湘舍壹號

营业中

休息中

菜品很一般，跟價格不符。灣仔銅鑼灣有更多價格親民，更有鍋氣的湖南菜選擇. 總體來講服務不錯，但味道挺失望的, 不知為何之前評分能高。Food quality is so-so and extremely overpriced. For the same kind of quality, there are plenty alternative Hunan restaurants in the Wanchai /CWB area. Service is ok.

同屋企人去咗灣仔嘅湘舍一號食飯，店舖位於香港華美粵海酒店，環境優雅帶中西混搭風，適合商務聚會或者同朋友輕鬆享用。🥚 燒椒皮蛋皮蛋切得細滑，燒椒香氣同微辣開胃，口感豐富，作為前菜唔錯。🍲 筒子骨燉湖藕湯底濃郁，筒子骨肉香滲入軟糯湖藕，溫暖又滋補，飲落舒服。🥩 十八秒牛肉牛肉炒18秒，嫩滑多汁，調味入味，辣度適中，帶鑊氣好惹味。🍲 砂鍋虎皮豆腐豆腐外焦內嫩，砂鍋熱度令口感滑溜，配肉碎同湯汁，配搭唔錯。🥬 時令蔬菜蔬菜炒得鮮嫩，味道清甜，簡單保留原味，平衡餐點油膩感。🍞 青稞餅青稞餅軟糯帶穀物香，甜度低，配其他菜式啱啱好。🍮 紅棗燉雪耳雪耳滑潤，紅棗香甜，甜度適中，滋潤做收尾。湘舍一號嘅商務午市套餐性價比高，環境舒適，菜式有心思，係灣仔搵湘菜嘅一個好選擇。

今日去會展前有野要同同事傾， 佢帶左我去食高級午餐商務套餐， 環境優雅、菜式精緻，服務貼心，佢係華美粵海酒店入面1樓緣！ 環境特別高大！ 無論同事飯聚定客戶會面都夠體面又舒服。🍽️ 佢哋用左黑白格調為主同埋以高貴既用餐枱布， 成件事都好舒服，見到有卡位私隱度高， 仲多到可以book 包房tim。 黎到會問要飲咩茶， 我哋揀左金丝皇菊熱茶清香微甘，飲落好舒緩。燒椒皮蛋前菜微辣帶煙燻味，開胃又醒神。砂鍋虎皮豆腐外脆內嫩，豆香濃郁。冬瓜老鴨湯清甜鮮美，暖胃又滋補。十八秒生肉嫩滑多汁，肉味突出。清炒時蔬爽口清新。小米青稞餅微甜帶穀香。是日糖水甜而不膩。

《精緻湘菜盛宴🌟》———————————————-#湘舍壹號 🏮-呢間位於灣仔嘅中菜裝修典雅，座位寬敞舒適，仲有包廂好適合商務會議或者聚餐，早排同公司同事上嚟食，估唔到咁高質，服務貼心之餘賣相精緻，啱哂打卡📸-一坐低店員就先上咗一盒前菜，用個好精緻嘅盒裝住，薯片口感薄脆，食得出淡淡紅糖味，非常開胃🤗-🖤 燒椒皮蛋而套餐裏面嘅前菜我哋就揀咗呢款皮蛋嘅冷盤，清新微辣，蒜香同剁碎咗嘅皮蛋香味極夾～-🍲 筒子骨燉湖藕賣相吸引，有個火爐喺下面一路烘住，暖笠笠，湯底味道香濃，十分清甜，蓮藕口感清脆帶絲🥳-🐯 砂鍋虎皮豆腐先煎至金黃虎皮紋，再燜煮，食落外脆內嫩，醬汁味道鮮甜之餘帶點辣度，非常惹味🌶️-🐽 老長沙口味豬手豬手撈得好入味，醬汁香濃，好啱撈飯，絕對係白飯殺手🍚 口感充滿骨膠原，鮮嫩爽陣😝-套餐仲有包清炒時蔬同精選糖水，非常豐富，相當滿足，呢個價錢可以食到呢個質素嘅商務套餐實在好抵，絕不失禮，性價比十足💰-💰 參考價錢：（另收加一）湘舍商務午市套餐：$398🍌 抵deal指數：7/10

朋友帶咗我嚟灣仔香港華美粵酒店食lunch, 有間隱世中菜叫湘舍壹號，餐廳環境坐得好舒服，員工服務亦好周到。商務午市套餐，超抵2人套餐燒椒皮蛋非常惹味，辣味相對適中，反而更加食到椒嘅香味，配合皮蛋特別嘅口感，十分開胃。石鍋腐皮豆腐熱辣辣嘅小菜，豆腐仍然係口感細幼，豆味濃郁。配搭腐皮原來都幾特別，增加多一種不同嘅口感，腐皮可以更加突顯調味。筒子骨燉湖藕好清甜嘅燉湯，因為係燉湯嘅關係，湯裏面嘅雜質相對較少，所以飲落去感興趣更加舒服，同埋簡單嘅配料，可以令人專注品賞湖藕嘅清甜。18秒牛肉少少辣又惹味嘅牛肉小炒，刺激到又適中撈飯食真係一流。而且所有材料切嘅大細都相同，所以口感非常之好。清炒時菜經過幾個濃味嘅菜式，食返一個清炒小菜可以清一清味蕾，真係唔錯。小米青棵餅第一次食呢種類似燒餅嘅東西，味道雖然冇乜特別，但係配合濃味嘅菜式包埋一齊食都係一個唔錯嘅選擇。是日糖水最後整多個感覺極之滋潤嘅燉雪耳糖水，清除之前菜式嘅所有辣度。完美嘅句號。

今日經過灣仔想去食湘菜於是揀咗一間好出名嘅湘菜餐廳想試吓佢係咪真係咁好味（燒椒皮蛋） 哇！呢個皮蛋真係有驚喜！個燒椒夠晒香口，辣辣哋又唔會搶咗皮蛋味，皮蛋流心嘅程度啱啱好，食落去有啲煙燻香，正到痺！（骨燉蓮藕湯） 個湯夠晒火候！飲一啖成個身暖晒，蓮藕煲到淋得嚟又唔會散，仲有啖啖排骨香，正！（18秒牛肉） 嘩！個名冇改錯，真係嫩到冇朋友！18秒快炒果然犀利，牛肉片薄薄哋又入味，仲有啲孜然香，辣度啱啱好送飯。不過份量有啲少囉，食多兩啖就冇晒，吊癮呀！ （青椒土雞蛋） 呢個就家常菜feel啦～雞蛋炒得夠晒滑，青椒爽脆冇草青味，簡單但鑊氣十足！（時令蔬菜） 正常發揮啦～菜夠嫩冇渣，蒜蓉炒幾香口。不過略嫌油多咗少少，碟菜心都幾「精緻」！呢間真係有料到嘅，嗜辣嘅朋友會鍾意。超抵2個人$350就食到一級商務食府質素！湘舍壹號 (灣仔)灣仔駱克道57-73號香港華美粵海酒店1樓

在灣仔酒店的湘舍，真係一個唔錯嘅選擇！一入到去，就感受到店員嘅熱情款待，仲主動介紹菜式😆涼拌黑木耳，簡直係一個完美嘅開胃菜，令我一開始已經食得唔停口😋再嚟個砂鍋虎皮豆腐，外脆內嫩，豆腐吸收咗砂鍋裡面嘅湯汁，每一口都好有味道✨筒子骨燉湖藕，呢個湯更係令人驚喜，骨肉分離，湯底濃厚，湖藕吸收咗肉味，飲落去好舒服🤪清炒時蔬亦都唔可以忽略，保持住鮮嫩嘅口感，真係一個好嘅搭配🥦寧鄉花豬肉係職員推介，辣辣地好好食，送飯一流🍚至於紅棗燉雪耳嘅是日糖水，清甜不膩😎整體而言，湘舍嘅環境優雅舒適，無論係約朋友聚餐定係商務宴請，都係一個非常合適嘅地方🌟下次再來，一定要再試多啲佢哋嘅其他菜式！

超抵食$350就食到超高級商務午市套餐筒子骨燉湖藕用湖北湖藕加上排骨燉湯，湯底清甜既粉藕，碗用蠟燭加熱上桌，keep住夠濃郁清甜。手拍黃瓜黃瓜新鮮爽脆，蒜香微微麻辣，夠開胃。拆骨肉荷包蛋炒蛋吸收肉汁，味道濃郁，同拆骨肉排一齊食有層次和家鄉風味。砂鍋虎皮豆腐豆腐內軟滑外皮微脆紮實，濃郁湯底帶點碎肉和香芹菜，味道豐富。清炒椰菜簡單清炒鑊氣剛好不會過熟，更保留椰菜鮮甜味了及爽口。青稞餅烘烤得色澤微金黃，口感煙靭，入邊用咗小米做餡料，食落甜甜地。酒釀湯圓：芝麻湯圓芝麻香濃QQ彈牙，酒釀酸甜舒服和胃又暖心，滿意收尾。裝修以黑色大理石牆為主色，配上復古歐式皮座椅同棋盤格地板，加上暖黃燈光，營造出高雅又帶點復古嘅氣氛。食物味道正宗，2位份量足，小食同主菜選擇多有辣有不辣選，環境同服務加分。

最近要同客戶食商務午餐，發現係灣仔酒店入面既餐廳，環境好優雅，座位舒服氣氛輕鬆，仲要食得好飽好滿足！大家真係不妨嚟試吓😍🥢開胃小食未食之前，佢先serve咗豬肉紙同菊花茶☕️豬肉紙勁脆勁好味，食吓食吓好快就上菜😍🍲湯 - 筒子骨燉湖藕湯底清甜，骨頭熬得好入味，湖藕脆嫩，最欣賞係佢有點個火坐熱住佢，唔怕啲湯會凍🫶🏻🥢前菜(3選1) - 燒椒皮蛋鹹香可口，皮蛋勁滑，加上燒椒嘅香氣，超開胃☺️👍🏻🥢主菜 (3選1) - 十八秒牛肉煎得剛好，外脆內嫩，配上特製醬汁，口感超正這道菜充分體現了湘菜的辣味和濃烈風味，好味😋🥢小菜 (3選1) - 砂鍋虎皮豆腐豆腐外脆內滑，微辣但好惹味😙 送飯一流~🥢蔬菜 惹味炒蔬菜，略嫌油咗dd，但我哋都食曬成碟😆🥢主食 - 青稞餅 + 米飯青稞餅啖啖都有嚼勁，完美中和其他菜品嘅味道~🥢甜品 - 銀耳羹微甜~ 銀耳清清爽爽，完美結束呢頓豐盛嘅午餐🥰湘舍一號嘅商務午餐真係好味又足料，性價比極高👍🏻佢喺大眾點評入面仲係商圈人氣好店，真係值得一試！

位於灣仔的高質湘菜館 —「湘舍壹號」。餐廳裝修豪華，環境舒適，服務亦相當到位。特別推薦他們的二人商務套餐，價錢相宜，每位只需約$200($398包兩人)，性價比極高，適合商業午餐或家庭聚會。首先是燒椒皮蛋，燒椒與皮蛋的配搭出乎意料地和諧，是一道不錯的開胃菜。砂鍋虎皮豆腐亦值得一試。豆腐煎得外脆內嫩，配上濃郁醬汁，非常下飯。筒子骨燉蓮藕湯底清甜，蓮藕軟糯，筒子骨份量十足。光是這湯便值回票價清炒時蔬則平衡了其他菜式的濃郁味道，清新爽口。最後是青椒雪花黑豬肉，黑豬肉肉質鮮嫩，肥瘦均勻，與青椒的搭配恰到好處。「湘舍壹號」環境舒適，服務優質，食物質素高，是商務午餐或家庭聚會的理想選擇!

藏身於灣仔粵海華美灣際酒店一樓嘅 「湘舍壹號」，主打精緻擺盤同健康調味的「高端湘菜」，環境好有格調，低調中見貴氣。有多間獨立包廂以湘地名勝命名，間隔私密度高，服務質素非常高🥰涼拌黑木耳好脆口，麻油香混搭蒜粒同，酸辣比例拿捏精準，夠哂開胃筒子骨燉湖藕湯頭無味精，湖北粉藕拉絲效果媲美拔絲甜品，滋補得嚟唔油膩🫶🏻砂鍋虎皮豆腐簡單好味😋 內裡嫩滑似日式茶碗蒸，秘製剁椒醬以湖南本地辣椒發酵，鹹鮮微辣滲入豆腐，十分惹味拆骨肉荷包蛋推薦！🔥🔥 調味好香辣，手撕豬肉好有咬口 ，荷包蛋鑊氣足又帶蛋香，依個配搭創意又好味👍🏻清炒時蔬 勁大碟椰菜絲😍非常新鮮清爽配飯食一流！東北大米飯🍚雪耳紅棗糖水🥣食完個套餐已經好飽仲有埋甜品😆😆 好綿密嘅雪耳，膠質豐盈，圓肉清甜唔澀喉，好味😋

灣仔隱世湘菜盛宴！商務午餐吃盡前菜，燉湯，主菜，甜品，商業精英飯堂，抵吃二人套餐黑白現代風，滿滿地道湘味。藏身酒店一樓的店，以簡約黑白格調，打造摩登中式氛圍，商務午餐前菜，燉湯，主菜，小菜，主食到甜品一應俱全，朋友直呼飽到上心口！ 十八秒牛肉火候藝術，牛肉多一秒老，少一秒則生，盡顯出湘菜急火快炒之精髓！嫩滑爆汁的黃牛肉，滿滿肉汁，入口嫩如豆腐，顛覆認知～ 筒子骨燉湖藕湯燭火保溫，濃郁骨香和粉糯藕片尖椒皮蛋青椒勁辣配溏心皮蛋，夾脆紅薯片，吃得上癮砂鍋虎皮豆腐外酥內嫩的金香豆腐，香味滿大白米飯咬口滿足，配湘菜一流 完美收尾紅棗雪耳糖水雪耳燉到軟滑，滋潤養顏 貼心滿足，廁所備有牙刷，牙線，漱口水，吃完重口味保持清新～商務午餐罕見湘菜選擇，環境低調有格調，新派中菜地方

環境雅緻，高級商務食府午市套餐份量豐富兩個女仔食極都食唔完🤣可能係我第一次食湘菜平時唔係好食得辣（食開十小辣）但叫左微辣都接受到今日菜式係偏鮮辣路線而唔係重味死鹹死辣，OK!✨湘舍商務午市套餐 $398-前菜：燒椒皮蛋-湯品：筒子骨燉湖藕-主菜：18秒牛肉-小菜：砂鍋虎皮豆腐-時令蔬菜-東北大米飯·甜品以下菜式我特別鍾意！✨燒椒皮蛋愈食愈上癮既冷盤前菜皮蛋同香料細碎，混為一體皮蛋味香濃，辣味突出，但開胃✨筒子骨燉湖藕好舒服又滋潤嘅湯水會有個小蠟燭keep住保溫熱辣辣，帶點清甜，好飲🤤✨18秒牛肉牛肉切得細薄每一口都食到芫荽碎有鑊氣，但辣度十足🔥一道好下飯嘅菜式！

見客建議嚟呢間一級商務食府素質有私隱度、環境唔會嘈吵好啱專心食嘢同埋傾生意三百幾蚊兩個人商務午市套餐絕對fit到好多公司嘅budget前菜:燒椒皮蛋皮蛋外滑內嫩上菜皮蛋同燒椒呈碎粒燒焦微辣皮蛋濃郁又辣又帶點鹹香好有層次嘅前錢好開胃湯品:筒子骨燉湖藕湯色濃白胡藕粉嫩湯好飲，除咗本身要煲到出味更重要係下面有火一直保持湯嘅熱度食到到最尾都有熱騰騰嘅湯飲😍主菜：青椒五花肉炒寒菌五花肉油脂豐富寒菌清爽青椒微辣簡單，但足以令人食慾大開配埋東北大米飯一流小菜：砂鍋虎皮豆腐虎皮豆腐，表面金黃內部口感綿密充分吸收湯汁精華味道清香醇厚時令蔬菜：簡單炒椰菜恰如其分地平衡咗成餐飯嘅微辣感主食：東北大米飯東北米一直都出名煮完之後米粒睇得出油光亮麗比日常食嘅米有勁道是日甜品紅棗雪耳糖水充滿膠質滋補嘅甜品女士都會喜歡嘅一道中式甜品

好耐冇出街食中菜😋上網見到呢間湘菜好多好評😮位於酒店內、裝潢貴氣而且可以用合理價錢食到一級商務食府嘅午市套餐，真係要試下👍🏻-湘舍商務午市二人套餐前菜🥢蕃薯片（贈）：食到蕃薯的甜味，薯片香脆前菜🥢燒椒皮蛋：個人最喜歡的菜品是燒椒皮蛋，皮蛋切碎配上青椒碎，是道非常開胃的小菜湯品🥣筒子骨燉湖藕：裏面有幾塊煲到好淋嘅蓮藕，湯的瓷碗下有蠟燭，可以保持湯的熱度主菜🐷陽雀湖辣椒炒肉：青椒微辣，炒肉有瘦肉亦有五花肉，不會鹹，可以空口食小菜🍲砂鍋虎皮豆腐：裏面應該有20塊豆腐，令我們不斷吃，份量很足蔬菜🥬炒椰菜：喜歡椰菜炒得不會很油膩，口味亦比較清，很健康主食🫓青稞餅：味道甜甜的、口感比較軟糯甜品🍮紅棗蓮子雪耳：以養生甜品作結套餐$398 (未連茶位及加一)-整個套餐份量均非常多，尤其是主菜炒肉和小菜豆腐，份量比較似3-4人份！餐廳環境很安靜，而且侍應會主動幫你加茶，環境和服務態度亦很好👍🏻可以用合理價錢享用酒店級的湘菜，推介比想食中菜的大家～