滾得囍宮廷火鍋小炒 (已改名) 查看

夜晚諗唔到食咩就想去打邊爐，於是同屋企人去了附近這間頗有特色的邊爐店！入面係皇宮的感覺，連menu都係聖旨，真係奉旨去打邊爐🍲😎餐廳的湯底都非常特別，是非一般的邊爐湯底，足料之餘有啲都幾健康！點了個康熙花膠雞湯鍋，有成半隻雞，單單係湯底都可以有50%飽！他們的雞是煮熟了的，並會在你面前將雞肉和花膠倒入湯底。個人覺得雞肉非常impressive，出乎意料地鮮，味道好甜，而且肉有咬口，非常嫩滑，真係可以encore繼續食😋另外花膠雖然薄切，但入口好軟滑，口感好好其他邊爐食物亦絕不馬虎：🥟韮菜豬肉餃：餃子皮非常薄滑，入面勁多韮菜少肉，似是餐廳自己包另外點了御膳房秘製魚滑雙拼，包了黑松露墨魚滑和手打蟹子蝦滑，特別喜歡黑松露墨魚滑，彈牙得來滿口都是墨魚，而且吃不到有味精。整體來說，這裡每樣食材都幾高質，而且還有置身皇宮般的感覺，值得一去！

黎到北角如果想打邊爐，我會推薦呢間滾得囍。店鋪位置第一次黎可能會覺得隱世左啲，但其實好方便，因為佢就係地鐵站出口一出行幾步就到。呢間店係以宮廷做主題，無論係餐牌，或者係裝飾都係好似古時某啲朝代，富有穿越感，尤其係枱面上個聖旨。今次我地揀左酸菜魚湯鍋，裡面勁多龍躉肉，酸菜份量都多，湯都每人飲左一兩碗，太好飲。食到差唔多就開始落牛肉，揀左本地牛頸脊，真係好靚仔，上枱時勁有騰雲駕霧feel，同酸菜魚鍋一樣，特別有霸氣。我地仲有叫廣島蠔，勁大隻！和牛芝士一口餃都唔錯，和牛同芝士好夾，味道濃郁，勁回味。黃金魚皮同響鈴呢個雙響炮當然要嗌啦，兩者各有風味，脆度十足，咸蛋黃味濃，而沾滿哂係外皮，確係正。見係呢個湯底，所以叫埋烏冬做個靚ending，烏冬吸收左湯汁後，每一啖都好滋味。呢間店真係食完又會諗下次幾時再食過，哈哈。

火鍋店行宮廷風一坐低面前就一鍋水 浸住啲餐具 跟住店員直接住滾消毒，非常放心。湯底方面有十幾款選擇，每款都有特色命名好有誠意，揀左麻辣鴨血。湯底辛、香、甜，豆卜索晒啲湯，鴨血一啲都冇腥味，仲好滑。食材選擇有好多又新鮮，今次揀左本地牛頸脊，好有牛味，叫左半份兩個人夠晒食。新鮮准山打邊爐係正，鍾意佢未都淋果種新鮮爽口口感。蘿蔔索晒湯底好入味。總括嚟講，服務好、座位舒適可以慢慢坐，見到OpenRice 訂座有68折係抵食！

今日喺北角打邊爐😻環境帶宮廷風。湯底選擇左羅宋牛骨湯$188蕃茄味好濃郁湯底本身已經有👉蕃茄,薯仔,蘿蔔,同牛肉做配菜 非常豐富😜，上菜嘅時候仲有好多乾冰，幾時適合打卡。滾得囍宮廷拼盤$138 一共有10粒手打丸 有五款口味 其中手打芝心牛肉丸係我嘅最愛 💋全部丸都無加麵粉 真材實料㗎🤟新鮮菜苗帶子餃$98/8粒菜苗味濃烈 好清新 ，不過帶子味就唔太突出。山水豆腐$38同湯底都好夾，而且滑溜溜。鹿兒島日本黑豚肉$168🐽豬肉上盤嘅時候擺得好靚，五花肉非常之肥美，但係食落去有啲鞋🧐同埋未完全解凍。整體來講餐廳環境舒適而且做會員仲有八折優惠🥳係一個適合同朋友食飯聚會嘅好地方😎

宮廷裝修，仿如去到北京故宮般的火鍋🫕餐廳，非常有特色，而且店內空間寛敞，環境舒服😊 店內好乾淨，店員首先會將所有餐具用一個洗餐具窩即時再翻煲熱水清洗，再放好給我哋 湯底有好多選擇，有麻辣、雞湯窩、沙嗲、濃湯等，最後揀左吳三桂冬瓜瑤柱脯鍋 吳三桂冬瓜瑤柱脯鍋🥒$198整個冬瓜做湯底，湯底煲滾後，店員就會幫忙切好，而且入面仲有瑤柱脯同蟹柳及勝瓜肉 本地牛頸脊🥩$318肉質油脂均勻，薄薄一片片放係冬瓜鍋，份外清甜 日本廣島蠔🦪$98廣島蠔都幾大隻又肥美 手打黃金流心鮮蝦丸🍢$68果然有流心，面且好彈牙 最後仲有個甜品 Baileys 奶凍🍮

滾得囍係北角地鐵站一出就到，位置非常便利。店面用酸枝木嘅格調去裝飾，好有氣勢。枱面放咗聖旨，打卡必備。店員會主動煲滾鍋入面嘅熱水清潔，真係好服務。湯底有超多款，苦惱之下揀咗黑蒜卜卜蜆鍋。以乾冰配襯嘅鍋底，加埋黑蒜湯，完全睇唔到入面有咩。湯滾咗之後就見到有大量蜆同幾片蘿蔔。啲蜆好大隻，仲好新鮮。牛肉點咗個牛肉併盤，有和牛，韓牛，本地牛，安格斯牛，一次過滿足所有願望。海鮮揀咗龍躉片，有成8片咁多，淥2分半就啱啱好。另外點咗黑松露野菌蝦丸，菜芯苗。仲有個菜苗帶子餃唔記得影相，因為掛住寫。竹庶水都幾大壺，非常抵飲。

已經有兩，三個月沒有請父親食好西，前陣子約了他去打邊爐，因為這是他的最愛😆-這次光顧的餐廳是一間中式火鍋店，從店內的黃金皇帝椅、室內裝修、掛畫及餐具碗碟都可看得出來。餐廳供應多款火鍋湯底、食材、配料、小食和飲品，款式之多啱晒一班火鍋愛好者來這裏大快朵頤👍🏻-1️⃣康熙花膠雞湯鍋（半隻雞，$298）雞件嫩滑入味，花膠白滑通透，將兩種材料放入鍋中煮熟，湯汁變得很鮮味，而且膠質很重，女士一定愛不釋手😂👍🏻-2️⃣海鮮拼盤四人盛（原價$498，現特價$398）雖然只有我和父親，但是看見這個四人海鮮拼盤有特價，就點了一個來試下🤤海鮮有蟶子王、海蝦、青口、帶子和蜆，每一款都很新鮮，煮完鮮甜美味，尤其蟶子皇，食落很有勁道，非常滿足😋-3️⃣黃金雙拼（鹹蛋黃）$88這個金黃色，很吸睛的小食是店家即叫即炸的鹹蛋黃響鈴卷和炸魚皮，由於用了非常多的鹹蛋黃來炸，食落很香很脆👍🏻不過食得多會很heavy，建議有幾位朋友一齊才點這個小食😂

滾得喜，位於北角馬寶道，距離北角地鐵站只需2分鐘路程，位置交通非常方便。餐廳採用傳統中式宮廷設計，座位寬敞舒適，食物價格水準均屬於上級。湯底選擇了黑蒜卜卜蜆鍋，大量卜卜蜆，目測估計超過一斤，黑蒜湯底味道較濃，卜卜蜆完全無沙，配合黑蒜湯底味道一流。牛肉選擇御前一品手切牛肉拼盤，和牛，韓牛，本地牛，安格斯牛，一個價錢四種牛肉享受，和牛油花均勻入口即溶，韓牛牛味較濃有咬口。個人推介菜苗帶子餃及黑松露鮮蝦丸，菜苗帶子餃選用爽嫩翡翠苗配帶子，感覺新鮮。黑松露蝦丸，彈牙，好食。餐後更免費送上奶凍甜品，正。

對火鍋嘅狂熱！今日同屋企人，一齊過嚟呢間出名養生火鍋湯底嘅餐廳打邊爐❤️康熙花膠雞湯鍋～滋補嘅花膠遇上濃郁嘅雞湯，半熟嘅雞件放入去拖一拖就食得，花膠滑溜，上枱先至即剪，越飲越覺得湯頭鮮味，令我不期然都飲多咗幾碗。海鮮拼盤四人盛～最近海鮮拼盤做緊特價，大大盤＄398，蟶子皇size目測達15cm，煮1分鐘就食得😍，青口和貝類都洗得乾淨，無沙。蝦身爽口彈牙， 淨係Toby姐姐已經一人ko咗三隻❤️另外我哋仲食咗脆肉鯇魚、鵝腸、豬皮、稻庭烏冬☺️～見到成座山咁高嘅脆鯇魚片，原來內有乾坤，夾走一片魚片，就見到裏藏嘅脆鯇腩🤩份量都唔少而且好新鮮。鵝腸同埋豬皮都整得好乾淨，好吸味。

今日收工趕住去北角拎野，拎完行過搵野食，見到呢個火鍋店個名好特別，叫做滾得囍宮廷火鍋。果然一入到去，好有宮廷風，裝修每個細節位都係有特別安排，無論係椅子，牆上既裝飾，以至個火鍋煲都係有中國宮廷味道係入面。食物價錢尚算合理，有啲煲都只係$200內，由於鍾意食魚頭，佢有個藥膳魚頭煲，食得多魚頭，但係溝埋藥膳就未試過。最有驚喜係無諗過個魚頭咁大份，如果係街市買大個魚頭，都要唔少錢，淨係食呢個魚頭都飽咗一半。另外仲叫左啲其他餸，其中係半份牛頸脊，本身仲喺度掙扎緊嗌全份定半份，問完侍應，部份都有十幾塊牛肉，出到嚟都真係好大份，兩個人食夠晒。

北角地鐵站附近的主題火鍋餐廳，中國古代皇室主題，門口就有張龍椅可以打咭。入座後，店員會用即煲嘅熱水，幫你洗餐員，之後送上前菜，有四款。由裝修到餐牌都好有感覺，特別係湯底，由唔同朝代特式人物做湯底個名。由於未試過卜卜蜆，就㨂咗順治特式卜卜蜆鍋。湯底鮮甜，濃味，材料十足，應該最少都有斤半蜆，食到最尾都仲有，加上蘿蔔，好入味，湯底就少少辣，如果唔食得，可叫佢走辣。係時候，叫野食，手打丸和餃子最吸引，係佢地自家製作，貪心嘅我，緊係款款都想食啦，由於2個人關係，避免眼闊肚窄，所以唯有叫一款拼盤，散叫其他。滾得起宮廷拼盤 （五款手打丸）必試！賣相吸引，每款丸味道，口感都好特別。紫皇蟹粉豚肉餃👍🏻好大隻，充滿蟹粉，好鮮味。炸魚皮炸響鈴，店舖推介，即整，好脆口。珊瑚蚌拼桂花珊瑚，新鮮，彈牙。食物質數高，賣相吸引，坐得舒服。仲有驚喜，附送bailey奶凍，好好味。由外至內都用心製作節宮廷火鍋，值得一試。

滾得囍宮廷火鍋小炒係北角大熱火鍋店，有宮廷華麗嘅裝修，入到去好似真係有種回到古代宮廷嘅感覺。餐前小食：四小碟開胃前菜。椰子藏雞湯鍋：椰子同雞用嚟煲湯係絕配，夠哂清甜，又帶椰子清香嘅味道，又有雞湯嘅香濃，用嚟打邊爐做湯底就啱哂魚皮響鈴雙拼：呢度嘅魚皮同響鈴都採用即點即炸，保證夠哂新鮮熱辣辣，甘香酥脆，直接拎嚟食又得，拎去打邊爐就更加好味，索哂椰子雞湯嘅鮮甜味。手切頂級安格斯牛肉：牛肉係用左頂級嘅安格斯，用人手手切，厚薄均勻，刀工功力深厚，牛肉顏色呈現鮮紅，足證佢極為新鮮，而油脂分布均勻，呈雪花狀，未食都流哂口水。

🥰天氣開始稍有涼意.熱愛邊爐既朋友已經急不及待😆.🍲皇太極黑蒜卜卜蜆湯鍋 ($268) 濃濃蒜香🧄叫得卜卜蜆湯，緊係好多蜆😆仲要粒粒都洗得好乾淨無沙👍🏻呷一口，好鮮甜🥰🐮本地牛頸脊騸牯牛($318/細) 打卡一流🥰脂肪分佈均勻，肉質不俗🐷鹿兒島日本黑豚肉 ($168) 又係吸睛既一碟😆睇落以為肥肉偏多，但食落完全無油膩感～🦐海鮮拼盤 ($398) 抵食之選🥰有齊蝦、蜆、聖子、帶子、青口👍🏻岩哂樣樣都想食啲既我地🧆手打芝心牛肉丸 ($68/半份)手打肉丸配上流心芝士，好好食好彈牙🥟新鮮菜苗帶子餃 ($62/半份)爆餡餃子👍🏻真材實料🥬皇帝菜 ($48)朋友fav fav🥢鬼馬油炸鬼 ($68) 油炸鬼釀入蝦膠，索哂湯汁🤤好正🫖羅漢果菊花茶 ($68/一渣) 打邊爐熱氣飲返個菊花茶就最岩🍮自家製baileys 奶凍. 餐廳送既.口感細滑，淡淡baileys酒香，完滿作結·📍滾得囍宮廷火鍋小炒北角馬寶道33號寶馬花園1樓116-125號

滾得囍宮廷火鍋小炒 𝗕𝗶𝗴 𝗕𝗼𝗶𝗹𝘀 𝗖𝗹𝘂𝗯 🥘🍲最近好興宮廷式設計🥢嘅火鍋🤣 今次呢間位於北角唔太當眼嘅位置，但同樣質素都十分唔錯。一去到有專人係你面前幫你消毒碗筷🍽，確保衛生乾淨✌🏻之後仲有四款唔同嘅前菜🥗提供。聖旨到！開始點菜🤣🤣 成日叫花膠雞煲，今次叫下「卜卜蜆湯底🐚🐚」！『順治特色卜卜蜆鍋』𝗛𝗸$𝟭𝟵𝟴- 呢個鍋除咗好Instagrammable 之外，仲要有無限無限咁多嘅蜆🤡 我同朋友一人起碼食咗30隻以上⋯食到最後都有，食唔晒🤣🤣 點解可以有咁多😜仲要隻隻都大大隻好新鮮，完全冇沙🤩 雖然menu寫話有一隻🌶，但其實個湯底好清，完全唔辣。呢個鍋底勁扺🤣🤣🤣性價比好高‼️『滾得囍宮廷丸拼盤』𝗛𝗸$𝟭𝟯𝟴- 全部都係手打丸🤣 綠色嗰個係菠菜豬肉，其他有啲係墨魚丸，有種係牛肉芝士丸。個人覺得啲味道好相似🤣🤣 我最鍾意係墨魚帶子丸 (右二)！裏面真係有一粒細細嘅帶子🥰🤩『極品魚肚 (棉花肚) 』𝗛𝗸$𝟭𝟮𝟴- 我好鍾意食魚肚🤩索晒啲湯勁正🥰🥰 不過呢個湯底比較清，嗌個重口味小小嘅湯底會更襯🤣『桂花蚌』𝗛𝗸$𝟭𝟯𝟴- 好耐冇食過桂花蚌😋 份量大概有八舊左右，好新鮮好爽脆😋😋😋『黑松

近排朋友搬咗去北角嗰度，所以就去咗佢屋企附近食嘢，一入到去就已經有張皇帝椅喺門口，裏面嘅裝修都係有啲中式嘅feel，仲有個「聖旨」tim😂😂😂我同朋友都好耐冇打過邊爐，所以就係咁叫係咁叫😅，啲嘢食嚟到都覺得有啲多咗😂首先揀咗湯底先，我哋今次就揀咗冬瓜瑤柱脯鍋，佢係一個類似冬瓜盅咁樣，你地影完相之後，職員就會幫你切開去重點介紹幾款嘢食：手切頂級安格斯牛肉（細」：雖然我哋叫咗個細嘅牛肉，但係佢份量都好多，而且牛肉嘅紋都好靚，係咁易滾一滾去，就已經食得，口感好滑😋桂花蚌：份量都係唔少啦，望落去都係新鮮嘅，呢個就唔使煮得佢太耐，食落去都好爽😌和牛芝士一口餃：初頭以為有啲芝士，就會覺得佢好好滯，但原來都唔係，同埋其實佢都好大粒黃金雙拼：呢個就係用咗鹹蛋黃醬，撈埋落啲炸魚皮同埋響鈴度，一聽到呢個就已經覺得好正😋,魚皮同響鈴都炸得好脆口😝,而且啲鹹蛋黃醬都好多，實在好邪惡😈最後打完邊爐之後，仲有個甜品Bailey 奶凍作為完結👏