滔滔甜品

营业中

休息中

向來元朗都係出名好多野食呀啦，星期日無野做就黎左玩朗黎左個美食之旅。第一站就係滔滔甜品。大家唔好睇佢咁有老香港味既裝修，其實好多野食都係台灣風味。先黎一個愛玉仙草凍，感覺好清新，而且仲感覺到有落足料去整。加上唔會好似出面果啲舖頭咁得個甜字。 所以夏天食都幾爽既。最尾就係叁元豆花，呢味甜品仲可以自選加多一樣配料，而我就揀左愛玉啦。黎到個樣就非常之靚。先講個豆花，豆味就唔算好濃，但係都幾滑下，不過就略略甜左少少。珍珠軟熟，地瓜圓就比出面既煙韌，不過唔會太難咬開。我諗係佢地新鮮整既關係。愛玉就無咩特別啦。

這天跟男朋友買完東西，吃過晚飯後，口痕想吃甜品。英文字母開頭的甜品店早已吃膩，男友提議不如試新野，地圖的帶領下，就來到了這家滔滔甜品。平日門前外面應該大排筵席，但當日下雨，就只剩下一張戶外木枱。店內空間不算大，約有4張4人枱。門口放有不少懷舊的擺設，有老香港的懷舊特色。男友點了芒果黑珍珠，特別想讚一讚椰奶，可能是加入了淡奶，租品有很濃的椰香但不會太膩，很好喝，令浸著椰奶的芒果也變得香甜起來，黑珍珠也係甜品提供了口感。我點了叄元豆花，這個很特別。甜品是豆花底，上面加了不同的材料，包括芋圓，地瓜圓，黑糖珍珠，紫薯西米，芒果（自選）。豆腐花底很香滑，芋圓就好好咬口，煙煙韌韌，紫薯西米又細細粒粒...總之，每種食材味道不一，而且口感各異，一碗甜品內百花齊放。一個甜品的價錢，可以吃齊六種的材料，哈哈本小姐覺得挺滿足的！

滔滔甜品基本上是我們元朗之友經常到訪的糖水，因為它便宜得來，味道也不錯，有傳統的亦有新式的，不愁沒有選擇，所以我們掃街完畢又來這裡吃碗糖水。朋友先點上木瓜雪耳燉海底椰，她說她很熱，不等我們呢。木瓜雪耳燉海底椰益氣清腸，滋陰潤肺，雪耳爽口，海底椰滑彈，木瓜清甜軟腍，冰冰涼涼，最適合最近看世界盃「挨夜」的朋友吃，下火一番。鮮雜果西米露包括椰果，西瓜，蜜瓜與芒果，本身的椰汁已經很香，再加上鮮雜果的香甜融入椰汁當中，西米露在椰汁裡盡顯晶瑩感，盡管鮮雜果西米露是一道簡單的糖水，卻仍有它的捧場客。叁元豆花看起來配料很豐富，有紫薯西米，芋圓，地瓜圓，黑糖珍珠及香草雪糕。舌頭一頂豆花立即化開，還不錯吃。另外黑糖珍珠嚼起來挺有顆粒感，紫薯西米則較軟綿，地瓜圓和芋圓帶點微微彈性，頗有香氣，讓人再三回味。

好q嬲 好q嬲 難得去食糖水 點知 好似畀人搵左笨 從未試過禁難食既湯水 一定要寫食評 希望大家千其唔好中伏 一心唸住搵芋圓食 點知呢 以為有驚喜啦 點知啲芋圓硬到呢 一啲煙韌都冇 禁就食西米啦 點知仲衰 啲西米林到 一含就溶 畀阿婆食咩 唔知個廚師有冇試下先畀客食 一啲質素都冇 做生意唔係一堆垃圾 求其放上枱畀客食敷衍左就得囉 禁樣遲早都執 我唔會再去食 亦都會叫朋友唔好去 太冇誠意了 希望你會有所改善啦 而家禁多競爭既年代 你繼續生存到多幾年我話你好野 😡

近期聽朋友講元朗有間甜水店有賣芋圓甜水，作為芋圓FAN既我，就搵日同朋友過黎原來佢開左起安娜餐廳旁邊，真的好方便。因為附近好多餐廳，食完都可以慢慢散步過去食碗甜水先走睇返個價目表，價錢平到不得了比起傳統BB涼粉店，個價錢已經好吸引，最初以為咁平會好細碗，但事實係喜出望外見到我個芋圓MENU......好豐富呀...仲可以自選香草雪糕、紅豆、愛玉、芒果內部環境也裝修得好有舊時代的佈置好有FEEL....我同朋友都分別叫左芋圓，一個係香草雪糕，一個係芒果芒果既份量比想像中的多，不像普通配料咁得兩三塊就算，已經滿滿的紫色的西米露同黑珍珠就一半一半比例佔據左碗底芋圓份量也不少，有十幾粒，仲要好有咬勁，比起康瑞XX也不錯因為好軟綿，不會太硬，所以好好咬看到吧~~~自覺揀芒果好低食，除左芋圓外，黑珍珠都好正因為同珍珠奶茶既珍珠一樣整得時間岩岩好，同埋無痴埋一團比起飲珍珠奶茶，應該呢個無咁肥膩又濟香草雪糕就另一種透心涼.....好解熱貪食既我地，雖然覺得好飽，但難得一場黎到點都要食多一碗....朋友就揀左雜果西米露，雜果固然一樣的豐富，有西瓜、蜜瓜、芒果、椰果西米露同樣的無痴埋架我就揀左香草雪糕黑珍

今日黎左伊間懷舊傳統裝修嘅糖水舖，佢以中式糖水為主，例如比較少有嘅桃膠同埋潮式嘅清心丸，再加上台式既芋圓。今日我點左清心丸配綠豆爽外賣番屋企食 ，係十分清爽嘅選擇，清心丸煙煙靭靱好有咬口，糖水底十分之清爽唔算太甜，仲有粒粒去皮既綠豆，同我地一般食開嘅綠豆沙既綠豆唔同，另外我仲加咗芋圓，仲有好多其他嘅配料可以自由加落去，夏天食十分解暑。

男女小編有時去會去下元朗食飯😎食飽之後就嚟到呢間好似新開嘅甜品店試下🤤🤣.#叁元豆花 ($33)😋好味指數：(6.5/10)豆花、芋圓、地瓜圓、黑糖珍珠同紫薯西米😆另外香草雪糕、愛玉、紅豆、芒果可以揀一樣🤔今次就揀咗朱古力雪糕因為冇香草味🤔建議唔好揀朱古力雪糕因為加埋其他材料一齊食都幾甜下😭芋圓同地瓜圓都幾香，食到芋頭同地瓜嘅味道，咬落去煙煙韌韌咁🤔紫薯西米同黑糖珍珠嘅份量都幾多，食落去都幾飽🤣如果作為飯後糖水女仔真係未必食得晒🤔#芒果西米露 ($26)😋好味指數：(7/10)雪糕 +$8碗野裡面超足料😆差唔多啖啖都有好多芒果，食落好甜又冇渣😍👍🏼而且唔會話加好多花奶，令到碗野變到好甜😎另外今次都追加咗朱古力雪糕，一齊食果陣又唔會太甜，又唔會遮住本身甜品嘅味道🤤所以值得一試😗

最近愈來愈多特色餐廳🍴今日食嘅滔滔甜品都好有特色聽講呢係中式甜品為主用綠紅色做主調，以為係西瓜🍉水果店噢！原來唔係綠紅都可以係香港嘅顏色亦都可以係代表屋邨嘅顏色叫咗個黑芝麻糊加湯圓、木瓜雪耳環境好有中式風，懷舊木凳、仲有紅色cushion睇到menu全部都係中式舊糖水，有老香港嘅感覺有別於而家一般嘅甜品店，冇抹茶、紫薯、芝士乜乜乜有嘅係黑芝麻、木瓜、海底椰等等木瓜雪耳糖水20零蚊有個睇落細細盅嘅甜品但係飯後食就夠曬好足料啊，木瓜雪耳大大舊而我碗黑芝麻湯圓用戰鬥碗裝住而家呢啲碗已經買少見少黑芝麻完全好滑，冇渣可言配埋2粒大大嘅湯圓，好滿足啊推薦比鐘意食中式糖水嘅你

係鐘聲球場隔離，就會搵到滔滔甜品，店入面係充滿住懷舊既氣息，由裝修到枱櫈擺切，餐廳都一絲不苟枱上面清楚睇到甜品餐牌連個餐牌都係有濃厚既復古風先黎個傳統糖水，入面有幾粒湯丸，芝麻味尚算濃，如果湯丸可以再煙韌d就好喇呢個就鋪滿桃膠，係美容界近期興起一種食材，據稱滋陰養顏，功效可媲美貴價的燕窩、花膠桃膠含有非常豐富的植物性膠原蛋白，具嫩滑肌膚及增加皮膚彈性效果，兼通血脂降膽固醇，難怪廣受 OL 歡迎而且木瓜又夠哂甜正呢碗甜品就包羅萬有，一次過滿足左好貪心既我有豆腐花、淡紫色既芋圓、橙黃色既地瓜圓、黑糖珍珠、紫薯西米，最後我仲揀左個香草雪糕，$33蚊已經有多款食材，真係物超所值！入口即融既豆花，豆香味十足，一d豆腥味都冇，芋圓同地瓜圓比較偏軟，但仍有口感，亦帶有淡淡的香氣加埋有咬口既珍珠同消暑既雪糕，真係好透心涼架另一碗就揀甜入心既芒果呢款就較為清甜滋潤第一次食清心丸，原來佢係透明狀、煙煙unun咁一顆顆嬌小既西米露係碗入面發出晶瑩剔透的光澤，上面仲有西瓜、椰果、芒果、哈蜜瓜添而呢度既仙草凍即係涼粉，但唔係切成一粒粒，而係成舊碗形既涼粉，食落係非常滑架

入開元朗食糖水嘅人，通常都會去近大坑渠附近，或者又新街果邊嘅糖水店，而今次我食呢間甜品雖然名氣冇果2間咁大，但其知名度喺區內亦都好高，其一可能係舖頭隔離就係一間享負盛名而且歷史悠久嘅扒房，其二就係呢間舖嘅竽圓同埋地瓜圓做得相當出色，所以吸引左飲食雜誌來介紹。餐廳採用嘅係懷舊式嘅裝修三元豆花--- 有芒果、竽圓、 地瓜圓、紫薯西米同埋黑糖珍珠，而下面就係滑溜溜嘅豆腐花，竽圓同地瓜圓一如以往咁好咬而且充滿竽頭同蕃薯味，而豆腐花嘅甜味就係由黑糖珍珠嘅黑糖所賦予嘅，所以食到最後依然會食啖啖黑糖味腐竹馬蹄清心丸--- 起初我以為清心丸係圓形，結果黎到先知原來左手邊果粒正方形嘅就係清心丸咬落煙煙韌韌，唔錯雜果西米露有好多好多生果，西米煮得軟硬度適中，係一個好好嘅甜品配搭木瓜雪耳燉桃膠好足料，桃膠不會燉得過腍，食落滑溜嘅口感，輕輕一吸就可以將桃膠吞落去，再配埋爽口嘅雪耳，正!

一入到滔滔甜品, 就完全畀佢呢個招牌甜品吸引住。 一碗叁元豆花就集合咗豆腐花、芋圓 、地瓜圓 、黑糖珍珠 、紫薯西米於一身, 仲可以按個人喜好選擇香草雪糕 / 愛玉 / 紅豆 / 芒果其中一款。咁熱嘅天氣就梗係揀雪糕啦！不得了！實物比圖片更澎湃！食兩啖滑捋捋嘅豆腐花 & 西米, 又可以咬下Q彈煙靭嘅芋圓 & 珍珠, 梅花間竹咁食, 夠曬過癮。 感覺就好似一次過食咗幾款甜品咁, 食完超滿足。仲只係$33, 實在抵食得過份。自家磨製嘅核桃糊質感已經贏曬啦！食落又綿又滑, 非常濃稠, 完全無渣。甜度亦恰到好處, 如果核桃味濃一點一定更好食。美中不足係湯圓似乎有點煮過咗龍, 未入口花生餡已經漏出。

最近被朋友相約於這家滔滔吃甜品，這家小店提供的甜品價格相宜，種類繁多，而患有選擇困難的我，便選擇了大雜燴！！！！！！在香港很難找到出售芋圓的甜品店，而這家店正正提供了。一碗三十多元的甜品包括了芋圓、地瓜圓、珍珠、紫米露、芒果和椰汁匯集了所有我最喜愛的台式丸子🍡和水果！芋圓煙煙un un 有芋頭味，珍珠彈牙而且具有咬口，新鮮的芒果也是甜甜的。如果不喜歡芒果也可以轉作雪糕或愛玉等等的素材，配搭任君挑選。

近來天氣熱得可憐，長時間汗流狹背實在太煎熬！下班後要到元朗辦事，見有一段時間沒有來，索性隨意走走，去食去飲自己喜愛的！這間甜品店裝潢頗具特色，於是一試！選擇大眾化，是大路的中式及養生糖水為主。不過，其叄元豆化很吸引我，材料本身有五款，若嫌不足，亦可加右邊四款的配料。叄元豆化 - 果然沒有叫錯。賣相豐富不碗裡面有滿滿的配料如豆腐花、地瓜圓、芋圓、黑糖珍珠及紫薯西米 ，另追加一份芒果及一球雲呢嗱雪糕。地瓜圓及芋圓煙韌QQ，芒果新鮮清甜，紫薯西米顆顆晶瑩，雪糕奶味重，香滑之餘亦挺耐溶。

今日同朋友去咗元朗打波 打完之後個人好言熱 行過一間糖水鋪 就想試下冰凍嘅甜品 我哋就叫咗一個 豆腐花嘅甜品 價值33蚊 有豆腐花 芋圓 地瓜圓 黑糖珍珠 紫薯西米 仲有芒果 嘩 簡直真係非常之透心涼 紫薯西米有西米味之餘 仲有淡淡嘅紫薯味 而呢一款甜品最有特色嘅就係 芒果同埋香芋圓 因為口感非常之煙韌 而且搭配朱古力雪糕 除咗透心涼之餘 仲好甜到入心 正呀跟住朋友就叫咗一個木瓜雪耳燉桃膠 桃膠相信有食開糖水嘅朋友都應該會聽過 呢度嘅桃膠煲得非常之林滑 而且入口即溶 非常之好味 淡淡嘅甜味融入喺雪耳 令到雪耳都有甜甜地嘅清香味道 而木瓜嘅果香味 亦都令到成碗甜品層次分明總括而言呢兩款甜品都算係非常之一流嘅

早排入左元朗揾閨蜜交收，之後佢帶左我去一間好受歡迎的糖水舖食糖水。餐廳好多有咬口的糖水，啱晒我呢D口㾗的人。一見到叁元豆花就知佢會成為我的胃中物！大家可以按大家的喜好，配撘雲尼拿雪糕/愛玉/紅豆/芒果。我最終點左一份叁元豆花加紅豆，份量大之餘，顏色仲非常豐富令到胃口大開！豆花口感好滑，與黑珍珠、紫薯西米夾埋食，好有口感。另外，入面仲有好煙韌彈牙的芋丸及蕃薯丸，我好鍾意呢個甜品，下次黎一定encore。另外，朋友仔見左碗清心丸配綠豆爽，另加海底椰。味道唔算太甜，而且入面的配料又夠多，好抵食！==============================鍾意我的分享的，我邀請你訂閲我的食評，我會繼續與大家繼續吃掉世界，甚至吃掉整個宇宙！(哈哈)