港畔餐廳 (已結業)

星期五清假，就同朋友搵個lunch buffet歎下。一入到去餐廳，對住個維港景色，天朗氣清，心情即時輕鬆曬。坐底就叫左杯welcome drink先，我要奇異果汁，朋友要蘋果薑汁，兩杯都清甜水果味。冷盤有蝦，長蟹腳，麵包蟹，龍蝦仔，蜆，青口。全部都好新鮮,長蟹腳蟹肉飽滿鮮甜，麵包蟹蓋爆膏，甘香。沙律亦都有好多選擇，另外有Parma ham, 但略咸。熱盤有咖哩，避風塘海鮮，蒸魚等，最特別有灌湯餃，仲要幾好食。其間仲有師傅煮芝士意份出黎派俾食客，意份面仲要加大量碎芝士，真係芝士控必選。甜品亦有好多選擇，色彩斑斕，睇到都開心。size 細細，可以試多幾款。芒果拿破崙同蝴蝶酥都好鬆化，綠茶／紫薯蛋糕香軟。配埋杯凍檸檬茶，咁就過左個悠閒既下午勒。