滔滔甜品

营业中

休息中

係元朗食飯，除左掃街之外 仲有好多好好味既小店，係食完飯打算行去輕鐵站附近搭車 見到呢間甜品店好人山人海， 看看身邊人，腳就自動走去人群中等候 這間同樣是有點懷舊裝修的， 以舊有的香港生活設計， 是否近年也喜歡這樣的裝修及懷舊嗎? 不過裝修係點唔係最重要，最重要究竟d 糖水 好唔好食先?會唔會都係得個樣咁簡單? 唔曬口水，直接去呢間滔滔甜品睇下先 當我以為又係個啲好西式化 或者係比較創新特別既甜品 但係呢個懷舊裝修既滔滔甜品入面 主打既甜品都係以番中式既糖水主， 其實我自己最愛仍然係薑汁撞奶,杏仁燉蛋白等等 不過西米露仍然是我兒時及現在最喜愛的甜品之一啦 唔知你地喜歡咩甜品呢? 本身我已決定點上呢個木瓜雪耳燉桃膠 爸爸就見到好多人都有點上呢個叁元豆花 所以佢都決意試一下呢個大雜匯 仲可以另外揀多一款配料 有香草雪糕，愛玉，紅豆及芒果 本身我地係打算堂食的，不過GOGO 在糖水剛到的時候 就剛好睡醒了，然大瘋狂的爆喊 為免影響左旁邊既客人(你也是媽媽的就會懂) 所以就打包回家再吃吧，今次呢個 叁元豆花 真心最估佢唔到又最足料又壬重口感 打開後，見到有配料芒果,黑燸米,西米 另外仲有

很少入元朗，今日去搵個friend 拎野，食完飯例牌去食下糖水呢間滔滔甜品好似好多人等，不仿試下                            等左無耐有位，原來入面裝修咁正，好懷舊feel ~好有以前香港特色，店主很有心思食埋傳統糖水更加perfect ~腐竹馬蹄清心丸 $27腐竹馬蹄清心丸 夏天飲fit哂！鮮美爽口的馬蹄配上腐竹，是美味加營養呢!糖水的甜度剛剛好, 仲有粒粒都好有口感的清心丸，真係好好飲~推介

今日同朋友在元朗食完飯，梗係唔想咁早散水，仲想有野吹呀，當然食糖水係不二之選~呢間滔滔甜品有懷舊的裝修，充滿特色的地道情懷，坐得又舒服呢~                               個人特別推介呢款腐竹馬蹄清心丸 $27腐竹有非常高的營養價值，而馬蹄亦非常新鮮且美味可口，這款糖水的配搭絕對是佳品，夏天飲非常好！糖水的甜度適中。very good ~粒粒馬蹄!正       入面仲有好多清心丸，很有口感呢~

經常將keep fit 排在咀邊卻沒有行動，曾經戒甜一星期的確瘦了幾磅，不過食返甜又重返呀~所以繼續食甜品吧，不要怕~今日拉左個朋友黎呢度食甜品，呢間裝修有些傳統feel , 食番傳統野先-陳皮紅豆沙，紅豆勁多呢，香噴噴的陳皮味超正!甜而不膩，正合胃口。我朋友叫咗碗蛋白杏仁茶湯圓, 雪白色的嘅杏仁茶，很濃郁呢， 香滑的杏仁味加上足料的蛋白， 非常吸引，非常有營養價值呢，朋友好like, 亦係我至愛之一呢。

今天是母親節，我家都沒大肆慶祝，主要數天前已和媽媽吃過晚飯，加上媽媽不愛鋪張，所以今晚我們只是吃碗糖水，齊齊極整，簡簡單單在一起，媽媽就心滿意足了。今晚天氣實在太熱，我們抵受不了如此高溫，四個一律吃凍的糖水，消暑解熱嘛。鮮雜果仙草凍西瓜，蜜瓜清爽微甜，芒果新鮮香甜，搭配花奶嫩滑的仙草凍，真的入口即化，心情爽透。蓮子雪耳清心丸澄澈的甜湯是以冰糖煮成，清甜不膩，雪白半透的清心丸具彈性，蓮子軟軟的很好入口，雪耳有夠爽口，整碗糖水口感十分豐富，滋味清爽，每次我來滔滔甜品都要吃這就知它多滋潤。桃膠腐竹馬蹄露最大魅力所在在於晶瑩爽滑的桃膠那養顏的膠質，搭配清潤的腐竹甜湯及脆甜馬蹄，多重滋味及口感，吃完後不得不說大滿足。弟弟的叁元豆花最吸精，色彩繽紛，集合豆腐花，地瓜圓，黑糖珍珠，紫薯西米，芋圓，香草雪糕，再加入香醇的花奶，應有盡有，滿滿的一整碗。一碗豆腐花嚐出香，濃，滑，彈，軟，綿，甜，豐富的配料令弟弟大呼過癮，每一口都有不同的驚喜。

今日一條友行街，突然想食芋圓，就去左之前朋友介紹既滔滔甜品。入到去俾個叁元豆花吸引左，七彩顏色好豐富咁我就揀左個香草雪糕（以我食左咁多次芋圓既經驗所得，芋圓都係熱熱地既，要加冰或者雪糕就可以增加QQ口感）。碗野黎到，竟然唔係圖片只供參考，真係有好多料嫁 唔係！係大碗過幅圖！！ 先試最上既紫薯西米，冇咩紫薯味，可能放得耐左，佢地痴埋哂，有d一patpat既感覺，相反珍珠就做得好好，粒粒分明唔太甜，仲QQ添！芋圓就更加出乎預料，同台灣食到既不相伯仲，仲食得出芋頭同蕃薯味，抵讚而底下既一碗暖暖既豆花，有豆味又夠滑，但令到成碗野唔夠冷，如果雪糕可以大球番小小balance 番就正啦！

元朗依家越來越多甜品店，在舊年尾開的滔滔甜品的裝潢最令我注目今年生日有新同事妹妹請我食甜品，以答謝我在工作上的教導😇😇呢度的裝潢有懷舊感覺，令人好想入去坐吓。呢幅畫將香港特色描畫得好細緻~~~如果來影相打卡呃like真係好正。我就點咗加湯丸底的黑芝麻糊沙丸，黑芝麻勁幼滑，湯丸個餡夠甜又好食同事就點了呢個有芋圓的甜品，黃昏六點幾有唔少中學生入來都係食呢個，同事話呢個有3種丸，食落飽d又好食，望落去色彩咁豐富，突然覺得自己真係老😂😂😂呢間甜品有外賣供應，我間中都有買湯丸返屋企食架😅😅😅

元朗食糖水除左老字號，而家多左個選擇，叫滔滔甜品。平時見到星期五六日都排哂長龍，每次都只係買外賣食，今日我地搵日閒日早d過黎，坐底慢慢食。店舖坐位唔多，裝修偏向懷舊一d，甜品選擇都幾多下，可以加依樣加果樣，一次過可以食好多野呢！我自己最愛桑寄生蓮子蛋茶，今次都唔例外，因為我貪心，想加好多野，所以就走左隻蛋佢，加清心丸同桃膠，清心丸係一種潮洲野，食落似啫哩，甜甜地，口感都幾好。桑寄生甜度岩岩好，十分滋補，蓮子都唔會太粉同太生。加完兩樣野都係$32，抵食。然後朋友叫左碗咩都有嘅甜品，有豆腐花、芋圓、紫薯西米同黑糖珍珠，但我地都唔鐘意珍珠，就走珍珠加桃膠，真係想加咩都得嫁，依碗就$40 ，但好足料，食完好飽，而且甜度岩岩好，芋圓整得好好，同台灣果d差不多口感。今次元朗小店糖水堂食初體驗，感覺十分良好。好味又抵食，懷舊得黎又有d創新。

之前見到起嘉城廣場附近開咗間甜品舖，見到裝修幾特別，一路都想試試。餐廳裝修走懷舊風，入面位置唔算多，我哋果日天氣尚算涼爽所以選擇坐出面。餐牌除咗有普通港式糖水、西米露、仙草、黑珍珠外，仲有好少見的潮式糖水。男友點了個合桃拼芝麻糊，個碗好有型呀。另外仲有個新產品，有超多配料！我就揀左拼芒果，再另外加$5 加個清心丸，因為好少食所以好好奇係咩口感。實物同相一樣咁大碗，食完係超飽的。全部材料都好煙韌，岩哂我。豆花都好滑，芋圓都有芋頭同番薯味。清心丸確實幾特別，配上其他糖水都好夾。

今日同朋友去了元朗搵地方食甜品，見到呢間滔滔甜品有人排隊，於是就試下~見到入面裝修很有懷舊的風格，很特別，呢家興懷舊呀，呢個都會係吸引人黎食的賣點~看水吧那邊都很舊或的感覺呀，食住傳統糖口感覺很match我地3個人叫了3款不同糖水，潮式腐竹馬蹄露 、紅豆沙及蛋白杏仁茶湯圓馬蹄露 的粒粒馬蹄很有口感， 而且不太甜，個人不喜歡太甜的東西，這款剛剛好呀~紅豆沙煲得很夠火喉，稀杰度適中，入口有淡淡陳皮味~杏仁茶有很多香滑的 蛋白，杏仁香味濃，而且夠杰，養顏之選~

今日元朗同朋友食飯，飯後食糖水吹水點少得呢!呢間滔滔甜品的裝修走懷舊風格而且有好多傳統糖水店的甜品，款式夠多，好吸引呢腐竹馬蹄清心丸 $27腐竹合非常高的蛋白質，有健腦作用，且防止高脂血症、動脈硬化的作用，而馬蹄亦，鮮美可口，藥、食俱佳。用黎傑煲糖水絕對是佳品，夏天飲啱哂！糖水的甜度剛剛好。入面仲有好多清心丸，再加埋粒粒馬蹄，很有口感~紅豆沙$17紅豆沙是東亞各國常見的糖水甜品之一，主要材料是紅豆和糖，功效是可以清熱解毒、健脾益胃、利尿消腫、通氣除煩、脾虛水腫等。雖然材料簡單，但營養豐富。這個紅豆沙有很多很多紅豆呢，加上淡淡陳皮香，甜而不膩呢!是日很滿足呢

和契女吃完飯，由她帶路去元朗逛街，元朗比較之前多了很多人，自從西鐵開通之後，我有些朋友都搬到這裡。契女愛甜品，之前上網搜尋過，這裡的甜品好似不錯，便叫她帶路到這裡。契女要了紅豆沙，紅豆已經煲到化開了，而且加了陳皮，甜度適中。我要了小菊黑木耳燉雪梨，菊花味道濃厚，入口感覺清潤，氣管都舒服了很多，這個甜品甜度適中，是我推薦的。老公點了清心丸配綠豆爽，清心丸綠豆爽是潮州甜品，不是很多地方有得吃的，只是稍微甜了些，清心丸有嚼勁，老公非常喜歡。

今晚在主題餐廳吃完飯，因為很久沒有有來過元朗，便去元郎市中心逛逛，元朗跟之前轉變了很多，餐廳、食肆都進駐了各大街道，飯後點都要吃點甜品，在網上看到這裡是中式甜品，便決定一試。鋪面不大，只可容納十幾人，鋪外面亦可坐十幾人，剛剛店內有張吉枱，便叫了三圓豆花和桑寄生茶。桑寄生茶，味道濃郁，火侯一流，內𥚃的蓮子非常鬆化。三圓豆花有豆腐花、芋圓、地瓜圓、黑糖珍珠、紫薯西米和愛玉。愛玉是台灣的蒟蒻，帶少許檸檬味。這個三圓豆花的豆腐花非常嫩滑，至於芋圓、地瓜圓都很有嚼勁，我覺得好好味。

滔滔甜品 我是因為「滔滔」這兩個字才來的10點多來到 門口已經坐滿了人幸好室內還有位置.滔滔甜品的前身是sugar mama如果在附近住的居民 相信不難找滔滔的裝潢挺有特色走復古風 在店內還可以看到我媽那年代玩的東西作為擺設 而且店內也很乾淨.滔滔的甜品都是大家熟悉的中式糖水最為眼前一亮的是潮式糖水港式糖水屢見不鮮 潮式卻是第一次決定挑戰一番.潮式腐竹馬蹄露 $22感覺就像馬蹄羹 腐竹在糖水中絲絲分明 馬蹄不算太碎咬下去有質感 有些糖水店的馬蹄做得很碎但這樣反而失去了咬馬蹄那種脆感這個剛好 可是能再甜一點會更好吃.蓮子雪耳清心丸 $27為什麼會有薏仁 😫喝下的第一口 嘩 太甜了吧！糖水清澈 除材料外 不帶任何雜質糖水真對得起自己的名字 就只是糖加水蓮子的蓮子心已被剔除 雖然還會感到蓮心的苦但也能接受雪耳爽脆 不是軟的那種我一直搞不清楚清心丸是何方神聖吃下去就懂了 口感像芋圓 味道只有甜這個口感比芋圓更靱一點 除了甜味 什麼都沒有而且還吃到一兩顆是沒煮熟透的.其實也不過不失如果想吃傳統的中式糖水 在元朗區也有很多選擇而且價錢會比較便宜 要在平民美食區 元朗 站住腳步就要看店家功力了香港人

我無試過寫食評，我覺得我今次真係要寫下，我第一次食呢間甜品鋪，我本來好中意食清心丸，所以叫左個腐竹馬蹄清心丸外賣，點知，個d清心丸，硬到呢勁大牙力先咬到，我俾我男朋友食，佢都話好硬，係根本未熟！！我心諗，其實煮個個人有無試下味先拿出來俾人食，其實佢其他野五差，馬蹄大大粒，，但係呢個清心丸真係五食得，如果堂食，我一定會話佢，唉，食到好失望所以我寫食評，希望其他人五會中伏食左呢個...........