湘舍壹號

营业中

休息中

好抵食，兩個人食下午茶咁多款菜成個中餐lunch set$350 飽到夜晚都唔使食飯😂紅薯片好好食囉少甜好香紅薯味又脆，可以散賣一包裝，侍應話得佢哋自家製出面冇好飲好飲好飲，好好補身。湘菜名菜是甲魚湯。不竟湘菜常用辣椒，所以食到甲魚湯帶有一絲近似胡椒的味道，但味道不太出。入邊有好多嚿肉，肉質細膩口感滑嫩入口即化。皮蛋味好重但唔會好鹹，好似沙律咁撈埋咗一碟好容易入口，皮蛋外滑內嫩撈埋燒椒的脆爽感紅鶴筍鮮甜可口食緊素冬菇咁嘅口感，材料有大大臘肉吊味正好清爽好健康有碟時菜，有甜品，紅棗雪耳最佳飯後甜品青下個口腔好入味鴨胗嚼勁十足，微辣好開胃，做小食幾好

餐廳裝修有氣派又華麗，中西混搭風，而且仲有9間VIP房，私隱度爆燈，約客食飯或者拍拖都好體面～ 店員服務親切友善，感覺好好！🔥重點係個二人商務午餐，只需$398（兩位），有齊6道菜，可以選小辣，唔食得辣都可以試試！ 十八秒牛肉香嫩到位，鑊氣十足！ 砂鍋虎皮豆腐嫩滑又吸晒啲精華湯汁，送飯一流～ 燒椒皮蛋個汁一定要撈勻，辣得嚟超開胃；自家製冬瓜老鴨湯濃郁豐富；小米青稞餅估唔到都香口，拌牛肉一齊都夾。 甜品係養顏滋潤銀耳紅棗！

近期湘菜喺香港愈來愈愈hit，愈開愈多，我都心郁郁想試下，今日就嚟到酒店餐廳湘舍壹號試試豆盤脆片脆得嚟有啲煙韌，口感幾特別，甜甜地幾開胃老火湯火候十足又足料，㷫住上枱好貼心燒椒皮蛋好特別，味道香濃有層次十八秒牛肉啖啖肉辣辣地好過癮，仲有香菜嘅香氣砂鍋鋪皮豆腐份量十足，口應嫩滑，調味香濃，豆腐皮有咬口，加埋肉醉同香蔥好好食清炒時蔬鮮嫩清甜小米青稞餅口感鬆軟，味道香脆雪耳糖水濃稠，甜度剛剛好餐具同佈置都好靚好精緻環境優雅得嚟有氣派，服務又殷勤，價格合理，個人覺得幾抵食

同事介紹在華美粵海酒店入面有一間唔錯的川菜，午市套餐好抵食，今日中午就去試下。燒椒皮蛋前菜揀左皮蛋同辣椒結合的，非常開胃燒椒的香氣與皮蛋的柔韌口感結合，好有湘菜特色砂鍋虎皮豆腐豆腐外皮煎至金黃，外皮有虎皮的紋路，內部又保持嫩滑，搭配肉碎和蔥花，清淡中有層次感，好岩送飯。冬瓜老鴨湯好濃郁，完全係家的味道，飲返啖老火湯暖胃好舒服。十八秒牛肉十八秒牛肉係佢地推介的，牛肉肉質鮮嫩，口感滑嫩，香辣夠味，鑊氣十足漕炒時蔬清炒蔬菜，保留了蔬菜的原汁原味同清甜可口，好解膩。小米青裸餅第一次食小米青裸餅，餅皮鬆軟，內餡的小米香甜軟糯。最後仲有糖水，真係好滿足，不愧為cp值高 商務午餐。

去湘舍壹號食商務午餐，本來係衝住“商業精英飯堂”呢個名頭去嘅，點知無論口味定體驗都超出預期！先講菜品——燒椒皮蛋係地道湖南味，燒椒嘅焦香摻埋皮蛋嘅綿密，辣度克制但夠味，開胃就啱啱好。冬瓜老鴨湯炖得好透，湯頭清亮，飲一口滿是鴨肉嘅鮮甜同冬瓜嘅清爽，秋冬飲暖身，春夏飲都唔覺膩，睇得出火候落得足。風吹辣鴨胗真係驚喜，鴨胗切得薄厚均勻，口感脆嫩唔柴，調味帶住少少風乾之後嘅咸香，辣勁慢慢上嚟，越嚼越有層次，配米飯真係絕咗。清炒時蔬揀咗當季菜心，火候拿捏得啱，脆嫩中帶住鑊氣，簡單但見功夫。錦繡紅鶴筍賣相好靚，筍條鮮嫩爽脆，裹住淡淡嘅醬汁，帶住少少清甜，中和咗前幾道嘅濃味，好解膩。小米青稞餅係主食入面嘅亮點，外皮微焦帶少少脆，入面鬆軟，食到小米同青稞嘅顆粒感，淡淡麥香好舒服，單食或者配湯都得。最後嚟碗是日糖水，當日係銀耳蓮子羹，炖得稠稠糯糯，甜度啱啱好，收尾清爽冇負擔。環境走雅致商務風，裝修簡潔大氣，座位間距夠闊，傾計唔會互相打擾，真係適合商務傾談或者朋友小聚。服務都得體，添水換碟好及時，唔會過分熱情令人拘謹。兩個人使398蚊，能食到咁一桌有葷有素、有湯有主食仲有糖水嘅精緻湘菜，無論食材品質定烹飪水

位於灣仔香港華美粵海酒店1樓的「湘舍壹號」，係一間高級精緻酒店級中菜食府，主打地道湖南菜式，午市套餐以$350兩位嘅超值價錢呈現尊貴滋味，絕對係商業精英首選飯堂，體面得嚟又唔傷荷包。🏛️ 環境氛圍裝潢走中西融合風格，藍黑色主調打造出沉穩高雅感。空間闊落，設有多個包廂與獨立包房，私隱度高，非常適合商務會面、客戶招待或靜靜嘆餐，格局媲美酒店級餐廳。涼拌黑木耳：爽脆酸香，開胃之選，簡單但唔馬虎。砂鍋虎皮豆腐：豆腐外皮微焦、內裡滑嫩，醬香撲鼻，砂鍋保溫一流。筒子骨燉湖藕：湯底清甜，蓮藕入味，筒骨燉得夠火喉，滋補又暖胃。十八秒牛肉：嫩滑牛肉配上香辣鑊氣，味道層次豐富，絕對係套餐亮點之一。清炒時蔬：爽脆清新，炒得剛剛好小米青稞餅（一件）：可口，穀物香氣濃郁，份量恰到好處，甜而不膩。是日糖水（兩位）：雪耳蓮子紅棗糖水，清潤解膩，甜度剛好🏷️ 湘舍壹號 (灣仔)📍 灣仔駱克道57-73號香港華美粵海酒店1樓

個friend話係時候獎勵自己，佢就帶咗我嚟呢一間試下，因為佢話平平哋3百幾蚊就可以試到有一級商務食府質素嘅lunch，最後果然冇令人失望，環境舒適，嘢食質素都好好⭐️餐前小食：紅薯片脆卜卜，好豐富嘅薯味⭐️涼拌黑木耳中間放咗一朵花，成個感覺即刻好靚，加埋蒜蓉，感覺好清爽，Fresh⭐️蓮藕老鴨湯湯好清甜，蓮藕好大嚿，真材實料，而且仲有支蠟燭長期暖住，將最好味嘅一刻呈現出嚟⭐️陽雀湖辣椒小炒肉辣辣地好開胃，而且肉質好嫩滑⭐️砂鍋虎皮豆腐豆腐外脆內滑，而且仲吸收晒醬汁嘅精華，好惹味⭐️清炒時蔬：娃娃菜食材新鮮，味道鮮甜⭐️小米青稞餅煙煙韌韌，仲好彈牙，口感上滿分⭐️是日糖水：銀耳蓮子羹甜味恰到好處，口感好滑，冰冰涼涼，食落去有種好舒服嘅感覺

🍽️今次我同朋友去咗灣仔華美粤海酒店入面嘅「湘舍壹號」食午市套餐，環境真係靜中帶雅，古典中式裝潢好有韻味，啱晒商務飯局或者閨密聚餐👭✨🥠開場小食係香脆紅薯片，炸得金黃酥脆，甜甜地又唔膩，擺盤仲好有格調，影相打卡一流📸🌶️前菜燒椒皮蛋就真係醒胃之選，青椒微辣加埋皮蛋滑溜溜，入口即化，層次感十足～仲有啲葉片點綴，視覺味覺都照顧到👀👅🍲湯品係筒子骨煲湖藕，湯底濃郁又清甜，蓮藕煮到好腍，啖啖都係暖意，好似返屋企飲媽媽煲嘅湯咁窩心❤️🥩主菜十八秒牛肉就係焦點之一，牛肉絲爆炒得啱啱好，嫩滑彈牙，帶少少辣勁，仲有芫荽提香，镬氣十足🔥🥢另一道主菜我揀咗錦繡紅鶴筍，筍片爽口清甜，配上紅椒絲同香料炒香，色彩繽紛，味道清新又唔失層次🌈🦩🥬時令蔬菜係清炒椰菜，炒得爽脆唔油膩，啱晒用嚟平衡濃味菜式，食完都唔會覺得滯👍🍘主食青稞餅外脆內煙韌，帶住天然穀物香，微甜得嚟唔搶味，為整餐加上完美句號✅🍵甜品係紅棗雪耳糖水，清甜滋潤，飲完真係有種被照顧嘅感覺～好暖心💕

首先要讚餐廳環境非常雅緻！隱私度滿分💯有獨立包廂～而座位都足夠大！可以拉門簾👍🏻形成一個空間俾朋友聚會✨☕️陳年普洱茶茶湯醇厚 完美中和湘菜辣度👍🏻試了一個超抵二人套餐！😎👉🏻【湘舍商務午市套餐】 $398🍠餐前小食蕃薯脆片脆卜卜～甜口不油膩！開胃之選 友人最愛🙈⚜️蓮藕排骨湯湯一上桌就已經附有小香燭在底下保溫✨必須要讚溫度夠熱🔥完全煲出了蓮藕的香甜和瘦肉的鮮🥰可以keep住飲到熱辣辣嘅湯✨⚜️涼拌黑木耳爽脆可口！份量十足👍🏻⚜️青椒五花肉炒寒菌食落辣口！五花肉選用了肉脂的部分～令整道菜更為香口😎另外都好鍾意青椒剁成碎 配飯絕對一流🥰⚜️砂鍋虎皮豆腐友人大讚豆腐嫩滑而不鬆散🙂‍↕️用筷子夾起也不會斷開😎再配上秘製醬汁👍🏻👍🏻⚜️清炒時蔬當日係菜心！份量超級多！食落好清甜～一日膳食纖維get✅⚜️小米青粿餅青粿餅好特別！中間夾著一層小米🌾增加了口感層次🥰食落微甜 越咬就越香口👅⚜️是日糖水甜品係紅棗蓮子銀耳羹～✨甜度適中 完美收尾！🌟感覺可以成為灣仔商業精英們的飯堂🙂‍↕️📍湘舍壹號灣仔駱克道57-73號香港華美粵海酒店1樓

前排食咗佢哋$398商務午市套餐，兩個人都食到好有質素嘅湘菜，性價比唔錯！前菜叫左燒椒皮蛋，微辣開胃，味道幾特別。清燉湘舍甲魚湯好鮮甜，飲完覺得好滋補，我同朋友一致覺得呢個湯好正，對佢念念不忘(˶‾᷄ ⁻̫ ‾᷅˵)主菜陽雀湖辣椒小炒肉香辣惹味，肉質嫩滑，配飯食一流！砂鍋虎皮豆腐醬汁好香，辣炒椰菜爽口清新，紅棗蓮子雪耳糖水唔會太甜又解膩。整體食物質素高，環境整潔又有氣派，服務好，無論同客戶傾生意、約同事上司食飯，定係帶父母來，都好適合。推介試試！

今日同朋友試咗呢間酒店入面嘅湘菜餐廳，裝修以黑白色為主，環境沉實大方，同生意夥伴食飯都幾啱，服務主動又貼心，會照顧到每位客人需要，而且套餐價錢好抵食，份量仲好足！ .🌟冬瓜老鴨湯 老鴨鮮香濃郁，肉質腍爛，湯底厚身又唔油膩，冬瓜清甜解暑，個湯仲有蠟燭一路熱住，暖胃又貼心。 .🌟燒椒皮蛋 微辣鮮香，虎皮椒焦脆帶少少苦，皮蛋流心綿密，醬汁濃稠帶微微辣，口感層次豐富，做頭盤好開胃！ .🌟陽雀湖辣椒炒肉 土豬肉嫩滑又香口，陽雀湖辣椒皮薄脆爽，鑊氣十足，油脂滲透辣椒，辣中帶甜又唔膩，送飯一流！ .🌟砂鍋虎皮豆腐 豆腐外脆內嫩，吸晒啲鮮濃醬汁，砂鍋燉煮鎖住熱氣，湯汁味道濃郁又唔會過鹹。 .🌟配茶薯片 餐廳會送配茶嘅薯片，爽脆帶微甜，雖然係小食，但係成餐飯其中一個記憶點！

難得喺香港可以食到適合港人口味嘅湘菜，入面嘅格調同埋食物都好有翻深圳食嘢嘅感覺，唔使去咁遠都可以食到真係太好😀餐廳選用最新鮮、以空運方式送到嘅本地食材，由經驗豐富、技巧純熟嘅廚師親自主理，令人一試難忘👌🏻 偶爾換下口味，真係令人感到好開心🙌🏻湘舍商務午市套餐（二人用）@$388燒椒皮蛋皮蛋配上小青椒，再加啲紅薯片一齊食，呢款冷盤帶嚟滿滿新鮮感，口感層次即刻升級👍🏻筒子骨燉湖藕蓮藕胡椒排骨湯以小窩奉上，熱辣辣一口飲落，暖胃又滋補。蓮藕係本土空運過嚟，難怪湯頭咁鮮甜，地道風味十足😋十八秒牛肉辣椒仔炒黃牛，加飯食就最好😛砂鍋虎皮豆腐服務員提到套餐入面可以揀虎皮豆腐，啱哂之前啲餸比較重口味，加返個清清哋嘅小菜嚟中和一下，感覺真係幾正！時令炒蔬菜健康嘅菜式都不能夠缺少炒菜，菜都食得出非常鮮味同爽脆🙃酒釀丸子最後送上嘅甜品係呢餐完美嘅終結🫶🏻呢間坐落好舒服，兩人食仲有小包廂，非常推介，值得一試👏🏻

今個假期，我同朋友去咗位於灣仔嘅商務食府食飯，依間餐廳叫做湘舍壹號，位於美粵海酒店嘅一樓。佢哋推出咗一個商務套餐，都幾抵食。燒椒皮蛋皮蛋切到非常之細粒，令到成道菜都有香濃嘅皮蛋味。今日嘅午餐仲送有湯，呢個餐湯真係真材實料，見到用上唔少嘅食材。十八秒炒牛肉牛肉入口有香濃嘅肉香，肉質亦都幾細滑，唔會覺得太韌。加上餐廳用咗唔少嘅調味料去炮製呢一度菜式，令到味道好惹味。煮食方面，分別有白飯又或者係青稞餅。我自己就覺得呢一個餅青稞幾特別，唔係咁多地方都可以食得到。最後仲有一道甜品添，個甜品製作都好精美。整體嚟講，今餐嘅價錢唔貴，餐廳環境優美，食物亦都好精緻。

今次中午同朋友行過灣仔，想食返啲夠惹味又飽肚嘅菜式，最後揀咗一間以湘菜為主打嘅餐廳嚟試吓佢哋嘅商務午餐，從前菜、主菜、湯品到甜品一應俱全，性價比高，而且辣得過癮！燒椒皮蛋餐前小吃已經令人驚喜。皮蛋質感煙韌，蛋香突出，微酸微辣，非常醒胃。椒香濃郁卻不嗆喉。冬瓜老鴨湯老火湯風格，湯底冇過重油脂感，淡中帶甜，仲帶住一陣陣藥材香氣，飲落暖胃又解辣。清炒時蔬清炒蔬菜就簡簡單單，但炒得唔錯。保留娃娃菜既爽口感。食完幾道辣菜之後食返啖清炒時蔬，係一個唔錯嘅過渡位。砂窩虎皮豆腐豆腐表面煎至虎皮微皺、略帶焦香，但內裡仍保留嫩滑質感。砂窩保溫效果佳，醬汁鹹香微辣，帶少少豆瓣醬底味，連汁帶豆腐撈飯一流，令人一啖接一啖。小炒王牛肉炒得火喉十足，牛肉唔鞋口，反而夠嫩又有嚼勁。配料有指天椒、酸菜，香味加酸味層次豐富。辣得刺激，但唔會辣到麻痺，啱晒平時鍾意重口味嘅朋友，送飯亦一流。是日糖水甜品相當有誠意，用料養生，甜度恰到好處。雪燕滑溜清潤，紅棗甘甜，蓮子煲得夠腍，整體飲落好舒服，唔會過甜。係辣辣地之後一個好溫柔收尾。

一級商務食府，簡直係商業精英嘅飯堂首選！呢間餐廳環境優雅，食物質感同味道都好有高級感，但超抵嘅雙人套餐只係$350，兩個人就能食到頂級質素嘅中式美食！前菜、主菜、湯品、蔬菜到甜品，樣樣都用心又好味！燒椒皮蛋（前菜）
燒椒皮蛋真係開胃神器！皮蛋滑嫩Q彈，燒椒帶點微辣同煙燻香，入口先係皮蛋嘅濃郁蛋香，再來一陣辣椒嘅刺激，味道好有層次！簡單但好有驚喜，超級好食。筒子骨燉湖藕（湯品）
呢碗湯好滋補！湯底濃郁鮮甜，滿滿骨髓嘅香氣。湖藕炆得粉糯，入口帶點清甜，搭上湯嘅鮮味，飲落暖胃又舒服。滿下的蠟燭持續燃燒着，確保湯品持續暖和。湯頭清而不膩，係商務飯局嘅完美開場！風吹臘鴨胗（主菜）
風吹臘鴨胗真係驚艷！鴨胗切片薄薄，咬落爽脆有嚼勁，帶點臘味嘅鹹香同煙燻風味，食落好惹味！調味啱啱好，唔會太鹹，搭飯或者青稞餅都超正，係主菜嘅亮點！青椒土雞蛋（小菜）
青椒土雞蛋簡單但好味！土雞蛋炒得軟嫩，蛋香濃郁，青椒爽脆帶點微辣，兩者混搭好開胃。食落清爽又唔失風味，係配菜嘅經典之選！青稞餅（主食）
青稞餅真係意外驚喜！內裡軟糯，帶點青稞嘅獨特香氣，咬落有淡淡嘅穀物甜味。炒椰菜（蔬菜）
炒椰菜清新又健康！椰菜炒得爽脆，