滾得囍宮廷火鍋小炒 (已改名) 查看

這個星期日中午，我們一家四口去左北角滾得囍打邊爐。入到去，餐廳環境偏暗，另外裝修都好中國特色，坐位的擺放，就好似入左中國既古老大屋咁，似番左大陸食飯。😂食物方面，我們點左海鮮拼盤，有蝦、帶子、青口、蜆、聖子，海鮮食材都好新鮮，食落都好鮮甜。😋😋手打芝心牛肉丸好正，牛肉係新鮮牛肉，爽口彈牙，肉丸中心芝士將整體牛肉丸味道提升，唯一不足嘅係份量太少，四個人只可以每人一粒。🙂雞肉就普普通通，半隻雞既份量又是比較少，花膠就比較薄，沒什麼特色。😅我們仲有食咗薯粉、雜菇拼盤菜苗帶子餃同埋黑松露野菌餃，都是正常發揮。😆餐廳最後還送我地一客朱古力奶凍甜品，食落唔會太甜，都恰到好處。在中式餐廳食了個西式甜品係幾特別。因為有折，四個人最後埋單食咗近$1000，人均大約消費$240 ，我們都食到好飽。不過個人覺得還是偏貴。

見到openrice訂枱lunch嚟食有68折，就嚟咗試吓依間宮廷風火鍋店打邊爐，湯底叫咗店員推薦嘅花膠雞湯，奶白色嘅湯底一嚟到，店員會張花膠剪開一舊舊放落去，之後再可以張半隻雞放埋落去，正係湯底都已經好豐富。一開始試飲湯底係好清甜嘅雞湯，花膠雞煮耐咗開始開始變得濃厚，但係都唔會好咸好重口味，食材天然純粹。食物叫咗鹿兒島黑豚肉，手打肉丸，芝士腸同蔬菜拼盤。黑豚肉大推，肥瘦適中，一啲都唔韌，好有豬味。手打肉丸叫咗拼盤有五隻口味，牛丸最驚喜，一咬開係芝士流心的，黑松露蝦丸都好有黑松露味。蔬菜拼盤好大份，乜菜都有，係到叫拼盤係一個好選擇，乜都可以試吓。

事隔多年再到訪！我諗上一次食都應該3,4年前，但一直都記住呢間店，因為湯底真材實料勁好味！火鍋料亦新鮮，因為為另一半係新界人，好少過到來北角食嘢咁遠，但係我哋立定決心要過來幫襯！環境位於補習商場入面，整座都係補習店，唯獨有伍一間火鍋店。店裡面以宮廷式設計好有feel。餐牌連食物名都有用皇帝名命名，仲有張聖旨比你打卡影相。康熙花膠雞湯鍋(半隻) $298 上次係食椰子雞，今次試下花膠雞，店員會先將湯鍋放上，另附上大片花膠及半隻雞。會幫客人先剪花膠落湯底，雞件本身已煮至七成熟，放入鍋中2-3分鐘食得。湯頭好鮮甜！無令我失望，一如既往咁高質，花膠令湯底因骨膠原變得濃郁，再加雞件，更鮮，雞肉亦好嫩滑，果然係招牌！本地牛頸脊騸牯牛肉(細) $318騸牯牛即係已閹割嘅牛，因為被閹割，佢哋嘅活動量無咁高，脂肪會比較多，牛味亦更濃，肉質亦有咬口。 滾得囍宮廷拼盤十粒 $138包括手打黑松露野菌鮮蝦丸、手打珍珠帶子墨魚丸、手打波菜豬肉丸、手打芝心牛肉丸及手打墨汁墨魚丸。必點，可以試到5款唔同嘅丸，記得上次都有嗌，每款都有餡料又彈牙。羊肉片 $148 我同另一半都鍾意食羊肉，記得以前食評都有講過點解有d羊

喺香港打邊爐真係一年四季都啱，喺屋企打又得，出街打又得，而且每間火鍋店都有自己特色鍋底，今日就來一間充滿宮廷式的火鍋，餐廳仲推出折扣優惠，非常抵食。叫了個「咸豐酸菜魚湯鍋底」(小辣)，上枱時鍋底中間鋪滿一層層的雪白魚片，四周圍放滿中𦭐、蔥、芫荽等香菜增添湯底的香味。侍應將上湯倒進鍋裏時，瞬間白色的煙霧從鍋邊升起，直至全鍋都充滿白色的煙，仙氣逼人。每個人都忙著打卡😅酸菜魚味道亦很正宗，魚肉雪白彈牙，最正就是啲酸菜唔會死鹹，鹹酸味非常到位，加上香菜的香氣，好正。食完個酸菜魚，再叫多個海鮮拼盤4人盛，有手掌般大的蟶子、俾5元硬幣還要大的新鮮帶子、鮮蝦、青口和花甲，這個拼盤真好抵食，尤其是蟶子肉厚鮮甜又爽口，帶子亦是鮮甜肉滑。

媽媽話今晚想打邊爐，我就揀左呢間滾得囍同佢試下，一坐低店員就會送上小食，可以一路食一路睇下叫咩食，小食有花生，蕎頭，木耳，酸菜，酸酸甜甜好開胃。吳三桂冬瓜瑤柱脯鍋 $198嘩嘩嘩，好靚啊，即係影相先，店員會幫手切開冬瓜，材料仲有帶子，蟹柳，勝瓜，瑤柱，湯底好鮮甜。御膳房秘製魚滑雙拼 $128我地叫左黑松露墨魚滑，手打蟹子蝦滑，2隻都好好食，爽口彈牙。韮菜豬肉餃 $62足料，唔會太咸，好多汁。萵荀 $58切到好薄，好快就食得，好脆身。蜂巢豆腐 $58吸收湯汁好正。加多寶 $25打邊爐必點！清下熱。

慶祝忙完peak season要揾間有氣派嘅餐廳～～呢度就真係啱晒我～～先係服務已經一流～會開熱水滾下d碗筷消毒～～座位又勁闊落～留意返我食完大概15:00影所以先冇咩人～超巨型嘅花膠☺️☺️花膠雞湯真係好得～未開始打邊爐前先飲左三碗🥰塊花膠本身已經好腍放埋落湯到好快就吸到汁仲有雞本身7成熟～放落去淥一陣就食得仲有手打丸又係好好食好彈牙～～最欣賞係珍珠帶子墨魚丸黑松露野菌蝦丸都好出色黑松露味好出💕釀豆卜～～用墨魚滑釀～個豆卜吸晒d湯～最尾仲有自家製奶凍送～～想影相門口仲有張龍椅添😍

今日行開北角食嘢，咁就同同事收咗工就嚟呢一問食火鍋嘅餐廳度打邊爐，因為其實呢間餐廳想試好耐，佢裝修比較特別模仿度好似中國宮廷， 而且內裏間隔都幾開。 我哋叫咗以下:康熙花膠雞湯鍋： 呢個湯我自己就特別鍾意因為花膠對於女士嚟講都可以保養皮膚，吸收下骨膠原，而且你飲落肚時，你就知道骨膠原有幾重，因為如果冇乜骨膠原嘅話個湯底應該會幾稀，呢個湯底亦都拮拮地，所以我like 呢個湯底。 大家可以自我參考我啲圖。 手打黑松露野菌鮮蝦丸: 其實呢個手打黑松露鮮蝦丸，自己覺得嗰粒丸打得幾彈牙，而且幾爽口。不得不提亦都有少許松露味，所以鐘意食丸嘅朋友可以試下。鹿兒島日本黑豚豬: 呢個黑豚豬肥瘦比例7/3。所以你會食到黑豚豬嘅鮮味道，不過我覺得就比較肥咗，如果有人鍾意豬腩肥肉嘅話可能會比較鍾意。唐生菜: 食咗咁多肉點都要番個菜，唐生菜都ok，因為要食啲纖維嘢。最後食埋個甜品就閃人，Overall我覺得呢間餐廳啲嘢都唔錯， 我自己認為及覺得個花膠雞湯真係幾好味而且都係ok。如果畀多啲折頭我哋會更加好呢。

好多朋友都有介紹我呢間宮廷風火鍋店，終於前來一試。環境舒適，有不少卡座，抬上有聖旨同青花瓷器餐具，好迎合宮廷主題，可以打卡。建寧公主麻辣卜卜蜆鍋蜆份量好多大粒，而且粒粒都非常飽滿，鮮味十足，配上微微麻辣，令人一試上癮。推介火鍋配料：手切頂級安格斯肥牛賣相好靚，肥牛紋理豐富，肉質軟稔，口感非常幼嫩。和牛芝士一口餃有少少似和牛漢堡嘅味道，但加左芝士。魚皮響鈴雙拼兩都係新鮮即炸，好脆而且係熱烘烘，可以即食或灼幾秒一樣咁好食！手打黑松露野菌鮮蝦丸黑松露味道好出，非常彈牙！最後送埋甜品，係朱古力粒奶凍，唔會太甜幾好食！

中午68折去試呢間火鍋店食物及服務質素絕對對得住個價錢客唔多，本身有d驚d嘢食唔新鮮第一轉唔敢叫太多，叫少少試吓先點知食物選擇多，新鮮，好味，足料叫咗個卜卜蜆鍋底，一鍋約1.5-2斤蜆d蜆大隻，只有2隻唔開口，其他都冇沙啲白蘿蔔都幾老吓，不過攞嚟煲出味啫，個湯都好清甜珊瑚蚌貴花蚌雙併好新鮮黃金魚皮響鈴雙併係即炸嘅，空口食都好好食，落咸蛋黃唔孤寒牛頸脊有油花，未至於勁濃味勁好食但都算幾高質(想再好d咪叫d貴d囉)另外服務態度好，一定會再返轉頭

滾得囍宮廷火鍋小炒 (北角)北角馬寶道33號馬寶學林1樓116-125號舖#黃色經濟圈#yelloweconomiccircle花膠雞湯$298✔️啲花膠真係好軟好入味，feel到同平時街食嗰啲cheap野唔同✔️雞湯唔似普通味精湯，清甜且唔口渴，可以當湯咁飲😍濃厚嘅雞味✔️雞肉滑，雞皮滲出香濃雞油味，淥兩三分鐘出煮到完美質感桂花蚌$138✔️爽口彈牙黑松露墨魚滑$128✔️有粒粒墨魚🦑✔️鮮味十足✔️好有質素五色蔬菜盤$72✔️有淮山、薯仔片🥔、冬瓜片、蕃茄、蓮藕片✔️全部都好新鮮、切得大小適中、令食材入味🥰最後送咗甜品，係Bailey 奶凍，真係好好味！淡淡Bailey香且唔會過甜，香滑嘅牛奶味加上脆脆嘅朱古力粒，回味無窮Overall, 每樣野都好有質素，食材新鮮，員工態度好，好耐冇食過呢啲養生火鍋🥳Igable:8/10Taste:8/10Worth revisiting:7.5/10

無意中發現呢間古代宮廷風嘅火鍋🍲，心思思想試新嘢🙈兩個人就食左呢啲👇🏻，超級飽😵多爾滾羅宋牛骨鍋 💰188醉香花雕鮮牛展 💰148山水滑豆腐 💰38滾得囍五色拼盤 💰78豬頸肉 💰78芝士腸 💰38南京鴨血 💰68清熱椰皇水 💰25天地一號 💰25絲苗白飯 💰24個番茄🍅湯底開始不斷有煙出，睇落好似好好食好期待，食落係就有小小失望⋯⋯個湯底係幾足料，有好多大塊牛肉，好香蕃茄味，但係⋯⋯個鍋不斷會癡底（但店員冇事先講定）店員事前冇講醬料要比錢（就咁放係度比人用，會以為唔洗加💰）牛展：店員唔記得落花雕酒（後味無啦啦走過黎咩都唔講就攞起黎聞，呢個時勢咁樣會覺得有啲唔衛生），之後補落返都只係聞到好少花雕酒味，食落冇酒味山水滑豆腐：同出面超市幾🦟買嘅豆腐冇分別豬頸肉：肉質第一淡咬落係幾爽，但有啲難咬開鴨血：煮完之後微硬五色拼盤：土豆、蓮藕片都好爽口整體價錢同之前食過嘅火鍋隨意門差不多，但食物質素同服務隨意門係領先好多，毫不猶疑會選隨意門👋🏻

今日去了 北角 一間餐樓上餐廳「滾得囍宮廷火鍋小炒」食火鍋🍲，餐廳依家有一個68折優惠 (優惠時間為中午12:00至下午5:00)，最後我哋叫了：1️⃣ 順治特色卜卜蜆鍋 $1982️⃣ 海鮮拼盤 $3983️⃣ 鹿兒島日本黑豚肉 $1684️⃣ 滾得囍宮延丸拼盤 $1385️⃣ 萵筍 $426️⃣ 醬介 (2 x $28) $56整體來講：用料新鮮，味道唔錯價格💰：$798 ($1,000 + 優惠 -$302 + 加一服務費$100)味道😋：OK

一齊去滾！你同我都滾得起🤩🤩北角呢間宮廷式火鍋滲透傳統風格，裝修非常有中國風。留意到佢哋個餐牌叫聖旨，令你一嚐做皇帝滋味。朋友好鍾意食魚，所以叫咗個天麻川芎藥膳魚頭鍋，呢個魚頭鍋不得了，個魚頭勁滑仲有好多軟組織，骨膠原浸晒入湯底裏邊！連續飲咗兩碗都覺得好足料呢啲魚頭湯喺出邊或者自己煲都好考功夫，好難飲得到。之後想食啲快熟嘅嘢就叫咗煎午餐肉，擺咗大概幾分鐘就食得，夠晒滋味又邪惡，簡簡單單原來都好好食😋 另外再嗌左碟醉雞，加埋落個魚頭湯零舍滋補，仲有杞子同花雕酒，飲完成身暖晒。另外在嗌咗水餃、水蓮、薯仔同淮山都係我最愛。一路打住邊路一路飲住竹蔗茅根我水，滋潤又清熱氣呢。

門口位已經有一張龍椅，入座後，枱面更有一份聖旨，只說裝修及擺設，已經很特別!鍋底點了餐單上推薦的椰子藏雞濃湯鍋，上鍋時，看到兩個龍頭在旁的大鍋，已氣勢十足!到店員幫忙剪開福袋時，才知道外面是腐皮，內裡是雞件及椰子等等材料!湯底濃郁清潤，而雞肉非常嫩滑!除了基本點了芝士腸，油脈菜，蟹柳及蜂窩豆腐外，麵食居然有拉麵點，有驚喜!甜品是Baileys 奶凍，餐廳送的，酒味不是很濃，微微淡淡的，不愛酒的也能吃，而奶凍很幼滑!

「滾得囍宮廷火鍋小炒」可以稱得上係一間主題餐廳，全店裝修以至餐牌菜式設計均以宮廷為題，聖旨到💫。最近我終於搵到時間入宮🤣，大家記得喺網上訂定枱，因為有折㗎。店員們態度友善，並主動提供協助。🍽餐具會喺我哋面前用熱水高溫清潔，感覺注重衛生。環境方面，每枱之間都有間隔，私隱度高。湯底有成十五款選擇🍲，喺唔噒骨同唔食海鮮嘅情況下，剩返唔係好多嘢揀🙈，我哋要咗韋小寶特濃沙嗲湯鍋($198)。沙嗲湯看似冇乜料，平平無奇，但飲落發現味道超濃郁，勁正。茶記嗰啲沙嗲湯同佢無得比，可能因為呢鍋落咗🐔雞湯，所以好入味。沙嗲湯帶點點微辣，而整體亦唔會太過杰撻撻。手切頂級安格斯牛肉($288/細)，牛肉擺盤好有霸氣，啲乾冰先聲奪人，打卡一流😎。呢度有幾款牛肉揀，安格斯呢款算係較平，🐮不過牛肉味都好重，脂肪紋理分佈平均，但略嫌細塊咗啲，一次過食兩塊先夠喉。滾得囍宮廷手打丸拼盤($138)，🍢一客有五款，每款兩粒，款式包括墨汁墨魚丸、芝心牛肉丸、菠菜豬肉丸、珍珠帶子墨魚丸以及黑松露野菌鮮蝦丸，當中有幾款味道比較相似，但同樣食得出係真材實料，例如爽口墨魚同蝦肉🦐。滾得囍蔬菜拼盤($78)，佢應該叫蔬菜籃先至啱🥦，大大