢喺OpenRice咁多人推薦，於是決定睇下佢值唔值🤭🤭 而佢間店舖坐落嘅位置都幾方便，喺北角站A2出口轉左就見到😂 （路痴都唔會搵唔到🤚🏻黎到「滾得起」，一入門口就見到佢好有特色嘅宮廷裝修😂見到咁有心思嘅設計，唔知啲野食又係唔係咁有心思呢🤭（期待一打開個菜單，見到佢都有好多款湯底，真係令人心思思唔知揀咩好🤭 但佢嘅配料就真心唔算好多，有啲平時可以食到嘅冷凍食品喺呢度都冇得食😂（唔知係唔係因為「皇帝」唔食呢啲野呢...不過唔緊要，咁今次就試下佢嘅順治特色卜卜蜆鍋先啦。🤭哇！😍一上鍋係有驚喜嘅，見到呢個勁有氣派嘅火鍋煲，真係平時唔會見到嘅煲呀哈哈哈😂（唔知點解莫名會覺得有啲搞笑哈哈哈個湯底唔差，佢啲蜆肉都大大粒幾好味😋而且仲有蘿蔔喺入邊，煮耐左真係好入味🤤而配料方面，就叫咗鹿兒島日本黑豚肉、魚滑、白蘿蔔、菜苗餃、鬼馬油炸鬼、響鈴同餐肉..食完之後，個人感覺覺得當中覺得最好食嘅係黑豚肉、菜苗餃同埋鬼馬油炸鬼🤤🤤佢嘅黑豚肉唔會太肥又唔會太瘦，比例啱啱好，但$168得7塊，大食啲嘅話一碟肯定唔夠食😂菜苗餃大大粒好足料，而且咬落勁彈牙，比出面食到嘅菜苗餃更

2020年9月28日 星期一今晚預先同屋企人做節，費事中秋節正日預約唔到餐廳食飯，又怕太多人今次選擇左北角嘅一間火鍋店，位置係一間商場裏面，地鐵站一出就到，就算落大雨都唔怕濕，位置幾方便。入到去裏面見到裝修好似古色古香咁，好有中國風情餐牌雖然得一張紙，不過裏面都有唔少食物可以選擇，甚至湯底都有好多款，最後我哋揀咗乾隆12味雜錦鍋，店員話裏面有好多蔬菜，夠晒健康點完餐之後先發現原來枱上面已經放咗火鍋調味配料，可以自行加減喜愛嘅調味料，仲有我最鍾意嘅蒜蓉添等咗一陣火鍋就送到，上面真係有好多唔同款嘅蔬菜，睇落去好新鮮，湯底仲要係奶白色，我飲左少少，都幾鮮甜首先嚟到嘅係餃子拼盤，大約有10粒，有唔同既口味，當中我覺得較有驚喜既係黑松露野菌餃，因為咬落去真係好大陣黑松露味，感覺好特別之後有順德魚腐，食落去好彈牙，又有魚味，同平時食開嘅魚腐好唔同跟住有本地牛頸脊，見到脂肪嘅分布好平均，而且切得好薄，淥兩淥已經熟晒，充滿牛肉味，好腍跟住有手打丸拼盤，有五款唔同嘅丸類，比較少見嘅有菠菜豬肉丸、黑松露野菌鮮蝦丸、珍珠帶子墨魚丸等等，每一款丸類都打得好膠身，夠晒彈牙，強烈推薦！！呢一個係黃金雙拼，其實係鹹

今日落大雨，好彩朋友book左呢間餐廳係正地鐵站隔離，好近好方便～我地四個人叫左個十二味雜錦鍋，貪佢乜都有d, 店員仲話呢個湯底本身已經有好多菜做，所以可以唔駛特別叫菜，或者之後先加～的確一上鍋有好多菜，薯仔、白菜、菜心、油麥菜、萵筍、蕃茄等等有好多款雜菜，第一啖飲落湯好清甜！本地牛頸脊肉好靚，冇乜肥肉，食落有濃郁的牛味，非常腍，唔駛要醬料都好夠味，我地叫左大份$368, 份量都唔少～清酒鮮牛肉冇牛頸脊咁香咁腍，比較有口感，都好食！雙拼魚滑瑤柱乾貝滑，好香，食到有啲乾貝，好彈牙，平時冇乜食到，幾特別黑松露墨魚滑，好香黑松露味！墨魚滑多彈牙爽口，食到有墨魚的鮮味餃子拼盤（10粒，5款各2粒）餃子每粒都大大粒，而且皮薄得黎唔易穿，粒粒d餡都脹卜卜！我只試了韮菜豬肉餃和黑松露野菌餃韮菜豬肉餃，韮菜非常之香同多！每一啖都有韮菜味～正！黑松露野菌餃亦是口感豐富！由多種菌類包成，加上黑松露的香味，爽口彈牙，食落好實在！手打丸拼盤 （10粒，5款各2粒）我只試了芝士牛肉丸和手打珍珠帶子墨魚丸～正！芝士牛肉丸入面有滿滿的芝士，牛肉好香好多肉汁！值得一試！珍珠帶子墨魚丸食到有原粒帶了！墨魚丸好爽唔彈牙，

📢聖旨到：看看誰要被我寵幸😌 好耐無出去食餐好嘅，最近去左呢間好有玩味嘅餐廳打邊爐，店內裝潢、餐牌連餐具都好宮廷風😂 設計好古色古香 (仲有皇座🤣)🔹順治特色卜卜蜆鍋 ($198)先揀咗呢個招牌湯底，本身呢個湯底會有少少BB辣，好少量嘅辣椒粒，但如果驚辣都可以好似我咁走辣～成個鍋好有宮廷特色，仲冒晒煙咁送上枱，視覺效果加晒分，唔止岩打卡仲勁足料！一打開見到勁多肥美又大粒嘅蜆，好鮮甜又新鮮，分量勁多，目測有5-6十粒，真係食蜆食飽😂 呢個鍋絕對超值呀！🔸清酒鮮牛肉 ($148)呢到嘅牛肉都唔平，但真係真材實料同分量多嫁，肥牛打邊爐就食得多，清酒鮮牛肉真係第一次見，梗係要試吓，就算放落湯底烚，食落都有好出嘅清酒味道，勁有驚喜，而牛肉脂肪分布平均，完全唔膩，如果有3-4人黎食既話，建議可以點手切牛拼盤，見到隔離枱勁大盤😂！🔹鹿兒島日本黑豚肉 ($148)賣相吸睛，肉質爽口，油脂分布平均，味道濃郁🔸黑松露墨魚滑 ($98) 一份有兩條，墨魚肉爽彈，黑松露味香濃🔹鬼馬油炸鬼 ($58)將墨魚滑釀入油炸鬼中，一樣都紮實彈牙，淥完都依然有脆酥香，必食呀！🔸手打丸拼盤-10粒 ($128) 拼盤有五

疫情之下放寬左餐廳就約了朋友打邊爐聚一聚，大家近近地就約左去北角的滾得囍食火鍋🍲好開心大家一見面就又講又笑，先選湯底，好多款式最後選咗順治特色卜卜蜆鍋😋順治特色卜卜蜆鍋我哋揀咗小辣，蜆肉大大粒，而且好新鮮，十分鮮甜美味😍😍😍手切頂級安格斯牛肉肉質鮮嫩可口，很有牛味十分美味可口🥰🥰半份帶子墨魚丸墨魚丸很彈牙美味，充滿墨味十分美味可口！👍🏻👍🏻黃金雙併這個是魚片和響鈴加上咸蛋黃，相當依家一，十分滋味😋😋白蘿蔔油麥菜宮廷醬料

見到「滾得囍」又做優惠，晚市全單78折！ 咁平，小編梗係唔執輸啦！😏 如果小編唔係住九龍區嘅話， 「滾得囍」應該會成為家庭飯聚嘅飯堂～😂😂 餐廳門口有張「龍椅」可以打卡影相， 「聖旨」唔只係for影相only， 仲有各款湯底介紹係裏面， 真係可以打開黎「奉天承運皇帝詔曰」～😂😂 湯底有13款之多， 每款湯底都由一位皇帝或者經典歷史人物而命名😂。🌟推薦❗️康熙花膠雞湯鍋（半隻）（$298） 湯鍋和材料分開上，保證新鮮足料， 雞湯呈金黃色，可見濃縮左好多雞嘅精華係裏面～ 花膠多到覆蓋左半隻雞，😳😳 呢到仲有宮廷式嘅享受，店員仲會將大塊花膠逐塊剪開方便食用， 花膠燉得軟腍，雞件肉質嫩滑， 湯頭鮮甜，膠原感十足！😋 🌟推薦❗️滾得囍餃子拼盤（十隻）（$128） 餃子有5款，每款兩隻，全部餃子大大隻， 有和牛芝士一口餃、新鮮菜苗帶子餃、韮菜豬肉餃、黑松露野菌餃、黃金沙葛餃， 菜苗餃和韮菜餃多菜少肉，爽脆清甜又健康！ 黑松露餃散發着濃郁嘅菇菌和黑松露香，啖啖肉，好正！ 黃金沙葛餃中嘅沙葛爽脆，鹹香十足！ 雖然唔知點解和牛芝士一口餃會叫

順治特色卜ト蜆鍋 ($198) 蜆超大粒，勁新鮮!!仲要冇一粒有沙🤩 好高質！個湯好甜🤪 叫左手切頂級安格斯牛肉 ($338)同手切韓牛（牛肩胛） ($398) 牛肉雖然唔多，但塊塊都好重牛味，好冧好新鮮😍 另外配料都好高質，重質不重量，全部都好新鮮，係打邊爐最重要既元素☺️ 牛柏葉 ($58)手打丸拼盤 ($128)油麥菜 ($38)羊肉片 ($98)魚皮響鈴雙拼 ($78)日本稻庭烏冬 ($32) 要特別介紹一下手打丸拼盤，好爽口彈牙，唔同味都各有特式🤪

雖然還有個多星期才到中秋，但天氣已經開始有點涼意，又是時候相約好友去吃火鍋。友人非常貼心，知我向來四肢不勤，所以特意訂了這間離我家不太遠嘅宮廷火鍋店。餐廳位於馬寶道馬寶學林商場一樓，入口處擺放了一張金碧輝煌嘅龍椅，還沒踏進店就已經感受到浮誇的宮廷氣氛。至於室內裝潢亦非常之有格調，以中式古典風木材雕花作設計，而座位之間更用上優雅的通花隔柵作屏風，加上每張檯上都放了一道「聖旨」，感覺特別有氣勢。先看點菜紙，湯底款式非常之多，足足有成 14 款，而配料方面，除了火鍋必食的牛肉之外，還有豬肉、手打丸、秘製魚滑、新鮮海鮮、雞類、餃子、新鮮蔬菜、豆品類、麵食、刺身、炸物和飲品等可供選擇，價錢豐儉由人。友人唔食得辣，又唔想食得太過 Heavy，所以我哋揀咗個清熱下火嘅芫茜皮蛋豆腐馬蹄鍋，再各自選一款火鍋配料。趁湯底未上，先把握時間「混醬」，醬料選擇不多，只得四款，不過全部都有蓋冚好，乾淨企理 (宮廷醬芥每位 $28)。崇德芫茜皮蛋豆腐馬蹄鍋 ($148)  接著送上，待湯滾後，馬上舀一碗試試。湯頭很清甜，芫茜味好重，入口幽香撲鼻。撈起可以見到入面有好多滑溜的皮蛋和豆腐，加上爽口的馬蹄同紅蘿蔔，用料十

OpenRice訂枱78折優惠，雖然仍有加一，但是性價比已變得十分高。花膠雞湯鍋份量足，花膠多，湯夠濃。會食用熬湯的雞肉的話，早少少撈起，避免煮過老。桂花蚌新鮮爽脆；韭菜豬肉餃的菜肉比適中，兩種味道不造成互搶，順暢柔合。2人光顧，點餐如下：Asahi生啤500ml康熙花膠雞湯鍋（半隻）桂花蚌鮮淮山竹笙韭菜豬肉餃（8粒）鮮腐竹（冷）足料竹蔗茅根（渣）冬瓜件外賣盒 x2宮廷醬芥 x2OpenRice訂枱78折優惠，加一后，合共HK$798。

冇錯，就係趁疫情緩和時出黎有限度咁聚餐安坐家中既呢段日子，我最想就係打邊爐，滾得囍係有d貴，但係材料質素值回票價，所以決定都會再食。今次本身想點冬瓜鍋，侍應通知今日冇佢亦好好咁suggest我地點卜卜蜆鍋，可以走辣，咁我地唔駛再苦索點邊個鍋。馬上點了飲品，邊自己調醬料，個鍋好快到了 。以宮廷為主題既餐廳果然有宮廷既氣勢，食物，擺碟，份量都有氣派牛牛係今日既主角棉花魚肚五色蔬菜拼盤，有粟米好甜五色手打丸鹿兒島豬肉片最最好食既就係舒適，今次食得好安心。

環境：👍👍👍👍👍服務：⭐️⭐️⭐️⭐️⭐️味道：😍😍😍😍😍影相：📸📸📸📸📸Encore:95%📝進入前要度體溫 ➖➖➖➖➖➖➖➖➖➖➖➖➖➖➖收到皇帝聖旨要黎呢間「滾得囍」打邊爐🙆‍♀️小人當然不敢怠慢，即刻衝去啦🙈.成場都好有皇室氣派無論係裝潢，餐具定係枱凳都好有feel~門口位有座龍椅，食之前當然要打下卡😎.🔸建寧公主麻辣卜卜蜆鍋 $198同我一樣都係無辣不歡嘅你，呢個湯底就岩哂啦！雖然辣度係Set好左但真係愈食愈辣，辣得好過癮🤣滿堂紅嘅麻辣湯，湯面係滿滿嘅紅辣椒🌶而湯底有勁多隻卜卜蜆架🥳隻隻都大大粒，肉厚無沙，鮮香又麻辣份量多到好似食極都仲有咁😂.🔸新鮮菜苗帶子餃。黃金沙葛餃 $62淨係餃類都有八款每款都好有特色～餃子包到好似乒乓波咁又大又飽滿餃皮超薄但吾易破如果中意味道清新D，菜苗餃就岩哂你入口清甜，仲有帶子增加口感🥳黃金沙葛餃，味道就濃郁D粒粒沙葛都沾滿沙沙鹹蛋黃口感輕脆～.🔸厚切脆炸午餐肉 $68即時驚肥，都抵擋不住炸午餐肉嘅吸引力😂外脆內軟，香氣十足用上優質午餐肉，食到絲絲火腿，真係超正💕.🔸清酒鮮牛肉 $148鮮牛肉用清酒浸至入味，有提鮮嘅作用牛肉紋理鮮明，呈鮮紅色，非常吸引😋係鍋

晚市堂食禁令終於放寬終於終於有得出街食晚飯啦今日我哋揀咗喺北角嘅滾得囍打個邊爐慶祝一下 滾得囍坐落喺馬寶道馬寶學林由地鐵站行過去都好方便餐廳嘅裝修豪華坐得都好舒服 我哋叫咗個 康熙花膠雞湯鍋（半隻） $298湯底用三黃鷄熬足3個鐘可以先飲湯再打邊爐！職員好細心咁將花膠剪開放入煲 花膠嘅份量超多而且極厚身食落口有滿滿膠質邊食邊補充骨膠原真係好適合女士夠養顏呀！雞嘅份量都好多雞嘅肉質好厚實食起試黎啖啖肉 另外嗌咗 手打丸拼盤 $128 有五種唔同嘅口味 粒粒爽口彈牙醉香花雕鮮牛展 $128第一次打邊爐食牛展牛肉味香濃又彈牙幾好啊～竹笙 $70打親邊爐我都超愛食竹笙佢索滿湯汁真係好好味～宮廷醬芥 $28/位

好耐之前黎過呢間火鍋店，戈次試完比我嘅印象非常難忘，因為真系睇得又食得自從前排夜晚堂食禁令延長到9點，今日開始更可以去到10點。多咗勁多人出街食野，我都當然吾例外今次就吾過海喇，近近哋去咗北角呢間滾得囍，所以今次系第2️⃣次到訪✌🏼以呢家飲食界嘅趨勢黎講，放題系最吃香嘅其中一個範疇，點解？一個字：抵囉！但又試諗吓，用一個價錢就可以任食咁多食物，質素真系未必間間都咁好🤔反而散點嘅火鍋店就比到客人一定嘅信心。系就系貴啲，但啲野食多數都吾會差得去邊。個鍋真系好有宮廷feel🤣勁有玩味重點好想喺度推介呢道嘅卜卜蜆鍋，第1次食卜卜蜆鍋就奉獻咗比呢間食店😬佢入面啲蜆真系多到一個點！仲要每一粒都好大粒！淨系食蜆都食咗半粒中🙊滿足曬我呢個海鮮控。平時喺火鍋店好少會突登叫豬肉黎食，因為多數質素都一般🧐不過喺OpenRice見到都幾多人推介呢道菜式就不妨試試。好耐未食過呢個價錢嘅豬肉🙈不過一分錢一分貨，比得呢個價錢，啲豬肉睇落真系淺粉紅色，整熟之後系淺白色，感覺結實得黎好有口感。本身好中意食黑松露，喺度當然都不忘點一份黑松露墨魚滑。整咗一粒粒出黎，每一粒嘅黑松露味都好濃郁😍墨魚味香濃。靚嘅牛喺打邊爐黎講，多數

滾得囍晚巿堂食放寬，一眾吃貨都欣喜若狂！吃貨如我當然也不例外，即刻約愛人去打邊爐！餐廳位於北角，一到門口已經覺得氣勢磅礴！餐廳裝潢富麗堂皇，以彷古皇宮為主題，門口擺放了一張「龍椅」，是打卡的好位置！每桌的擺設亦別出心裁，一卷「聖旨」已夠綽頭！食物方面，兩款頂級牛肉及丸類均可點選半分，特別適合現時限聚令，十分體胋！湯底方面，我地選咗順治特色卜卜蜆鍋，店員捧上一個古色古香的宮延鍋放在電爐上，等到啲蜆煮到開晒口就開始品嚐。啲蜆全部都好大隻，份量亦多，蜆肉吸收湯汁後十分鮮甜，而且食晒成煲蜆一粒沙都冇，認真抵讚！打邊爐點可以唔食牛？點咗一份牛肩肉，最架勢係用古中國大器—鼎嚟裝住，派頭十足！牛肩肉落鍋好快熟透，雪花分佈得宜，牛味濃郁。小食點咗個黃金雙拼，其實就係沾滿左鹹蛋黃嘅炸魚皮同炸響鈴！食得出係即叫即炸，鹹蛋黃十分惹味！響鈴炸至每一層都十分香脆，一放入口就即刻鬆化晒！炸魚皮亦香脆不硬，無魚腥同油溢味！兩款都十分出色，極力推薦！食到最後再點了一個米粉，吸收晒湯汁嘅精髓作收尾，十分滿足！