港畔餐廳 (已結業)

看了傳媒報道麗晶酒店重開，只是餐飲服務，馬上網上訂枱選了1月4日自助午餐，可惜我地冇AE，否則就有85折呀。食物款式都可以，海鮮 魚生都有選擇，甜品林林總總，雪糕都有十款味道，不過就無試晒喇。當天星期三都滿坐，12點食到2點半，每位$498加一。個人覺得罷放食物區比較擁擠，要攞上排食物時，有機會衣服貼到下層食物！…查看更多

重開的麗晶酒店同昔日的洲際酒店感覺上好似差不多，變化唔算好大，元旦日去試左Lunch Buffet！Buffet檯熟食區種類都幾多，另外雪糕櫃一睇已經心心眼😍，如果唔係天氣咁冷真係想試晒所有口味，太吸引！甜品區相當吸晴，尤其有多款巨大既蛋糕，睇相或者感受唔到，有幾款原個既蛋糕係又高又大個的，視覺上睇落真係好吸引，但係實際上係拎既時候係有難度的，而且每一件都實在太大件，如果唔係有幾個人分黎食既話，一個人根本無可能試晒咁多款，甜品質素果然無令我失望，記得以前我都覺得洲際既Buffet當中甜品係最好食既，而且每一件都包得好好, 好易拎好有精緻感，我最難忘既係拿破崙，可惜依家無左…… 仲有一點就係缺乏水果類，如果有多D切件水果或者一大盤切粒既水果供應會更好！凍海鮮類質素唔錯，壽司好睇唔好食，D壽司飯偏硬，中西湯都好飲，熟食大部分都好食，其中有一款即整既韓式煎餅味道真係麻麻，如果可以改為日式既海鮮廣島燒應該會更吸引！燒牛肉好食，湯粉就一般……甜品我係絕對推介，我只能說呢類甜品款式都係我喜歡的😍，唔好錯過放係最邊位既曲奇及小蛋糕🤤，有時越唔起眼既就越好食😏，原個蛋糕我試左三款都唔錯，馬卡龍無論質地及內餡既味道都好味👍，最後雪糕當然唔可以錯過，幾飽都要試😉！我已將最大既食力留俾甜品區，可惜甜品胃容量有限😑，最後每人包一杯餐飲，我地倆口子都叫熱檸茶，送來既時候係一個幾大下既球形茶壺，圓圓的好可愛，大大壼既茶夠多好啱喜歡飲茶的我，整體Buffet感覺唔錯，服務固然殷勤，收碟亦快，值得推介！…查看更多

洲際酒店 港畔餐廳重開大除夕送舊迎新自助晚餐 今晚去港畔餐廳食自助晚餐 歡送 2022 迎向2023 希望新的壹年 欣欣向榮 。 餐廳重開出品保持水準 有 清蒸龍蝦 海膽魚子醬壽司 天掃羅 海參炆花膠鵝掌 曰式磯煑鮑魚 燒鰻魚 蒸大石班 烤羊架燒牛肉 可惜沒有生𧐢 各式甜品 自制雪糕等 全部都不斷供應 食到很飽 食物壹流 保持麗晶品牌壹流的出品 訂位已滿到19/1 晚餐 二月份情人節已開始接受訂位喇如要訂位請快快打電話預約 情人情14/2/2023 時間分兩段 17:30-20:30 頭輪尾輪為20:30-23:30 消費約$900-1000 元壹位…查看更多

世事難料，本來安排了在香港迪士尼酒店慶祝結婚周年紀念，並且一拼訂了情人節 Pizza Cooking Class、「翠樂庭」自助晚餐、第二天的入場門票 ⋯⋯ 但全部節目被肺炎疫情一炮打散！迪士尼樂園暫停開放、Cooking Class 也跟著取消了，在什麼娛樂也沒有的情況下，索性酒店預訂也取消。事出突然，決定改去 Intercontinental 的「The STEAK HOUSE」，試試信用卡的 Set Dinner 買一送一推廣；但碰巧發現原來 Intercontinental 正在進行《Moreish Friday》推廣活動，晚市自助餐 65 折！雖然香港政府呼籲盡量減少聚餐，尤其是自助餐，但優惠實在非常吸引，決定改食自助餐。如果換了是正常日子，只提前一個星期左右預訂的話，肯定無論是「The STEAK HOUSE」或「Harbourside」也沒有可能成功，但此時此刻，又作别論了！當天晚上，矚目所見，整間餐廳只有不到10枱客人！場地內的每一個 station 都不用排隊，各款美食皆可以慢慢揀，不用擔心被其他客人捷足先登、全部搶光。實在有點唏噓，「Harbourside」一直貴為全香港最貴的酒店自助晚餐，連加一服務費成人每位要接近$1000；今日即使有優惠價（連加一服務費約 $675，但必須要預先全數付款），竟然也只得疏疏落落的幾枱客人！肺炎疫情對香港人的心理影響之大，可想而知。共有幾個不同的 food station。麵包、cold cut 及芝士、沙律、刺身及冷盤海鮮、甜品，及一字排開、長長的熟食區。麵包、凍肉及芝士區款式較少。Cold cut 有四款：spicy salami 鹹香味濃、Pastrami 煙燻黑椒牛肉軟腍牛味濃、較少在自助餐見到的中式滷水牛𦟌、還有高級自助餐不能缺少的原隻西班牙火腿。雖然只是Serrano ham，論身價及油潤甘香及不上 Jamon Iberico Bellota；但 Serrano ham 勝在肉色粉紅、口感軟滑，又有另一番風味。芝士有四款：法國軟芝士 (Brie) 、Cheddar、Goat Cheese 及 Parmesan 芝士磚，各適其適。當然不能缺少克力架 (cream cracker) ，放上一小角芝士就是最簡單又經典的品嚐方法。除了幾盤預制特色沙律之外，自選沙律吧的食材選擇也相當豐富；Salad dressing 及沙律油的款式及口味更是花多眼亂！多年前開始，「Harbourside」自助晚餐的冷盤海鮮已停止供應生蠔，由於在預期內，所以沒有失望；但其他海鮮款式也比較一般，只有翡翠螺、松葉蟹腳、麵包蟹、蝦、小扇貝、青口，竟然龍蝦也沒有？原來有原因 ⋯⋯ 至於刺身也只是自助餐常見的鮭、鮪、油甘、赤貝及甜蝦。「Harbourside」作為全港最貴的酒店自助餐，賣點其實是熱盤，中式、西式、印度咖哩、日式天婦羅、燒烤林林總總，共有接近30款！而且全部非常好味道，並非其他酒店自助餐的普通質素；還顧香港其他五星級酒店自助餐，印象中沒有一間的熱盤 / 熟食可以比得上。其中有幾款回本菜，當晚人少，可以食完一輪又一輪！迷你原盅鮑魚糯米飯。用了矜貴，並非價錢相宜的大連鮑魚仔，而是罐頭迷你澳洲鮑魚仔。預先炆腍，然後連同已經煮熟的糯米飯、切碎了的竹笙、金華火腿鮮雞上湯放入小盅內，再用大大個竹籠蒸熟。鮑魚腍滑煙韌，上湯濃稠味濃，加上糯米飯綿糯有咬口，結果食了四盅。撇除大大壼的中式老火湯及西式餐湯，重點推介是原盅湯羹，今晚出品是燕窩竹笙蟹肉羹；實在太好味、又足料，又食了三盅。凍盤海鮮缺少了龍蝦，原來用來炮製了更加惹味的烤龍蝦。自助餐的凍龍蝦通常是急凍貨色，凍食的話味道其實一般，很多時甚至會偏鹹，海水味太重；烤熱後更好食，肉質仍然爽口彈牙、亦有鮮味。龍蝦鉗就用來炮制味道更加濃郁的黑椒炒龍蝦鉗。烤羊架肉厚味濃，食肉獸不容錯過。烤牛肉也有兩款，不過就一定要集中胃納主攻烤澳洲 M4 牛肉；腍滑、肉質鬆化，牛味濃、入口有油香。任食的即煎鴨肝也是另一道不能錯過的回本菜式。每片鵝肝用上一小塊多士加烤菠蘿墊底，既增加香脆口感，微微酸甜的菠蘿也可減輕煎鴨肝的油膩，食多三幾塊也不成問題。甜品款式很多，但由於客人少，擺放得未夠密密麻麻，望過去唔夠搶眼。差不多全部都是迷你撻、或者預先切成細細件的蛋糕，沒有原個切餅。好處當然是方便客人，不會浪費、也不會破壞切餅的外觀；但觀感上就稍為遜色，其實餐廳可以將或預先切好的蛋糕切成三角形，賣相會更加吸引。當然，如果擺放得密密麻麻，就會更加吸睛。洲際酒店名物 napoleon 絕對不容錯過。只可惜太細個了，頂層的新鮮芒果及雜莓又太少；雖然味道一貫出色，但觀感上就很難說得上吸引了。整體來說，論甜品款式的選擇及擺設的吸引程度，洲際酒店「THE STEAK HOUSE」的 weekend brunch 更勝一籌。不過，「Harbourside」卻有一個不容錯過的甜品：新鮮出爐的 soufflé，也是整晚唯一需要排隊輪候的甜品。每次出爐之前，侍應生就會提前通知客人出去排隊；當晚客人少，排隊也只需2分鐘。朱古力噴泉及雪糕當然唔可以缺少。朱古力噴泉有四款配搭材料：棉花糖、啫喱糖、蜜瓜及 士多啤梨。雪糕就有四款口味：檸檬青檸雪葩、海鹽焦糖朱古力、薄荷朱古力及雲呢拿。「Harbourside」自助晚餐的正價接近 $900，兒童價也要 $628，即使信用卡有 15%~20% 折扣，其實很貴、唔抵食，尤其食量少的朋友，就更加唔抵；況且在正常日子，所謂回本菜或貴價美食，更加要排隊輪候。不過，以自助餐來說，食物質素又的確相當不錯；所以，只要小心一些，實在值得在近期利用《Moreish Friday》的推廣光顧。反過來說，如果收取正價，個人就認為「THE STEAK HOUSE」的 weekend brunch 更加吸引。（註：「Harbourside」面積很大，現時的客人又非常少；其實在此吃自助餐的「危險性」，應該較在其他餐廳酒樓吃飯更抵？！）（後記：估唔到酒店提早在四月下旬暫停營業，進行全面裝修，之後會用返原有品牌 Regent。慶幸可以在  intercontinental  結業前，終於品嚐了全港最貴嘅酒店自助餐。唔知道2022年用 Regent 品牌重新開張之後，是否可以重奪最貴酒店自助餐的名號？）…查看更多

疫情下酒店buffet少左人敢去食...所以洲際酒店每逢星期五都會有online special offer,一向好鍾意食buffet既我終於忍唔住去試一次佢既brunch la, after 30% discount with free flow alcohol drink, $14xx for 2Well..結果我諗返其實同樣既價錢可以有更多既better choice 🤦🏻‍♀️🤦🏻‍♀️🤦🏻‍♀️Grilled lobster 完全唔掂，乾到一個點helppp黑毛豬火腿唯一可以encore既野，唔太咸👍🏻加埋蜜瓜prefect match...但係食10碟都唔會回到本lor.....甜品種類都多...但搵唔到樣特別出色好食既🤦🏻‍♀️🤦🏻‍♀️咁焗法點會唔乾先？！ 沙律菜...都有貴價菜...但都係果句食10碟都唔洗$700.....Dessert 個樣係ok....味道都係ok....only洋蔥湯....幾好飲，但千祈唔好加吐司....好飽唯一好食既hamssss and melonMovenpick 雪糕....都係咁啦結論都係果句同樣價錢我唔洗幫襯佢...仲要discount左、冇discount就更加唔抵😑😑😑…查看更多

洲際這個自助餐中的明星，聽了好久，又做了好多次research, 一直是想試但又沒有特別原因要去試，但就在早幾天，收到同事的訊息，這間酒店要在即將的大裝修中，遣散大部份的員工了！！而裝修後亦會改回原名--麗晶酒店！。。。感覺很是可惜，畢竟在這個肺炎疫情底下連大機構也是走的很艱難立即想到，是不是要看看有沒有位可以一嘗它的自助餐到底如何，發現星期六日假日基本上無論午晚餐都已full了，但平日的還有一些位，有理冇理就book左先! 聽聞晚上較昏暗，又想一嘗它的景色所以選了午餐！！其實也不知道出了這個新聞消息後還會不會繼續正常做生意呢。就這樣過了幾天，收到酒店confirm通知，今天，有點期待的去試了進了酒店一落樓梯到餐廳的感覺很好正值幾天的下雨天後的這天，是風和日麗的下午，落地玻璃外面是星光大道的其中一部份，旁邊是新簇簇的購物商場，雖然不是直接坐在窗邊的座位，但也很開揚。而且在最近政府有關疫情的新規定，餐桌有距離限制，應該較之前是闊落的，大家在每次離枱時亦要帶上口罩，亦較平時衛生被安排坐近甜品的區域相較很多酒店自助餐的甜品，實在是琳瑯滿目，尤其只是午餐也較某些自助餐的晚餐優勝，款式多，只是看已賞心悅目！先嘗試熱葷，主打牛扒不錯，一大隻的燒羊腿片開還是不夠平時的逐件燒羊架好食，沙爹雞串可以要很多串去滿足平時要逐串計粟米蟹肉湯忌廉味較重但都好喝，海底椰湯都清甜。馬來西亞炒意粉很好味每人一坐下會有1杯welcome drink, 可選果汁汽水或fruit punch, 果汁是紅莓汁奇異果汁橙汁還有其他忘記了餐後另外還有咖啡或檸茶:)壽司刺身款式雖不多但也不太馬虎，冷盤海鮮有長腳蟹麵包蟹蜆螺凍蝦青口，味道正常都算新鮮，refill速度亦有誠意但熟食的黑椒龍蝦與避風塘炒蟹好像更合我口味也有些自家特式小食如松露蟹肉撻，蟹子燉蛋，魚子蜜瓜湯等等:)好了好了，到甜品了，自己一個吃了一大碟西餅拿破崙+3球雪糕其實有很多很多款還沒有試但肚子實在再裝不下了，食完呢餐飽到晚飯也沒有吃侍應的人數很充足，服務非常細心，會主動幫忙客人，雖然即將散席也沒有馬馬虎虎，希望疫情好轉一點，酒店會請回他們回來工作呀總括來說，匯豐恒生ae或渣打有85折後$4xx一位的一個午餐，就是環境服務，加上食物多款味道不錯，已值回票價了！…查看更多

聽說要全間酒店close裝修30個月星期六抽起條根同朋有一齊黎Walk in 冇訂位好好彩有人no show 所以有幸食到✌🏻以為疫情嚴重冇咩人啦結果都full House，當然仲要加埋1.5米距離，所以能夠招呼嘅客人更有限所有食物水準都合格以上，好平均星期六lunch 都有好幾款海鮮，全部都鮮甜好食，甜品款式勁多，最開心仲有一杯welcome drink 作為一間老牌子嘅星級酒店，佢依然有佢嘅氣派，員工服務質素都非常有禮貌及細心希望裝修之後還可以擁有咁高嘅質素…查看更多

疫情下政府剛實施左4人一枱既情況下，今年生日選擇咗黎到港畔餐廳🎂過往洲際既甜品係都比我感覺係比較大件同埋比較遜色😞係服務上係好好，選擇呢度主要原因都係有大落地玻璃望到維港既景色，因疫情關係做緊75折，但今次比我印象係比較差既一次，冷海鮮品種少左，係訂枱時講左冇生蠔🦪我都有心理準備，但來到原來龍蝦都冇左😣只有係熱食既扒龍蝦，食到9點左右，都冇咩好選擇，想再飲多碗燕窩羹，點知拎到返黎發現都唔夠熱，開始凍左😞實在有點失望，如果以折後$763.x咁既價位黎食，實在唔值！黎咁多次，今次係最最最失望既一次！餐廳雖然規定左只可以坐一半食客，客人係少左，但係一間咁樣級數既酒店就唔可以做到品質咩？！最後祝願世界各國疫情盡快受控，希望唔好再有咁多人因疫情而死亡！祝福❤️🙏🏼…查看更多

上星期有快閃優惠，有即減400 既coupon code仲抵過之前65折～～白色情人節又用得，當然要試下依間出名又貴又有景既buffet6 點開始，我地大約6:15到，安排既座位唔係正面對海，但都望到對面景色見到人人手拎一碗燉湯，所以我地又點知一開蓋。。。個牌仔寫住蟹肉燕窩燉湯，燕窩係中間有一撮仔但我地撈勻成個湯都見唔到蟹肉。。得d 勁碎既竹笙碎:(一筆落去，乜料都筆唔到甘。。。第一碗湯已經甘樣，即刻留下壞印象之後本身一定係食蟹腳，點知得番勁瘦弱d 腳仔係個大兜度。。。諗住等refill...點知再也無refill 過！！！仲滿心期待refill 既時間先食下其他凍食，左面係煙三文魚，絕對好食過佢d 三文魚魚生，魚生食左幾款都係無咩味。。係咩味都無，無魚味 無海水味其實唔止魚生，面包蟹亦都係甘，我最後見到無refill 蟹腳，都夾左兩條腳仔，反而蟹腳係有味，唔錯，可惜太瘦無咩肉:(之後就食熱食，龍蝦都係無味。。蟹鉗就有d 汁先有味，魚正常，右上就係無味既面包蟹唔明點解佢地d 海鮮都係無咩味。。，片皮鴨正常，鴨味好重，鮑魚糯米飯好食，鮑魚夠味又彈牙其他係正常水準最出色既天婦羅無影到，但得蝦一款，真係好食，其他熱食都無咩特別好快開始食甜品， 因為凍食唔refill, 熱食普通，唯有轉攻甜品，睇落甜品款都好多，似係無cut拿玻侖夠酥脆～但都係輸比九龍同八度大部分甜品都係偏甜左d, cheese cake 芝士味差甘d生果全部都唔甜，偏酸夠鐘有侍應打鐘就知梳乎厘出爐，熱辣辣夠鬆軟又唔甜，真係唔錯當晚星期六只有七成滿到如果洲際唔係一間出名五星級酒店，用將貨就價會心理平衡d, 如果原價加一成千蚊連蟹腳都唔refill, 真係完全唔會回頭其實依家五百幾蚊，五星級酒店連蟹腳都要省皮，都永無回頭黃金五百幾有燒野食，凍海鮮refill 點都好過佢…查看更多

同事升職，請左成team去食buffet，正，仲請左我地食洲際既晚餐buffet。聽番同事講原來洲際做緊promotion，有六五折buffet，唔怪得果日都full house。洲際個buffet係最底果層，一落樓梯就見到落地玻璃，隔離就係星光大道同維港，無得輸！淨係食景都正！入到去觀察下有咩食先。佢有凍品區如海鮮、沙律、壽司等等。有帶子、蟹腳等等，好大隻嫁！無限refill！又有即製區，會即燒和牛、鵝肝、天婦羅，會排晒長龍。另外都有個細細既熱莗區，鍾意食熟食既人一定好失望，因為種類好少。佢既甜品區唔會令人失望，d 甜品好多元化，cake好decent，打卡一流。另外佢亦有即制區，又係好多人排隊。好，等我講下我影既食物先。有蝦、龍蝦同鮑魚蛋白。龍蝦比較硬，難開。建議食鮑魚蛋白，比較岩懶人。依碟唔洗講😆超級正，必食鵝肝同翅，都係必食，高質。D cake好靚，必食佢既拿破崙。總結，依餐都食得好開心，個景都好靚。不過依間buffet既食物區較細，種類比同類型buffet較少。雖食物也高質素，但我如果為了食物，會選擇比較多熟食的餐廳。…查看更多

現在逢星期五，洲際在網上商店購買6折晚市自助餐，那時候購買自助餐券，真的便宜很多。食物有水準，款式多樣化，而且侍應服務態度很友善、積極。環境亦很讚，全視野的大玻璃，維港景緻盡收眼底，邊看維港的日與夜邊進餐，簡直是賞心樂事!昨晚是婦女節，食物款式與我2星期前的星期六食過的差不多，是有一點點改變了，例如鮑魚蒸蛋變鮑魚糯米飯，雖只是一點點，但已非常飽的情況下，連飯同食，變得非常飽。鴨肝煎得香口，放了一小片菠蘿，nice!雪場蟹腳鮮甜，不是間間自助餐都有提供呢!鮑魚雖小但鮮甜，可惜香草羊架及燒牛肉看似很美味，但食落非常靭，不知是否太生還是肉質問題呢！炸蝦天婦羅，熱辣辣，皮脆又薄，高質!現在做買2送1，總的來說，$660/人，性價比高!…查看更多

360°維港海景，侍應服務態度非常好，仲送蛋糕仔同埋甜酒，有信用卡優惠，折左都唔駛800蚊一位，呢個價錢比其他酒店buffet,真係好抵，d 野全部都好好食～下次再有慶祝都可以去食多幾次！…查看更多

食咗好多頭盤之後終於肯去食啲熱嘢落肚😂老公拎咗個喇沙嚟試個喇沙湯底好濃好香椰汁味但個麵就淋咗少少啲餸又無乜特別😂如果share食都可以食吓自己一個一碗就唔建議啦留返個肚食其他更好味嘅嘢再嚟係灌湯餃超普通超普通超普通個湯又無話好好飲酒樓貨色可以唔洗試海南雞飯直頭難食👎🏾啲雞超老乾柴咁應該係因為一路熱住所以老晒如果真係好想食海南雞可能一開波就拎嚟食會嫩啲......啩呢個魚無名唔知係咪沙巴魚柳嚿魚都幾滑嘅個汁微辣 幾醒胃可以食細細嚿一試彈完一大輪講啲好味嘅啦個燒牛肉都幾嫩5成熟咁食落亦都好有肉香個豬手超淋超好食🤤厨師哥哥仲會主動幫手拎食物問我要唔要埋皮我揀咗要嘅🤣因為望落個樣實在太入味喇成嚿豬手入口即溶無豬臭味呢個要試！呢個金沙炸蝦我encore咗兩次！好香咸蛋味新鮮炸起熱辣辣又脆又好味即使之後encore嗰兩轉無咁熱但都仲係好脆口蝦肉又彈牙必試！辣酒花螺都幾辣個螺又唔會太細隻好入味呢啲喺屋企唔會整嘅餸可以食多兩隻🤣南瓜湯好creamy清甜食到少少南瓜肉可以試少少-老公仲試咗個炒麵佢話炒得好爽身 幾好食我見到對面檯個男士食咗兩大碟😂可能真係好好味但我唔想嘥quota喺澱粉質上所以就無試了整體熱盤水平中上啦好食嘅嘢多過中伏嘅嘢始終不能對自助餐嘅熱盤太高期望🤫下次share埋超多款式嘅甜品！…查看更多

上次講到食完重中之中嘅凍海鮮又試埋啲刺身壽司接下來就要食返啲纖維落肚😂其實沙律嘅款式都算幾多溝好嘅好似有成六款不過現場實在係有太多好嘢食所以我淨係揀咗個有我至愛嘅羽衣甘藍嗰款嚟試(細細聲:羽衣甘藍喺超市買都幾貴㗎🙈)呢個羽衣甘藍蘑菇豆腐沙律好特別Fusion菜咁豆腐好似中式齋鋪嘅硬豆腐咁好香黃豆味啲菜夠晒新鮮爽脆就不在話下混喺入面嘅核桃都無浸到淋晒咁樣係咪可以証明啲沙律係每日新鮮製造唔係雪櫃貨？🤔Any肥 個沙律將羽衣甘藍同豆腐完美結合味道好食又新奇呢個區域嘅凍盤我就無試聽到隔籬檯話右下角個南瓜凍湯幾特別大家個肚有位又有興趣嘅話不妨一試然後就到火腿同芝士喇！個辣肉腸肥瘦分佈好均勻食落口有咸香有肉味個西班牙火腿就超重煙燻味又唔肥啱晒我呢啲重口味人士嗰塊中式牛𦟌滷得非常入味唔會得個死咸有誠意之作至於芝士我就鐘意軟芝士嘅所以就試咗呢兩款Brie同EdamBrie嘅口感真係好軟綿綿聞落有淡淡嘅奶香但食落就無乜奶味所以我就咁食 享受佢軟綿嘅口感至於Edam嘅味道就稍稍強一點加埋塊餅同提子一齊食啱啱好如果你同我一樣接受唔到blue cheese嘅剛烈但又想解吓鋪芝士癮呢兩款都值得一試之後就到麵包喇🤩可能有人會覺得好傻食buffet竟然食麵包呢啲咁飽肚嘅嘢但我真係太鐘意食麵包喇(如果你有睇開我嘅食評就會明😂)所以點都要分啲quota俾佢哋仲要一試試三款🤣先講吓個麵包條好香好脆啲意大利香草味道同佢脆脆嘅口感好夾仲有少少似細個成日食嘅芝士棒而上面嗰個白啲嘅鮮奶麵包係老公大力推薦嘅佢食完話好好食叫我一定要試麵包確實係非常鬆軟但當然唔係X心空氣包嗰種空虛啦個包同牛油係夾但我就食唔到包嘅鮮奶味加上鬆軟口感係老公杯茶並非我愛之物所以個鮮奶麵包我唔會大推😆純粹個人喜好然後個迷你什榖包就正中我心意喇😍咬開真係有好多唔同穀物係入面例如南瓜籽等等成個包有咬口得嚟又唔係要”齒”開嗰種你要用多啲心機同時間細味個包嘅麵粉香氣同時間啲穀物又可以帶crunch嘅感覺俾你呢個包抵食！(雖然食完明顯feel到飽咗兩格)-下篇分享好多自助餐都會做得較遜色嘅熱盤究竟呢間嘅熟食又食唔食得過呢？🧐…查看更多

經濟不景氣好多餐廳同酒店都大力推出折扣優惠今次發現港畔餐廳嘅lunch buffet折完連加一只係300幾蚊一位實在係太抵🙊所以我同老公忍唔住要去試吓-一入酒店門口職員會量體溫食都食得安心啲放眼望過去成個lobby都無人🙈講返個餐廳嗰日全場得10檯客以內不過都係檯貼檯咁坐清楚聽到晒隔籬檯傾偈嘅內容😂我唔係話要人哋開個back area俾人坐只係當日食物區域嘅前面其實仲有好多吉檯如果可以坐疏少少就會更完美不過侍應哥哥同厨師哥哥們嘅服務都是好好的所以相信呢個只係無心之失安頓好之後侍應哥哥就問我哋要咩welcome drink我揀咗kiwi juice 老公揀咗fruit lover聽到隔籬檯問啲果汁係咪鮮榨😂侍應哥哥話除cranberry juice之外orange juice同kiwi juice都係鮮榨杯kiwi juice唔會太酸仲咬到果肉 我鐘意😍老公杯fruit lover都好refreshing 啲味好夾呢個lunch buffet有好多嘢食相信要分好幾篇先可以分享得晒🤣今次講吓啲凍海鮮同壽司刺身先凍海鮮嘅選擇有:蝦青口蜆蟹腳麵包蟹每樣都拎咗少少嚟試全部都無令人失望☺️個麵包蟹真係好高cp值！勁多膏！仲要超新鮮食落好creamy超正個蝦我同老公食咗total 6隻每一隻都又大隻又新鮮彈牙蝦頭有膏流出嚟嗰種蟹腳又係好多肉海水味又唔會太咸恰到好處個蜆同青口又係好新鮮仲有淡淡嘅海水味本來想encore多次麵包蟹不過最後都係忍住咗🙈廢事膽固醇超標同食唔落其他嘢-然後過去個壽司同刺身檔睇吓先我平時食buffet係唔會食壽司嘅因為唔想嘥quota食嚿飯落肚同埋多數buffet嘅壽司都係又硬又大嚿超難食中過多次伏之後就不了😓不過今次港畔嘅壽司賣相實在太靚仔啦所以我夾咗兩嚿返去老公一見到不禁驚訝地問:你竟然食壽司？😨🤣壽司嘅飯粒唔會擺得太耐搞到乾晒有醋香Size仲可以一口一啖上面塊刺身亦都非常新鮮食完兩嚿都唔會後悔分咗肚皮嘅一個角落俾佢哋😂刺身亦都非常新鮮個三文魚尚算肥尾個赤貝嘅咸鮮味亦人印象深刻總之就係好好食！由於每一篇食評都只能放最多12張相但我有好多嘢想分享😂講咁耐連頭盤都未食完！所以只能下回再續嘍！…查看更多