港畔餐廳 (已結業)

不嬲都唔鍾意食自助餐，但嗰日見到網上賣廣告，星期五晚12點有個55折優惠，就諗住試下，準時六點鐘去到，啲嘢食放得好整齊，嗱嗱聲將啲嘢食全部影晒相，費事被人摷到亂哂頭盤沙律凍肉ham麵包等等選擇好多，海鮮仲有波士頓龍蝦、長腳蟹同蟹鉗等，幫你開好晒，好方便食。壽司刺身就無乜得揀，好普通，亦唔係特別新鮮。熱盤勁多選擇！我最推介有煎鴨肝、鹿兒島和牛、羊架、鮑魚蒸蛋、鹽焗雞、即切牛扒同即炸天婦羅啲蝦肉好彈牙丫！其實真係好飽嫁啦但啲甜品真係勁多，我求其揀左啲招牌甜品，拿破崙、芒果糯米飯、梳乎厘，仲有好幾款同男友share。無數過幾多款但我諗應該有4、50款，揀唔到啊，鍾意食甜品既朋友一定鍾意。因為原價好貴，要成898加一，所以無55折就未必會黎了，因為坐位都比較逼，唔係幾舒服，但勝在有海景啦（真心靚），留意佢特價時去就真係好抵

由於quota有限，食buffet都希望揀一間食物質素高嘅餐廳。洲際晚餐buffet由6:00-10:00，可以盡情享受👍🏻 唯枱與枱之間實在有點窄。雖然貴位高，但仍算物有所值。食物種類不算是超多，有質素便足夠。服務方面亦十分不錯，收碟快😬甜品款式不少，最愛拿破崙😋大部份食客十分斯文，排隊有序。而整晚只有鵝肝及和牛要排一下，如不介意可待至8:30-9:00後便不用等🤗整體而言，這餐廳將會是隔一陣子便想再訪之一😌

洲際酒店既lunch buffet 食過幾次，今次係最令我失望既一次...一如以往，開頭係有一杯welcome drink, 不過帶位後侍應無特別講，而我都無趕住落單，出去拎左野食先，隔左一陣侍應埋黎好快咁講話我地有杯welcome drink 你可以揀返，無禮貌之餘亦都講完即刻走左，無比我講想飲咩既機會。之後我叫第二個侍應過黎，諗住問下佢果汁有無額外加糖，因為之前幾次都無揀果汁，今次諗住試下，嗰位侍應聽完就行開左，搵左第二個黎答，點解唔清楚都唔可以同我講聲，就咁就行開左？第二個侍應黎到，同我講：「我地啲果汁係好似果汁先生咁但唔係果汁先生。」五星級酒店對於一杯果汁有無額外加糖呢個咁簡單既問題原來係要有一個咁與眾不同既答案...最後我放棄左叫果汁...都係飲返cocktail 算...食物方面，今日個南瓜湯比起之前飲無咁滑，亦都無咁濃南瓜味飲左一碗之後轉飲中湯，中湯反而有驚喜，清甜又無乜油，好好飲！冷盤方面，其實我一心係為長腳蟹而黎，一黎到見到其他客人食緊，諗住出去拎，但遲遲都唔見refill , 一問之下，佢話已經無哂長腳蟹！轉左螺！！長腳蟹同螺係兩個level 既海鮮...我真係好失

一年一度公司請食buffet, 會計小姐見到有電視框(discount ), 今年就試下食洲際酒店嘅buffet。始終係酒店大堂都好寬敞， 但坐低咗一張長枱之後， 啲凳好大張， 櫈貼櫈出入攞嘢食都好唔方便， 每次都要唔該借借， 唔太方便。野食方面，種類唔算多， 但樣樣都叫ok， 由於種類唔多每一個counter都要大排長龍， 我就唔係太鍾意。 明明想食放喺度嘅壽司， 但啲人排緊刺身， 阻住攞嘢，唔排隊又唔好意思， 擺位方面有啲問題。唯一讚嘅就係佢啲餐飲服務， 你坐低就有一杯welcome drink， 可以揀橙汁/紅莓汁/奇異果汁, 我就穩穩陣陣揀咗橙汁, 裏面都有好多果肉， 唔似果汁先生， 似鲜搾。長腳蟹都鮮味， 不過好幼身， 冇乜心機食。 羊肉咖哩都偏辣， 點印度薄餅一流。 Parma ham襯球狀嘅哈密瓜 ，視覺上都幾特別。呢個灌湯餃都幾出色， 皮薄餡靚， 上湯鮮甜，飲咗落去都唔口渴。呢個意粉都係推介之一， 呢位大師傅煮意粉一絲不苟， 除咗煮得好食之外，佢仲好用心咁幫你擺盤 ， 睇佢用心去放意粉，都係想你食得開心 。 睇佢煮嘢同擺意粉都係重點之一，同場仲有個外國人 煮意粉， 但上

一直好想試下洲際😌 聽好多朋友話海鮮質素高！終於今日到我去體驗一下🙂 每次食buffet 我本身好鐘意食長腳蟹🦀🦀，生蠔同鵝肝。 我覺得呢到既海鮮好高質👍🏻👍🏻長腳蟹係暫時食過咁多間酒店我覺得最好食既👍🏻 我食左5塊鵝肝🙈 煎得好香👍🏻呢到唯一吾好就係無得食生蠔👎🏻，想食要散叫！有個燕窩燉湯，非常足料👍🏻今日係慶祝一週年，酒店送左個蛋糕🍰 幾好食👍🏻HSBC Visa有折扣，折完每位808。

由日落食到夜深，足足歎足三個鐘嘅自助晚餐，一邊欣賞維港嘅景色。 沙律吧每一款都好味，特別係羽衣甘藍雜莓沙律。 巴馬火腿，辣肉腸一般， 牛好食， 芝士質地軟滑。 蝦、龍蝦、蟹鉗唔太新鮮， 鱈場蟹新鮮鮮味。 麵包蟹極邪惡，好多膏。 魚生中嘅吞拿魚好鮮味，其他都一般。 燒牛肉好靭， 鯛魚啲肉好鞋。蒸蝦比生蝦好食，但係蒸扇貝同埋蒸青口都過咗火，老咗。鵝肝菠蘿多士必食，鵝肝煎到脆口，菠蘿酸酸地，多士又脆脆哋，絕配。魚都幾滑 海鮮批忌廉味濃厚， 但冇蓋過海鮮嘅味道。牛臉頰必試， 佢蚊得唔係全舊腍唒，仲有少少咬口，而且非常入味 。海皇燕窩羹一推出就俾人攞曬。燕窩蟹膏充足， 好鮮味。洋蔥湯唔會淡。鹿兒島牛好多筋，天婦羅太多脆漿。鮑魚燴豬手冇味，食唔到鮑魚甜品款式多到瀉，但唔係款款好食，有好多都太甜。甜品之王我覺得只有拿破崙係最好味，夠脆， 又唔羶，好香酥皮味，不過佢入面嗰啲cream就甜D，成舊食都可以接受嘅。左: 咖啡芭芙條 (我本身唔係好鍾意飲咖啡) 呢個咖啡味我接受到囉， cream又唔會太多右: 紅桑子蛋糕唔會酸又唔會太甜藍莓芝士蛋糕 芝士軟滑香濃芒果糯米飯都唔錯， 啲飯好煙韌， 芒果又唔會

事源公司開完會，一大班同事几十人食埋晚飯先解散。。。。有得食啊公，緊係食豪d。。。。最後，係食呢間五星級酒店嘅自助餐。。。成千蚊位，如果自己就真係唔太捨得去試。。。咁耐都只係食過呢到下午茶set，因為貪望海好舒服。。。不過當晚，可能我地真係太多人，令侍應waiter先生太忙la，我地只係問下welcome drink餐飲到底包咩可以免費飲。。。佢一句答我地叫我地自己睇。。。我地睇完，真係怕誤會，所以落單前，問多次呢个包唔包，佢就好無禮咁當我地白癡咁話都話呢d呢d免費，呢个酒要收錢咯咁樣。。。之後，我地飲完welcome drink開左枝酒，叫佢拎多兩隻杯，佢就不滿地叫佢同事serve我地，說”唉，佢地話自己開左枝酒喎，你幫佢la”...認真唔覺得，一間國際知名嘅五星酒店服務可以咁。。。。仲收呢个價。。。。重點，食物質素，都比較參差。。。。和牛硬，反而天婦羅高質素炸得好甜點用來打卡呃like一流，但食就真係唔係樣樣好，一係太甜，一係融融哋。。。今次真係唯一，第一次食自助餐食得咁受罪。。。

這間酒店的buffet冇得輸。海鮮區啖啖肉的大隻龍蝦，充滿海水味，非常鮮美，而麵包蟹的蟹膏份量超多，一流而鲜蝦也非常彈牙，鮮甜味美沙律區的食材非常有質素，外觀也吸引甜品區的蛋糕，真係件件都想食，特別吸引的是拿破崙,馬卡龍。大蝦天婦羅，和鹿兒島和牛，雖然不錯，反而感覺一般。沒有驚喜。這款魚翅燕窩羹,用料非常充足，啖啖燕窩魚翅，真的想食多幾碗，但奈何沒有本事。鮮榨奇異果汁食後感:lunch 和 dinner buffet 的食物基本上90%似，dinner 只是多了天婦羅，鹿兒島和牛，甜品種類比較多。論價錢相對lunch buffet 比較抵食。

一直很喜歡港畔餐廳的buffet, dinner buffet 比 lunch buffet 好，因為dinner有我喜歡的龍蝦，是大龍蝦，不是小龍蝦。港畔餐廳的buffet是不提供生蠔的，不知原因，就是沒有，但不打緊，因為我不吃生蠔。如想食，可以另外散叫。每人一杯welcome drink，有很多鮮榨果汁，點了奇異果汁， 因為其他地方很少飲到。太喜歡吃龍蝦，所以我食了六邊(即是三隻), 鮮甜彈牙，好食過其他酒店，有些是又梅又無味， 雖然是凍海鮮，都是雪定的，但始終是有質素高低之分，吃過港畔幾次，每次都沒有失望，有些有膏，有些有籽，我會輕輕咁去揀下， 始終五星級酒店，唔可以搗亂形式去揀。。。我會配埋一d醬汁, 就在凍海鮮盤旁，有五六款，個人最喜歡芥末醬。麵包蟹蓋平時好少食，不過見佢好多膏，所以試試，不錯呀!還有其他凍海鮮，青口、翡翠螺等等，唔腥，不過冇影到相。原本想排隊拿鵝肝，點知排錯隊，去到隊頭原來係A5和牛拼天婦羅，和牛好食， 天婦羅可以唔攞，留番個肚食其他食物。終於拿了鵝肝， 由於是現場廚師即煎的，所以要等小小時間，很香， 下面有一片菠蘿一齊食，很清新唔膩。有一味鮑魚煮豬手， 見

在尖沙咀「梳士巴利道」旁邊，維多利亞港海傍的位置，本來有兩間著名的五星級酒店跟建築物，其中一間「新世界中心」，已經在尖沙咀東「日航酒店」舊址，把酒店改名變了做「千禧新世界香港酒店」。至於另外一間五星級酒店「麗晶酒店」，「麗晶酒店」也曾經是「星爺」周星馳電影「國產凌凌漆」的拍攝場景選址，電影裡面「星爺」意外弄錯酒店名稱，最後得知自己住址竟然變成「麗晶大賓館」的時候，甚至忍不住大叫了一聲：「ShXX!」。「麗晶酒店」跟附近的「新世界中心」以及「九龍萬麗酒店」，到了現在都已經翻新以及重建，最後變成了現在的五星級大酒店「香港洲際酒店」。「香港洲際酒店」繼承了「麗晶酒店」的豪華氣派設施，還有全闊的維多利亞港景觀，按道理「香港洲際酒店」裡面的自助餐餐廳「港畔餐廳」，「港畔餐廳」食品環境也應該都有五星級級數。就好像上年我生日之前，阿媽亦曾經向我提議，提議可以在「香港洲際酒店」「港畔餐廳」食自助餐慶祝生日，順便在「香港洲際酒店」訂一晚酒店房，在「香港洲際酒店」內渡過生日。不過當時我最後還是婉拒了阿媽的提議，因為「港畔餐廳」自助餐曾經遇上過事故，導致「港畔餐廳」之後再無法在自助餐裡面，提供即場即開的生蠔

特別想在星期一與人興祝生日而來食午餐，但實在很失望，真心覺得各方面都有待改善，唯一可取的是甜品，但四百幾蚊來食甜品實在不值，要食甜品不如上樓上食TEA SET仲好，都只係三百幾，未知是否是星期一的關係，食物的量其實都幾少，凍海鮮沒有龍蝦，即使蟹腳都只係用家庭尺寸的沙律碗裝，但其實場內入座近全滿，可以想像每次只見剩下幾隻不太好看的蟹腳，而且尺寸是比較細隻，同別人拍照的海鮮量不同，別人的圖片還有龍蝦，蟹腳味道還算可以，沙律吧款式很少，基本上因為場地很窄，食物擺放的位置很迫，所以令食物都是以少量擺放，而食物與客人之間很近，感覺很迫，身旁常有人行來行去，而熱盤的款式與質量只是二百幾蚊自助餐質素，只有大路的燒牛肉，咖哩，點心都只是外表與味道都很普通的叉燒包，類似魚肉燒賣的燒賣仔，爸爸說連點心都不好食，沒有任何即燒的燒物，基本上走了一圈也不太塭到引起食慾的食物，因為真的好普通，最令人失望的是由於地方細，於拎凍海鮮與沙律的位置竟然岀現長長的人龍😰，又不是拎即製食品，竟然要排長龍去拎碟沙律，更令人摸不到頭腦來食自助餐好似去乞食，實在不明白有人會認為這裡是什麼十大自助餐，是香港人太喜歡排隊還是土地問題要

今餐公司飯局，雖然唔係第一次黎食，未寫過食評，但都補寫下啦😆環境係靚既，極高樓底，好坐，好舒服，服務好好慢慢由日頭，變黃昏再變夜晚，係幾靚既 對比之前，甜品係少左既，以前勁多甜品勁靚又好食，但今次多左熟食，今次仲有梳乎厘拎（要等響鐘）甜品都好食多款，賣相好靚，對比其他酒店，有時睇得唔食得。另外 冷盤海鮮 好齊全啦，新鮮既多款。熟食啦牛就基本野啦，佢另外有個和牛既，魚就特別，因為好大條😂😂，但試左好乾下，望就以為好正另外因爲想食生蠔就加左198$ 要左一打，普通貨色，唔大隻 野食，唔係選擇好多，我仲有其他相，不過擺得個12張，但係佢係俾你慢慢坐慢慢享受，服務同埋個食物水準算唔錯既，貴錢係偏貴，但夜晚自助餐時間由6點到10點 ，可以唔洗食得好急，又舒舒服服，嘆下同朋友傾下計係唔錯既選擇😌😌

申請洲際會員 可享有半價優惠😍😍50%off!（但加一依原價來計！）(Mon-Fri) buffet lunch $448—>$224 //(Mon-Thu) buffet dinner $898—>$449最驚喜的必須是冷盤的海鮮選擇非常多全部都非常新鮮 不腥 很香海水味 很多年沒有吃過這麼新鮮的海鮮 尤其是蟹和蜆肉 蟹有分麵包蟹和長腳蟹麵包蟹肉質較散 建議吃長腳蟹還有多種類的沙律 例如薯仔沙律、羽衣甘藍沙律。。。有滿滿的蟹膏熱盤類應有盡有 日式、中式、西式都有即切肉類有羊肉或牛肉片 自行選擇燒汁或蘑菇汁 還附有蘋果薄荷醬和各類醬汁咖喱 有印度薄餅和傳統醬汁中間的是焗魚柳 微辣非常好食的有無骨牛油雞翼 每次釀的餡都不一樣 上次有飯餡還有焗蛋餅 和意大利雲吞？ 但我覺得味道奇怪甜品的話質素非常參差有一些非常高質 有一些則非常低質例如炸香蕉是凍的 炸皮已經軟掉四方形的蛋糕味道一般般 沒特別最驚喜的是他甜品大多數都是法式傳統甜品有貝殼蛋糕、馬卡龍macaron、費雪南蛋糕、椰子餅乾macaroon等等 馬卡龍不好吃 外皮太厚 烘得太乾貝殼蛋糕非常高質雖然很大件 但真的值得吃

世上只有媽媽好~母親節幾貴都要比人「劏」嫁啦今次「劏」都心甘命抵既老人家又唔食得dinner buffet夜晚食唔消化 而且唔養生嘛黎間lunch buffet食足3個半鐘食物種類都算OK海鲜都新鲜既 雖然冇蠔但係龍蝦size差5多隻手掌大 而且雪白飽滿肉質亦都鲜甜彈牙+上好重海水味 凍蝦 同蟹亦都好爽好甜熱菜都有十幾款 refll速度OK幾快而且重有鲜渣果汁好岩D老人家對我D甜品控最重要一定係甜品啦不過佢D甜品……款色唔算多個味道亦唔算出眾小小失望啦母親節冇計啦 對着個靚海景食咩都順返曬而且位坐得好舒服位同位之間好大空間最大彈位就係冷氣5夠凍整體都算oK

星期五清假，就同朋友搵個lunch buffet歎下。一入到去餐廳，對住個維港景色，天朗氣清，心情即時輕鬆曬。坐底就叫左杯welcome drink先，我要奇異果汁，朋友要蘋果薑汁，兩杯都清甜水果味。冷盤有蝦，長蟹腳，麵包蟹，龍蝦仔，蜆，青口。全部都好新鮮,長蟹腳蟹肉飽滿鮮甜，麵包蟹蓋爆膏，甘香。沙律亦都有好多選擇，另外有Parma ham, 但略咸。熱盤有咖哩，避風塘海鮮，蒸魚等，最特別有灌湯餃，仲要幾好食。其間仲有師傅煮芝士意份出黎派俾食客，意份面仲要加大量碎芝士，真係芝士控必選。甜品亦有好多選擇，色彩斑斕，睇到都開心。size 細細，可以試多幾款。芒果拿破崙同蝴蝶酥都好鬆化，綠茶／紫薯蛋糕香軟。配埋杯凍檸檬茶，咁就過左個悠閒既下午勒。