滔滔甜品

营业中

休息中

唔知由幾時開始甜品鋪愈開愈多，亦愈賣愈貴，分分鐘貴過一個午餐，有時反璞歸真食返最傳統既糖水先至最享受！一個人口癢想食下甜野，可能時間尚早，所以鋪頭入面無咩人，唔洗等位好似包場咁，坐得特別舒服黎到糖水鋪，識得食一定係食陳皮紅豆沙，少尐火喉都煲唔到粒粒紅豆起沙。而黎度既紅豆沙唔會太杰或者太稀，食落仲有淡淡既陳皮香添，火喉十足，食完我仲外賣多碗孝敬母親而家黎個百物騰貴的時勢，$17一碗紅豆沙仲要廿蚊有找，絕對係超水準之作！

終於有時間堂食, 平時只可以外賣, 因為有時人太多, 所以多數買返屋企食。。。食咁多元朗糖水鋪, 真心覺得呢間係有用心製作, 足料而且絕對唔係渣流灘話說我媽對芝士麻, 合桃糊係相當有要求, 因為佢覺得有時出面個d係開粉有晚專登買一碗佢食, 佢話又香又滑所以昨晚我帶班朋友去試, 一行四人叫左芝麻糊+花生湯丸腐竹馬碲清心丸 (係我最愛, 夏天食, 簡直就透心涼)木瓜雪耳燉桃膠 (木瓜大大舊, 雪耳多都瀉, 桃膠又多, 比起燕窩, 桃膠又平, 而且功效又差唔多, 所以我都鐘意食, 呢個冬天食一流, 滋潤養顏)用有岩岩新出左個甜品, 但唔記得個名, 但裡面有豆花, 芋圓, 紫薯西米, 仲有愛玉。。等等完全唔會太甜, 合到好處。。所以我都不是去食加上我覺得外賣比堂食較大碗, 所以多數外賣返家食。。。而且都唔算貴, 平均$2x- 3x視孚你加唔加其他野落碗糖水到當然口味既野係好個人。。但我係元朗食糖水既, 暫時我都只係覺得呢間係最好。。最真材實料。。所以推介比大家。。。

傳聞元朗多野食，難得放假一於直入元朗尋找美食之旅。其實一早就想試下呢間滔滔甜品，網上評價好壞參半，不過有好多野唔親自試過係唔會知結果。門面裝飾都幾別緻，有種懷舊既感覺，迫迫地但都算舒適。 糖水種類都幾多選擇，除左部分家常既糖水，仲有D廣東人唔常見既潮式糖水。腐竹煲到綿綿柔柔，入口滑順，馬蹄粒就幾爽口再加錢加尐芋圓同清心丸，成碗糖水超豐富，口感十足！芝麻糊都唔錯，幾香滑，湯圓一咬開入面既涵會爆出黎，真材實料。整體而言，以中式糖水黎講，滔滔算係中上水準！

係元朗食完飯，行左一陣，覺得應該要食埋個糖水先至夠滿足，經過見到一間坐到出門口嘅糖水鋪，八掛嘅我，就走左過去睇下😂呢間糖水鋪主要食中式糖水，裝修都好有懷舊香港風，我見到人食，好似幾吸引，我都入左去整返碗餐牌我就叫左腐竹馬蹄清心丸，係潮式糖水黎，清心丸好有咬口，糖水好香好甜，馬蹄好爽口，另外仲加左我最中意食嘅芋圓同地瓜圓，好淋，都幾好食我男朋友就叫左木瓜雪耳燉桃膠，好補😂木瓜好甜，好多料，桃膠我男朋友話未食過，所以先叫黎試下，佢話好好食，好爽口，好少糖水有得食整體來說，呢間糖水鋪d糖水唔錯，有時食中式糖水都幾好，好暖胃！

上個週末到元朗探望友人， 知道元朗好多好嘢食，順便周圍大吃大喝一番。元朗的糖水和大粒壽司都很出名。 今次食完晚飯後我們選了這間糖水店。 感覺他的糖水很滋陰滋潤和補身。這家糖水大大碗、 也很好吃。這個是芝麻糊。 做得很濃稠，不像出面水水的。有時外面吃到的還真像包裝好的即沖芝麻糊。這家的芝麻味很充足!另外，朋友嗌了一碗綠豆沙，也是很濃稠很傑的。 不是水水的的那些。 感覺很有份量，很足料。贊👍我們整台人一人一碗， 吃得飽飽的 除了b仔涼粉外，這也是一個糖水落腳點的選擇

元朗 - 是很多小店開鋪作業小試牛刀的起跳試點，因而有不少甜品小店相繼湧現，其中一間就是人氣店 - 滔滔甜品。 傳媒的力量可真強大，小店經報導過後引來不少前來朝聖的食客，每晚都躋滿門外，叫我這元朗人想試也有點卻步，待人潮稍緩和後，終於機會來了。位置不難找，就在廚師發辦的鮨店旁，門外大大個招牌，門內行走7、80年代的懷舊風裝修。 賣的是地道不過的港式糖水: 芝麻糊、紅豆沙、西米露、涼粉、清心丸、綠豆爽等。其中一款叫雜崩冷，令人生好奇，詢問之下原來即是糖水版的廚師發辦，內容會因應當日的材料製作，而且每次都會不一樣，可說是碗碗不同。價錢方面是經濟實惠，由十多元起跳，切合地區的定位。 很多人為芋圓、地瓜圓而來，可惜自己對這小丸子不太情有獨鍾，反而傳統港式糖水、養生甜品是這趟的首選取向。核桃拼芝麻糊 $24標榜是自家磨製的芝麻糊跟核桃糊，非開粉煮成，於是來個兩溝的滿足。質感雖非厚身濃稠，口感卻是滑溜。 芝麻經炒過，一抹芝麻的淡香，稍稍欠缺點油潤感和細膩，反而核桃味道相比下較濃較突出，淡淡的微甜傳統組合。 流心花生湯丸 $18加配湯丸只有兩粒不夠滿足，於是另外再來碗流心湯丸。 以薑汁作底，

天氣乾燥就想食D糖水潤潤喉嚨！呢間糖水鋪係元朗開左都一段時間，令次終於可以去會會佢。入到鋪頭睇睇menu，主打中式、潮式既糖水，聽朋友講呢度既清心丸同芋圓幾好食，掙扎左陣決定叫個新產品小菊黑木耳燉雪梨潤潤佢！價錢黎講真係唔貴，糖水有淡淡既菊花香，而燉雪梨亦好清潤，再加埋黑木耳，有益爽口又補血，最適合女性既秋冬天食呀！再叫多碗熱腐竹馬蹄露加蓮子，好多料馬蹄好清甜好爽口，而腐竹又好幼滑，再加埋薏米同埋蓮子，share食都覺得好好飽肚。

元朗見到滔滔裝飾到古色古香，中式糖水應該好穩陣吧！我哋兩個人都係鍾意本質香同清既糖水，當然滋潤埋皮膚就更唔錯啦！就係咁既原因就揀咗呢排好興既桃膠，桃膠腐竹馬蹄露同石磨芝麻糊加湯圓。桃膠嘅口感其實就唔係滑嘅，但係聽到佢對皮膚咁好而又唔係啲貴價嘅食材，所以係好抵食好有益。碗裏面都有不少桃膠！ 腐竹馬蹄露係非常之清熱同清爽嘅， 前排做節食咁多熱氣嘢同埋肥膩食物，飲呢一個糖水係好舒服，好合適。芝麻糊都唔錯，見到石磨呢兩隻字就知認真！食落確係好香，湯圓都好煙韌，湯圓裏面會日日唔同餡料，咁啱今次都係芝麻，真係潤到入腸！👍

今天入元朗，剛好來到這邊的遊樂場，好讓小米放電。瘋狂玩樂過後，順便在遊樂場隔離的甜品店稍作休息。而這家店門及裝潢很特別，所以選擇這家。就坐後，細看枱面餐牌，還有這白紙黑字的啟示：芝麻糊及核桃糊的標準及如何鑑別品質。就點這二款，一試便知龍與鳳。如果自己跟小米之父都選擇核桃拼芝麻糊：24元 X 2碗 = HKD 48。　　而每款各單點一碗 : 20+22 = HKD 42，計落抵左！　　　　石磨芝麻糊　　　黑芝麻，黑色入腎經。藥補不如食補，為保頂上的頭毛，我倆在飲食上會多加注意養髮的食物。自己曾經在家製作芝麻糊，但是清洗芝麻這一步十分麻煩。細細粒黑芝麻，足以搞到一鑊泡。所以早已放棄在家煮芝麻糊，寧願光顧甜品店，慳水慳力。　先不說店家的標準，自己也有一套標準：夠濃郁，要有芝麻味，最重要不能太甜。就來看看這碗芝麻糊是否出類拔萃。　　　嗅覺：一上枱就感到陣陣的芝麻香味。　　手感：拉出來，可成絲。芝麻糊流動速度慢，証明夠濃度高，夠杰身。視覺：　黑芝麻糊呈灰黑色，因為有白米來起糊，達到托白的效果，令到糊身灰黑色，不再是單純黑芝麻的黑色了。　而掛邊可反映其濃度。以白匙沾上芝麻糊，其透白度就跟濃度成反比

話說小妹去呢間甜品店嘅時候正值啱啱營業嘅階段，門外逼滿晒人，因傳統中式甜品捧場客唔少，加上啱啱入秋，自然客似雲來。不過呢間甜品店嘅甜品風頭勁，但味道真係好一般，睇到呢度你可能會問：「咁你又介紹？」我只可以話，唔一定好食先介紹，唔好食都可以同大家分享，等大家決定試唔試，明將夠劣食啦，咪有一大班人去以身試法出文分享。講番轉頭，呢間甜品店嘅甜品偏淡，好似唔係好落糖咁，製作亦偏向簡單，好似碗「滔滔雜崩冷」（$28），雖然料多，咩都有啲，但係味道堅係淡，啲料好似用水白烚咁，頗為失望。而主打「桑寄生蓮子蛋茶」（$20），我Prefer主打應該有啲料到，但飲落得桑寄生味濃郁，蓮子煲得唔夠腍，蛋似係臨上枱先擺入糖水度，唔夠入味。小妹食過源記嘅桑寄生蓮子蛋茶，蓮子煲得香腍，蛋入味香甜，桑寄生茶香濃順喉，認真一試難忘，睇嚟甜品店想做出完美嘅中式甜品，要再進修一下喇！

某夜路過元朗紅van站附近嘅橫街， 見到呢間《滔滔甜品》門口外坐滿客人， 可能係近排天氣凍嘅關係， 見到每個食客手上都捧著熱騰騰的甜品， 非常暖心。翌日和家人再經過此處，見時間尚早，唔使排隊， 就梗係要返碗熱辣辣嘅甜品暖下身啦～呢間中式甜品鋪採用咗老香港嘅設計， 帶出香港情懷。我就叫咗碗【蛋白杏仁茶湯圓】$31， 雪白嘅杏仁茶望落已經知道非常濃稠， 一啲都唔水汪汪， 一口呷下， 再細緻品嚐， 哪種杏仁香氣揮之不散。 而且蛋白杏仁茶亦非常足料， 蛋白夠多， 養顏之餘亦非常有營養， 啱曬貪靚嘅女士。至於老豆就叫咗碗【桃膠腐竹馬蹄露加清心丸】$29+$5， 腐竹加馬蹄露夠晒清熱又潤喉。最喜歡有粒粒的馬蹄碎，吃起來有點質感， 咬落有夠爽口， 而且味道又唔會太甜， 加埋口感煙韌嘅清心丸， 同埋堪稱平民燕窩嘅桃膠， 口感夠曬Q。最後媽子叫咗碗 【石磨合桃糊湯圓】$29， 合桃糊最能健腦補腎， 每口都充滿合桃香。 合桃磨得夠細膩， 入口非常滑溜， 吃落順喉又順胃。 合桃露裏面嘅湯丸係芝麻湯圓， 芝麻餡料夠流心， 假如湯圓烹調時間短一些， 相信湯圓皮會更加有嚼口。每碗中式糖水都可為製作用心， 難怪每晚

📍HongKong🇭🇰#兔吃甜品🍨滔滔雜崩冷($28)▪️為左有口感嘅配料特登泥試🤩依個雜崩冷係師傅freestyle發板🤟有乜配料真係泥到先會知，本身都預定要加芋圓 清心丸，點知泥到眼前，有晒我想食個d🤭😋-傳統嘅椰汁花奶底，其實我就覺得淡味左d😂純粹有d水濕潤下d配料咁，等食落無咁dry。-配料有芋圓🍠地瓜圓，清心丸，涼粉，蘭香子，蓮子，雪耳，薏米，桃膠，芒果🍋西瓜🍉芋圓地瓜圓口感唔夠煙韌，偏硬，味道都淡，不過𡁻落嗒真d，都有少少香芋味🙊-桃膠其實就未食過，口感滑溜帶少少爽口，不過無乜味道可言🤔-清心丸就最煙韌彈牙😋好好𡁻👍蓮子薏米增加軟腍嘅顆粒口感😲仲有蘭香子脆卜卜口感🍉西瓜普通，芒果就好酸🤢-總括而言幾普通，但會呃到好多選擇困難嘅人去試🤣另一款中式糖水有驚喜！遲下介紹🤭💕🧡木瓜雪耳燉桃膠($29)▪️本身想食凍，話暫時未有，叫左熱嘅，反而覺得仲好食🤤用熱盅裝住，食到個人暖笠笠。木瓜夠多又大件，雪耳多到食淨左舊🤣軟腍爽口，足料！湯水味道天然清甜，不會甜得過火，配搭桃膠和另加清心丸(+$5)更有口感🤤熱嘅清心丸更煙韌！.....#japan #tokyo #tokyofood#wwhk

元朗糖水鋪林立，要殺出重圍唔容易，當西、日式甜點大行其道時，傳統中式糖水依然有佢既存在價值！呢個新開無耐既滔滔甜品以懷舊為主，裝修充滿90年代涼茶鋪既感覺，售賣既都係家常糖水。中式糖水無咩花巧野，最講真材實料。呢個芝麻糊好香濃，都幾杰，唔會水汪汪，又唔會太甜，食完成碗都唔會好膩。湯圓就不過不失，都算幾QQ!紅豆沙食得出比左好多火喉去煲，紅豆起哂沙，有少少陳皮既香味，而手工芋圓都唔錯，Q軟煙韌，幾有咬感，加落紅豆沙都幾match 。芒果黑珍珠都唔錯，可惜芒果唔係當造季節，所以唔係好甜。總括而言，如果晚飯後唔想又哂幾十蚊食個心太軟呀窩夫之類，可以平平地食下中式糖水，好有意外之喜。

同家人晚飯後想食甜品，行去b仔途中發現左呢間糖水舖，見幾多人食應該唔伏啩，就行堆去等位啦。見到店內位置都比較逼，幸好門口唔大風，所以寧願坐出面。人多位少，都係搭枱啦，但我覺得店員比較亂，同枱客人落完單，又再問佢地要唔要落單，然後我地一直叫落單就叫我地等陣，之後就一去不返。直到同枱客人嘅食都上齊，原來要即刻俾埋錢，先再招呼我地，搞到呆坐左好耐。睇返餐牌其實算平，而且新舊款嘅中式甜品都有，選擇多，係吸引嘅。我地叫左桃膠腐竹馬蹄露、石磨芝麻糊同芝麻湯丸。先講桃膠馬蹄露，好足料、好清甜、份量又多，腐竹馬蹄露個底煲得好靚，濃稠適中，食到馬蹄嘅爽甜，又有腐竹嘅黏膩，是抵讚的！芝麻糊一上枱出晒煙，但原來係暖嘅，出煙可能只係因為果晚得6度溫差太大，食落去，甚至摸落個碗都只係暖。通知店員，佢話做過另一碗俾我，等多幾分鐘就有，但第二碗都只係暖，我都無謂搞貢多野，照食啦。芝麻糊有石磨效果，食落有少少起沙，唔太甜，味道同質感係唔錯，只係唔夠熱啫。另外加左一碗淨湯丸（芝麻餡），呢個就夠驚喜喇，餡料爆多，最正係個薑湯底，真係好濃嘅薑味，微辣帶甜，呢個季節飲到呢個湯底，真係唔食湯丸都抵呀！

<元朗中式糖水好選擇>😃元朗食完晚飯 相信好多人會食個甜品或者糖水就會更滿足😃 呢間稻稻甜品雖然細間 但環境裝修都別樹一格 充滿香港特色 食既係中式糖水 感覺好傳統👍🏻🍴木瓜雪耳燉桃膠加清心丸 熱 29 +5 蚊🍡落足料既中式糖水 木瓜好香甜 雪耳同桃脹煲得夠爽口😆 加埋煙靭既清心丸 糖水夠哂清甜 同有口感 冬天飲最正 好味😍🍴鮮雜果黑珍珠 30 蚊 加雪糕 8 蚊🍨糖水既甜度適中 充滿住生果 有西瓜 蜜瓜 芒果等等🍉🍈 夠哂鮮甜 加d花奶都幾香滑 而雪糕就係雲利拿味 半溶甘連埋糖水食仲正🍨Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻~~~~~~~~~~~~~Address地址#滔滔甜品元朗康樂路8 號康樂廣場地下9 號鋪~~~~~~~~~~~~~